[ام خليل §;1 هذا القاطو خدمتو البارح للعيد و جاني هايل ان شاء الله يعجبكم و هو وصفة خديجة جكون من قناة سميرة في انتظار ردودكم اسمحولي غلى التأخير هذا وين لهيت هاي ليكم الوصفة العجينة : 250 غ زبدة نزيدولها لفاني و علبة يوورت ذوق فاني او فراولة انا استعملت ياؤورت FORT ذوق فراولة و نلم بالفرينة الحشو : هذا الحشو كما قالت خديجة جكون تبقى طرية و ما تيبسش و هي انك طيبيها ندير كيلة سكر مع كيلة ماء فوق الغاز حتى تغلي نضيف 3 كيلات لوز او كوكاو و نحرك حتى تنشف نضيفلها شوية زبدة نخليها تبرد و نستعملها نرجع للعجينة نحلها و نقطع دوائر و ندير حربوش من الحشو و نغلق و نطيبها و بعدما نخرجها نغطس نصفها و هي سخونة في السكر الرطب باه يلصق السكر و بعدما تبرد ندير الناباج بالبانسو ونرمد في البيستاش {انا استعملت البيستاش المخادع راه الوصفة نتاعو في المنتدى} و ثم نغطي جزء البيستاش بورقة باه ما يطاشاش و نرش بصفاية الحليب السكر الرطب كما التشاراك كاش استفسار راني هنا[/QUOTE]