المساعد الشخصي الرقمي

مشاهدة النسخة كاملة : الأخت yarasmin. 26 ترد على تساؤلاتكم هنا


الصفحات : 1 2 3 4 5 6 [7]

lofi
2013-01-05, 07:58
الاخت lofi : مافهمتكش واش قلتى على السمن .......الخ
اما لاجولى تستعمل لتزين التارت وكرام ديسار او


اسمحيلي تعبتك بالصح راني نجرب في وصفاتك ان شاءالله ولي مافهمتهاش راني نسول عليها ةالله قكثرت عليك

أولا نسقسيك على البقلاوة في الوصفة رقم الصفحة 57 راكي قلت

( البقلاوة" 3 عبار فرينة+1 عبر زبدة التوريق او زبدة عادية+ رشة ملح +لفاني +ماء وماء الزهر لميها وخليها سعات في الثلاجة ومنبعد حليها في اخدميها في الالة رقم الاخير وحليها من قبل بمايزينة واو الرقم ماقبل وديري الطبقات واطلي بين كل طبقة بالسمن وفيه قليل من لفاني+ خمارة الحلوى باه اجيك خفيفة ومورقة ,,,,,,,,,,,,,,,,,,,,,,,,,,,,,,)

هادي النقطة لي باللون الأحمر لي أشرت اليها في الوصفة مافهمتهاش

بين طبقات البقلاوة يكون يسمن فيه رشة الخمارة الحلوى والفاني كيفاش نستعملهم

ندير السمن يذوب كي يبرد نخلطوه بالحمارة والفاني ومن بعد ندهن بين الطبقاات

ثانيا super crem هل هي لا جولي

yarasmin26
2013-01-05, 12:01
شكرا لكي اختي على جميع الوصفات كم هي مدة العجن
اختي ربي يخليك ممكن تجاوبيني لماذا سوفلي تاع المحلات بالعجينة المورقة يجي يذوب في الفم لكن عندما اعمله في البيت يجي الثقيل هل الفرن يلعب دور او هناك سر من الاسرار انا عملت العجينة المورقة و هي ناجحة تتنفخ و يتحلو الطبقات لكن ما تجيش تذوب في الفم

السوفلي واحدو والبيتزا كوفار وحدها اوانت راكي تحوسي عاى بيتزا كوفار اجيك خفيفة اذا طبقتي عجينة المورقة بطريقة الصحيحة وانا راني مقدمة وصفة البيتزا كوفار في الجزء الاول من يراسمين ولكن لازم اطبيقي الطرق بالحرف الواحد باه تنجحي فيها ولا اشري عجينة المورقة جاهزة تباع 100 دج ل250 غ حليها رقيقة واقسميها على 2 ومنبعد ديري لصوص تاع البيتزا الخاصة بالبيتزا كوفار واطهيها في الفرن ساخن من قبل على درجة عالية من الحرارة كي تشوفيها بدات تحمار وطلعت نقصي غير شوية لنار واي حاجة مفهمتيهاش راني هنا

yarasmin26
2013-01-05, 12:08
اسمحيلي تعبتك بالصح راني نجرب في وصفاتك ان شاءالله ولي مافهمتهاش راني نسول عليها ةالله قكثرت عليك

أولا نسقسيك على البقلاوة في الوصفة رقم الصفحة 57 راكي قلت

( البقلاوة" 3 عبار فرينة+1 عبر زبدة التوريق او زبدة عادية+ رشة ملح +لفاني +ماء وماء الزهر لميها وخليها سعات في الثلاجة ومنبعد حليها في اخدميها في الالة رقم الاخير وحليها من قبل بمايزينة واو الرقم ماقبل وديري الطبقات واطلي بين كل طبقة بالسمن وفيه قليل من لفاني+ خمارة الحلوى باه اجيك خفيفة ومورقة ,,,,,,,,,,,,,,,,,,,,,,,,,,,,,,)

هادي النقطة لي باللون الأحمر لي أشرت اليها في الوصفة مافهمتهاش

بين طبقات البقلاوة يكون يسمن فيه رشة الخمارة الحلوى والفاني كيفاش نستعملهم

ندير السمن يذوب كي يبرد نخلطوه بالحمارة والفاني ومن بعد ندهن بين الطبقاات

ثانيا super crem هل هي لا جولي
هذه نوع من انواع البقلاوة واسمها بقلاوة مورقة
اما بخصوص التوريق ذوبي السمن منبعد اضيفي لفاني باه ريحة السمن اتروح وزيدي فرغي شوية خمارة الحلوى هذه باه طبقات اجي مورقة شوية ومنبعد ادهني الطبقات انتاوعك
سوبر كرام هي لاجولي وفيها الالوان والذوق تاع الفواكه وتستعمل لتزين لتارت شابة
اما اذا كانت عندكم وليمة ديري بقلاوة لعراس تبقى طرية وخفيفة وتقدري تعاودي تعسليها عادي وتحفظ في المجمد

فوزية1975
2013-01-06, 05:48
اللهه يجازيك اعطيني لصوص تاع البيتزا كوفار

yarasmin26
2013-01-06, 12:08
اللهه يجازيك اعطيني لصوص تاع البيتزا كوفار
صوص تومات الخاصة بالبيتزا كوفار والكوكا

نعطيك كمية قليلة وانت ضاعفي المقادير " 2 حبات طماطم ديريهم في الفرن ينشوا+1 فصة ثوم وكي يبدا يدخلهم الطياب خرجيهم ذرذري عليهم الملح+الحرور+كمون ورجعيهاللفرن تكمل الطياب منبعد اسكرفجيالفصة تاع الثوم المشوية اعلى 1/2 حبة بصل+حرور+1/2 م ص كمون وقليهم على النار هادية+شوية زيت كي يتقلاو مليح اضيفي الكماكم المشوية ومنزوعة القشرة+1+1/2 م ك طماطم مصبرة +كوب ماء وكي تبدا اطيب اضيفي شوية ملح ثم ميكسي كل شيئ بالميكسوغ وراهي واجدة
عجينة البيتزا كوفار كي تحليها رقيقة متنسايش اثقبيها بالفرشيطة في كل مكان ثم ضعي لصوص ثم غطيها بطبقة من العجينة وسطري اعليها خطوط فقط دون التقطيع واطليها بالبيض ويمكن وضع قليل من البيشاميل فوق كل مربع وضعي فوقها حبة زيتون اسود وشهية طيبة وبالتوفيق

أم عائشة 10
2013-01-08, 08:23
بارك الله فيك
ممكن وصفة مميزة تحتوي على البرتقال؟

بريق الامل&
2013-01-08, 18:13
طرحت فابدعت

دمت ودام عطائك

ودائما بأنتظار جديدك الشيق

فوزية1975
2013-01-09, 06:09
شكرا اختي yarassmin.26 ; ربي يعطيك واش تتمناي

ماما ليث
2013-01-09, 12:50
شكراااااااااااااااااا

nousa 06
2013-01-10, 05:53
يعطيك الصحة اختي ياراسمين وربي يكتبلك الجنة ان شاء الله

فوزية1975
2013-01-10, 05:56
ااختي اريد ان اعرف الفرق بين souflé et le chaussonلان ان نظن انها عجينة وحدة

خلود العايش
2013-01-13, 13:03
السلا معليكم يعطيك الصحة على هذه الصفحة من فضلك اعطيني مقادير ليباركات

sassah
2013-01-13, 16:02
شكرا لك على المجهودات
حابة تقوليلي على نوع الفرينة اللي مليحة

layan yassmine
2013-01-14, 15:19
شكرااااااااااااااااااااااااااااا لك
انت دائما عسل

yarasmin26
2013-01-15, 09:59
ااختي اريد ان اعرف الفرق بين souflé et le chaussonلان ان نظن انها عجينة وحدة
الفرق بين السوفلي والشوصون هو:
السوفلي هي عجينة عادية تحليها رقيقة وديري طبقة من الحشوى الى تحبي ثم اغلقي اعليها بطبقة اخرى من عجينة ودهنيها بقليل من الماءمع الزيت راني حاطة وصفة السوفلي وهي رائعة
عجينة الشوصون" عجينة مورقة قطعيها مربع او مستطيل واحشيها بكريمة البيشاميل بالجبن شاف ولوي العجينة على نفسها ثم اطليها بالبيض وطيبيها وكي تخرج وهي سخونة شوية اغطسي الجوانب في البيشاميل ثم مدي الجوانب في الجبن مسكرفج احسن ايكون جبن احمر او شيدار الحقيقي مشي الابيض المشحم

ام محمّد
2013-01-15, 11:30
شكرا لمجهوداتك اختي الكريمة ونتمنى تقدري تفيديني
انا بغيت وصفة الزلابية الخنشلية وشكرا

أم عيشوش
2013-01-15, 20:39
السلام عليك حابة نسقسي على اللوز كيفاش نرحوه حتى يجينا رقيق او بمعنى اصح ماهي الالة اللي نستعملوها و شكرااااااا

فوزية1975
2013-01-16, 05:37
الفرق بين السوفلي والشوصون هو:
السوفلي هي عجينة عادية تحليها رقيقة وديري طبقة من الحشوى الى تحبي ثم اغلقي اعليها بطبقة اخرى من عجينة ودهنيها بقليل من الماءمع الزيت راني حاطة وصفة السوفلي وهي رائعة
عجينة الشوصون" عجينة مورقة قطعيها مربع او مستطيل واحشيها بكريمة البيشاميل بالجبن شاف ولوي العجينة على نفسها ثم اطليها بالبيض وطيبيها وكي تخرج وهي سخونة شوية اغطسي الجوانب في البيشاميل ثم مدي الجوانب في الجبن مسكرفج احسن ايكون جبن احمر او شيدار الحقيقي مشي
معنى الشوصون هي نفسها les monchons

fouzia48
2013-01-16, 12:21
سلام على كل الحبايب
اختي وحنونتي ياراسمين يعجبوني كل الوصفات ديالك
اشكركي جزيل الشكر وربي يجازيك يا عمري....
طلب صغير وايلا بغيتي رقم هاتفك اريد التواصل معكي ...

ام عمى سفيان
2013-01-16, 13:21
انت مشكورة جدا يا اختى على هده المعلومات .اريد من فضلك كيفية صنع مربى القرع الاحمر ؟انا فى انتضار ردك مشكوووورة.

ام رمزى
2013-01-16, 15:18
اخت مشكورة على المجهود وانا رانى انتبع فى كل معلوماتك و من فضلك ليا طلب اريد وصفة المحنشة نتاع الديول و نتاع العجينة و شكرا والله يجعلها فى ميزان حسناتك

fouzia48
2013-01-17, 09:26
وينك يا حبيبت القلب راني نستنى فيك يا حبوبة راني حابة قاطوات تاع قيمة وعصرية حابة نديهم معايا في عرسي

angel01
2013-01-18, 13:09
السلام عليكم ورحمة الله تعالى وبركاته
اتمنى من الاخوات ان تساعدنني في وصفة حلوى المرسيدس
لانو الوصفة الموجودة هنا ليست مفهومة
ولكم مني فائق الاحترام والتقدير.

