[oum radja]

بسم الله الرحمن الرحيم
الميني تارت و الكيش
معظم الناس يديرو الميني تارت بالصح عندهم مشكل أنو العجينة تجي قاسحا شويا
على هاذا بغيت نعطكم وصفتي السحرية لهاذ العجينة

انا نفضل ندير كمية كبيرة من الميني تارت و نطيبها نص طياب و نخليها في المجمد و كل ما نحتاج نحضر الحشو و نجبدها
بلا ما نطول عليكم نخليكم مع المقادير
رطل فرينة
250غ زبدة أي نصف العبر تاع الفرينة
3 حبات فرماج و هاذا هو السر اللي يخليها تجي طرية و ماشي يابسا
ملح ,فلفل كحل,ثوم بودرة,شوية معدنوس مقطع
باش يكون فرق بين الميني تارت المالح و الحلو
حبة بيض
اذا كنتي دايرا كمية قليلة ممكن تستغني على البيضة
ماء بارد باش نلمو العجينة
في الاول بسسي الفرينة بالزبدة و الفرماج
اضيفي الملح و التوابل و في الاخير لمي بالبيضة و الماء حتى تتحصلي على عجينة لينة
خليها ترتاح في الثلاجة 15د
و ابداي تخدمي فيها بالطريقة العادية وهاذا هو شكلها

تجي مزوقة بالمعدنوس هههههههههههه

و هنا كي درتها في لي مول



نثقبوها بالفرشيطة و ندخلوها للكوشة طيب نص طياب يعني غير حساب ما تشد روحها
نحضرو الحشو تاعنا كيما تحبو
انا درت بصل مقلي مع كفتة و معدنوس وفرماج
نعمرو الميني تارت تاوعنا و نحضرو خليط البيض اللي هو
l'apareil a quiche
بيض +2مغارف حليب+مغرف كرام فراش او بتي سويس و نديروهم فوق الحشو و ندخلوهم يطيبو

و اذا عندك الجبن المبشور ديريه من فوق
و هاذا الشكل النهائي نتمنى تجربوها