[faizarbh]

السلام عليكم أخواتي الكرام
اليوم جبتلكم طريقتي في القرعة و البطاطا المحشيين بطريقة سهلة و راهي بزاااااااف بنينة



المقادير :
قرعة و بطاطا نفرغولهم اللب
لحم مفروم متبل كالتالي : ملح و فلفل و قرفة و بصل و معدنوس و حبة بيض صغيرة


و نحشي بيهم الخضر تاعنا و اللحم اللي يتبقالي زدتلو شلبلور اي خبر يابس مرحي و درتو دي بولات



في طنجرة الضغط ندير بصل و زيت و ملح و فلفل و قرفة و نقليهم ثم نمرق و ندير حبات حمص و لما يغلي الماء نرمي فيه الخضر المحشية و كريات اللحم و نخليها تغلي و لما تغلي نغلق الطنجرة و ندير الضفارة و نخليها اطيب





ثم نقدموها و بالصحة و الهناء
و صحا قطوركم أحبيتي
لا تنسوني من صالح دعائكم