[*وردة الشرق*]

مساء الخير على حراير الجلفة جبتلكم اليوم طبق لديد ميتقدم في المطاعم تقدري تحضريه ببساطة





المقادير :

صدر دجاج -نصف كاس ارز مفور -1كبدة الدجاج -ملعقة كبيرة طماطم معلبة - بصل -توم

التوابل : كل التوابل راهي مرحية غبرة ادا كانت ماعندكش استبدليها بالطازجة لكن ديريها في المهراس يعني ترجع درسة

نصف ملعقة صغيرة من كل نوع : توم -دبشة _ معدنوس -زعفران -فلفل عكري حلو

التحضير : شرشمي الارز نصف طياب وقطريه مليح من الماء

-قصي الكبدة تاعك رقيقة خلاص قليها مع ملعقة زيت والبص والتو ونصف ملعقة صغيرة طماطم وملح وفلفل اسود بعدها ضيفي نصف كاس ماء للحصول على صوص اضيفي الارز امزجي ورفعي الخليط عن النار لازم يكون شوي ناشف مش جاري

-نرجع لصدر الدجاج اقسميه في الوسط زيدي اقسميه على اتنين جيبي الحلال اضربيه فرغي فيه الغش حتى يصبح شوية رقيق ملحيه وفلفله حطي كمية المناسبة من الارز رولي اللحم عليه اربطيه بالخيط وجيبي السلوفان افتحي كمية لاباس بيها ضعي الدجاج فوقو حضري التوابل

ملعقة صغيرة زيت +التوابل كامل +ملعقة صغيرة عسل
-ادهني الجاج تاعك بالتوابل غلفيه وتعاملي معاه برفك احكمب الاغلاق باه ماتخرجلكيش لاصوص

حطي كاس ماء سخون في الكوكوط حطي الصدر المغلف واقفلي الكوكوطعلى نار دليلة بلاما تصفر لمدة نصف ساعة

-بعدها خرجيه حطيه في صحن افتحي السيلوفان وحتفضي بالمرق

-ادهني الدجاج بالزبدة حمريه في الفور او في المقلة او في الشواية مثل مايناسبك لكن حمريه على نار قوية لياخد الون الدهبي

-اتركيه يرتاح قليلا وقصيه قدميه مع البطاطا مقلية او بيري

-(ملاحظة : ادا كنت مزروبة حطي 2 كيسان ماء في الكوكوط بدل 1 وخليها تصفر على نار متوسط لمدة 15 دقيقة )

نترككم مع الصور ولادى مسحو الصحون هاداك اليو بصحتكم



















انتظر ردودكن