المساعد الشخصي الرقمي

مشاهدة النسخة كاملة : خياطة ....اللحاف عند بنات سيدي بلعباس....


صمت الجزائر
2010-04-20, 13:45
السلام عليكن جميعا....اليوم راني حابة نوريلكم طريقة خياطة اللحاف اي البساط...اللي تعلمتها من امي ربي يحفضهالي ويشافيها ان شاءالله.....واقسم باله العلي العظيم ......اقسم باله ....اقسم ...اني نخيطهم بهذه الطريقة وبدون زيادة ولا نقصان ..المهم.....هادي الطريقة مافيها لا مسامير ولا لوح ولكن حاجة وحدة تشدي بيها ...هي هدا المساك من نوع الحجم الكبير يلزمك 4 مساسيك ....قد اصبع الشاهد....وبس http://img105.herosh.com/2010/04/20/53880046.jpgالطريقة سهلة .....فرشي حصيرة الدار عادي فوق الارض... ثم حطي الوجه الاول من الكتان.... ثم حطي فوقه اللي عندك من صوف او لواط اوقطعة من زاورة قديمة ...ثم البونجة او الاسفنجة ...ثم كيما حطيتي من اسفل البونجا حطي فوقها....وحطي واجهة الكتان ....هنا عادي بالنسبة لكم ...وهنا تبدا الطريقة ديالي ....وهي .........عند كل قنت من اللحاف مسكيه بالمساك في الحصيرة اي انك تحكمي بالمساك(بعدي على الحافة نتاع القنت بمقدار نصف اصبع الشاهد)....حكمي( الكتان 1 مع لاواط1+البونجا+لاواط2+الكتان 2)....ثم مسكيه في الحصيرة وجبدي مليح ....خلي الحافة ما تخدميهاش وخدمي الاطار والوسط عادي كيما تخدميه في العادة ولما تكملي فكي اللحاف من الحصيرة وخيطي الحافة......ومبروك عليك ...اذا ما فهمتوش راني هنا ...ولازم تعطوني رايكم باش نكملكم الموضوع مشي تقرو وتخلوه....لازم يكون تفاعل باش ندعم بعضنا بعض ...وبالتوفيق لكن جميعا....ومااحلانا لاما نكونو متاحدين ومتفاهمين......:19::19::19::19::mh92::dj_17:

خمينةb
2010-04-20, 13:58
ششششششششششششششكراااااااااااااااااااااااااااا...... .....لو تكرمتي الاخت صوري لينا بعض الازياء لانو عندنا بالشرق الزي ديالكم هو مودة هذا الصيف.........

~ عَـآصـفه ~
2010-04-20, 14:00
مشكورة أختي

بالتوفيق

صمت الجزائر
2010-04-20, 14:11
راهي عندي مشكلة ...كيفاش نصورلكم وانا ما عنديش صوارة خاصة بالكمبيوتر حتى البورتابل ما عنديش ..وما تستغربوش ...نعم البرتابل ما عنديش ...ممكن تنصحوني كيفاش نصورلكم..وشكرا لمروركم

وليد مولودية
2010-04-20, 14:37
اختي حاولي تعاودي الشرح اذا قدرتي تصوري الطريقة يكون احسن واذا ما قدرتيش حاولي الشرح ما فهمتش يعني لازم يكون عندنا 2 طراف ليبونج والا واش

ارجو ان تعيدي الشرح وصح على تعبك معانا

صمت الجزائر
2010-04-20, 14:53
اختي حاولي تعاودي الشرح اذا قدرتي تصوري الطريقة يكون احسن واذا ما قدرتيش حاولي الشرح ما فهمتش يعني لازم يكون عندنا 2 طراف ليبونج والا واش

ارجو ان تعيدي الشرح وصح على تعبك معانا انا ماقتلكش2طراف ليبونج ...عادي كيما نخيطو الحاف عندكم ولكن انا ما نستعملش اللوح والمسامير ولكن المساك .....نمسك بيه قنت اللحاف بدل المسمار ونمسك المساك في الحصيرة بدل المسمار في اللوح ...ونتمنى اني كنت واضحة ....والي مافهمش يسالني راني هنا باش نلبي واش تطلبو مني ...وشكرا لمروركم :dj_17::dj_17::dj_17::dj_17::mh92:

