تسلم الأيادي يا أم أماني مّرة أخرى. صراحة كنت حضرت عجينة لحلوى وضعتها أم أنفال ( الأمل القادم حاليا ). في ركن كوزينة رمضان. هاهي الصوّر https://www.hawahome.com/vb/nupload/36144_1209037679.jpg https://www.hawahome.com/vb/nupload/36144_1209037697.jpg https://www.hawahome.com/vb/nupload/36144_1209037697.jpg اتجي كيما البيمو . أنا غيرت قليلا في المقادير . نستعمل 3 حبات بيض كأس سكر رطب كاس زيت . واحد خميرة نوارة. لما شفت الشّكل رحت نجري تفتيش في ادوات الخياطة . على خاطر البوبينات أنتاع اليوم الأغلبيّة مصنوعين بالكرطون. ، وفجأة لقيت بوبينة بصح قلت في نفسي هذي ماشي كيما أنتاع أم أماني 77. . بصح معليش أنجرّب وانشوف النتيجة. جاني الشّكل هايل . في الدّار ماقلت لهمش بالبوبينة حتى كملوا التذوّق والتمتّع بالشّكل الرّائع.. ولما خبرتهم قالولي كامل واش عندك من الطوابع الغالين مالقيتي غير البوبينة!!!!!؟؟؟؟؟؟؟ أم أماني لازم اتديري إعلان‘ للمحترفات في الخياطة . باه يزربوا يشريوا الخيط أنتاع البوبينة كيما هاذي. على خاطر لمّا يعرفوا التّجار بالخبر أكيد رايحين ايزيدوا في السومة أنتاع الخيط أنتاع هاذي البوبينة. اتطفرت عليهم. ازربوا ياله. ملاحظة كلّ من ترغب في تحضير هذه الحلوة ألي قدمتها أم أماني اتكثر من زاست القارس الذّوق رايح ايكون أحلى بكثير. مشكورة على موضوعك المميّز. واللّه ياأم أماني راني غير نطبع وانزيد في مواضيعك ومواضيع الأخوات الكريمات الأخريات مثل ام كوثر ام رامي والعددد ماشاء اللّه كبير . وللكلّ الشّكر الجزيل.