الاعراس في قالمة:عادات فاقت التوقعات

[استاذة انجليزية]

حنا في قالمة فتنا الولايات كامل :
اولا خاتم تع الشوفة و الطارطا و معليهش يكون معهم قرعة ريحة
ثانيا الفاتحة حاجة ذهب و فخذ لحم و تبديلة مع الصباط و الملابس الداخلية و الريحة و الصابون و الشومبوا و حوايج العشا نديهم لاهل العروس مثلا تليتلي و طماطم و فواكه زيدالقهوة و الحلوياتو الشرط مقياس ت 20 حتى 25 او مليون30 او محزمة + صوارد عموما 50000
مبعد الحنة ااو العطية يزيد يديلها الكبش و حوايج العشا و التبادل مع صبابطهم و مستلزمات الحمامو العشاء 3 اصناف
العقد الخاتم والغاتوو نورمالمو يديها تتغدى للدار
و اخيرا العرس ويلبسلها لا ليونسكما على ام العروس احضار الغداء في الصبحية للعروس و اهل العريس و ضيوفهم
و هي لازم دير 4 او 6 او 7 مطارح و بصاطات صوف و بونج و قنادر ثقال الوحدة من 15000 الى 70000....الخ
دون ان انسى قنطارين و نصف صوف مع الشرط و ياخذ معهم مرة اخرى فخذ كبش
وعلى العروس شراء سني تلقهوة و فراشات مختلفة لتخرجها في شاحنة الى بيت الزوجية على دقات الطبول و الزرنة او العيساوى
كما يجب على العريس ان لا ينسى شراء حاجة ذهب في كل مناسبة سواء عيد او مولد

[فراشة المنتدى]

رانا في الشرق كامل هكا و كاين لي اكثر يعني فوق هدا كامل لازم السكنة وحدها

ربي يهدينا أجمعين

[الفاتحة]

ماوش شرط هذا كل كل واحد وعقليتو كيفاش المهم يكون الراجل راجل صح وتكون المرا مرا صح.

[samasima]

هذا حرام وتبذير وهذي مش ثقافة خلاص لازم التفاهم والهناء هو الصح
المال هذا يزول بسرعة لكن ربي هو الصح
علاش هذي المغالاة والتباهي عيب

[ام خديجة1]

يا اختي عوايدكم واعرة بزاف وعندكم شروط قاسية ما يقدر عليها غير واحد خدم حياتو كامل انا في نظري لاه ما نبدلوش هذه العادات القاسية سواء على العريس او العروسة هكذا يتسنى لكل من يطالب الحلال يجده سهلا

[sabrina el-chark]

صحيح في الشرق معظم العادات هكدا ......و زيد كلش ولى غالي حتى اقل حاجة راها تتكلف ....و تاني راها حتى المراة عندها ما تخسر مش الراجل فقط....يعني في زوج راها الحالة غالية عليهم

[بهجة الربيع]

شكرا علبى الموضوع

[سماهر]

الحمد لله نحن في الجنوب " لا يكلف الله نفسا إلا وسعها "

[منى84]

هذا الشيئ اللي حبسلي راسي في قالمة أنا تقريبا درت معظم الولايات و الي ما درتهمش نسأل على عوايدهم و الآن ساكنه في قالمة و راني نشاء الله نستقر فيها خاطر تزوجت مع قالمي و راني صادفت مشاكل كبيرة بسبب غلاء مهورهم المهم ما نطولش كيما أنا أمه كيشفتني باغية بنها بزاف شرط شرط جد رخيص مقارنة مع صحاباتي ولا بناتها بصح انا كنت مرأة وافقت علاه؟ في خاطر زوجي علابالي هو معندوش مكانش موجد روحوا و قبلت و هو جابوا النيف و زادلي في الشرط و على بيها صرالي المشكل تاع هل يجوز أم لا ؟ و الحمد لله راني قانعة خاطر هو قيمني ماشي كيزاد الشرط لا كي فهم واش كاين ومني من نتاجاتي بطبع الحال دون تكلف.