وليد مولودية
2010-04-20, 15:21
اختي شوفي واش فهمت

نفرش الحصير ونحط فوقو الملاس مثلا وممبعد نحط الزورة او الكتان وممبعد نغطي بالاسفنج ثم نبعد على الحاشية بمقدار نص صبع ونحكم جميع االلوازم الي حطيناها فوق الملاس بالمساك في الحصيرة ونجبد مليح نخدم الاطار والوسط ولما نكمل نفك البساط من الحصير ونخيط الطراف معناها العمل كلو يتم فوق لحصير

هذا واش فهمت واذا غلطت قوليلي

اسمحي لي راسي خشين

نينا الجزائرية
2010-04-20, 15:26
يعطيك الصحة
مع اني لم افهم شيء
ربي يجازيك خير اختي في ميزان حسناتك
لا احب الاشغال اليدوية لكن مررت لشكرك فقط

صمت الجزائر
2010-04-20, 15:44
اختي شوفي واش فهمت

نفرش الحصير ونحط فوقو الملاس مثلا وممبعد نحط الزورة او الكتان وممبعد نغطي بالاسفنج ثم نبعد على الحاشية بمقدار نص صبع ونحكم جميع االلوازم الي حطيناها فوق الملاس بالمساك في الحصيرة ونجبد مليح نخدم الاطار والوسط ولما نكمل نفك البساط من الحصير ونخيط الطراف معناها العمل كلو يتم فوق لحصير

هذا واش فهمت واذا غلطت قوليلي

اسمحي لي راسي خشين
راسك ماهوش خشين راكي فهمتي مليح ...ولكن حاجة مهمة 1 كيما تحطي تحت البونجا حطي فوقها (فمثلا اذا حطيتي تحتها الملاس والزاورة او لاواط او الصوف حطي من فوقها البونجا )..نفس الطريقة العادية عندكم ...و2 انك تحكمي فقط 4 قنوت برك ماشي كل الحواف نتاع اللحاف بالمساك على الحصيرة (ماشي تحكمي البساط كيما عندكم بالمساميركله ساير داير بالمساسيك ..لا هذا خطا...فقط 4 رؤوس اللحاف)....باش تعاونك هذه الطريقة لما تكوني تخيطي تنجمي تتحي يدك تحت اللحاف ...والله طريقتي في الخياطة سهلة ومع الوقت تتعلمي وتنجحي كثر .... ونزيدك حاجة كي تكوني تخيطي وما يكفيكش الوقت وتكوني ماكملتيهش تنجمي تلمدي اللحاف عادي ...فكيه من المساسيك ومن الغد عاودي مسكيه وخدمي عادي المهم تكوني خدمتي الاطار وهدا باش ما ينفكش البساط..واذا مافهمتيش راني هنا...وبالتوفيق:19::19::19::19::19:

سامية الجزائر
2010-04-20, 15:54
بارك الله فيك

ام جوادوياسين
2010-04-20, 16:01
بارك الله فيك...وشكرا على المجهود

الملاك الصغير
2010-04-20, 16:20
بارك الله فيك و يعطيك الف عافية
مشكووووووووووووووووووورة

ام جوادوياسين
2010-04-20, 17:01
الله يعطيك الصحة والعافية


هل يعني اننا نمسك بالمساسك في الجوانب فقط،وهل في هذه الحالة تجي الخدمة محكومة
وكيفاش نخيط الاطراف؟؟
وهل ممكن تستخدمي لونين من المالاس اي تداخل الالوان بهذي الطريقة

بارك الله فيك
وربي يرزقك هاتف بورتابل تستخدميه فيما يرضي الله عليك

صمت الجزائر
2010-04-20, 17:13
[quote=ام جوادوياسين;2686769]الله يعطيك الصحة والعافية