كرما لا امرا وشكرا

noha_ali31
2013-01-19, 19:56
بارك الله فيك على هدا الموضوع لدي مشكلتين ارجو ان تساعديني في ايجاد الحل
1_عندما اقوم بتعسيل القلب اللوز في اليوم الثاني العسل ييبس ويدير قشرة مثل الصقيع مع العلم اني نخدم العسل (كاس سكر ب2كيسان ماء)
2_الكرواسون جربت كل المواضيع الخاص بيه ولكن مينجحش حابة نخدموا كيما لي يتباع في المخابز

بوراس
2013-01-19, 21:21
هههههههههههههههههههههههههههههههههههههههههههههههههه ههههههههههههههههههههههههههه
هههههههههههههههههههههههههههههههههههههههه

yarasmin26
2013-01-20, 13:48
شكرا لمجهوداتك اختي الكريمة ونتمنى تقدري تفيديني
انا بغيت وصفة الزلابية الخنشلية وشكرا
لست من الشرق الجزائري وليس لدي معلومة عنها ارجو البنات ايفيدوك تحياتي

yarasmin26
2013-01-20, 13:50
الاخت ام عيشوش " استعملي الربو يرحيلك مليح بانواعه واحسن ماركة مولينكس واذا عندك الة اخرى مكانش مشكل المهم في الروبو

yarasmin26
2013-01-20, 13:55
سلام على كل الحبايب
اختي وحنونتي ياراسمين يعجبوني كل الوصفات ديالك
اشكركي جزيل الشكر وربي يجازيك يا عمري....
طلب صغير وايلا بغيتي رقم هاتفك اريد التواصل معكي ...


شكرا لكي على الاطراء وربي ايخليك ليا حبيبتى ولكن اسفة منقدرش انعطي الهاتف انتاعي لكثرة الطلب عليه من اول مادخلت المنتدى من الجزء 1 باه ميزعفوش كامل اعليا ونفرق بينكم اسفة ولكن اذا احتجتى اي حاجة اطلبيني وانا في الخدمة من عيوني

yarasmin26
2013-01-20, 13:58
انت مشكورة جدا يا اختى على هده المعلومات .اريد من فضلك كيفية صنع مربى القرع الاحمر ؟انا فى انتضار ردك مشكوووورة.
اسفة منقدرش انفيدك لانه جامي درتو ومنحبوش ولكن شفت مرة في شهيوات بلادي نفس طريقة صنع المعجون ولكن اتبيته ليلة كاملة في اناء وفرغي اعليه السكر احرش ايبات بيه عندو نفس طريقة الدلاع اظن لانه يطلق الماء تاع الدلاع نعرفها بصح القرع الاحمر لالالالالالالالالالالالا

yarasmin26
2013-01-20, 14:02
وينك يا حبيبت القلب راني نستنى فيك يا حبوبة راني حابة قاطوات تاع قيمة وعصرية حابة نديهم معايا في عرسي


واش راكي حابة القاتوات اعذرينى عن التاخير لانه الميكروانتاعي راه خاسر وراني اراسل من السيبر اكتبي اسم الحلويات التقليدية الي راكي رايحة تديها وانعطيك الوصفة

yarasmin26
2013-01-20, 14:07
اخت مشكورة على المجهود وانا رانى انتبع فى كل معلوماتك و من فضلك ليا طلب اريد وصفة المحنشة نتاع الديول و نتاع العجينة و شكرا والله يجعلها فى ميزان حسناتك
وصفة المحنشة " 3 كيلات لوز ام مكسرات +1 كيلة سكر+قطعة زبدة +لفاني +ماء الزهر قدما يتشمخ فقط
الديول ادهنيهم كامل بالزبدة ذايبة اذا حبيتها كبيرة ديري 3الى 4اوراق اما الصغار1 واصنعي حربوش ولوي اعلى الديول وزيدي ادهني من الفوق وديريهم في الفرن يتخمرو
اما انتاع العجينة مافهمتكش واش راكي تقصدي

yarasmin26
2013-01-20, 14:15
بارك الله فيك على هدا الموضوع لدي مشكلتين ارجو ان تساعديني في ايجاد الحل
1_عندما اقوم بتعسيل القلب اللوز في اليوم الثاني العسل ييبس ويدير قشرة مثل الصقيع مع العلم اني نخدم العسل (كاس سكر ب2كيسان ماء)
2_الكرواسون جربت كل المواضيع الخاص بيه ولكن مينجحش حابة نخدموا كيما لي يتباع في المخابز


1 - الشاربات تاع قلب اللوز"1 لتر ماء وزيدي غير شوية +رطل سكر احرش +كاس ماء الزهر+لفاني وحطيهم على النار كي يبدا يغلى احسبي 20د ثم طفي اعليه النار وجديه ليلة من قبل وكي تسقي القلب اللوز الشاربات لازم اتكون باردة وهذه الكمية تاع كيلو سميد قلب اللوز
2 - الكرواسون راني حاطة الوصفة الحقيقية انتاعو ولكن مينجحش في البيت لانه لازم الة التخمير وهذا السر انتاعو وهي مش متوفرة في البيوت توجد فقط عند الخباز او الحلواني

yarasmin26
2013-01-20, 14:18
السلا معليكم يعطيك الصحة على هذه الصفحة من فضلك اعطيني مقادير ليباركات
اي وصفة تاع ليباركات حددي المبتغى باه انفيدك الخاصة بالتارت او القاتو

yarasmin26
2013-01-20, 14:21
شكرا لك على المجهودات
حابة تقوليلي على نوع الفرينة اللي مليحة
انا نستعمل فرينة الحمامة هي مليحة وشوفي انت عندكم واش هي المليحة

السعيدة بربها سارة
2013-01-21, 00:45
الله يبارك اخيتي ياسمين والله نو نقولك كلمة شكر ما توفي بحقك اصلا
يا ريت تشاعدني بعرس اخيتي واش تقتارحي علياا ندير قاطو تعيشي
احبك في خالقي

lofi
2013-01-21, 06:16
سلام يراسمين
راني حابة نسولك قلاصاج السيكولة لهذه الحلوة gateau financier شفتهافي احدى المنتديات
http://www.anaqamaghribia.com/pic/images/fcg2vbprtozvo5wnpr9s.jpg

noha_ali31
2013-01-21, 11:49
بارك الله فيك ضرك عرفت سر الشاربات

yarasmin26
2013-01-21, 11:54
الله يبارك اخيتي ياسمين والله نو نقولك كلمة شكر ما توفي بحقك اصلا
يا ريت تشاعدني بعرس اخيتي واش تقتارحي علياا ندير قاطو تعيشي
احبك في خالقي

واش راكي والله ليك وحشة هذه مدة مسمعتش خبارك
المهم الحلوى كاين بزاف الكاثر راهم ايديرو واحدة معسلة ومسكرة والمطلية في العلبة واذا حبيتى الناشفة نعطيك مودال جديد مزال معرفوهش بزاف وهو بدون طهي متقوليليش الصورة لانه البورطال انتاعي انسرق هذه 3 بورطابل ايروحلي اعلى هكذا منيش انحط الصور والوصفة ولذيذ واذا حبيتى اي حلوى انقلك اعليها وانا نعرفها منبخلش اعليك

yarasmin26
2013-01-21, 12:08
الاخت lofi " هذه الوصفة تحتاج الى قوالب السيلكون والشكولاطة عادية اتذوب على حمام مائي واذا حبيتى الصور والطريقة اكتبي في قوقل الشكولاط في قوالب السيلكون يخرجولك كامل الوصفات الي نستعملوهم بالطريقة والشرح

منى ابراهيم
2013-01-21, 12:21
سلام اختي ام كوثر ربي يحفضك ويسترك على هذا الموضوع انا عندي مشكل في القلاساج مينجحليش كامل واذا نجحلي يجي غير شوية وثاني نحوس على حلويات بالشوكولاطة

amouna.sem
2013-01-21, 12:32
السلام عليكم شكرا على كل الافاداة. سؤالي هو كيف احصل على طمينة اللوز تكون خفيفة و دوب في الفم؟

السعيدة بربها سارة
2013-01-21, 13:43
?????????????????//

ام محمّد
2013-01-21, 13:59
شكرا لاهتمامك اختي ياراسمين
في انتظار مساعدة الاخوات اللي من الشرق وخاصة الخنشليات حتى يفيدونا بوصفة الزلابية الخنشلية اللي مازالت باقية في قلبي مزية فاتني الوحم

fouzia48
2013-01-22, 16:13
سلام يا اختي ياراسمين توحشناك تاع الصح شوفي حبيبتي غادي نخليها عليك انت اعطيني 5 وصفات شابين وتاع قيمة ويحمرو الوجه ونشكرك على كل ما تفعلينه ربي يجازيك على حساب نيتك شكرااااااااااا..........

مريومة دودي
2013-01-22, 17:46
:mh31:يعتيكم صحة اخواتي عندي سؤال على كريم شونتي هت نفدر نخدمها ف الميكسور تاع العصير ماعنديش باتور

lofi
2013-01-23, 05:07
سلام يراسمين
بعطبك الصحة راني شارية قوالب السيليكون كنت نظن كاش ما فيها حاجة زايدة في الشيكولاطة


