السلام عليكم و رحمة الله و بركاته
كيف الحال
بعد موسم راحه (خلي نقول..!)
حبيت اليوم نفتح رابع موضوع للطلبات
هدفي الاول كسب الاجر بالمساعده
والثاني تنظيم قسمنا لي تخلطت فيه المواضيع بالطلبات
و ماذا بيا تعاونوني نتوما ثاني
يعني طلباتكم تكون واضحه و معقوله،
ماتنساوش راه
موضوع للمساعده ميش لتعليم مبادئ الخياطه
و لازمكم تعرفو ظروفي انو راني نخدم طول الاسبوع
و ماعنديش الوقت ندخل يوميا و على هذا نتمنى تصبرو
عليا وتساعفوني و ماتلحوش في طلباتكم و تكرروها
اكثر من مره خاطر راح نكثرو الصفحات و يصعب علينا التصفح
الباترونات لي نحطوها راح تتحط بشكل دوري في موضوع مستقل
راني منين نقعد بالجمعه او وسط الاسبوع نجاوبكم وحدة وحده وعد مني
ولي يعرفني يعرف وعدي ملييح!
الطلبات لي خاصه بالمشينه تتحط في موضوع المشينه
والطلبات (الخاصه بالباترونات ) لي تكون في الصفحات راح تتحذف او تتنقل هنا تلقائيا
هكذا نرتبو رواحنا و نظمو منتدانا بلاما نتعبو مشرفينا تفاهمنا
هيا على بركة الله توكلنا على الله