هل يعني اننا نمسك بالمساسك في الجوانب فقط،وهل في هذه الحالة تجي الخدمة محكومة
وكيفاش نخيط الاطراف؟؟
وهل ممكن تستخدمي لونين من المالاس اي تداخل الالوان بهذي الطريقة

بارك الله فيك
وربي يرزقك هاتف بورتابل تستخدميه فيما يرضي الله عليك[/quote
نعم...نمسك فقط في 4 حواف نتاع البساط(القنوت او الرؤوس)...وتجي الخدمة محكومة وشابة....اما الخدمة بلونين ممكن تلسقي الملاس الفوقاني مع لون اخرلاقي الاطراف بالخياطة ممكن تستعملي لمشينة...ثم حطي هدا الوجه عادي فوق اللواط نتاع اللحاف اللي باغية تخدميه...ثم مسكيهم...والباقي عادي ..اما خياطة الاطراف...مثل ما تخيطي المخدة نتاع النوم لما تغسليها وتولي تعمريها.. والله يعاونك..ونتمنى انك فهمتيني..:mh92::mh92::mh92:

وليد مولودية
2010-04-20, 17:23
الله يسترك حنونة و يحفظك ويخلي لك الوالدة ويشافيها يارب

وانا ساحاول وان شاء الله ننجح المهم اذا لقيتي كيفاش تصوري الطريقة يا ريت تحاولي ممكن تشوفي بورطابل ديال الاخ او الاب وحاولي تفيدينا

والف شكر لحبيبة الله يعطيك على قد نيتك

صمت الجزائر
2010-04-20, 17:26
الله يسترك حنونة و يحفظك ويخلي لك الوالدة ويشافيها يارب

وانا ساحاول وان شاء الله ننجح المهم اذا لقيتي كيفاش تصوري الطريقة يا ريت تحاولي ممكن تشوفي بورطابل ديال الاخ او الاب وحاولي تفيدينا

والف شكر لحبيبة الله يعطيك على قد نيتك
والله مانسمح فيكم يا اخواتي حتى نوريلكم الطريقة نتاعي المهم ...صبرو علي شوية...وشكرا لاهتمامك:dj_17::dj_17::dj_17::dj_17::dj_17::19:

ZOINA2105
2010-04-20, 18:43
السلام عليكن جميعا....اليوم راني حابة نوريلكم طريقة خياطة اللحاف اي البساط...اللي تعلمتها من امي ربي يحفضهالي ويشافيها ان شاءالله.....واقسم باله العلي العظيم ......اقسم باله ....اقسم ...اني نخيطهم بهذه الطريقة وبدون زيادة ولا نقصان ..المهم.....هادي الطريقة مافيها لا مسامير ولا لوح ولكن حاجة وحدة تشدي بيها ...هي هدا المساك من نوع الحجم الكبير يلزمك 4 مساسيك ....قد اصبع الشاهد....وبس http://img105.herosh.com/2010/04/20/53880046.jpgالطريقة سهلة .....فرشي حصيرة الدار عادي فوق الارض... ثم حطي الوجه الاول من الكتان.... ثم حطي فوقه اللي عندك من صوف او لواط اوقطعة من زاورة قديمة ...ثم البونجة او الاسفنجة ...ثم كيما حطيتي من اسفل البونجا حطي فوقها....وحطي واجهة الكتان ....هنا عادي بالنسبة لكم ...وهنا تبدا الطريقة ديالي ....وهي .........عند كل قنت من اللحاف مسكيه بالمساك في الحصيرة اي انك تحكمي بالمساك(بعدي على الحافة نتاع القنت بمقدار نصف اصبع الشاهد)....حكمي( الكتان 1 مع لاواط1+البونجا+لاواط2+الكتان 2)....ثم مسكيه في الحصيرة وجبدي مليح ....خلي الحافة ما تخدميهاش وخدمي الاطار والوسط عادي كيما تخدميه في العادة ولما تكملي فكي اللحاف من الحصيرة وخيطي الحافة......ومبروك عليك ...اذا ما فهمتوش راني هنا ...ولازم تعطوني رايكم باش نكملكم الموضوع مشي تقرو وتخلوه....لازم يكون تفاعل باش ندعم بعضنا بعض ...وبالتوفيق لكن جميعا....ومااحلانا لاما نكونو متاحدين ومتفاهمين......:19::19::19::19::mh92::dj_17:


