[بنت الجزاير الغالية]

تطبيقي ليوم أمس
نضت مع 6 تاع الصباح صليت الصبح و درت الفطور و دخلت عند حنوناتي في المنتدى توحشتهم قلت نطل عليهم و ناضو الولاد فطرتهم
لميت الفراش تاع البيوت و غسلت الماعن و لميت الكوزينة و حطيت الشربة تطيب
رجعت للبيوت سيقتهم و رحت للبيبان تاع المدخل تاع الحديد و تاع الزجاج و الخشب غسلتهم و لمعت الحطب و برقت الزجاج بماء فيه قطرات خل و لمعته بالجرنان و مسحت القواطع تاع الكهرباء و الفايونس كان نظيف مسحته برك و سيقت الدروج و طلعت للحوش غسلت 2 طابيات خفاف تاع البلاستيك ما نعرفش واش تسموهم احنا نقولوهم القياسات واخرين الحصير
و غسلت الدوش و التواليت و بيدون لابوبال حاشاكم و توضيت و صليت و اتغدينا و بديت في تفراش الدار
جاء راجلي ريحنا شوي و من ببعد سشورت شعر بنتي و زينتهولها بالمساسك جات تهبلللل هههههه حوحو .........
كان باقيلي شوي قاطو شوكولاء زدت كملت قلاصيتو و فرزت شوي الكوزينة و درت العشاء و خرجنا بالطوموبيل حوسنا شوي و هذا ماكان
غدوة ان شاء الله نبد الجد في الجانب الديني يالله البنات شدو الهمة معاي باش نشجعوا بعضانا