يرا من فظلك تساعديني واش نخدم قاطو النفاس راها اختي قريب ان شاءلله رايحة تنفس

حابة ندير حاجة زينة جديدة وتحمر الوجه والله راهي تالفتلي واش نخدم

لوكان تتكرمي عليا تعطبني هذي الوصفة مع طريقة الشرح لي كنت جاوبتي بيها السعيدة بربها سارة ا"""واذا حبيتى الناشفة نعطيك مودال جديد مزال معرفوهش بزاف ""

yarasmin26
2013-01-23, 08:36
سلام اختي ام كوثر ربي يحفضك ويسترك على هذا الموضوع انا عندي مشكل في القلاساج مينجحليش كامل واذا نجحلي يجي غير شوية وثاني نحوس على حلويات بالشوكولاطة
الاخت يراسمين26 هي الي ترد اعليك راني قدمة وصفة القلاصاج في العيد وهي ناجحة من اول مرة ابحثي عن وصفاتي واكيد تنجحين من اول وهلة بالتوفيق

yarasmin26
2013-01-23, 08:41
السلام عليكم شكرا على كل الافاداة. سؤالي هو كيف احصل على طمينة اللوز تكون خفيفة و دوب في الفم؟
انا اول مرة نسمع بطمينة اللوز ولكن كي بحثت عنها في قوقل خرجتلى باه اعرفتها تغير في الاسم فقط
هذه المقادير من قوقل
500 غ لوز غبرة+300 غ سكر احرش+100 غ زبدة+125 مل حليب+لفاني+ ملون الي حبيتى

yarasmin26
2013-01-23, 08:47
سلام يا اختي ياراسمين توحشناك تاع الصح شوفي حبيبتي غادي نخليها عليك انت اعطيني 5 وصفات شابين وتاع قيمة ويحمرو الوجه ونشكرك على كل ما تفعلينه ربي يجازيك على حساب نيتك شكرااااااااااا..........
ديري قنيدلات اللوز+ مخبز الورد+ مقروط مسكر+بقلاوة لعراس+ وحاجة ناشفة جديدة انظري نقدملك هذو الوصفات انتاعهم بمقادير الصحيحة وبقلاوة لعراس ديري الي قدمتها راهي لذيذة وتبقى معسلة وطرية ولكن ذكرينى فقط باه نعطيك الوصفات في اقرب وقت

lofi
2013-01-23, 10:44
يراسمين26 من فظلك تساعديني واش نخدم قاطو النفاس راها اختي قريب ان شاءلله رايحة تنفس

حابة ندير حاجة زينة جديدة وتحمر الوجه والله راهي تالفتلي واش نخدم

لوكان تتكرمي عليا تعطبني هذي الوصفة القاطو الناشف ومايطيبش مع طريقة الشرح لي كنت جاوبتي بيها السعيدة بربها سارة
ا"""

واش راكي والله ليك وحشة هذه مدة مسمعتش خبارك
المهم الحلوى كاين بزاف الكاثر راهم ايديرو واحدة معسلة ومسكرة والمطلية في العلبة واذا حبيتى الناشفة نعطيك مودال جديد مزال معرفوهش بزاف وهو بدون طهي متقوليليش الصورة لانه البورطال انتاعي انسرق هذه 3 بورطابل ايروحلي اعلى هكذا منيش انحط الصور والوصفة ولذيذ واذا حبيتى اي حلوى انقلك اعليها وانا نعرفها منبخلش اعليك"" plz plz plz plz plz plz plz plz

amouna.sem
2013-01-23, 13:22
انا اول مرة نسمع بطمينة اللوز ولكن كي بحثت عنها في قوقل خرجتلى باه اعرفتها تغير في الاسم فقط
هذه المقادير من قوقل
500 غ لوز غبرة+300 غ سكر احرش+100 غ زبدة+125 مل حليب+لفاني+ ملون الي حبيتى

merci khti bzef bezaf ndirha é radlek bel khbar Allah yahfdek

fouzia48
2013-01-23, 14:27
ربي ما يحرمناش منك يا حبيبة القلب ياراسمين لك الف شكر

ام يونس و سرين
2013-01-23, 17:31
اختي الفاضلة انا دايما اعمل الغريبية و لكن تجيني مايش هشيشة جربت كل الطرق حتى يئست افيديني افادك الله:

ام عمى سفيان
2013-01-23, 22:37
اختى ياراسمين26 اريد من فضلك كيفية صنع الكاشير فى البيت ؟ قراته هنا فى المنتدى ولكنى لم اجده الان وانت مشكورة مسبقا.....

sbmwhadz
2013-01-24, 10:59
في وصفة لي بتي فور يا ريت لو كان تصوري لنا نوع لا دوي لي نستعملوها لأن الأنواع كثيرة و شكرا

rania iyad
2013-01-24, 22:32
اختي الكريمة اريد وصفة البيتي فور لي يبيعوا فيه عند حانوت الباتيسري و قوليلي على المقادير و علاش النكهة تاعو متصلحليش كي نطيبوا و شكرا

السعيدة بربها سارة
2013-01-24, 23:16
واش راكي والله ليك وحشة هذه مدة مسمعتش خبارك
المهم الحلوى كاين بزاف الكاثر راهم ايديرو واحدة معسلة ومسكرة والمطلية في العلبة واذا حبيتى الناشفة نعطيك مودال جديد مزال معرفوهش بزاف وهو بدون طهي متقوليليش الصورة لانه البورطال انتاعي انسرق هذه 3 بورطابل ايروحلي اعلى هكذا منيش انحط الصور والوصفة ولذيذ واذا حبيتى اي حلوى انقلك اعليها وانا نعرفها منبخلش اعليك






هاي هاي اسمعي انا الطياب انا مولاتو ولكن الحلويات شوية بعيدة عليهم يا الله اعطيني الوصفات ولكن غير بشوية راسي خشين


حبيبتي انتي والله بخير يسول عليك الخير حتى انا توحشتك والله ماكان حتى جديد ادعي معايا الله يسخر ليا

ftage
2013-01-25, 13:40
يااختي مادا بيك تحطيلي وصفة البراج خطوة بخطوة لانني مانعرفش انديروا......
وبارك الله فيكي

4amine123
2013-01-25, 15:11
اختي بدي وصفة لتسمين

ام يونس و سرين
2013-01-25, 19:08
ارجوك انا لم انجح في تحضير قريوش لسان الطير حليت العجينة رقيقة و لكن عندما حطيتها في الطاجين اصبحت سميكة وكدلك عندما نزعثها من الطاجين وحاولت تدويرها كانت تتفتت ما الحل ارجوك و جازاك الله كل خير

fouzia48
2013-01-25, 19:59
وينك يا حبيبت القلب رانى توحشناك هادي غيبة

ساندي 28
2013-01-26, 09:50
اختي من فضلك عندي كمية من الزبدة الحرة نتاع البقرة الي يستخرجوها من اللبن هل ممكن نستعملها في العجينة المورقة وسؤال اخر في واش نستعمل قشدة كريمية وكيف استعملها وشكرا جزيلا لكي

ام نسرين
2013-01-28, 07:15
راني نحوس على الوصفة تع هذه الحلوة لو سمحتم

yarasmin26
2013-01-28, 09:23
يراسمين26 من فظلك تساعديني واش نخدم قاطو النفاس راها اختي قريب ان شاءلله رايحة تنفس

حابة ندير حاجة زينة جديدة وتحمر الوجه والله راهي تالفتلي واش نخدم

لوكان تتكرمي عليا تعطبني هذي الوصفة القاطو الناشف ومايطيبش مع طريقة الشرح لي كنت جاوبتي بيها السعيدة بربها سارة
ا"""

واش راكي والله ليك وحشة هذه مدة مسمعتش خبارك
المهم الحلوى كاين بزاف الكاثر راهم ايديرو واحدة معسلة ومسكرة والمطلية في العلبة واذا حبيتى الناشفة نعطيك مودال جديد مزال معرفوهش بزاف وهو بدون طهي متقوليليش الصورة لانه البورطال انتاعي انسرق هذه 3 بورطابل ايروحلي اعلى هكذا منيش انحط الصور والوصفة ولذيذ واذا حبيتى اي حلوى انقلك اعليها وانا نعرفها منبخلش اعليك"" plz plz plz plz plz plz plz plz
ربما انحط الوصفة في موقع الوصفات باه الكل يستفاد مع وصفات الصبيعات شابين انتظري وصفاتي وجربيهم

yarasmin26
2013-01-28, 09:26
ام يونس وسرين " شوفي الوصفة انتاعي تاع الغربية هشيشة ولذيذة بشهادة كل من جربها انشاء الله العضوات ايحطولك الوصفة بالتوفيق

foufou0008
2013-01-28, 15:26
السلام عليكم حبيت نسقسيك اختي على الشكولاطة منين نحبو نوضعوها في القاطو كيفاش نديرولها باش تنشف بسرعة وفي نفس الوقت تجي تبريي انا نزيد معاها شوية حليب بصح قاع ماتنشف تقعد تتلصق قوليلي كيفاش نديرله ويكون بلا بيض يعني ماشي قلاصاج بالبيض برك الشكولاطة

lofi
2013-01-28, 18:38
ربما انحط الوصفة في موقع الوصفات باه الكل يستفاد مع وصفات الصبيعات شابين انتظري وصفاتي وجربيهم
ان شاءالله راني نستنى على أحر من الجمر

lofi
2013-01-28, 18:47
ام يونس وسرين " شوفي الوصفة انتاعي تاع الغربية هشيشة ولذيذة بشهادة كل من جربها انشاء الله العضوات ايحطولك الوصفة بالتوفيق
غرفية زبدة صول ذائبة +كاس زيت+غرفية ناقصة منها 2 اصابع سكر قلاصي+احبكيهم مليح 30 د حتى ترجع كريمة والسر اناعها في الحبيك ثم الفرينة حتى تنتلم العجينة
*واخدميها كيما المقروط يد اجيب العجينة ويد تيديها حتى تتداخل الزبدة في الفرينة *ومنبعد جربي حبة واحدة شكليهاوديري القرفة وطيبها *
**اذا صبتيها شادة روحها كملي كامل العجينة وبعدي بينتهم
**واذا شفتي هذيك الحبة هبطت زيدي اخدميها امليح حتى تتداخل فيما بعضها
**اما اذا صبتيها ناشفة العجينة زيدي شوية زيت غير شوية
في كوشة ساخنة من قبل وكي ديري السنوى زيدي نقصي النار

yarasmin26
2013-01-29, 10:20
اختى ياراسمين26 اريد من فضلك كيفية صنع الكاشير فى البيت ؟ قراته هنا فى المنتدى ولكنى لم اجده الان وانت مشكورة مسبقا.....
منكذبش اعليك الكاشير انا نشريه منصنعوش وكاين في المنتدى في قسم الاطباق الرئيسية وقسم المقبلات راهم حاطين الوصفات انتاعو راهم فماك تتغير قط الصفة بالتوفيق وانشاء الله العضوات ايساعدوك

حمدا لله كثير
2013-01-29, 12:30
يارك الله فيكي

yarasmin26
2013-01-30, 09:11
في وصفة لي بتي فور يا ريت لو كان تصوري لنا نوع لا دوي لي نستعملوها لأن الأنواع كثيرة و شكرا
نوع لادوي تاع الكتان والبشون تاع الوردة وسط الحجم

yarasmin26
2013-01-30, 09:14
اختي الكريمة اريد وصفة البيتي فور لي يبيعوا فيه عند حانوت الباتيسري و قوليلي على المقادير و علاش النكهة تاعو متصلحليش كي نطيبوا و شكرا
البوتي فور راني قدمت الوصفة انتاعو تاع المحلات تحت عنوان قاتو ساك منذ مدة ولكن هو صعيب شوية في النجاح انتاعو اعلا هكذا اصحاب المحلات ميكثروش منه لانه ميخرجلهمش الاكثرية

yarasmin26
2013-01-30, 09:15
هاي هاي اسمعي انا الطياب انا مولاتو ولكن الحلويات شوية بعيدة عليهم يا الله اعطيني الوصفات ولكن غير بشوية راسي خشين


