تحياتي اخواتي وان شاء الله تكونو بخير وفي خير وصحة عشواتكم اليوم طبقت وصفت شفتها في التلفزة وعجبتني ياسر وهده اول مرة نعملها قلت نصورها ادا صلحت نوريها للاخوات ممكن تفيدهم وادا ما صلحتش حد ما شاف وحد ما سمع ههههههه والنتيجة كانت مبهرة وعجبت الاولاد والزوج وقررت نوريهالكم تقلي المرقاز وتخليه يبرد وتلصقي فيه كيردون تحطي في صحن بيضة وتوابل انا عملت زنجبيل كركم فلفل ابيض بودرة الثوم نصف ملعقة صغيرة خميرة حلويات وملح نضيف ليهم فرينة ونخلط من بعد نضيف الماء بشوية ونخلط حتي يصبح الخليط كثيف ورطب نغمس فيه حبات المرقاز ثم نقليه في زيت مسخن مسبقا علي نار متوسطة ها هي النتيجة مداقه رائع جدااااااااا وحاجة جديدة والعجينة هشوشة وبنينة ياسسررررر جربوها وما راحاش تندمو ا واللي عجبتها ما تنساش واش تفاهمنا تقولها حتي في قلبها