اقتباس:
المشاركة الأصلية كتبت بواسطة fatimazahra09
بارك الله فيك
انا المرقة البيضاء بلاك راني نعملها كيما كل الاخوات
نحط زيت وطرف صغير زبدة+ 1 بصلة رابي + 2 الى 3 سنات ثوم +قطع من الدجاج على حساب افراد العائلة + ملح + 1/2 م ص فلفل اسود + 1/2 عود متوسط قرفة يكون فيه حوالي 3 سم و مايكونش خشين بزاف ....باش ما تكحالكش المرقة
ونقلي مليح حتى تتعسل البصلة والثوم وتدبال نزيد نحط كمشة حمص .... ونمرق ب1 لتر من الماء باش جيك بنينة وهادا دايما راجع للكمية لي ديريها
الحمص :
مبيتاتو في الماء ليلة بلا خمارة بلا بيكاربونات
وحدو
والغدو من داك نطيبو نصف طياب في الكوكوط
نصفيه و نخليه يبرد تماما و نديرو في كيس فنزيد في علبة محكمة الغلق في المجمد
كي نحطو معى الطياب رايه يجي نيشان ......
المهم : كي تحلي الكوكوت رايحا تلقاي المرقة مجمرة و زكية طبعا
اما المعقودة ما تحطيهاش مباشرة في الصوص
كل واح ودوقو
تقدري تحطيها في صحن منفردة على الصوص
اما البطاطا المقلية لي ديريها كباب رايحا ترميها بعد ما تكوني قطرتيها ...في الكوكوت و جمريها بصفار بيضة و معدنوس مقطع رقيق لثواني فقط معى تقليب الكوكوت مرة او اتنين ......بالمعني ما تحركيش بالملعقة تكون البطاطة تشربت الصوص ورايحة تكسريها .... في هاد الطبق ايضا لازم تقطعي البطاطة شوية خشينة ماشي كي لفريت و دايما زيني اطباق الصوص بلونش بالمعدنوس مقطع ....هادي الصوص صالحة لطاجين الجلبانة مع القرنون ...لطاجين الخرشف ....لبطاطة راقو مباشرة للكسكس وزيديلها الخضر جزر - قرعة - كورج حمراء قطعة صغيرة - بطاطة حبة فقط - لفت ....
واش تبغي ديري و على حساب دوقك .....
وخلي كامل الخضر مجمولين ... بالمعنى قشريهم وغسليهم وحطيهم يطيبو
من بعد عاد في التقديم قطعيهم
رايحيين يبقاو على حالهم .....
ان شاء الله نكون فدتك شوية
سلام حبيبتي
|
حبيبتي ربي يعيشك ويخليلك وليداتك كنت حابة نتعلمها اليوم راكي درتيهالي بالتفصيل راني نجربها ونقولك انا في رمضان مانبذرش بصح راجلي يحب المرقة البيضا الله يسترك دنيا واخرة والله ماننسالك خيرك