مرحبا .... مع انو طلبك كان لازم تحطيه في قسم الاشغال اليدوية الا انو مقدرتش ان لا اساعدك
شوفي انا موالفة نخدمهم بعلب حليب الرضع و تقدري تخدميهم بعلب الطماطك المصبرة الحجم الكبير
لازم تلمي 14 علبة يعني تحطي العلب 7 في شكل واحدة في الوسط و يدورو بيها 6 علب فهمتيني يعني شكل وردة ok من بعد تجيبي سكوتش - شريط لاسق - العريض و تثبتي العلب ساير داير و منهم من يستغني عن الشريط الاصق و يثبتها بسلك معدني لكن انا نفضل السكوتش خير و نفس الشيء في الطابق الثاني تثبتي 7 علب و تلفي بالسكوتش
من بعد باش يجيك الشكل رائع من الافضل تبطنيه ب الاسفنج الي يستخدموه في اللحوف يتباع 100 دج و سمكو 2 سنتمتر يعني تقطعي شريطتلفي بيه عرض البوف و تطراسي رسم القاعدة باش كتقعدي عليه يريحك اكثر
و تلسقي بالباتيكس او تخيطي البونج على البوف
و تغلفيه باي قماش تختاريه
راني عملتلك دوائر بالاسود نوضح بيها مكان العالب
هاذ البوف خدمتو لاختي من 3 سنين و هي خيطتلو وشحال من غلاف باش يناسب فراش غرفتها
بالمناسبة هاذ القماش كان اشارب - خمار - مستعملاتوش اختي بدلا من رميه استغلاتو في التغليف
وشكرا