استيقظت كي العادة مع الفجر و صليت و قريت غير الاذكار و ما قريتش الورد اليومي لانو كان بايتين عندي ضياف و كان لازم نحضرليهم لفطور بكري .......لكني عوضتو و قريت قبل الظهر و باقي الصلواة في اوقاتها و الحمد لله ما عادا صلاة الضحى راني متكاسلا عليها هاذ الايام (الله يهديني) فطرو ضيافي و راحو و تاني الاولاد راحو لمدارسهم و بما اني كنت رايحة نستقبل قريبة زوجي بديت بالتنظيف اليومي بداية بالصالة و الغرف و حتى الحمام و التواليت بعد ها توجهت للمطبخ كان بايت هاك نظفت كلشي و حضرت لغدا تغدينا و بديت نحضر للعشوية جايا عندي صديقة هي و اختها عجنت لامونة الوهرانية و خليتها تخمر و درت كيكة قدرة قادر طيب و جبدت شوي قاطو من الكونجيلاتور و وجدت صينية لاتاي بعدها جهزت البيت و عطرتو و غيرت ملابسي و مشطت شعري و درت ماكياج خفيف و تعطرت و استقبلتهم و ما راحو حتى اذن المغرب ......... غير صليت عجنت شوي مطلوع و ما درتش لعشا حطيتليهم غير لعنب و الياوورت لانو كنت نحضر لفطور لخدمة زوجي ..........عجنت في الليل و نقصتلو الخمارة و درتو في الثلاجة جهزت الحشو و غطيتو ببلاستيك غذائي و درتو في الثلاجة و حضرت الاواني للي نحتاجهم صليت لعشا و قريت حزب و اذكار النوم و رقدت و جسمي كلو يسطر هاذ اليوم سمحت كامل في الاولاد و قرايتهم