الله يعطيك الف الف الف عافية اختي

انا فهمت الخدمة راهي رائعة

بصح عندنا بعض الاسئلة

1 الحصيرة هي ممن تكون نتاع النيلو الي يتاعوا او الطابي

2 ولما تلصقي كلش تقدري تخيطي نورمال يعني تقدري دخلي يدك من تحت

وتمركي كيما احنا او لا

وشكرا اختي الف شكر تعبناك معانا

لاننا صح حبينا نشوف طريقة اخرى

وطريقتك اظن انها رائعة ان شاء الله اختي

بعد ما تردي عليا نخدم واحد ونجرب

جزاكي الله خير الجزاء

صمت الجزائر
2010-04-20, 19:03
الله يعطيك الف الف الف عافية اختي

انا فهمت الخدمة راهي رائعة

بصح عندنا بعض الاسئلة

1 الحصيرة هي ممن تكون نتاع النيلو الي يتاعوا او الطابي

2 ولما تلصقي كلش تقدري تخيطي نورمال يعني تقدري دخلي يدك من تحت

وتمركي كيما احنا او لا

وشكرا اختي الف شكر تعبناك معانا

لاننا صح حبينا نشوف طريقة اخرى

وطريقتك اظن انها رائعة ان شاء الله اختي

بعد ما تردي عليا نخدم واحد ونجرب

جزاكي الله خير الجزاء

نعم يا اختي الحصيرة العادية نتاع البلاستيك انا نخدم عليها وبدون مشاكل وممكن تجربي التابي ان تمسكلك المساك فيه فانا عمري ما جربت فوقه اما في الخدمة عادي ...تجلسي على الارض(وتتقهوي ولا تاكلي...هههههههههه) ويد تخيطي بيها من الفوق واليد الاخرى تستقبلي راس الابرة من التحت ....ونقولك حاجة بزاف من الخياطات يراعو من التحت اثناء الخياطة ....وتحكمهم الدوخة..اما انا فلا ...لازم تتعلمي باش ما تراعيش....وكذلك رجليك ممكن تتحكمي فيهم ويعاونوك باش تثقلي البساط اثناء الخياطة وباه ما يتكمش...ان خفتي اثناء الخياطة انك تسحبي البساط مع الحصيرة...فبامكانك تثقلي الحصيرة في القنوت باي شي ..مثلا تكون قدامك السدارية نتاع الجلوس فحطي كل راس من الحصيرة تحت رجل السدارية ...وهذا فقط للبداية...وانشاء الله نكون قدمتلكم واش تحتاجو وانا في الخدمة...وشكرا لمروركن..:mh92::mh92::mh92:

ZOINA2105
2010-04-20, 19:36
نعم يا اختي الحصيرة العادية نتاع البلاستيك انا نخدم عليها وبدون مشاكل وممكن تجربي التابي ان تمسكلك المساك فيه فانا عمري ما جربت فوقه اما في الخدمة عادي ...تجلسي على الارض(وتتقهوي ولا تاكلي...هههههههههه) ويد تخيطي بيها من الفوق واليد الاخرى تستقبلي راس الابرة من التحت ....ونقولك حاجة بزاف من الخياطات يراعو من التحت اثناء الخياطة ....وتحكمهم الدوخة..اما انا فلا ...لازم تتعلمي باش ما تراعيش....وكذلك رجليك ممكن تتحكمي فيهم ويعاونوك باش تثقلي البساط اثناء الخياطة وباه ما يتكمش...ان خفتي اثناء الخياطة انك تسحبي البساط مع الحصيرة...فبامكانك تثقلي الحصيرة في القنوت باي شي ..مثلا تكون قدامك السدارية نتاع الجلوس فحطي كل راس من الحصيرة تحت رجل السدارية ...وهذا فقط للبداية...وانشاء الله نكون قدمتلكم واش تحتاجو وانا في الخدمة...وشكرا لمروركن..:mh92::mh92::mh92:

