بعد بسم الله السلام عليكم المقادير: 1كاس ونص كوكاو 1كاس ونص جلجلان 2كيسان سكر ناعم فاني 500غ زبدة 1خمارة فرينة للتزين: شكولا حلوة الترك التحضير: نضع الزبدة+ السكر الناعم + فاني نحطهم على نار هادئة يذوبوا مع بعض متقويش النار والا السكر ييبس لازم على نار قليلة لما يذوبوا ديريهم في المجمد يجمدوا . من جهة اخرى ديري الكوكاو + الجلجلان في سنيوة وحمصيهم مع بعض حتى يحماروا قليلا مبعد ارحيهم مع بعض وهما سخونين حتى يرجعوا كالعجينة مهم جداا يكونوا سخونين باش يتعجنوا مبعد حطيهم في اناء وضيفي الزبدة لتجمدت وخلطيهم مع بعض + الفرينة والخمارة حتى تتحصلي على عجينة يابسة شوية هنا الاهم العجينة لازم تكون يابسة شوية متخليهاش طرية ومتخافيش راه يجي يذوب في الفم كيما الغريبية مبعد حليها بسمك 1سم واطبعي على شكل هلال هنا ديري حبة في الفرن جربيها اذا طابت مليح كملي معناتها العجينة هذيك هي وهذي النصيحة ديريها مع كامل الحلويات لتخافي على شكلهم او من سمك العجينة ديريهم في سنيوة ودخليهم في فرن 180درجة لمدة 20د. مبعد ذوبي الشكولا مع الماء لكل 100غ شكولا +2 مغارف ماء على نار قليلة اطلي الحلوة من الفوق وزوقي بحلوة الترك اتمنى تجربوها لانها فعلا تذوب في الفم.نقره لعرض الصورة في صفحة مستقلة ملاحظة: هذا المقادير تقطع 73حبة ونصف المقادير 36حبة وليجرب دائما يقسم المقادير. التوقيع: