السلام عليكم اخواتي العزيزات .حبيت اليوم نقدملكم كرم من مطبخي نتمنى يعجبكم وتتفاعلو معي.. نبداو بسم الله.المقادير للمرقة البيضاء طراف تاع الدجاج _ بصلة متوسطة الحجم _حبة طماطم _ملح _ فلفل اسود قرفة_ مغرفة صغيرة زنجبيل _مغرفة كبيرة سمن اوزيت_ .زيتون اخضر ديري المرقة الطيب كيما تعرفي وكثري اللاصوص باش الطيبي بيها الكرم في الكوشى.. ومبعد خلي المرقة طيب وروحي للكرم راس كرم تقطعيه رقيق و ديريه يغلي في الماء حتى يطيب ومبعد صفيه في الكسكاس وعصريه مليح مليح مليح مليح . ومبعد وجدي الصدر الدجاج مرحي وادا توفر عندك اللحم مرحي ديريه .نص بصلة مقطعة صغيرة معدنووس مقطع رقيق وتحطي الكرم المعصور معهم وديري 2حبات بيض فلفل اكحل قرفة ملح وخلطيهم بيديك مليح وشكلي كريات وديري في وسطهم فرماج وحطيهم في السنيوة ودخليها في الكوشا بلا لاصوص لمدة عشر دقائق وديرلها لاصوص وخليها حتا تطيب مليح خلي شوي لاصوص في الكوكوطة تعقد مليح وقديميها معاها. اهنا ديرو ليبولات في السنيوة وانحطهم في الفور باه ايطيبو شوية بلا مرقة ت[FONT="Arial"]خليهم في الفور مدة 10 دقايق واتخرجيهم [/ FONT] اهنا ديرلهم المرقة وخليهم يطيبو مليح وساعة اقلبي ليبولات باه ايطيبو من تحت ومن فوق مدة 15 دقيقة كي اتنحي الجاج احكمي مغرفة صغيرة تاع فرينة وديرلها شوية ملح وشوية ماء وارميها في المرقة باه تعقد والجاج حطيه يتحمر مع ليبولات لاتبخلوا حبيباتي عليا بالردود ولي ماهيش قدرة تكتب تضغط على ايقونة الشكر اذا عجبها الموضوع هادي صورة حطيتها كي راحو الصور باه اتشوفوه مع الاخير