السلام عليكم ورحمة الله وبركاته
نقوللكم حاجة على السذاب هدا قصتو قصة معايا
الموضوع هذا كنت قريتو وكغيره من المواضيع المفيدة اضاف الى رصيدي معلومة جديدة ،اللهم زدنا علما ، المهم في يوم من الايام كنت نقضي في السوق مع زوجي وكنا نروحو عند وحد الشيخ كبير في السن حفظه الله ورعاه يبيع الحشاوش نحب نشري عليه يغيضنى نقول ندي عليه من كلش ولو مانحتاجهمش ،المهم شريت قسبر ومعدنوس وسلق ونعناع وكرافس وحبق واعطانى من عندو بوكي تاع ورد النرجس كيما علابالكم حنا في البليدة في الربيع لا يخلو بيت من الورود المهم واعطانى بعض الاعشاب من عندو اللي مليحة للتهدئة وكل وحدة باه مختصة المهم ملخص القول من بينهم اعطانى السذاب او الفيجل وهو بيت القصيد
حطيت الفيجل في الكوزينة علقتو عند النافذة وهادوك الايام والله العظيم كنت نعانى من انقطاع التنفس وكأنو واحد يخنق فيا المهم انا مانتبهتش وانا عندي مشكل الغدة الدرقية فيها خمول لكن عمرها ما وجعتنى
بقيت هادوك الايام دايما حاكمة رقبتى وتعبااانة جدا حاسة ان الاوكسجين مايلحقنيش وقلت واش هاد المشكل بعدها تفكرت موضوع الفجل ورحت تم تم رميتو لانى كنت عن جد متضاااااايقة جدا من رقبتى وبالدات في العنق ووالله العلي العظيم لم اشكى بعدها الى اليوم من ذاك المشكل اصبحت عادية جدا ،فتاكدت من صحة المعلومة ،والان نشوفو فقط احس بضيقة شديدة