السلام عليكن
اليوم طيبت تارت بالليمون بطريقة من اختراعي
كي خرجت شابة قلت نشارككم الوصفة
الوصفة سهولتها تكمن انك طيبي كلش على جيه
بالنسبة للعجينة
٢٥٠ غ فرينة سيم
ثلاثة ملاعق الى ملعقتين سكر مسحوق لي هو سكر قلاي
نصف ملعقة خميرة الحلوى
١٢٥ غ مارغارين طرية انا استعملت خليط مارغارين ماني وصالحة الخاصة بالتوريق
نبسس النواشف جيدا ونلم بالبيض العجينة
نتركها ترتاح
بالنسبة للكريمة
نعصر ليمونتين متوسطتين
نضيف الماء حتى نتحصل على كوب ونصف نضيف ثلاثة ملاعق اكل مايزينة والسكر حسب الرغبة
نطيبو الكريمة على حمام مائي
لما تبرد الكريمة نخفقها بالباتور باافة اربع صفار بيضات وملعقة كبيرة مارغارين واربعة ملاعق اكل لحظة ومبشور ليمونة
بالنسبة للميرانغ
نخلط اربعة بياض بيض مع رشة ملح
نضيف ارلعة ملاعق سكر ومبشور الليمون
نبسط العجينة في سنيوة مدهونة نثقبها بالفرشيطة نضيف الكريمة باردة
والميرانغ
ندخلها لي لرن مسخن مسبقا تلى درجة حرارة ١٦٠
كي تشوفي الميرانغ انتفخت
نقصي للفرن الى ١٢٠ درجة باش طيب العجينة وتتحمر
كي نقسمها في اليهرة نصورهالكم ان شاء الله
رائحة الليمون رائعة