[منارة الوفاء]

السلام عليكم ورحمة الله تعالى وبركاته

مرحبااااااااااااااا بالجميع

اليوم راني نويت بربي ان شاء الله نعمللكم ورشة مفرش بالخرز بعد عناء كبير لتصفح المنتدى

حبيت نبداو بمفرش من النوع البسيط و الصغير لمعرفة أساس العمل بالنسبة للمبتدئات و امبعد ان شاء الله ننتقلوا للمفارش المركبة من عدة وحدات وأكيد راح توليو فنانات في هذا المجال الفني

وعن نفسي اخترتلكم هاذ الموديل يجي شباب ومتحوف وأكثر من هذا كله سهل جدا

ويلزم نديرو من هذا القياس 4 مفارش يدخلو في لاسيري انتاع كوافييز

امبعد ننتقلو للي أكبر منو

وهذا راني خادماتو من قبل

وهاذو نخلوهم امبعد ونخدمو كيفهم شلو عينيكم برك

نبداو ان شاء الله

بسم الله على بركة الله

الأدوات المستعملة

عقاش صغير (عادي) بأي لون تريدونه......أنا اخترت هذا النوع المموج بعدة ألوان نحس فيه ألوان قوس قزح

عقاش أكبر نوعا ما من العقاش الأول ويجي ينتباع في خيط وفي عدة ألوان وحنا نستعملو 1 من ثلاث أبيض أو فضي أو ذهبي باش يجي المفرش باهي

وهنا صورة العقاش الأبيض و الملون مع بعض ليظهر لكم فرق الحجم بينهما

خيط للعمل وهنالك نوعين فقط من الخيوط التي نعمل بها
خيط الصنارة أو الخيط الي يخيطو بيه الصبابط هو يشبه للخيط الي يخدمو بيه الكروشي وهو حريري بصح يجي صوليد لأنه ميتقطعش باليد وانما بالمقص وصراحة انا أفضل العمل بالخيط الثاني لخاطرش الخدمة بيه اتجي متحوفة وماشي رافدة روحة للسما
ومننصحش العمل بخيط الكروشي لاخاطرش ماهوش صوليد وتقدر يتقطع المفرش في أي وقت ويروح العمل اديالو هباء



صورة أوضح للخيط الثاني

وأخيرا مننساوش الإبرة الخاصة بالعقاش وهي رقيقة جدا ولكن عملية