السلام عليكم اختي
راكي عارفة راكي تزيدي البنزين للنار اختي شوفي هذي بنتك عامليه برفق صح الوضع صعب وخطير ومازال صغيرة وربي يبعثلها مكتوبها لكن ماش بالتهديد راكي عارفة الضغط يولّد الإنفجار إنت تحبي بنتك تتزوج بالحلال او تهرب وكاش ما ديرلك راهي في سن حرج لازمك تسايسي معاها إنت قرّبي ليها حوالي تحكي مع الشاب وحدك هو يخليها احكي معاه فهميه يبعّد على بنتك ويخليها ولكن اختي نسقسيك إنت قلت عائلتو ما قلتيش هو ماشي مليح علاه تدوه بذنب عاءلتو ممكن هو صالح أشرطو يكريلها وما يسكنهاش معاهم كان زوجك رافضو تماما الامر صعيب لانو بنتك متعلقة فيه إنت احكي معاها وما تزيريهاش قادر هو يجذبها ليه بالحب والحنان وإنتوما تزيروها تبعو وتروح معاه وثم الكارثة ونتاع تقولي لباباها هي صح من الكفروض يعرف ولكن حاولي إنت تتصرفي اولا كان بنتك أصرت خليها بينها وبين باباها ولكن تخافي كاش ما دير ربي يهدي سرها يا رب