شكرا الف الف شكر اختي ان شاء الله لما اجرب اقولك اختي

جزاكي الله خير الجزاء وبارك الله فيك

nejoude
2010-04-20, 20:23
سكرا اختى لكن ماهى نوع الغرزة التى تخيطى بها وكيف يمكنك ان تضعى الرشم يعنى المعينات لى تكون فى اللحاف

صمت الجزائر
2010-04-20, 20:30
سكرا اختى لكن ماهى نوع الغرزة التى تخيطى بها وكيف يمكنك ان تضعى الرشم يعنى المعينات لى تكون فى اللحاف
نوع الغرزة عادي...ولكن...مثلا اذا درتي غرزة الفوق كي تغرزي الابرة نحو الاسفل روحي مايلة وغرزيها ....اي الغرزة الفوق تجي بجنبها الغرزة من التحت ...وكل هذا فقط بملامسة الاصبع من التحت بدون ما طلي عليها...وشكرا لمرورك:dj_17:

حلاوة_87
2010-04-20, 20:31
ان شاء الله ربي يشفي الوالدة
شكرا لكي
انا امي تخيطهم بنفس الطريقة لكن متحطش الحصيرة اللي ذكرتي تخيطهم عادي تحكم بيدها.
شكرا لكي مرة ثانية.

صغيرة
2010-04-20, 22:08
شكرا الطريقة سهلة واضحة بس ياريت تشوفي كيفاش تصوريه سلفي بورتابل و صوريه وبفد ضعيه في الكومبيوتر لكي ترى نتيجة العمل و لو نرى انها تبان باهية و ساهلة تسلميييييييييييييييييييي

a.abdeddaim
2010-04-20, 22:23
yatik saha loukane diri sora min fadlak

الكرناوية
2010-04-20, 23:06
سلام عليكم
أنا شفت اللحاف تاع الغرب (مستغانم و وهران) و شفت البساط تاع الشرق بصح كل واحد و الخدمة نتاعو
تاع الشرق يجي متقون أكثر لأنه محكوم مليح و على فكرة أختي تخدم البساطات تاع الشرق الجزائري و ماتحكمش بالمسامير بل تخيطهم مع السداية و عن قريب إنتظروا مني الصور إن شاء الله.:dj_17::dj_17::mh31:

صمت الجزائر
2010-04-21, 07:25
[quote=الكرناوية;2689670]سلام عليكم
أنا شفت اللحاف تاع الغرب (مستغانم و وهران) و شفت البساط تاع الشرق بصح كل واحد و الخدمة نتاعو
تاع الشرق يجي متقون أكثر لأنه محكوم مليح و على فكرة أختي تخدم البساطات تاع الشرق الجزائري و ماتحكمش بالمسامير بل تخيطهم مع السداية و عن قريب إنتظروا مني الصور إن شاء الله.:dj_17::dj_17::mh31:[/quotا
صباح الخير عليكن جميعا....يا اختي خدمتي متقونة مليح...ونقولك حاجة...لما تحبي تتطويه وهو جديد تجدين صعوبة في ذلك....وخصوصا ان كان ن الصوف والبونجة...ومقدار الصوف اللي نحطوه في البساط هو...2.5كيلو من الصوف المقردش+لابونج ......ونتي وخدمتك...وبعض الناس خدمتهم فقط باللواط (طبقة من الفوقو طبقة من التحت وبينهم الابونج).....انا مازال ما جربتش لااواط لانه بالنسبة لي ساهل...ونقولك حاجة كذلك الصوف اليوم ماراهمش يقردشوه...فقط يبشموه..واثناء العمل ...اللي عندك من الصوف المبشوم على حساب اللحاف عبار اللي موالفة بيه ...ثم تقسميه على 2 ...ديري نصف تحت اللبونج والنصف الاخر فوقها...وراني وريتلكم الطريقة اللي نخدمو بيها وخصوصا طريقة امي...وانشاء الله تكونو استفتو.....ويا اختي وكل واحد يخدم على جهد اليد والطريقة نتاعو...ولكن تاكدي ان خياطتي جميلة.....وانا نكثر بزاف الخياطة في البساط...ومنبعد نعطيكم الرشومة...وبالتوفيق......وراني ننتضر في ردودكم....وكل وحدة فيكم تعطينا الطريقة نتاعها....باش نستفادو ونفيدو...وشكرا على الاهتمام:mh92::mh92::mh92:

