البطاطا ليحطيتها في وش طيبتي كانت طلبتها مني الأخت om inas نقولها اسمحيلي بزاف و راني عاودتها على جالتك البارح ان شاء الله تعجبك انا دارنا عجبتهم المقادير بطاطا مقطعة دبشة+معدنوس زعيترة 1/2 حبة بصلة متوسطة الحجم او بصلة صغيرة ثوم مرحي و فصوص ثوم بالقشور نتاعها مهرسة زبدة موطارد قليل من الزيت قدر 2 ملاعق كبار قليل من الماء قدر 2 ملاعق كبار رند زعفران+فلفل اسود+راس الحانوت +ملح+رشة كمون حبة فلفل اختيارية الطريقة نحط البطاطا و المكونات كامل مع بعض و نخلطها و نضعها في كيس الشواء و نثقب الكيس من فوق 4 ثقبات يكفيو ملاحظة اذا كان ديرتي كمية كبيرة اقسميها على2 و حطيها في الكيس و الى الفرن الدجاج عصير ليمونة كبيرة زعيترة ثوم سيقان الدبشة و المعدنوس "نقسوهم على2 .نص نقصوهم و نديروهم في الخلطة و نص نحشي بيه الجاجة" زبدة 2 مغارف كبار زيت موتارد فلفل احمر حلو وحار+راس الحانوت مداوي و لاكسبر وحدو+فلفل اسود+كمون+ملح كمية مليحة بنسبة معقولة "الجاج يجي مليح كي كون مالح و اذا ماكنتيش تحبي الملح نقصي" رند الطريقة نخلط كلش مع بعض نحدث ثقوب في الدجاجة و نحشيها بالثوم و ندخلو الثوم مليح و نحشيها باسيقان الدبشة+المعدنوس+الرند+الثوم و في الأكياس و نثقبها و الى الفرن و كيطيب نحي لاصوص نديرو بيها حاجة اخرى و الجاجة نحمروها و شهية طيبة لبنات انا ماعنديش طريقة معتمدة في طياب الدجاج كل مرة كيفاه و على حسب وش عندي من مواد الطبخ و ان شاء الله تعجبكم و مانكون نسيت حتى حاجة