حبيبتي انتي والله بخير يسول عليك الخير حتى انا توحشتك والله ماكان حتى جديد ادعي معايا الله يسخر ليا
راني قدمت 3 وصفات تاع حلويات2013 جديد + جديد بالتوفيق

yarasmin26
2013-01-30, 09:17
يااختي مادا بيك تحطيلي وصفة البراج خطوة بخطوة لانني مانعرفش انديروا......
وبارك الله فيكي
انشاء الله العضوات ايفيدوك لانه انا منديروش ولست من الشرق الجزائري

yarasmin26
2013-01-30, 09:19
ارجوك انا لم انجح في تحضير قريوش لسان الطير حليت العجينة رقيقة و لكن عندما حطيتها في الطاجين اصبحت سميكة وكدلك عندما نزعثها من الطاجين وحاولت تدويرها كانت تتفتت ما الحل ارجوك و جازاك الله كل خير
نبحثلك في قوقل اعلا المشكل انتاعك مع القريوش وانشاء الله انعطيك الوصفة الحقيقية اتاعو لانه منديروش

yarasmin26
2013-01-30, 09:21
وينك يا حبيبت القلب رانى توحشناك هادي غيبة
الله لايغيبك يالحبيبة انشاء الله تلقاي غير الخير قدامك شوفي جديدي راني قدمت 3 وصفات تاع حلوى 2013

yarasmin26
2013-01-30, 09:23
اختي من فضلك عندي كمية من الزبدة الحرة نتاع البقرة الي يستخرجوها من اللبن هل ممكن نستعملها في العجينة المورقة وسؤال اخر في واش نستعمل قشدة كريمية وكيف استعملها وشكرا جزيلا لكي
اكيد زبدة البقرة استعمليها في العجينة المورقة وفي كامل الحلويات الي تحبيها المهم متكونيش درتيلها الملح
قشدة الكريمية تصلح لاطباق الرئسية وتشيز كيك والبسبوسة

دموع تائبة
2013-01-30, 18:52
السلام عليكم
اختي يارا عندي سؤال من فضلك
انا كي ندير بريوش لمونة يجيني طري الحمد لله
لكن عيبه الوحيد انه ذوقه ماشي مليح نحس فيه طعم الفرينة والزبدة رغم اني نحط لافاني
حبيت نسألك ماهو نوع المعطر لي يحطوه في البريوش تاع المحلات
البريوش تاعهم يجي ريحته وطعمه يهبل

nasiha200
2013-01-31, 16:58
شكرا بارك الله فيك

nasiha200
2013-01-31, 17:42
شكرا يا ام كوتر

ام رمزى
2013-01-31, 19:00
[QUOTE=yarasmin26;12770762]وصفة المحنشة " 3 كيلات لوز ام مكسرات +1 كيلة سكر+قطعة زبدة +لفاني +ماء الزهر قدما يتشمخ فقط
الديول ادهنيهم كامل بالزبدة ذايبة اذا حبيتها كبيرة ديري 3الى 4اوراق اما الصغار1 واصنعي حربوش ولوي اعلى الديول وزيدي ادهني من الفوق وديريهم في الفرن يتخمرو
اما انتاع العجينة مافهمتكش واش راكي تقصدي
السلام عليكم اسف لم ارى ردك على طلب الان النت كانت مقطوعة البارح وين رديناها وانا نشكرك بزاف على ردك على طلبى وفى ما يخص المحنشة نتاع العجينة انا شفتها فى واحد العرس يجو مخنشات صغار مثل الكبار ولاكن هما بحجم صغير

foufou0008
2013-02-01, 14:49
السلام عليكم حبيت نسقسيك اختي على الشكولاطة منين نحبو نوضعوها في القاطو كيفاش نديرولها باش تنشف بسرعة وفي نفس الوقت تجي تبريي انا نزيد معاها شوية حليب بصح قاع ماتنشف تقعد تتلصق قوليلي كيفاش نديرله ويكون بلا بيض يعني ماشي قلاصاج بالبيض برك الشكولاطة

انتظر جوابك اختي

السعيدة بربها سارة
2013-02-02, 00:22
كي رانا مورطين يليقنا كوزينة هنا بالكام ولالا
ربي يهنيكم ان شااء الله

yarasmin26
2013-02-02, 09:25
الاخت foufou0008 : منذ مدة حطيت طريقة قلاصاج الشكولاطة احسن طريقة هي شكولاطة نوع جيد او عجينة قلاصي+ حليب + زبدة لتلميع شوفي وصفتى تاع البنيون من عند يراسمين 26 في الجزء 1 تجدين كل التفاصيل بالشرح واكيد راكي رايحة تنجحي فيها

souso07
2013-02-02, 16:37
ربي يخليك الاخت حبيت الوصفة تاع قاطو الشمسية و تكون مضمونة الف شكر

السعيدة بربها سارة
2013-02-04, 00:33
حبيبتي ياسمين اخيتي ما رييتيش عليا شا ندير قاطو لاني اللي تديه معاها واللي نعملوه في ليبوات

أم ياسين الزهراء
2013-02-04, 06:52
اختي العزيزة عندي اروم تاع اللوز المر في واش نستعملو

khadoujj
2013-02-04, 11:53
السلام عليكم اختي العزيزة انا بغيت نسقسيك على الباتيسري الي ينباع هديك ليكولاغ الي تجي من فوق هي ديكوجال فوق لكرام شنتي

ولا جولي ..........انا مفهمتش ممكن تساعديني الله يجازيك

مرام
2013-02-04, 12:06
السلام عليكم اختي حابا نعرف مقادير تاع الجينواز وتكون مجربة
وياريت تعطيهالي باستعمال الملعقة او الكاس لاني ماعنديش ميزان
وحابا نعرف اي نوع شيكولا المليح في الgلاساج

دموع تائبة
2013-02-04, 14:49
السلام عليكم

اختي يارا عندي سؤال من فضلك
انا كي ندير بريوش لمونة يجيني طري الحمد لله
لكن عيبه الوحيد انه ذوقه ماشي مليح نحس فيه طعم الفرينة والزبدة رغم اني نحط لافاني
حبيت نسألك ماهو نوع المعطر لي يحطوه في البريوش تاع المحلات

البريوش تاعهم يجي ريحته وطعمه يهبل


اختي يارا انتظر جوابك

fatyb
2013-02-08, 15:46
http://www.djelfa.info/vb/showthread.php?t=1154306

بصح ماكنش المقادير يا ام كوثر ساعدني ربي عيشك

RANIA32
2013-02-08, 19:07
بارك الله فيك أختي على المجهود اللي راكي تبذليه,وشتاهو السر اللي يخلي القاطو يجي رطي ,أنا في الغالب يجيني يابس.
وشكرا مسبقا

عصفور الجنة
2013-02-09, 14:07
سلاااااااااام
شكراااااااااااا على كل ما تقدمينه فعلاااااااا كل وصفاتك رووووووعة ونااجحة

ممكن تعطيني وصفة البقلاوة واسرارها

نور اليقين 25
2013-02-09, 20:07
مساء النور اختي يارا ياسمين الله انورك راني حابة نعمل جنواز في صينية 38 سم على 38 سم حابة المقادير الله اعيشك لانو لازم غدوة نديرها ان شاء الله نطلب ربي نلقى ردك شكراااااا عبى وصفاتك اللذيذة ربي ميحرمناش منك

yarasmin26
2013-02-10, 11:18
بارك الله فيك أختي على المجهود اللي راكي تبذليه,وشتاهو السر اللي يخلي القاطو يجي رطي ,أنا في الغالب يجيني يابس.
وشكرا مسبقا

سببه الفرينة كمية كبيرة و العسل الثقيل مرة اخرى ديري الحلوى في كيس بلاستيك ثم في علب باه تحافظ على الرطوبة وتبقى طرية

serine alger
2013-02-10, 20:59
السلام عليكم.أختي .حابة ندير تارت .
أنا متعودة نديرها بالجينواز ندير طبقات نحشيها بكريمة الشانتيي ونزينها حسب الرغبة يعني شكولا أو شانتيي بالفواكه. وتخرج هااااايلة كيما تاع البيع .هاد المرة حابة أ نوع شوية وقلت غير الأخت ياراسمين الي تعاوني .حابة تعطيني رايك كيفاش ندير تارت بالمكونات التالية**الجينواز ***كريمة الشانتيي***وهاد المرة شريت أيضا موس الشكلاطة الي تباع في العلب حابة نجربها .سؤالي هل ندير الجينواز رقيقة فوقها موس الشكولا ثم الشانتيي فوق موس الشكولا ---أو ندير الجينواز رقيقة ثم موس الشكولا ثم طبقة الجينواز الثانية ثم الشانتيي...والله راني نستنى تعطيلي رأيك .بخصوص وضع الطبقات.......اااسفة راني طولت عليك.

yarasmin26
2013-02-12, 10:33
الاخت عصفور الجنة " البقلاوة راني مقدمتها هذه مدة وهي خاصة بكل المناسبات وخاصة الاعراس وفيها اسرار نجاحها تحت عنوان بقلاوة لعراس باسرارها من عند يراسمين 26

serine alger
2013-02-12, 14:28
السلام عليكم.أختي .حابة ندير تارت .
أنا متعودة نديرها بالجينواز ندير طبقات نحشيها بكريمة الشانتيي ونزينها حسب الرغبة يعني شكولا أو شانتيي بالفواكه. وتخرج هااااايلة كيما تاع البيع .هاد المرة حابة أ نوع شوية وقلت غير الأخت ياراسمين الي تعاوني .حابة تعطيني رايك كيفاش ندير تارت بالمكونات التالية**الجينواز ***كريمة الشانتيي***وهاد المرة شريت أيضا موس الشكلاطة الي تباع في العلب حابة نجربها .سؤالي هل ندير الجينواز رقيقة فوقها موس الشكولا ثم الشانتيي فوق موس الشكولا ---أو ندير الجينواز رقيقة ثم موس الشكولا ثم طبقة الجينواز الثانية ثم الشانتيي...والله راني نستنى تعطيلي رأيك .بخصوص وضع الطبقات.......اااسفة راني طولت عليك.