ZOINA2105
2010-04-21, 08:54
ا ربي يخليك اختي شوقتينا نشوفوا خدمتك

بصح قوليلي اختي المساك لازم هذاك وين نلقاوه يتباع

نلقاوه عند مول الحرج ولا لالا

شقراء
2010-04-21, 09:13
يعطيك الصحة اختي وربي يشفي الوالدة التاعك انا نموت على البساطات بصح مانخدمهومش نحسهم ثقال فالخدمة
بصح راكم شجعتوني باه نتعلم ويعطيكم الصحة

نورهام
2010-04-21, 11:42
اختي الكريمة انا خيط واحد ولكن على الارض وما نخبيش عليك من الفوق جا امليح اما من التحت باين الخيط يعني النفدة كبيرة باش تفهموني امليح الخيط باين خاصة في الوسط للانه من الاطراف نجم ندخل ايدي من التحت اما من الوسط صعيب لهدا عجبتني فكرة الالواح و لكن سكنتي ضيقة ما لقيتش وين انحطهم اما فكرة المساك مافهمتاهش وخاصة فوق الحصيرة كيفاش تخيط فوقها اللخيط ما يلسقش فيها وشكرا

زغبيب
2010-04-21, 13:32
مشكورة اختي على شرحك الكافي وارجو منك صو ر للحاف لتكون اوضح والشفاء للوالدة

صمت الجزائر
2010-04-21, 13:36
شكرا لمرورك...وعن قريب تشوفو اعمالي...راهي عندي مشكلة ...كيفاش نصورلكم البساطات تاوعي...وشكرا

sousouprof
2010-04-21, 14:14
baraka allaho fiki

farida1980
2010-04-21, 14:49
مشكورة أختي على هاذ الطريقة و ياريت المرة القادمة تعطيني الأشكال أي الرسومات التي توضع في اللحاف و ربي يحفظك

maroua77
2010-04-21, 21:50
ممكن تمدينا بالصور يكون اوضح وربي يعاونك

sofiane2075
2010-04-22, 08:19
الشرح واضح يعطيك الصحة و ان شاء الله تتمكني من ارسال الصور الله يبارك

صمت الجزائر
2010-04-22, 08:26
الشرح واضح يعطيك الصحة و ان شاء الله تتمكني من ارسال الصور الله يبارك
شكرا على المرور....والتشجيع...وبارك الله فيك يا حبيبتي واختي:dj_17::19::mh31:

ZOINA2105
2010-04-22, 09:37
اختي صمت الجزائر ما قلتيليش وين نلقا المساسك يتباعوا

عجبتني الفكرة نتاعك وحبيت نجربها اختي


ردي علي

cls
2010-04-22, 10:57
يعطيك الصحة

صمت الجزائر
2010-04-22, 13:35
السلام عليكن... سامحوني على التاخر...النت كان مقطوع عندنا ..المهم...راني عارفة بلي كل وحدة فيكم راهي تحاول تتعلم الطريقة نتاعي ...المشكلة الاولى ..راهي في المساك....انا عندي المساسيك قدام نتاع امي...وتجدينهم في المحلات او الاسواق عادي ...واذا لم تجديهم...نعطيلط طريقة ساهلة اللي تعوضي بيها المساسيك...http://www.djelfa.info/vb/File%20URL:%20http://img101.herosh.com/2010/04/22/350809160.jpg..والطريقة هي انك تصنعي اس s من السلك عادي ...........http://img105.herosh.com/2010/04/22/109871539.jpg...........راس واحد غرزيه في قنت البساط والراس الثاني في الحصيرة ويكون منوقز مثل الابرة باش تنجمي تغرزيه عند الاستعمال وطوله على حسب اصبع الشاهد وطلبي من الاخ او الزوج او الابن باش يصنعلك هو ادرى بهذه الامور ..http://img101.herosh.com/2010/04/22/350809160.jpg...ونزيد نسهلك اكثر غادي تسؤليني عن نوعية السلك...نقولك ممكن تدي السلوكة نتاع المظلة نتاع الامطار تكون قديمة عندك ومكسرة ....مثل هذه الصورة.. ...http://img104.herosh.com/2010/04/22/29141235.jpg:dj_17::mh92::19::mh31:.... .....

