البسملة1 اليوم جبتلكم السفنج عندي معاه حكاية طويلة و الله جربت شحال من وصفة و مخرجليش كيما كنت نشوفو بصح هذي المرة فتششت في عمي قوقل واش نقوللكم و الله كثر خير وحد المروكية حاطة فيديو عليه و جربتو و خرج كيما تاعها و كيما اللي كنت حاباتو منطولش عليكم ديرو رطل فرينة + ملعقة كبيرة خمارة الكسرة + ملعقة صغيرة سكر + ملعقة صغيرة ملح + ماء دافئ أنا كل منخدمو ندوبلي العبر لخطرش عايلة كبيرة خلطي كل المقادير مع بعض ثم كبي الماء بشوية حتى يولي العجين مطلوق إبداي تخبطي العجين حتى يولي كتلة واحدة هذاك الخبيط يدخل الهواء و مليح ليه الخبيط ميديش وقت بزاف أنا ندير 10 دقايق برك خليه يخمر من بعد هات سنيوة إدهنيها بالزيت و إبداي تقرصي بشوية وجدي زو ج مقلات و حدة حطي فيها قد 5 ملاعق زيت و الأخرى كثري هزي خبزة و ديري ثقبة و حطيها فالمقلة بصح متوشيهاش خلاص خليها حتى تشوفيها حمارت إرفديها و حطيها فالمقلة الزاوجة بصح متقلبيهاش حطيها نفس الجهة و خليها تزيد تتحمر من بعد إقلبيها السر في النجاح تاعو فالقليان كي تحطي الخبزة متقيسي عليها زيت م تقلبيها ثم ثم و العجين خلوه مطلوق مليح هو ثان إخلي السفنج خفييييييف و الله جربو هذي الوصفة و تيعو واش قلت تشوفو السفنج كيفاش يخرج نخليكم مع الصور جربوه و ادعولي بالخير و لكم بالمثل هذا فيديو الوصفة زيدو شوفوه و اللي خايفة ميصدقش النتيجة قدامها https://www.youtube.com/watch?v=fjuxni0xupq