بلييييييييز راني نستنى.

fouzia alger
2013-02-12, 14:34
من فضلك أختي وصفة المرانغ ألي تتباع بالحبة و اذا أمكن طريقة طهيها, لأنني في كل مرة مننجحش فيها
شكرا كتيرا

yatoyato31
2013-02-13, 07:58
صباح الخير اختي حابة وصفة الكروكي مجربة و مضمونة

هنـاء
2013-02-13, 12:12
سلام عليكم شكرا لك كثيرا علي مساعتتنا انا كل من جرب طليه نتع الحلوه بعد مده تيبس وتصبح الحلوي نتع طليه يابسه متل المخبز العرايش كل الحلويات التي تستدعي طليه ممكن اني الطليه مقاديرها غير صحيحه هل يمكن ان تعطيني مقادير صحيحه و التي اضمن بها بقاء الطليه رطبه وطريه ولماعه في اطول مده جزاك الله كل خير تحياتي لك

هنـاء
2013-02-13, 12:14
سلام عليكم ممكن مقادير طليه نتع مخبز و العرايش باش تبقي طليه رطبه وطريه وهشيشه مع الحلوي اشكرك كثيرا اختي وبارك الله فيك

yarasmin26
2013-02-13, 12:29
الاخت نور اليقين: اسفة على تاخيري انقطاع الانترنت بسب الاحوال الجوية
ديري بسكوي سفواغ مش الجينواز تستعمل فقط لتارت الصغار اما السفواغ لتارت كبار شوية لانه الجينواز متقدريش تقسميها منبعد والمقادير انتاعها راهي متوفرة في وصفاتي ولكن تقيدي بالمقادير لنجاح الوصفة

yarasmin26
2013-02-13, 12:33
الاخت سيرين الجزائر: ديري كيما تحبي كل الاذواق ويمكن كذالك ختى الياغور بالفواكه
هنا ديري الجينواز طبقات ثم موس الشكولاطة ثم زينيها بكرام شانتي ومن الفوق فاكهة

yarasmin26
2013-02-13, 12:37
من فضلك أختي وصفة المرانغ ألي تتباع بالحبة و اذا أمكن طريقة طهيها, لأنني في كل مرة مننجحش فيها
شكرا كتيرا
راني قدمت عدة مرات وصفة الميرانق تاع المحلات الحلويات وهي ناجحة من اول مرة ابخثي في وصفات الجزء الاول من يراسمين 26 بالتوفيق

yarasmin26
2013-02-13, 12:41
صباح الخير اختي حابة وصفة الكروكي مجربة و مضمونة
وصفة الكروكي راهي منذ مدة طويلة في المنتدى وهي خلوة ناجحة وطرية تاع محلات الحلويات وهي تصنع كمية كبيرة ابحثي في وصفاتي في الجزء الاول من يراسمين 26 تحت عنوان الكروكي من محل الحلويات وهي كمية كبيرة انت نقصي في المقادير

yarasmin26
2013-02-13, 12:47
الاخت هناء: كاين انواع من الطلية ولهم تقريبا نفس المقادير ولكن كامل الحلوى بعد1 شهر تيبس واذا كان اقل نقصي من سكر قلاصي وشوفي وصفتى تاع القلاصاج قدمتها ليلة عيد الفطر فهي ناجحة 100/100

أم ياسين الزهراء
2013-02-13, 14:18
سقسيتك على اروم تاع اللوز المر في واش نقدر نديرو والكمية شحال

لجين منة الله
2013-02-13, 14:58
السلام عليكم اختي الحبيبة اراياسمين انا عضوة جديدة في المنتدى وسبب دخولي للمنتدى هو انت وموضوعك الرائع انا يا ختي العزيزة صفر في الحلويات وامنيتي ان اتعلم صناعة الحلوى دائما عندي مشكل في صناعتها تعرفي عني جميع الكتب وشريت كامل لمول والاشكال نتاع الحلوى لكن لما نجي نعمل الحلوى تخسرلي ويطحلي المورال اليوم حبيت انك انت تعلميني من الصفرممكن حنونة وربي يجزيك كل خير يارب وتكوني درتي فيا

RANIA32
2013-02-14, 08:28
هل عجينة العرايش وعجينة التشاراك نعجنوها مليح ولا غير لموها مثل عجينة الصابلي باه تجينا هشيشة

أم هجورة
2013-02-14, 08:58
أريد وصفة السيقار لي يخدموه بالديول لكن مكان الديول حابة نخدمو بالعجين ممكن الوصفة

yarasmin26
2013-02-14, 10:27
الاخت ام ياسين الزهراء" لاغوم تاع اللوز المر تصلح لكل الاستعمالات مع لاضافة عطر البندق لتغير طعم الكوكاو او مع لفاني تاع الميزان لحلويات

لجين منة الله
2013-02-14, 12:15
وقيلة معنديش الزهر معاك يا حنونة نسناو بلاك نلقاو اجابة

لجين منة الله
2013-02-14, 12:52
السلام عليكم اخت يارا ياسمين وعلى كل الاخوات انا عندي مشكل لن دائما العجينة نتاع الصابلي ديمةتجيني يابسة ولا تهبطلي كنديرها في الفرن زعم لوكان ندير كويرات ميبقاوش كيمل هما يهبتو وتانيك المعمول يهبتلي مايبقاش كيما هو حابة نعرف وراه المشكلا وشكرا

yarasmin26
2013-02-14, 13:56
السلام عليكم اختي الحبيبة اراياسمين انا عضوة جديدة في المنتدى وسبب دخولي للمنتدى هو انت وموضوعك الرائع انا يا ختي العزيزة صفر في الحلويات وامنيتي ان اتعلم صناعة الحلوى دائما عندي مشكل في صناعتها تعرفي عني جميع الكتب وشريت كامل لمول والاشكال نتاع الحلوى لكن لما نجي نعمل الحلوى تخسرلي ويطحلي المورال اليوم حبيت انك انت تعلميني من الصفرممكن حنونة وربي يجزيك كل خير يارب وتكوني درتي فيا
اسفة على التاخير راني شفت المشكل انتاعك راه سهل اطلبي اي وصفة وانا في الخدمة واعذريني على التاخير راه عندي مشكل الانترنت قليلة بزاف اما سبب الحلوى متنجحش المشكل الوصفة غير حقيقية في المقادير دوك غير بشوية وتتعلمي واش راكي حابة اولا شوفي وطبقي الوصفات انتاوعي وانتاع الاخوات وانا نزيد انساعدك والمورال يطلعك وعندك الزهر معايا هههههههههههه

yarasmin26
2013-02-14, 13:59
هل عجينة العرايش وعجينة التشاراك نعجنوها مليح ولا غير لموها مثل عجينة الصابلي باه تجينا هشيشة
عجينة الحلوى عمرك متعجنيها ترجع يابسة طميها فقط يعني لميها وبس العرايش والتشارك المرمد نفس الوصفة والمقادير

yarasmin26
2013-02-14, 14:11
السلام عليكم اخت يارا ياسمين وعلى كل الاخوات انا عندي مشكل لن دائما العجينة نتاع الصابلي ديمةتجيني يابسة ولا تهبطلي كنديرها في الفرن زعم لوكان ندير كويرات ميبقاوش كيمل هما يهبتو وتانيك المعمول يهبتلي مايبقاش كيما هو حابة نعرف وراه المشكلا وشكرا
المشكل انتاعك راه في السكر الي ديريه في الصابلي اعلاه هكذاك يهبط واليبوسة من البيض والفرينة بكثرة
مرة اخرى ديري500غ الزبدة مع +6صفار البيض واخدميهم امليح + كوب ناقص 2 اصابع تاع سكر قلاصي +لفاني تاع الميزان 1 م كبيرة+ ا1/4 كيس خمارة الحلوى+الفرينة حتى تولي طرية فقط مش ناشفة ثم شكليها كما تريدين اما المعمول شوفي الوصفة تاع ام رامي لانه انا نعرفه سميد +فرينة

yarasmin26
2013-02-14, 14:14
أريد وصفة السيقار لي يخدموه بالديول لكن مكان الديول حابة نخدمو بالعجين ممكن الوصفة
ليس لدي وصفة السيقار تاع العجينة انا نخدمو بالديول

السعيدة بربها سارة
2013-02-14, 22:53
السلام حبيبتي الغالية واش راكي بخير يا اختي والله غير عرس اخيتي على راسي واش تقتارحي عليا ندير مام نعرف ولكين في الصح نجهل والله راني بالغربية ونخمم عليها ياسر ما عندي غيرها وووالدةربي يحفظها
يا الله حبيبتي عاوننين شنو ندير ولكن راه ندير نهار نجيبها من الصفحة الاولى وانا نكتب هههههههههههه

yarasmin26
2013-02-15, 10:15
السلام حبيبتي الغالية واش راكي بخير يا اختي والله غير عرس اخيتي على راسي واش تقتارحي عليا ندير مام نعرف ولكين في الصح نجهل والله راني بالغربية ونخمم عليها ياسر ما عندي غيرها وووالدةربي يحفظها
يا الله حبيبتي عاوننين شنو ندير ولكن راه ندير نهار نجيبها من الصفحة الاولى وانا نكتب هههههههههههه


والله راني الحمد الله ولكن راه عندي مشكل الانترنت السؤال انتاعك راني مدة ملي جاوبتك اعليه المهم الناس كامل راهم ايديرو في العرس البقلاوة او القنيدلات وزيدو معاهم المخبز تاع القلاصاج والحبة تكون كبيرة نوعا ما وزيدو مقروط اللوز او حلوى مطيبش والي تديه معاها المقروط+ حلوة الشكولاطة+ الحنيونات منيش عارفة كيفاش ايقولولهم في الشرق ربما المسياسة+ حاجة معسلة مثل السكندرانيات واذا راهي في بالك كاش حلوة وانا نعرفها وعندك مشكل معاها قوليلي وانا عطيك المقادير

أم هجورة
2013-02-15, 10:25
ممكن أختي وصفة الديول في البيت

دموع تائبة
2013-02-15, 11:44
السلام عليكم

اختي يارا عندي سؤال من فضلك
انا كي ندير بريوش لمونة يجيني طري الحمد لله
لكن عيبه الوحيد انه ذوقه ماشي مليح نحس فيه طعم الفرينة والزبدة رغم اني نحط لافاني
حبيت نسألك ماهو نوع المعطر لي يحطوه في البريوش تاع المحلات

البريوش تاعهم يجي ريحته وطعمه يهبل


سؤااالي اختي

السعيدة بربها سارة
2013-02-15, 14:40
حبيبتي انتي الغالية ربي يطول في عمرك وما تغيبي علينا
ممكن تقولي كي ندير قلاصاج تصدقي ما عمري الا جربتو ولا واحد ياكلو قصدي الزوج
ان شاء الله نجربو في عسر اخيتي