...والسؤال الثاني راكي تقولي بلي النفدة من التحت راهي تجيك كبيرة ....حاجة ساهلة....نوريلك الطريقة نتاعي ..وهي ...كي نغرز الابرة باش نخرجها من التحت نستقبلها بيدي من التحت ...وفي هذه الحالة نستعمل فقط الاصبع اللي يشبه الشاهد اللي في اليد اليسرى(انا نغرز باليد اليمنا من الفوق ...ونستقبل باليد اليصرى من التحت)...وكي تخرج الابرة من التحت...هنا المشكلة نتاعكم ...ماتخرجيهاش بزاف ..فقط الراس...وعلاش راني نقولك استقبليها بالاصبع ..اي كي تحسي بنقزة الابرة...رجعي طلعي ...ونتمنى انكم فهمتوني ..ورانى هنا باش تسالوني واش تحبو وبلتوفيق

ZOINA2105
2010-04-22, 14:01
شكرا الف شكر اختي كفيتي ووفيتي بارك الله فيك اختي

ان شاء الله عند اقرب فرصة اجرب

صمت الجزائر
2010-04-22, 14:13
مرحبى بيك وببنات بلادي ...واذا ماشالتكمش الارض نشيلكم على راسي وتستاهلو القلب نمدهلكم .........وبارك الله فيك

تغرينية
2010-04-22, 19:01
شكرا على التوضيح شرحتي ووفيتي بقا غير الرشمات كيفاش تتحصلوا على رشمات كبير ورشمات صغيره المشكل فيياانا منعرفش نرسم ماعنديش الموهبة تاع الرسم لو بفكرة تساعدني واكون جد شاكرا لكي

صمت الجزائر
2010-04-22, 19:14
شكرا على التوضيح شرحتي ووفيتي بقا غير الرشمات كيفاش تتحصلوا على رشمات كبير ورشمات صغيره المشكل فيياانا منعرفش نرسم ماعنديش الموهبة تاع الرسم لو بفكرة تساعدني واكون جد شاكرا لكي
صبري عليا شوية ...وخلينا نتمشو غير بالحبة...باش الكل يفهم...وشكرا على المرور... وبارك الله فيك:mh92::mh92::mh92::mh92:

بنت سكيكدة
2010-04-22, 19:23
السلام عليكن جميعا....اليوم راني حابة نوريلكم طريقة خياطة اللحاف اي البساط...اللي تعلمتها من امي ربي يحفضهالي ويشافيها ان شاءالله.....واقسم باله العلي العظيم ......اقسم باله ....اقسم ...اني نخيطهم بهذه الطريقة وبدون زيادة ولا نقصان ..المهم.....هادي الطريقة مافيها لا مسامير ولا لوح ولكن حاجة وحدة تشدي بيها ...هي هدا المساك من نوع الحجم الكبير يلزمك 4 مساسيك ....قد اصبع الشاهد....وبس http://img105.herosh.com/2010/04/20/53880046.jpgالطريقة سهلة .....فرشي حصيرة الدار عادي فوق الارض... ثم حطي الوجه الاول من الكتان.... ثم حطي فوقه اللي عندك من صوف او لواط اوقطعة من زاورة قديمة ...ثم البونجة او الاسفنجة ...ثم كيما حطيتي من اسفل البونجا حطي فوقها....وحطي واجهة الكتان ....هنا عادي بالنسبة لكم ...وهنا تبدا الطريقة ديالي ....وهي .........عند كل قنت من اللحاف مسكيه بالمساك في الحصيرة اي انك تحكمي بالمساك(بعدي على الحافة نتاع القنت بمقدار نصف اصبع الشاهد)....حكمي( الكتان 1 مع لاواط1+البونجا+لاواط2+الكتان 2)....ثم مسكيه في الحصيرة وجبدي مليح ....خلي الحافة ما تخدميهاش وخدمي الاطار والوسط عادي كيما تخدميه في العادة ولما تكملي فكي اللحاف من الحصيرة وخيطي الحافة......ومبروك عليك ...اذا ما فهمتوش راني هنا ...ولازم تعطوني رايكم باش نكملكم الموضوع مشي تقرو وتخلوه....لازم يكون تفاعل باش ندعم بعضنا بعض ...وبالتوفيق لكن جميعا....ومااحلانا لاما نكونو متاحدين ومتفاهمين......:19::19::19::19::mh92::dj_17:


