[~ حراير ~]

السلام عليكم و رحمة الله تعالى و بركاته
خاوتي الأعزاء كيف الحال "برد عندكم الجو ؟؟؟ احنا رانا فرحانين في بسكرة اليوم برك وين خطاتنا السخانة .... و الحمد لله على كل حال"
راح نبدأ بيك يا الأمنيات يعني ما قدرتيش تصبري حتان انجاوب أنا الشيخ عبد الناصر و نردلو حتى لو جزء من الألف من خيرو علينا ... رغم هذا راح انزيد حاجة على ما قلتي
إذا أردت يا الشيخ عبد الناصر وضع ردود على 3 مشاركات مثلا.... أضغط على الكيغسوغ على الإقتباس المتعدد الي فوقو فاصلتين في المشاركة الأولى "راح يتغير لونه" و مثلها في المشاركة الثانية .... أما المشاركة الأخيرة التي تريد إضافة رد عليها فاضغط على إقتباس عادي مثل ما نفعل في العادة .... بالمناسبة راني مت بالضحك مش على كيغسوغ لأنها جاتني عادي راني ضحكت على "راكي قصدت curseur قلبت الراء إلى غين كيما الفرنسيس" و في الحقيقة أن حتى الفرنسيس يقولولو كيرسور هيهيهيهيه .... ربي يدومها ضحكة و فرحة و سعادة و هناء لينا و لأمة محمد صلى الله عليه و سلم اللهم آمين

ثاني مشاركة مقدسية ضحكتني كي قالت مدججة و مفخخة .... راني تذكرت أحلام مستغانمي لما علقت على أكل الجزائريين
المهم عزيزتي مقدسية رأي الأمنيات صائب جدا حملي و خبأي ما تحمليه من أفكار و إمتحانات حتى في السنوات الجاية "كان حيانا ربي" لأنه لما يدخل الطفل للدراسة تصبح السنوات تجري مثلا أنا خبأت كل كتب و كراريس ابني الي يكبر أخته ب 3 سنوات و راني الآن نستعمل فيهم
بالنسبة للتدرج يا إما أدخلي لمنتدى التحضيري و السنة الأولى "تحت المنتدى العام" تلقاي ركن كل ما يخص السنة الأولى أو باختصار هذا هو الرابط للتدرج
https://www.4shared.com/document/KnP_Z6hH/____.html
و التحميل في 4shared. ما كانش ما أسهل منه سجلي فيه لأنك راح تحتاجيه بزاف بزاف منا و جاي
لما تضغطي على الرابط
راح تجيك صفحة فيها اسم الملف و فيها أيقونة "مربع أزرق" مكتوب عليه telecharger أو Download
أضغطي عليه تجيك صفحة فيها free Download أضغطي عليها تبدأ في العد التنازلي من 20 ل0
و تجيك
Download file أضغطي عليها و مبروك عليك الملف ... معظم ملفاته بالورد و جاهزين للطباعة

بالنسبة للتدرج راح تجدي كل المواد و في أسابيع
يعني مثلا رانا في الأسبوع 6 تبعي وش راح يدرسو فيه
و عندك تشوفي الجملة الفعلية تخلعي و إلا تقريهالو هاديك راهي خاصة بالمعلم ... بالمعني ميزي ماذا تأخذي من التدرج
لكن ما تنسايش بلي ما تحضريش للدرس حتى يدرسو في القسم و راجعيلو من بعدها مثل ما وصاونا المعلمين المحترمين
بالنسبة لشرائك لكتاب الرياضيات فاشتري كما قالك الشيخ عبد الناصر لكن هذا الشيئ ما يمنعكش من تحضير بعض التمرينات له في المنزل تشبه لتمرينات الكتاب ليحلها معك

بالمناسبة إذا ما عندكش برامج تعليم الحروف حملي من المنتدى راح يفيدوه كثيرا
و ربي يكون في العون