ان شاء الله قلت ندير
بسولاتمسو
مسيبحات/قنيدلات
لي كورني
مقروط
وماعرفت تاني مودرة





اها ممكن تعطيني طريقة الغريبية زوينةبحالك ههههه

hiba 81
2013-02-16, 05:28
السلام عليكم اختي ياسمين اريد منك كيفية صنع الفوندون اللذي يوضع علي الحلويات

yarasmin26
2013-02-16, 09:20
ام هجورة : انشاء الله العضوات ايفيدوك انا نشريه

yarasmin26
2013-02-16, 09:26
سؤااالي اختي

راني مجاوبتك هذه مدة شوفي الجواب تحت السؤال في الصفحات الاخيرة

yarasmin26
2013-02-16, 09:36
حبيبتي انتي الغالية ربي يطول في عمرك وما تغيبي علينا
ممكن تقولي كي ندير قلاصاج تصدقي ما عمري الا جربتو ولا واحد ياكلو قصدي الزوج
ان شاء الله نجربو في عسر اخيتي

ان شاء الله قلت ندير
بسولاتمسو
مسيبحات/قنيدلات
لي كورني
مقروط
وماعرفت تاني مودرة





اها ممكن تعطيني طريقة الغريبية زوينةبحالك ههههه


في اقرب وقت نعطيك وصفة القلاصاج بالفوندو باه ايجيك طري وشباب
بوسو لاتموسو ديريه مرفود كيما المقروط اللوز من حيث الشكل والحجم ورمديه عادي بسكر قلاصي وسموه فو مقروط
لي كورني لالالالالالا مديريهمش ماهمش تاع عرس زيدي حلوى مطيبش بنيون او خلوى الي قدمتها ب نواة كوكو

yarasmin26
2013-02-16, 09:49
الاخت هيبة 81" الفوندو نشريه منصنعوش وهو رخيص الثمن 80 دج او 90 دج فقط

SARAOMRI
2013-02-16, 10:45
الله يحفضك اخت ياسمين شي لراكي دريه شيء عضيم شكرا ومليون شكرا

sara lora
2013-02-16, 22:11
ممكن أختي وصفة الديول في البيت


سلام عليكم جميعا
اختي نعطيك الوصفة نتاع خديجة الي كانت تقدم في الصباحيات جربتها وتجي هايلة :19: 100/100



500غ طحين (فرينة)


1 كوب شاي زيت


10 غ ملح


ماء بارد للعجن


طريقة التحضير=


فى صحن للعجن نضع الطحين ونضيف اليه الملح ونضيف الزيت ونخلط جيدا ثم نضيف الماء ونعجن حتى نتحصل على عجينة حسب السورة نتركها ترتاح لمدة نصف ساعة فى كيس بلاستيكى


بعد ما ترتاح العجينة نفردها بالحلال اولا نرش الفرينة ونفردها ثم نمررها فى الة التوريق و الان دائما نرش بالنشاء اولا 1-2-4-6-8 هدا لما نكون نرد استعمالها فى حشو المعجنات او حشو المكسرات


لكن لما نكون نريد استمالها في صنع البقلاوة نقوم بعجنها الى غاية الرقم 5 ونجعل اربع طبقات مع بعظهم حسب الصورة ثم نقوم بدهن الصينية الخاصة بالبقلاوة بالسمن او الزبدة جيدا يعنى لازم نكثر من السمن تم نقوم بوضع العجينة ثم نضع فوقها السمن بكثرة ونستمرة بوضع الحشو الى ان ننتهى

ولقيت حتى صورة في احدى المدونات مع الوصفة
http://1.bp.blogspot.com/-_yMPMSskFhg/TjhqQYvZMbI/AAAAAAAAAUg/Ef5i3y64xbs/s400/IMAG0096.BMP

لجين منة الله
2013-02-17, 10:27
صباح الخير اعليكم كامل يلبنات وانت حنونة يارا ياسمين نشكرك بزاف لعلى المجهود لراك تعملي فيه وانا نضرك لانك راكي توفقي مابي المنزل والاجوبة اعلى العضوات ربي يعطيك ماتتمناي سؤالي هو ان اي عجينة تكون معمولة بالبض والزبدة والخمارة متجينيش مليحة متكونيش الحلوة خفيفة وطرية كيما يقولو ذوب في الفم تجيني يابسة ولا تهبطلي في الفرن ماتبقاش شكلها مليح تهبط وتولي خبزة وحدة

لجين منة الله
2013-02-18, 09:57
صباح الخير اعليكم كامل وشكون فيكم لحبيبة تحطللي صور نتاع لبريو اليجي فوق القلاساجممكن

ikram liliace
2013-02-19, 12:40
شكرا لك يا ام كوثر

yarasmin26
2013-02-20, 09:36
شكرا لك يا ام كوثر
انا الاخت يراسمين 26 الي ترد على الاسئلة وليست الاخت ام كوثر
تحياتي لجميع وشكرا

الفراشة.الأسيرة
2013-02-20, 22:18
أختي العزيزة yarasmin.26 أريد أن أستفسر عن نوع هذه الحلويات أرجوأن تفيديني جزاك الله خيرا :rolleyes: :D

:rolleyes:

aish
2013-02-21, 13:59
موس شوكولا ارجوكي

omabdo55
2013-02-22, 13:44
الله يحفظك انا عروس جديدة وراجلي طلب مني نخدملو قلب اللوز مع العلم راني جربتو في دارنا2 خطرات البنة تهبل بصح يابس شوية اذا تقدري تعطيلي وصفة نتاعو بالتدقيق مشكورة

yarasmin26
2013-02-24, 11:07
موس شوكولا ارجوكي
موس بالشكولاطة"
160 غ شكولاطة سوداء+30 غ زبدة ذايبة+4 بيض+50 غ كرام فراش+50 غ سكر ارطب+1 م ك سكر عادي
فرقي الصفار عن البياض وكل واحد حطيه وحدو
1-خذي الصفار ضربيه مع 1 ك سكر عادي حتى يصبح الخليط اصفر مائل الى بياض
وتروكيه بجهه
2- دير الشكولاطه مع الزبدة على حمام مائي حتى اتذوب ثم وخريها باه تبرد شوية ثم اضيفي الخليط البارد على خليط اصفر البيض المضرب وبقى تخلطي ختى الانسجام 3- ضربي بياض البيض مع سكر ارطب حتى يطلع ثم فرغيه على الخليط غير بشوية باه البياض ميتكسرش وفي الاخير فرغي القشدة الطرية وزيدي خلطي ببطئ ثم فرغي في اكواب وديري في الثلاجة وزيني كيما تحبي

yarasmin26
2013-02-24, 11:10
الله يحفظك انا عروس جديدة وراجلي طلب مني نخدملو قلب اللوز مع العلم راني جربتو في دارنا2 خطرات البنة تهبل بصح يابس شوية اذا تقدري تعطيلي وصفة نتاعو بالتدقيق مشكورة
راني مقدمتو عندها مدة ابحثي عن وصفاتي في الجزء الاول تحت عنوان يراسمين 26 وصفة القلب اللوز من محل الحلويات وهي بالتدقيق والشرح المفصل ولازم تبعي الطريقة لنجاح

دموع تائبة
2013-02-25, 09:37
راني مجاوبتك هذه مدة شوفي الجواب تحت السؤال في الصفحات الاخيرة

للاسف اختي يارا انتي ماجاوبتنيش لاني بحثث على ردك حتى عييت ومالقيت والو
سؤالي طرحته من اشهر لكن للاسف سهيتي عليه
بالرغم من انه سؤال بسيط تردي عليه بكلمة
وباقي العضوات طلبو منك وصفات طويلة وعريضة ورديتي عليهم بالتفصيل
هما عندهم الزهر وانا ماعنديش

ميمة11
2013-02-25, 15:42
من فضلك ما الذي يجعل القاطو يلمع

السعيدة بربها سارة
2013-02-26, 12:47
فينك يا اختي نسناا ردوودك هانا شيت كرااس باش نكتب بالتفصيل
ان شاء الله تكوني بخير

هجيرة1
2013-02-27, 08:52
صباح الخير اختي حابة وصفة ا تاع * لمونة *لمحلات الحلويات مجربة

Soumia95
2013-02-27, 12:41
سيدتي شكرا على المجهودات المبذولة من طرفك صنعت اليوم ملفاي من ناحية البنة رائع لكن الفوندون الذي وضعته من الفوق لم ياتي ابيض ناصع بل شفاف ماهوالسبب من فضلك وما نوع الفوندون الذي استعمله انا وضعت موكا

أم ياسين الزهراء
2013-02-27, 23:57
صباح الخير اختي حابة وصفة ا تاع * لمونة *لمحلات الحلويات مجربة


تفضلي اختي راني مجربتها والحمد لله ناجحة ماية بالماية



http://www.djelfa.info/vb/showthread.php?t=906740

yarasmin26
2013-02-28, 11:17
للاسف اختي يارا انتي ماجاوبتنيش لاني بحثث على ردك حتى عييت ومالقيت والو
سؤالي طرحته من اشهر لكن للاسف سهيتي عليه
بالرغم من انه سؤال بسيط تردي عليه بكلمة
وباقي العضوات طلبو منك وصفات طويلة وعريضة ورديتي عليهم بالتفصيل
هما عندهم الزهر وانا ماعنديش

والله ضحكتيني اربطتي زهرك كامل بوصفة لامونة
لامونة انت فقط راكي تحسي بالبنة ربما تكون عندك حساسية الرطوبة الي في الفرينة مرة اخرى اعري ليمون على الفرينة باه تروح منها البنة اما الزبدة كثري لفاني تاع الميزان والله مافيها حتى سر المقادير انتها والوصفة راني من العام الماضي حاطا الوصفة شوفي في نفس الصفحة الاخت ام ياسين الزهراء راهي حاطة الوصفة انتاعي لكثرة الطلب اعليها شوفيها وانت تعرفي الطريقة والمقادير

yarasmin26
2013-02-28, 11:19
من فضلك ما الذي يجعل القاطو يلمع
اشري الناكخي هو الي خلي الحلوى تلمع من عند بائع لوازم الحلويات

yarasmin26
2013-02-28, 11:24
فينك يا اختي نسناا ردوودك هانا شيت كرااس باش نكتب بالتفصيل
ان شاء الله تكوني بخير
راني الحمد الله في الصحة ولكن التعب تاع الخدمة هو الي قتلني راني نطيح فراش اعلا هكذا تواجد انتاعي قل في المنتدى راني تعبانة واش خصك يالحبيبة اطلبي الوصفة وانا نعطيك المقادير حتى اذا شفتيني مجاوبتكش بلخف متتقلقيش اعرفي مشكل العمل وكي نفرغ انرد اعليك
تحياتي ايه وجدي كراس وقلم ودوني

yarasmin26
2013-02-28, 11:25
صباح الخير اختي حابة وصفة ا تاع * لمونة *لمحلات الحلويات مجربة
شوفي الاخت ام ياسين الزهراء راهي حاطة رابط الوصفة انتاعي في نفس الصفحة

yarasmin26
2013-02-28, 11:30
سيدتي شكرا على المجهودات المبذولة من طرفك صنعت اليوم ملفاي من ناحية البنة رائع لكن الفوندون الذي وضعته من الفوق لم ياتي ابيض ناصع بل شفاف ماهوالسبب من فضلك وما نوع الفوندون الذي استعمله انا وضعت موكا
احسن ماركة هي موكا
انظن معطالكش الفوندو اشريتي جولي هو شفاف اما الفوندا اجي ابيض وثقيل يشبه عجينة اللوز الجاهزة

تفاحة12
2013-02-28, 14:05
السلام عليكم
ممكن اختي تعطيلي وصفة المعمول بالتمر ويجي فيها مبسس
لاني نديرو ويخرجلي يابس

الفراشة.الأسيرة
2013-02-28, 22:36
:'( okhti yara jawabtihom bokol ghir ana :D haba na3raf wach fih had lgato esk pate d'amande w bach ykoun mahchi normalement rabi yjazik lazmatni la re7 urgent





http://im33.gulfup.com/RWjE9.jpg


li 3la yamin sora en forme d'un coeur

:19::19::19::19::19::19::19::19::19::19::19:

sasafede
2013-03-01, 19:37
مرحبا يراسمين توحشتك بزاف راني عارفة بلي هادي غايبة عندك انت مدة محطيتيش وصفات في منتدى الحلويات ران توحشناك ان شاء الله اتميزينا بمواضيعك المميزة عن غيرها والتي تتميز بالخبرة تحياتي لك واتنمى لك كل الخير والعافية
بنت ولايتك.......

