[nina.imy]

المشاركة الأصلية كتبت بواسطة foufamara

ما شاء الله و لا اروع انا معقدة من المادلان درتهم

كامل ما نجحوليش الا تاع الهام 07 الوحيد لنجحلي و لكن حمستيني باش
نجرب تاعك لكن راح نعييك باسئلة اعذريني



1- المعجون في الوسط يعني نحط شوية خليط و فوق شوية معجون و من فوق شوية خليط كي الحشو ولا نفرغ الخليط مرة وحدة و المعجون فوق
2- شحال نطيب الدرجة و الوقت
3- نحط الفوق كامل ولا في الوسط
4- نشعل النار ملفوق
5- هل نسخن الفرن من قبل



راني حشمانة منك كثرت على ما وصاوني

مرحبا بيك اختي وانا مستعدة نجاوب على كامل اسئلتك فيما يخص المعجون كي نعمر ليكيسات كامل بالخليط نحط فوق كل حبة ملعقة صغيرة ماشي معمرة تاع معجون بلا منزيد فوقها خليط العجين بصح حطي في الوسط تماما اما بالنسبة لدرجة الحرارة ندخلهم الفرن على درجة 180 لمدة 10دقائق ثم نقصلو ونخليه على درجة 150 د حتى يحمار و يطيب بلا مانشعل عليه من الفوق ونحطو في الرف الثالث والفرن يكون مسخن من قبل نتمنى اني نكون افدتك وشكرا