[ريتاج تيارتية]

السلام عليكم ورحمة الله تعالى وبركاته

جبتلكم اليوم كيفية عندي شحال وانا نخدمها وديتها على كتاب السيدة العالية خليفي ولي هي كروكي بالكوكاو
نبدا بالمقادير
نحتاج 4حبات بيض
كاس سكر
كاس (زيت +مرغرين) نص زيت ونص مارغرين انا الاغلبية نستعمل المارغرين اكثر من الزيت
ملعقة صغيرة فانيليا ولا قشور الليمون
كيس خميرة كيميائية
كمشة كوكاو مرحي (خشن)
فرينة
وصفار البيض لطلاء حبات الكروكي
طريقة التحضير
ناخذ اناء نخلط فيه البيض والسكر والفاني ثم نضيف الزيت الممزوج مع المرغرين ونخلط جيدا ثم نضيف كمشة الكوكاو وبعد ذلك نضيف الخميرة والفرينة شيئا فشيئا حتى نحصل على عجينة متماسكة
نحل العجينة بسمك 1سم تقريبا ونقطعا باي شكل دائري او مربع او كاس ........
نضعها في صينية مدهونة ومرشوشة بالفرينة وفي نفس الوقت نطلي حبات الكروكي بصفار البيض (انا ساعات نخلط مع الصفار قليل من القهوة او الكاكاو ) ونزينها بالفرشيطة كيما نقولو نخرطوها كيما بغينا ههههههههههه
وندخلها للفرن لمدة 15الى 20دقيقة تقريبا حتى تكسب اللون الذهبي
ملاحظة:يمكن استبدال الكوكاو بالزبيب