اقتباس:
المشاركة الأصلية كتبت بواسطة ninafret
السلام عليكن اخواتي
دخلت نتصفح المنتدى كيما العادة ولقيت عنوان فيه اسمي دخلت مباشرة
ولقيت مفاجئة بانتظاري والله صدقوني اقشعر بدني وبكيت لاني لقيت انو عندي اخوات في الله يحبوني ويتذكروني وزدت قريت الردود وفرحت والله راني طايرة من الفرحة
اختي شهرزاد واش نقلك والله مهما نشكرك مانوفيلكش قدرك فرحتيني بزاف بزاف بهاذ المبادرة وهدا دليل على ثقتك فيا
ربي يحفظك اختي وربي يعطيك ماتتمناي وجعلها الله في ميزان حسناتك وراني ندعيلك من قلبي في هاد الايام من شهر شعبان وكيما تعرفي الدعاء فيها مستجاب
حبيبتي زدتي حمستيني اني نزيد نقدملكم غير الجديد وياريت تعذروني لاني ماعنديش داري وحدي ولا مطبيخي راني ساكنة مع دار شيخي وكي نروح لدار بابا ندخل للكوزينة ونبدا نبتكر ونخترع ونخلط ونجلط هههههههههههههه اعذروني حبيباتي
لوكان جات عندي كوزيندي راني درت حالة ههههههههه كل ربع ساعة حاجة جديدة..........المهم من قبيلا وانا نشكر في روحي ه
حبيباتي رجائي الوحيد انكم تدعيولي بالذرية الصالحة عندي 4 سنوات زواج والله راني بحاجة لدعواتكم في هاد الايام المباركة والعواشير كيما نقولو احنا
ماتنساونيش بدعواتكم اخواتي
اختي شهرزاد ربي يحققلك كل امانيك حبيبتي وبوسة كبيرة كبيرة من عند الحاجة امينة ولا نينا كيما تعرفوني
|
يا أختي أمينة لا شكر على واجب الشكر كامل ليك ,والله كل مانجرب حاجة تخرجلي ماشاء الله الفضل يرجع ليك أنتي أنا مادرت والو جمعت وصفاتك وحطيتهم لاني قداه من مرة نلقى أخوات يطلبوا في وصفاتك وأنتي ماتدخليش في كل وقت مالا قلت نحطهلهم هكا اللي بغاوها يجربوها وراني متاكدة بلي رايحة تعجبهم لانها فعلا رائعة بارك الله فيك
أما فيما يخص الدعاء راكي دايما في بالي رايحة ندعيلك إن شاء الله