كي تتخلط و يفيقونا نعاودولهم قانون جديد ، هكدا ديما أحنا نبقوا لفوق نشرعولهم و هم لتحت ديما يبكوا على حقوقهم
كي تزاقا كيما قالها لطفي دوبل كانون ، بدل القانون زيدلهم المنح خليها قضية دراهم ماشي قصية كرامة
و كيما قلت إدا فاقولنا و زقات ، بدل القانون خلاص القانون القديم معادش نخدموا بيه راح نديروا قانون جديد ، و أنتم أبقوا تبحثوا و كي تلقوا ثغرات في هدا القانون رانا نبدلوه و نعدلوه و هي فرات .
أيا ما نطولش عليكم سلام يا رب الموت و الحفرة راهي تستنى ، يا رب ما تخليش قلبي يفسد بهادي الدنيا الخامجة ولا تخليني نظلم ولا ناكل حق واحد و لا نقيس واحد في كرامتوا . على خاطر لي يظلم في حياتوا عمروا ولا راح يعيش مرتاح ولا يعرف قيمة و معنى أنوا الواحد يكون قلبوا مطمئن و نهار تلحق الساعة يبتسم كي كي تخرج الروح على خاطر في حياتوا عمروا ظلم ولا خدع ولا كلى حق واحد .
يا لي راكم تقصروا بالشعب واش راه يستنى فيكم و لو كنتم في قصور مشيدة الموت مدركككم طال الامد أو قصر .
و انا نخليها صح ما عرفتش ندي حقي في هادي الحياة بصح ربي فوق كل شيء العباد تنسى و ربي ما ينساش .