اهلا لبنات و كيف هي احوالكن نهدر ضرك بالدارجة البسبوسة هذي سريعة و اقتصادية انا موالفة نديرها سيرتو كيتعيطلي صاحبتي و تقولي 1/2 ساعة و نكون عندك نديرها و طيب بالخف زايد بنيييييييييييييييينة و خفيفة و باهية كيما مولاتها جربوها و ردولي بالخبر و الله ماتندموا نبدا بالمقادير 4 بيض 8 مغارف كبار"ملعقة اكل" سكر cristallisé 8 مغارف كبار زيت 6 مغارف كبار فرينة 2 مغارف كبار كاكاو 1 خميرة كيميائية 1 لافاني الصلصة كمية من السكر مقدار من الماء "قدر مايغطينا السكر' تقريبا ملعقة كبيرة كاكاو قطرة من الليمون نورمالمو هذو هما مقادير المسكوتة لأنو موالفة نقدمها هكذا نسيت الصلصة اختيارية حابة دبيريها ولا لا انا نحبها مبلولة لهذا زيدت الصلصة و هذي طريقة التقديم ليمولفة نقدمها بيها مي جات في راسي عفسة قلت نجربها لهذا زيدت الشانتي مقادير الشانتي كمية من الشانتي 100غ 2 دانيت chocolat سكر ناعم éقد ماتحبي لحلاوة نتاعها" 1 كأس حليب بارد الطريقة نشعل الفرن على نار متوسطة180 درجة و نبداو نخدموا نضع البيض في الصحن+لافاني و نخفقه باستعمال الباتور ثم نضيف السكر و نخفق حت يتضاعف حجمه و يولي كيما هكذا و نزيدولو الزيت و نخفقو بالباتور ضرك نزيدو المواد الجافة "فرينة مغربلة+كاكاو+خميرة" و نضيفو بالتدريج للخليط و نخفق بالباتور"الباتور نقصو في السرعة نتاعو" و لكن انا باش نشرحلكم مليح زيدت الكاكاو و خلطت مليح حتى تجانس الخليط و مبعد زيدت الفرينة و الخميرة الكيميائية وقلتلكم بلي انا جات في راسي طريقة اخرى للتقديم و هي نديرها في فناجن الحليب و نطيبها ندهن الفنجان بالزيت و نرشوه بالفرينة و بواسطة ملعقة نملاها و الى الفرن كينشوفوها طلعت نحلو الفرن و ندخل عود الأسنان و نأكد إذا طابت ولا لا طريقة تحضير الصلصة نضع السكر في كاسرونة و نضيف فوقها الماء "الماء يغطي السكر" نحطوه فوق النار وحتى يولي قطر و نزيدولو مغرف كاكاو و نحرك و نخليوه حتى يولي صلصة مش عاقدة بزاف الشانتي نخلط غبرة الشانتي مع السكر+دانيت+حليب بالباتور حتى تتكاثف المونتاج بعد ماطيب المسكوتة نثقبوهم و نسقيهم بالصلصة و نزينهم بالشانتي اسمحولي كثرت عليكم الهدرة و الصور مي باش نقدر نوضح برك الوصفة و الطريق مي الوصفة مكتوبة في كراسي هكذا باش ماتخلعوش 4 بيض+8 مغارف كبار سكر+8 مغارف زيت+6مغارف فرينة+ 2مغارف كاكاو+1 خميرة كيميائية+ لافاني هكذا مكتوبة عندي نحطها في مول و الى الفرن الصورة من قلب الحدث و كيطيب نخرجها نخليها تبرد نقلبها و نقسمها و ندير عليها خيوط من لصلصة امممممممممممممم بنينة و ان شاء الله تعجبكم و تجربوها و اسمحولي ورة ثانية كثرت عليكم الهدرة و الصور و هي مجرد مسكوتة