السلام عليكم
اود مناقشتكم في جرائم لي انتشرت كثيرا بالمجتمع الجزائري
استفحلت الجريمة على مصراعيها في مجتمعنا الجزائري فهذا أعتداء بالسلاح الأبيض,وهذاقتل ,سرقة,اختطاف,اغتصاب,مخدرات,انتحار,تهريب ........الخ
ومايزيد الطين بلة لما يقال أن المجرم تقي ويصلي ويقدمون له الأعذار أنا أسمي هذا المجرم بالمنافق لأن التقي يكون مشبع بالايمان ولاتزعزعه ملذات الحياة .
ترى ماسبب كثرة الجرائم والمجرمين هل السبب هو عدم تطبيق القانون بصرامة أم غياب الأخلاق والتمرد لهؤلاء الفئة أم الضروف الاجتماعية الصعبة أم هي نوع من الرجولة كما يعتقدها المجرمين......؟؟؟
ماهي الحلول التي تقترحونها لمثل هذه الظاهرة التي أخذت بعدا خطيرا ؟؟
وهادي خاطرة ان شاء الله تعجبكم
هادي الدنيا مرة و كل واحد كيفاش الضربة جاتو
كاين لي وكلاتو و لبساتو .و في قصور كبيرة سكناتو
و كاين لي مشتاق لقمة .و زادت للمزيرية رماتو
و كاين لي عاش وحيد و حزين .من شوفت والديه حرماتو
و كاين لي عايش يتيم و يتفكر كل يوم والديه لي ماتو
و كاين حاب يقطع لبحور و مخلي يماه لي رباتو و كبراتو
و كاين لي رفد والديه على جالهم سمح في كامل حياتو
و كاين لي قرى كامل حياتو و الله غاب بلادو حقراتو
و كاين لي يسرق الغاشي و الناس على جال الزطلة لي هبلاتو
و كاين و كاين و كاين و ما يحس بلجمرة غير لي كواتو...