ملاحظة قناة samira tv بدات في بث دروس الخياطة حاجة مليحة باه تعاونكم علبالي كرهتو من الانتظار كل مرة la connexion ترحلي والبارح راحتلي المهم استثناءا اليوم اول درس يوم الاحد الدرس هو مئزر بسيط للمطبخ ههههه علابالي تهبلو على الكوزينة اتعلمو معايا اذن بسم الله هذا هو الدرس و الزينة هي عبارة عن ظفيرة من الساتان طريقة عملها موجودة على هذا الفيديو https://www.youtube.com/watch?v=jSLMzDHiVBk يعني نعملو الزينة لوحدها بلونين مناسبين للون المئزر مثلا لو المئزر وردي الشرائط باللون الوردي و الابيض وهكذا وهذا هو المئزر بشكله النهائي وكل واحدة كيفاه تحب تزين كاين الي تطرزها بالsatin او الطرز العادي او galon اما نوع القماش والله مانعرف اسمه غير كي تروحي لحانوت تاع الكتان قوليلو كتان تاع الطابليات على الاغلب اسمه البوبلين ومانعرف .. بكل الالوان كاين ومتر واحد يفي بالغرض او نصف متر حتى الشرح بصورة واضحة اكثر