أم عائشة 10
2013-03-02, 08:26
شكرا لكي على كل ماتبذلينه من مجهودات وجزاك الله كل خير
ممكن أختي ياسمين بالنسبة لتزين الجينواز مرات يحطو صور من الفوق هل هي ورق عادي (27/21) أو أنها صور بمواد نستطيع أكلها ممكن توضحيلي ولكل من تعرف تجاوبني
بارك الله فيكم


وكذلك مخبز العجين من فضلك راني محتاجة للوصفة
جزاك الله كل خير

طير الرحمة
2013-03-02, 12:03
منفضلك اختى اريد وصفة حلوة الكبريس بنى تجى محشوة الداحل بالكابرس وتتعبريها ودربها فى الكاوكاو مطحون تو القفريط واريد مقادبر ل100حبة ادا امكن وشكرا لك مقدما

ام غالية
2013-03-02, 13:28
مساء الورد سيدتى حبيت وصفة قاطو نيسلى عجبنى ياسرشكرا

أم عائشة 10
2013-03-02, 18:43
أين أنت يا ياسمين محتاجة إجابتك سريعا على الصورة التي توضع على الجينواز

yarasmin26
2013-03-03, 11:13
السلام عليكم
ممكن اختي تعطيلي وصفة المعمول بالتمر ويجي فيها مبسس
لاني نديرو ويخرجلي يابس
شوفي وصفة الاخت ام رامي راهي عندها مدة ملي دارت المعمول لانه انا منديروش

yarasmin26
2013-03-03, 11:20
:'( okhti yara jawabtihom bokol ghir ana :d haba na3raf wach fih had lgato esk pate d'amande w bach ykoun mahchi normalement rabi yjazik lazmatni la re7 urgent





http://im33.gulfup.com/rwje9.jpg


li 3la yamin sora en forme d'un coeur

:19::19::19::19::19::19::19::19::19::19::19:
اسفة على التاخير حتى اليوم باه خرجتلي الصورة وانا شفت سؤالك من قبل لكن الصور لم تظهر عندي المهم هذه الحلويات مصنوعة بعجينة اللوز الحقيقية كاقاعدة مضافة ليها صبغة بيضاء والناكخي لجوانب باه يعطيها لمعان وحتى الفواكه والكوكسينال بعجينة اللوز والسائل الاحمر العسلي هذاك الجولي ويباع عند الحلواني يعني الي بيعو لوازم الحلويات

عائشة فرح
2013-03-03, 14:12
مشكورة اختي

أم عائشة 10
2013-03-03, 15:22
شكرا لكي على كل ماتبذلينه من مجهودات وجزاك الله كل خير
ممكن أختي ياسمين بالنسبة لتزين الجينواز مرات يحطو صور من الفوق هل هي ورق عادي (27/21) أو أنها صور بمواد نستطيع أكلها ممكن توضحيلي ولكل من تعرف تجاوبني
بارك الله فيكم





وكذلك مخبز العجين من فضلك راني محتاجة للوصفة
جزاك الله كل خير

الفراشة.الأسيرة
2013-03-03, 21:54
اسفة على التاخير حتى اليوم باه خرجتلي الصورة وانا شفت سؤالك من قبل لكن الصور لم تظهر عندي المهم هذه الحلويات مصنوعة بعجينة اللوز الحقيقية كاقاعدة مضافة ليها صبغة بيضاء والناكخي لجوانب باه يعطيها لمعان وحتى الفواكه والكوكسينال بعجينة اللوز والسائل الاحمر العسلي هذاك الجولي ويباع عند الحلواني يعني الي بيعو لوازم الحلويات




allah yfarhak w yhanik yala3ziza w khalilak hbabak w yaj3alha f mizan hasanatak

طير الرحمة
2013-03-04, 17:08
من فضلكم اريد وصفة حلوة الكبريس تجى مكعيرة وممرمدة فى البيمو اريد مقادير ل100 حبة وشكر مقدم لكم

جميلةالغرب
2013-03-05, 16:56
احتاج الى وصفة السفنج مع الصور ان امكن

جميلةالغرب
2013-03-05, 16:59
الرد من فضلكم

chahinez_alg
2013-03-06, 17:49
ختي تعيشي رايحة نشقيك معايا حابة وصفة صابلي هشيشة و مضمونة تكون كيلتها بالكيسان و المغارف ماشي بالغرام
شكرا مسبقا

جميلةالغرب
2013-03-06, 18:02
احتاج الى وصفة السفنج ان امكن بالصور

جميلةالغرب
2013-03-06, 18:03
الرررررررررررررررررررررررررررررررررد

جميلةالغرب
2013-03-06, 18:21
هده وصفة صابلي ويجي روعة
المقادير
500غ زبدة
4بيض
كا س سكر ناعم
2فرفارة ساشى
2لفاني ساشي
فرينة حتى تتلائم العجينة
تحضير
الزبدة+ السكر +البيض+ فرفارة+ لفاني+ فرينة
راحة العجينة من 15 دقيقة حتى 30دقيقة
ملاحضة لاتعجن العجينة لخطرش من تعجنيها تتطلبلك الفرينة اكثر اكثر و يججي قاطوك يابس هدي ملاحضة بالنسبة لكامل القاطويات
والله هدي الكيفية يجي قاط الصابلي هش و يدوب في الفم وتنسنيش بالدعاء الرد من فضلكم ونتمنى تجربوها

جميلةالغرب
2013-03-06, 18:23
الرررررررررررررد من فضلكم

hanalolo
2013-03-07, 13:35
مشكورة اختي من فضلك هناك نوع من الباتسري اسمه "ليكابريس" يصنع بالكاوكاو اريد كيفية صنعه؟؟ وهناك حشوة يسموها "لانوغاتين" ابحث عن كيفية صنعها ايضا
شكرا

ام وائل فخر الدين
2013-03-07, 14:08
بليزززززززززززززززززززززززززز بليز يا اختي اعطيني مقادير العجينة المورقة بليزززززززززززززززز ما :sdf::sdf:تخذلينيش



بليززززززززززززززززززززززززززززززز

linda yasmin
2013-03-07, 16:34
قوليلي اسهل طريقة لعمل قريوش
ميجيش معرك معناها ايجي فارغ من الدخل

جميلةالغرب
2013-03-07, 17:35
احتاج لوصفة السفنج بالصور ان امكن هل من مجيب الرد من فضلكم

wala
2013-03-07, 17:38
السلام علكم يالحنونة والله غير رانى ندعيلك بدعاوى الخير عندى كراس سبيسيال نتاعك المهم جربت لى صابلى روعة لانى مانيش فور فى القاطو من فضلك المشوك لعجينتو الفرينة والجلجلان مرحى وحلوة الترك قالولى هده مكوناتها بصح بخلونى بالمقادير الله يهديها ربى يخليلك صحتك امين

kamili1
2013-03-07, 22:13
اريد وصفة كروكي المحلات

فايزة سراج الدين
2013-03-08, 00:28
اختي ممكن وصفة تشاراك عريان باللوز ايفيلي راني محتاجاها ليوم

Heaven Cherry
2013-03-08, 12:20
مرحبااا
فعلا فكرة رائعة تبادل الخبرات في المطبخ و اكتشاف الاخطاء و التعلم منها
عندي اقتراح بسيط لو انكم تحطوا زوج ولا ثلاثة ف هذا الموضوع يقوموا بالاجابة على استفسارات الاخوات لانو لاحظت انو الطلبات بزاااف و الاختyarasmin. 26 بالاك ما تتمكنش من تلبية كافة الطلبات بالاضافة الى انو اذا ما قدرتش ترد على الاستفسار تكون المعلومة عند وحدة اخرى
+ عندي استفسار بسيط الشكلاطة البيضاء عندي مشكلة كبيرة,, كلما نجي نذوبها ما تصلحش معايا لو تتفضل الاخوات عليا بطريقة اذابتها بشكل صحيح او اقتارحوا عليا ماركة اللي تعرفوها و مجربينها لانو اللي نستعملها انا الكاليتي نتاعها ماشي مليحة ( عاملة شغل حبيببات تقول سكر + كي نحطها تذوب تصير كالعجينة ).......
جزاكم الله خيرا

ميمة11
2013-03-08, 12:26
مشكورة دائما علي ابداعك

yarasmin26
2013-03-09, 11:18
أين أنت يا ياسمين محتاجة إجابتك سريعا على الصورة التي توضع على الجينواز
الصورة الي توضع على الجينواز غير متوفرة في جميع المحلات لانه مش كامل الناس تعرفها وهي معروفة باسم اخر وكل واحد واش ايسميها وهي باهضة الثمن نوعا ما

yarasmin26
2013-03-09, 11:30
الرد من فضلكم
الاخت ادراري او الصوامعية حطت الوصفة تاع السفنج وهي ناجحة

yarasmin26
2013-03-09, 11:41
بليزززززززززززززززززززززززززز بليز يا اختي اعطيني مقادير العجينة المورقة بليزززززززززززززززز ما :sdf::sdf:تخذلينيش



