[lahna moka]

حلوى البابا مشهورة كثيرا و هي في العادة تكون بخميرة الخبز التي تترك رائحة غير محببة.
وصفتي مختلفة عن المعتادة و تجي خفيفة و مذاقها روووووعة
جربوها على ضمانتي
تفضلو بسم الله:


50غ زبدة_ 2 ملاعق كبيرة عصير برتقال_2 بيض_50غ سكر_مبشور برتقال_150غ فرينة_كيس خميرة الحلوى
للشاربات: 100غ سكر عادي_ 100ملل ماء_ مبشور برتقال _ قليل من عصير البرتقال
للتزيين: كريمة شانتيلي_ شكلاطا مبشورة

في كاسرونة ذوبي الزبدة مع عصير البرتقال
من جهة اضربي 2 بيض مع السكرحتى يتضاعف حجمها و يولي لونها فاتح و بعدها زيديلها الزبدة الذائبة و مبشور برتقال و اخلطي, ثم زيديلها الفرينة المغربلة و الخميرة و ديري الخليط في مولات البابا و سوّيها و ديريها فالفرن حتى تحمار.
في هاذا الوقت ديري 100 ملل ماء مع 100غ سكر و شوية مبشور وديريها فوق النار حتى تغلي 5 دقايق برك و نحيها زيديلها شوية عصير برتقال و كي يوجد خليه يبرد.
كي يطيب البابا غمسيه في الشاربات بصح ما تطوليش باش ما يتشمخش مليح
ديريها في صحن و زينيها بالشانتيلي و شكلاطا مبشورة أو مبشور برتقال
بالصحة و الراحة
ملاحظة: هاذ المقادير دارتلي 10 حبات واذا أردت أكثر ضاعفي المقادير



دعولي ربي ييسرلي أموري