مرحبا أخواتي اليوم جبت وصفة تارت لمحبّي جوز الهند (النواد كوكو) مممممممم بنتها عظيمة ننصحكم تجربوها نبداو بسم الله: للعجينة: 250غ فرينة_ 125غ مرغرين مقطعة مربعات_ 2 ملاعق كبيرة سكر_ 2 ملاعق كبيرة زيت_ 2 ملاعق كبيرة حليب_ صفار بيضة _رشة ملح لحشوة جوز الهند: 150غ سكر عادي_ 5 ملاعق كبيرة عصير ليمون_ 250غ جوز هند_ 60غ مرغرين ذائبة_ 5 ملاعق كبيرة حليب_ 1 ملعقة صغيرة خميرة الحلوى_ نصف كأس ماء_ 3 حبات بيض_ 3ملاعق كبيرة مربى للمورانغ: 2 بياض بيض_ 2 ملاعق كبيرة سكر ناعم_ نصف ملعقة صغيرة فانيلا في اناء ضعي الفرينة مع رشة ملح و المرغرين و اخلطي دون ان تذوب المرغرين تماما في الفرينة يعني تبقى منها أجزاء صغيرة جدا ثم أضيفي الزيت و صفار البيض و السكر و اخلطي و بعدها اجمعي بالحليب للحصول على عجينة بدون ان تعجنيها ضعيها في كيس داخل الثلاجة من جهة حضري الحشوة: في كاسرونة على النار ضعي السكر و الماء و العصير حتى يذوب السكر تماما انزعيها من النار و أضيفي جوز الهند و الخميرة والبيض المخفوق مع ملعقة صغيرة فانيلا و اخلطي بسرعة كي لا ينضج(باش ما يخرجلكش أملات هههه) ثم المرغرين الذائبة و أخيرا الحليب و اخلطي تحصلي في الأخير على هاذا من جهة حللي العجينة اللي ارتاحت و ضعيها في مول الطرطة و اثقبيها بالشوكة ضعي على كل الوجه المربى ثم افرغي الحشوة عليه و سويها ثم ضعيها في الفرن حتى تتحمر ( خليها تاخذ وقتها في الطياب من 30 الى 40د حسب الفرن تاعك) اضربي البياض كالثلج و بعدها أضيفي السكر الناعم و الفانيلا و اخلطي جيدا ثم ضعي هاذا المورانغ على الطرطة و ضعيها في الفرن المشعل من فوق لتتحمر خليها تبرد جيدا ثم قطعيها ممممممممم و بالهناء و الشفاء دعوة خير تكفيني