[ام مهدي 03]

نبداو على بركة الله
عجينة المسمنات كامل تعرفوها. تتعجن مليح وتتحط مدة معينة حوالى من نصف ساعة الى ساعة
بعد ماترتاح نقسموها الى كويرات كيما نقولو نلوزو .لكن الكريات يكونو كبار على نتاع الشخشوخة .نخليها ترتاح حوالى 10 دقائق ونبدا نحل بالواحدة باليد كيما الصورة



ندهن بالزبدة ذايبة ومن الاحسن تكون مخلطة بين زبدة التوريق والعادية
نرش شويا دقيق لانة يشرب الدسم ويمد البنة
نقسم الدائرة الى شرائط بعرض حوالى 2 سم
نبدا نرولى كل شريط ونحطو فى الشريط التانى ونزيد نرولى وهكذا




وهذة النتيجة بعد ما انتهيت من كل الشرائط

نهبطها براحة اليد ونخليها ترتاح

لما ننتهى من اخر واحدة نحط طاجين الشخشوخة على الطابونة ونشعل النار تكون ناقصة لكن ماشى بزاف كيما طياب الشخشوخة
نحل كل واحدة ما شى رقيقة بزاف لكى تحافط على التوريق
ونبدا نطيب

فى الطياب ندور المسمنات وما نكثرش التقليب

هذه النتيجة بعد نهاية العمل
واش رايكم؟