اخواتي الكريمات طبعا عجبني الموضوع كثيرا وفكرة الدورة مليحة بزاف لكن ومن غير زعاف حبيت نعطيكم رايي
الموضوع راهو شوية مشوش كل وحدة حطيت رغبتها في المشاركة وهدا شيء جميل جدا لكن التنظيم هو احلى حاجة واضمن لنجاح اي شي
التطبيقات العشوائية ممكن متخدمكمش لكن ادا اردتم دورة حبيباتي لازم تكون منظمة اكثر وفيها خطوط عريضة
ممكن تتناقشو عليها كامل وتخرجو بنتيجة وتبداو تتعلمو مازال الوقت قدامكم حتى موعد الدراسة ولازم تكون مراحل
في المطبخ
سلاطات
مقبلات
اطباق اساسية
اطباق ثانوية
تحلية
وتنقسم الى نوعين التقليدي والعصري / الثقيل والخفيف / السهل والصعب
حلويات
تقليدية
عصرية
شرقية
شاي
سهرة
وهاد ماهيش صعيبة باش تتعلموها
لازم الارادة والتفرغ وقبل هدا كله حب المطبخ وجراة التطبيق الوصفة ادا محبيتيهاش متحبكش
والعجينة ادا ما سعفتيهاش وتنرفزتي عليها متخرج ليك
صدقوني انا هنا للمساعدة بتجربتي القصيرة وخبرتي المتواضعة
نطلب من كل وحدة حابة تعلمكم وتتطوع لتقديم وصفات انها تتقيد باشياء ضرورية
1- تحط مقادير كمية صغيرة ادا حلوى مثلا 10 الى 15 حبة
2- شرح مع صور توضيحية اي حاجة بسيطة بالنسبة ليك صعيبة على بناتنا في اول المشوار
3- مدة الطهي وحجم الصنية
و.....................و...................
انا عن نفسي مستعدة من الان واجري على الله
اصلا انا متعودة نحط اطباقي بالشرح الملل
https://www.djelfa.info/vb/showthread.php?t=1271021
ممكن كلامي ميعجبكمش لكن هدا رايي
ادا وافقت على كلامي الاخوات انتظر الردود
سلامي