[أمينة1994]

المشاركة الأصلية كتبت بواسطة alisadr

نعم أختي .. ليس لدي عضوية خاصة بي و لهذا أستعمل عضوية والدي ...
أكيد .. أتمنى ان تتضح لكي الرؤية أكثر بعد الاستخارة ،، وفقك الله لما يحبه و يرضاه .. و رمضانك كريم

جزاك الله خيرا

أتعبتك معي

صحّا فطورك

المشاركة الأصلية كتبت بواسطة alisadr

شكرا أختي ... وفقك الله و سدد خطاكــ
ما أركز عليه هو التنظيم ثم التنظيم .. عليك بتسطير جدول زمنى بتخطيط جيد وفقك ،، فلديك متسع من الوقت على غرار التلاميذ المتمدرسين .. حتى انك ماتضطريش تسهري بزاف ..
بالنسبة للمواد العلمية اعتمدت بكثرة على حل المواضيع و التمارين .. مادة العلوم كان يجيني أستاذ للمنزل كل خميس طول السنة ... و الرياضيات أيضا بصح مكاش يجي بانتظام .. و أنا كنت نتابع الدروس عندو في القسم ( دروس خصوصية ) و للي نديرها نعاودها كي نوللي للدار و نزيد نحل تمارين و كانت تجيني بغاية السهولة .. كي تكوني قاريتها من قبل تجيك ساهلة يعني تزيدي عليها و خلاص ... و كنت ننتبه بشكل كبير لمنهجية أساتذتي عند الاجابة .. و اختيار العبارات المناسبة خاصة في العلوم ..
الفيزيا كذلك قريت دروس خصوصية ... و كنت حاسة روحي كي شغل نراجع و تقدري تقولي ماخليتش تمرين ماحليتوش و الحمد لله ديت 19 في البكالوريا ..
أما بالنسبة للمواد الأدبية .. درت ملخصات على شكل مطويات خاصة في الأدب و الفلسفة .. نراجع منها و نحفظ للي تستدعي الحفظ و الصراحة حفظت غير كي مبقاش بزاف على موعد البكالوريا و كاين شي صوالح تلقاي روحك حفظتيها بدون شعور بالتكرار و ذلك بحل عدد كبير من المواضيع .. + كان يجيني أستاذ أدب في آخر شهرين .. مرة في الأسبوع
و مواد الحفظ ت اسلامية ساهلة احفظيها مرتين بعاد شويا على بعضعم و روحي متهنية تجيبي 20 ... و تاريخ و جغرافيا تاني كتبت بخطي كل التواريخ و الأحداث على شكل مطويات بشكل منظم و دايمن نضرب عليهم طلة + الشخصيات و المصطلحات أما الباقي يعني الدروس ساهلة ...
المهم ماشي شرط تعيي روحك و تكلفيها فوق طاقتها .. كي تعياي نحي كلش من يديك ارتاحي و للا ارقدي شويا أومبعد كملي ..
لاخاطر كيما قتلك l'avantage تاع المترشح الحر هو اتساع الوقت و صدقيني لوكان تعرفي كيفاش تستغلي وقتك تقدري تجيبي 18 و أكثر .. لأني حسيت روحي كنت نقصر أحيانا .. و لكن الحــــــــــمد لله على كل حاااال ..
ربي يوفقك أختي و ينجحك و ينولك مرادك ... و أي استفسار أنا في الخدمة .

تنظيم

أنا كنت ناوية منديرش دروس خصوصية لاني حسيت روحي ضيعت فيها بزااف هذا العام

وش رأيك؟؟؟