راكي مثل القبعة السحرية نتاع الساحر كل مرة نكتشفو فيك مواهب جديدة ، فاجأتيني يوم المقبلة بطبخ مبدع وعصري .
قلت بالاك النيولوك نتاع حفيظ راهو أثر عليها بصح اليوم : تارت عروسة
ماتعودتش منك لي تارت عادت ديريلنا جينواز ، مادلين ، بسبوسة ، كروكي ......وكنت أخذت عنك فكرة أنك تقليدية أكثر ، على مايبدو المسابقة هذي راهي رولوكاتك مطبخيا
حتي روزا راني متفاجأة فيها ، عادة ماتحبش الحلويات نهار الخميس مورانغ والبارح عجينة اللوز
واقيلا رايحة ترولوكي هي ثاني
بصح راكي ضربت على الوتر الحساس يا أم ماجد ، الإهداء راهو ضربني في مقتل
، راهم البايرات غير هما ، يعني كون نصوتو غير حنا عليك تنجحي في الانتخابات
، راكي وليتي دونجي ، تاخذي برايي غير ترشحي للبرلمان
عجبتني حاجة ، أنك حطيتي شخصيتك وذوقك في التارت حتى العروسة لبستيها محتشم ، باربي ولات فلة المسلمة هههه
ثاني عجبوني لي مول الصغار هاذوك سيليكون
عمري لاشفتهم
وثاني عجبني التزيين بزاف فيه تفاصيل دقيقة ، يعني فستان وعليه الكلام وذوق القماش رفيع ، باين قماش مستورد
راني استفدت حاجة ، أول مرة نعرف هاذيك البلاكة اللي فيها الأشكال كيفاش يخدمو بيها ، مالفة نشوفها بصح مانفهمش كيفاش يستعملوها ، شكرا عزيزتي على الشرح ، راكي شرحت بالتفصيل الممل حتى المبتدئات يقدرو يتبعو الخطوات ويطبقو
بصح عيب عليك ، دمية غاضاتك زوجتيها وجبتيلها راجل حتان عندها وأنا قدامك قاعدة نتفرج
حاجة أخيرة برك ، على بالي طولت ، أحلى حاجة في عيد الميلاد الصورة نتاع عبدو حبيبي بوسيهولي