بليززززززززززززززززززززززززززززززز
الاخت ام وائل وصفة عجينة المورقة بالشرح المفصل راهي متواجدة في وصفاتي في الجزء الاول من يراسمين 26

yarasmin26
2013-03-09, 11:52
السلام علكم يالحنونة والله غير رانى ندعيلك بدعاوى الخير عندى كراس سبيسيال نتاعك المهم جربت لى صابلى روعة لانى مانيش فور فى القاطو من فضلك المشوك لعجينتو الفرينة والجلجلان مرحى وحلوة الترك قالولى هده مكوناتها بصح بخلونى بالمقادير الله يهديها ربى يخليلك صحتك امين

وصفة المشوك المخدوع:125 غ زبدة مخدومة يعنى طرية اخدميها مع 1/2 كاس سكر قلاصي ثم اضيفي 3 صفار بيض+لفاني +شوية خمارة+ جلجلان مرحي+ حلوة الترك مرحية والباقي فرينة حتى تنتلم العجينة وتولي طرية شكليهم كرات اغطسيهم في بياض البيضة مضربة شوية ثم رمديهم في الجلجلان وحطيهم في ليكسات ثم طيبيهم في الفرن

yarasmin26
2013-03-09, 12:15
اختي ممكن وصفة تشاراك عريان باللوز ايفيلي راني محتاجاها ليوم
التشاراك العريان : 3 عبار فرينة+ 4 م ك سكر +1 عبر زبدة ذايبة +1 بيض+ قرصة خمارة الحلوى + قرصة ملح+ ولميها بماء الزهر مع الماء وتروكيها ترتاح
الحشو: 3 كيلات لوز مرحي+ كيلة سكر +رشة قرفة +ماء الزهر
التزين " صفار البيض لطلاء + رقائق اللوز

تحياتي

yarasmin26
2013-03-09, 12:47
قوليلي اسهل طريقة لعمل قريوش
ميجيش معرك معناها ايجي فارغ من الدخل
نعطيك هذه الوصفة ساهلة وغير مكلفة وهي من اختراعي ومجربة عدة مرات وهي ناجحة بشهادة من جربها ختى العضوات
3 عبار فرينة +1 زبدة ذايبة تاع التوريق+ملخ+ لفاني +1/4 كيس خمارة الحلوى ولميها بماء الزهر مع الماء ثم اتروكيها ترتاح مدة حتى ترتاح جيدا حليها بالمايزينة في الرقم 1 ثم 3 وفي الاخير رقم 5 ثم قطعيهم على شكل المرغوب ثم اقليهم
بصحتك مسبقا

yarasmin26
2013-03-09, 12:55
الى العضوات الجدد
بما انني عاملة وربة اسرة الي توضع سؤالها متحددتش وينتا ارد اعليها.......
ارد في الوقت الي انحدو انا
2- قبل وضع السؤال ارجو منكن النظر في الاسئلة من قبل منقدرش ارد اعلى السؤال 10000 مرة ومعظم الاسئلة مكررة شوفو وصفاتي والاجوبة على كل سؤال يخطر في البال قبل طرح السؤال وكل سؤال مكرر لاارد عليه
نتمنى تتتقبلو رائي بطيب خاطر
لانه التعب في البيت وخارج البيت راه عندي مشكل معاه ختى اولادي اشتاقو لي من كثرة العمل

Heaven Cherry
2013-03-09, 17:57
ربي يعينك و يقويك على فعل الخير ان شاء الله و يحفظك لأهلك و لوليداتك :) تسلمي حبيبتــــِي

سامية حكيم
2013-03-10, 10:07
اولا شكر جزيلا لكم كل شيئ تقدموه لينا رانا نستفادو منو بزاف خاصة المبتدئات كيفي انا مانعرفش حوايج بزاف على الحلويات بالصح راني نحاول نتعلم حبيت نسال ماهو الفرق بين كريمة الخفق وكريم فراش

mumuh
2013-03-10, 13:15
merci beaucoup sœur yarasmin pour les efforts fournis
j'ai appris beaucoup de chose avec ton expérience
mille merci

فايزة سراج الدين
2013-03-10, 16:14
اختي حبيت نعرف وصفة نتاع الغربية راني قريت وصفة نتاعك 2 واحدا فيها كاس زيت و2 مافيهاش......ممكن تقوليلي كاس نتاع شاي ولا كبير وربي يجازيك كل خير على مساعدة

أم عائشة 10
2013-03-11, 08:52
الصورة الي توضع على الجينواز غير متوفرة في جميع المحلات لانه مش كامل الناس تعرفها وهي معروفة باسم اخر وكل واحد واش ايسميها وهي باهضة الثمن نوعا ما

شكرا على الإجابة أختي الله يفرج عليك ويسرلك كل أمورك
جربت الكثير من وصفات كلها رائعة فجزاك الله كل خير

بريق الامل&
2013-03-11, 11:35
http://www.islamroses.com/ibw/uploads/post-2-1143412486.gif

yarasmin26 (http://www.djelfa.info/vb/member.php?u=428092)

wala
2013-03-11, 14:31
السلام عليكم شكرا لك يالستادة لى جاوبتينو على المشوك المخدوع نشربوه بالعسيلة ولا لا وعندى سوال جربت البنيون نتاعك وجانى حلو بزاف هل استطيع لم العجينة بمعجون وماء الزهر اسمحيلى وربى ينصرك

اميرة ياسمين
2013-03-12, 07:52
من فضلك اعطينا وصفة المشقوق الخاصة بيك

yarasmin26
2013-03-12, 08:34
السلام عليكم شكرا لك يالستادة لى جاوبتينو على المشوك المخدوع نشربوه بالعسيلة ولا لا وعندى سوال جربت البنيون نتاعك وجانى حلو بزاف هل استطيع لم العجينة بمعجون وماء الزهر اسمحيلى وربى ينصرك
صباح الخير : تقدري تعسليه انسيت مقتلكش 1/2 حبة كرز {les fruit connfi}
اما بخصوص البنيون جاك حلو انت قويتي العسل اما انتاعي مقويتلوش وجا مشاء الله
لالالالالالا مينتلمش بمعجون وماء الزهر فقط ديري العسل خفيف مخلط مع الزبدة وكثري الزبدة هي الي تلم العجينة

yarasmin26
2013-03-12, 08:36
من فضلك اعطينا وصفة المشقوق الخاصة بيك
راني مقدماتو عندي مدة شوفي في وصفاتي وهي وصفة ناجحة
100/100

yarasmin26
2013-03-12, 08:45
اختي حبيت نعرف وصفة نتاع الغربية راني قريت وصفة نتاعك 2 واحدا فيها كاس زيت و2 مافيهاش......ممكن تقوليلي كاس نتاع شاي ولا كبير وربي يجازيك كل خير على مساعدة
انا الي حاطتها فيها غرفية تاع شوربة { كاس زيت+ الباقي زبدة ذايبة وباردة } المهم انه من الغرفية متكونش معمرة ناقصة 2 اصابع واتبعي باقي الطرق

yarasmin26
2013-03-12, 08:49
اولا شكر جزيلا لكم كل شيئ تقدموه لينا رانا نستفادو منو بزاف خاصة المبتدئات كيفي انا مانعرفش حوايج بزاف على الحلويات بالصح راني نحاول نتعلم حبيت نسال ماهو الفرق بين كريمة الخفق وكريم فراش
كريمة الخفق هي كرام فراش والفرق بين الكلمتين الخفق تطلع شونتي والفراش تصلح للاطباق

أم عائشة 10
2013-03-12, 09:42
علبالي سمطنا عليك والله راني ندعيلك كل مانعمل وصفة من وصفاتك وخاصة التشاراك خرجلي أكثر من رائع فجزاك الله كل خير
حمرتيلي وجهي
أريد وصفة مخبز لعجين إذا سمحتي

chahinez_alg
2013-03-12, 13:39
[QUOTE=جميلةالغرب;13221923]هده وصفة صابلي ويجي روعة
المقادير
500غ زبدة
4بيض
كا س سكر ناعم
2فرفارة ساشى
2لفاني ساشي
فرينة حتى تتلائم العجينة
تحضير
الزبدة+ السكر +البيض+ فرفارة+ لفاني+ فرينة
راحة العجينة من 15 دقيقة حتى 30دقيقة
ملاحضة لاتعجن العجينة لخطرش من تعجنيها تتطلبلك الفرينة اكثر اكثر و يججي قاطوك يابس هدي ملاحضة بالنسبة لكامل القاطويات
والله هدي الكيفية يجي قاط الصابلي هش و يدوب في الفم وتنسنيش بالدعاء الرد من فضلكم ونتمنى تجربوها


merci ma chère njarrabha wangoulak :1:

sakura be
2013-03-12, 14:47
الله يبارك فيك اختي حنونة انا عندي مشكل مع العجينة المورقة كل مانعملها تطلعلي الزبدة على برا رغم اني جربت الكثير من الطرق ارجوووك افيديني في هذا الموضوع ولك كل الشكر

wala
2013-03-12, 21:10
السلام عليكم صحيتى اختى ياراسمين جانى حلو انا استعملت عسيلة لى تتباع بلا مازت والو شكرا لى صحتتيلى الفكرة ربى ينورك

فايزة سراج الدين
2013-03-12, 22:14
شكراااااااااا وصفاتك رائعيييييييييييييييييييييييييين

mereyoucef
2013-03-13, 19:54
3 اكواب بيسكوي مرحي+ علبة نيسلي محلى +100 غ زبدة ذايبة +1 م ص لفاني+75 غ نواة كوكو
لمي كل المكونات وديريها في اناء ثم شكليها اصابع بنفس الحجم والطول ثم ضعيها في الثلاجة مدة 1 ساعة ثم خرجيها واغطسيها في الشكولاطة البنية وتروكيها تجف ثم زيدي زينيها بخطوط الشكولاطة البنية ورمدي الجوانب في النواة كوكو وديريهم في ليكيسات دونتيل حبيبتي بالنسبة لهادي الوصفة حبيت انجربها يا ريت تنصحيني وش من ماركة انتاع البسكويت الي جي بيه القاطو بنين و احسن شكرا

منال مانو
2013-03-13, 21:49
السلام عليكم
شريت غبرة لاكرام شونتيي .. ممكن تقولولي المقادير باش تطلعلي ؟

wala
2013-03-13, 23:12
السلام عليكم صحتى مامات يوسف هدى تانى تبان شابة ربىيسترك

ام عبد الحق
2013-03-14, 08:14
احب جدا الحلويات لكن لست بارعة في صنعهاو اود التعرف عليكم و الاستفادة من خبراتكم وشكراجزيلا لكم احبتى

ام عبد الحق
2013-03-14, 09:07
اريد طريقة صنع الحنيفيات لان زوجي يحبهاجدا ولاتصلح لى في معظم الاحيان وما ياتيك من الفاظ ومعاني منه الى حد الاحباط ارجوك و ارجوك وارجوك في اسرع وقت ممكن ومعروفك هذا يوضع في ميزان حسناتك شكرا