اقتباس:
المشاركة الأصلية كتبت بواسطة راجية اليسر
هذا وش نكره في الفرنسية الروايات و التاريخ ههههه معليش راح نقراهم عن ظهر قلب
يعطيك الصحة خويا .. بارك الله فيك
و صح فطورك
|
ماتكرهي ما والوا لازم ديري ثقتك في نفسك وهاكا تتغلبي على هاداك العجز ربي يوفقك ان شاء الله
لعلمك هناك العديد من الروايات الشيقة التي يجب قراءتها
اقتباس:
المشاركة الأصلية كتبت بواسطة الملتزمة بالدين
السلام عليكم
بارك الله فيك أخي عللى الموضوع القيم الدي سيساعد الكتير من الطلبة أكيد ويشجع المترددين في اختيار هده اللغة
أنا درست اللغة الفرنسية وتخرجت الحمد لله والان نصحت أختي بدراستها لانها تتقنها وتحبها أكتر من الانجليزية
دراسة الفرنسية فيها متعة وحماس كبيرين
مشكووووووووووووووووور مرة تانية وجزاك الله ألف خير
|
وفيكي بركة اختاه شكرا مرورك ودعمك الاروع اسعدني ومبروووووك عليك التخرج والعقوبة لينا ان شاء الله
اي شيئ عندك اختاه وتجربتك في المادة والكتب التي كنتي تعتمدينها لا تبخليها علينا ارجوكي وشكرا مرة اخرى
اقتباس:
المشاركة الأصلية كتبت بواسطة الملتزمة بالدين
بالاضافة الى Germinal d'Emile Zola
|
شكرا هادا من اروع الكتب بارك الله فيك
اقتباس:
المشاركة الأصلية كتبت بواسطة Floona
السلام عليكم جماعة الفرنسية
يااخي موادكم غريبة ومعاملاتكم أغرب منها
كيفاش ماتقراوش الـ oral والـ ecrit عجب احنا عندنا هوم الصح
بصح كل جامعة وكيفاش برنامجها
|
اخت فلونة مرحبا بيك نورتي الموضوووع بارك الله فيك
احنا oral و ecrit مانقراوهمش حتى للعام الزاوج وان شاء الله تكوني فهمتي كيفاش رانا نقراو
واش هو الغريب في موديلاتنا ومعاملاتها علاش نتوما كيفاش تقراو مثلا ؟؟؟ ممكن تعطينا نظرة كاملة شاملة
اقتباس:
المشاركة الأصلية كتبت بواسطة Floona
أنا عاملة وقريب هبلت
ماشي ساهلة القراية بالنسبة لواحد خدام
اللغة الفرنسية لازمها واحد فارغ شغل غير يقرا فالكتب ويدير التلخيص ويبحث
ماشي خدام وراسو معمر بمشاكل الخدمة
كيم أنا نخدم الصباح ونروح نجري للجامعة
منكذبش عليك تعبت بزاف السنة الاولى وكنت مقصاة في مادة في السداسي الاول وفي السداسي الثاني اقصيت
في مادتين والراتراباج مقدرتش نحضرلو في السداسي الاول لاجل ظروف العمل
اما السداسي الثاني لم استطع اجتيازبعض الامتحانات لاجل العمل ايضا
رغم ذلك نجحت لان النظام ل م د يقوم على المقايس اي اذا
كان عندك 30 كريدي في العام تنجح والباقي تقراه فالسنة الثانية
المووهم التوقيت صعيب شوية خاطر الحضور اجباري والاساتذة مايقبلوش التأخر
وفي الادارة قالولي ممنوع الدراسة والعمل اما الدراسة واما العمل
بالاختصار مايرحموش
بصح انا القراية عجبتني والحمد لله ونبقى نقرا ونعاود حتى يخرجوني ويكرهو مني
ان شاء الله تكون فهمت حاجة
|
علابالي يا اختي شوية صعيبة على الخدامة مي راهم مساعدينهم نورمال عندنا احنا
والله معايا واحد خدااام كلاسا ماجور كيما قلت من قبل الارادة تحقق المعجزات والقراية تاع الفرنسية فيها حماس وراح تعجبكم ان شاء الله وبالتوفييييق
اقتباس:
المشاركة الأصلية كتبت بواسطة موح الحراشي
مشكووووورة،لا ادري اين تدرسين لكن صديق قالي هنا فالجزائر 2 يساعدو الموظفين شويا،صحيح لازم وقت وقراءة،ولكن سبقلي و درست بالفرنسية يعني شويا تسهلي
|
اخي موح ماتتقلقش راح يساعدوكم قدم تبريراتك بانك تعمل وانت قرا وقاع اللي يتعب ينال ان شاء الله ... انا هنا اخوتي ان احتجتم اي شئ