في الحقيقة هذي أول مرة نحط موضوع و إن شاء الله نكون في المستوى و بما أننا في فترة إمتحانات ففضلت نحضر هذا الوصفة للولاد باش نشجعوهم للوصفة هذي نحتاجوا إلى عجينة و حشو مقادير العجينة في الاول نحضر الخميرة , نضع قليل من الماء الدافئ مع ملعقة سكر و ملعقتين خميرة فورية و نغطيها و نخليها 10د نخلط 600 غ فرينة مع 3 ملاعق زيت ثم نضيف 2 بيضات و نضيف 2ملاعق حليب بودر و نضيف الخميرة و نكمل بالماء الدافئ المنحل فية الملح ندلك العجينة قليلا حتى تصبح ملساء و نتركها تختمر بالنسبة للحشو نحتاج إلى لحم مفروم طايب مع البصل و الملح و الفلفل أسود و المعدنوس و صلصة الطماطم تكون ثقيلة و الجبن المبشور نحل العجينة و نقطعها دوائر , وفي وسط كل دائرة نحط قليل من الصوص ثم لحم مرحي ثم جبن مبشور نغلقها و نتحصل على نصف دائرة (نحكم إغلاق الاطراف ) نوقف هذه النصف دائرة و نجمع الطرفين مع بعض ندهن صينية من الافضل تكون دائرية و ندهنها بالزيت و لكن بسخاء و نحط المعجنات على شكل دائري نعاودوا ندهنوها بالزيت و بسخاء لان الزيت عندما تتشربها العجينة عند الطهي تخرج هشة و لذيذة بزاف و ندهنوها أيضا بالبيض و نتركوها تخمر ساعة إلا ربع ندخلوها فرن ساخن على درجة 220 كيما قلت هذا أول موضوع ليا إن شاء الله نكون واضحة في تقديم الفكرة و تكون عجبتكم لانها فعلا رائعة و أي إستفسار راح نجاوب فقط إذا غلطت ساعفوا أختكم دعوتكم لي و كل أهلي و خاصة والديا