بتعرفو كلكم انو نظام الاردن تقريبا غير عن باقي الدول ومنهاجنا تالت اصعب منهاج فالعالم يعني منيح منا انو مننجح
مرة كنا بحصة العربي وزهقانيين كتير يعني اللي نايمه واللي بتخربش عالدرج واللي بترسم على ايدها و هيك و كان في بنت اسمها اولغا (اسمها روسي) قاعدة تقص فمقلمتها من الزهق واللي جمبها(نور) بتحكي مع اللي وراها بعدين المس بس شافتهم عصصصصصصصصبتتت وصار وجهها احمر وبهدلتهم ونادت المديرة ومديرتنا عمرنا ما شفنا زيها كتيير عصبيه
المهم دخلت الصف و بكل هدووء (اسغربنا) قالت :انا رح اخلي كل معلمة ترشح اشغب 3 بنات بصفكم و هدول رح ينطردو وكان في بنت مشاغبه كتير بالصف اسمها فاطمة سعاده وهادي بتقرب لخالد مقداد واهلها يطلعو فانشودة قال سعيد بس هيه لأ...ترشحو نور و اولغا وفطوم وراحو للاداره واجت ام فطوم وصار مشكلة كبييرة كتير مو بس مع البنات ال3 لكن مع كل الصف وراحو كل الحصص وما اخدنا ولا وحده وكان كل ما معلمة تدخل نحكي في الموضوع حتى في الحصة الاخيرة دخلو كووول المعلمات و المديرة وقررو انو كلياتنا نوقع تعهد وانا ما كان الي دخل يعني ليش اوقع تعهد روحت عالبيت و انا موعارفة شو احكي لماما وبالآخر حكيتله و باليوم اللي بعده ماما اجت عالمدرسه وحكت للمديرة وصار وجهها احمر (يا الله الخجل) وبعدين بعد ما اتشرشحت المديرة دخلت الصف وحكيتلهم ..كلهم صارو يصرخو ويطبلو ويغنو ويرقصو وكان الصوت عالي وطبعا انا معهم دخلت المديرة وماما وصرخت المديرة :والله العظيم اللا توقعو التنبيه وماما وراها اه والله بتستحقو على هيك صف عمري ما شفت زيو بعدين كلنا صرنا نضحك وانا شوي انحرجت عشان ماما ولليوم وهمه ناسيين امر التنبيه هههه