طريقة سهلة غاليتي بارك الله فيك


http://img105.herosh.com/2010/04/20/53880046.jpg هذا ارحم من الالواح...الوالدة نتاعي تجري موراي كون نديرهم في الدار :D

:19:

صمت الجزائر
2010-04-22, 19:31
طريقة سهلة غاليتي بارك الله فيك


http://img105.herosh.com/2010/04/20/53880046.jpg هذا ارحم من الالواح...الوالدة نتاعي تجري موراي كون نديرهم في الدار :D

:19:

راني هنيتك من هذي المشكلة...وسهلت على الوالدة ربي يحفضهالك ويطول في عمرها...فقط قوليلها تدعيلي بدعوة الخير...وربي يجازيك ويوفقك...وشكرا لمرورك واهتمامك:19::19::19::19::dj_17::mh92:

بنت سكيكدة
2010-04-22, 19:43
راني هنيتك من هذي المشكلة...وسهلت على الوالدة ربي يحفضهالك ويطول في عمرها...فقط قوليلها تدعيلي بدعوة الخير...وربي يجازيك ويوفقك...وشكرا لمرورك واهتمامك:19::19::19::19::dj_17::mh92:



علم و سينفذ باذن الله بارك الله فيك و الوالدة تسلم عليك

في انتظار الطريقة بالصور ان امكن

و جزاك الله خيرا

nejoude
2010-04-22, 20:11
نوع الغرزة عادي...ولكن...مثلا اذا درتي غرزة الفوق كي تغرزي الابرة نحو الاسفل روحي مايلة وغرزيها ....اي الغرزة الفوق تجي بجنبها الغرزة من التحت ...وكل هذا فقط بملامسة الاصبع من التحت بدون ما طلي عليها...وشكرا لمرورك:dj_17:
ان شاء الله يشفى والدتك وشكرا على التوضيح

nejoude
2010-04-22, 20:22
ممكن تعطينا الرشم وكيفية عمل ه فى البساط

wafaa22
2010-04-22, 22:07
طهور ان شاء الله.راكي ناشطة 22

صمت الجزائر
2010-04-23, 08:35
صباح الخير...راني عارفة كل وحدة فيكم راهي حابة تتعلم وتستفاد ...كيما انا لما استفت من بساطاتكم....المهم خلونا نمشو غير بالحبة ...باش يبقى الموضوع له اهمية.....واحنا رانا نتعلمو من بعضنا البعض ماراناش نديرو في الاشهار....ونتمنى كل وحة فيكم تحط افكارها ورايها...ونشكر الجميع على المرور...وبدونكم موضوعي ماعندوش حتى فايدة...وشكرا

شقراء
2010-04-23, 11:06
صباح النور على الكل
حبيت نسقسيك هذيك الحاشية تاع الطرف باه اتجي منتفخة واش تحشي فيها ولا وحدها تنتفخ

صمت الجزائر
2010-04-23, 12:29
صباح النور على الكل
حبيت نسقسيك هذيك الحاشية تاع الطرف باه اتجي منتفخة واش تحشي فيها ولا وحدها تنتفخ

السلام...ياختي الكريمة ..راكي سالتي سؤال مهم ...وانا كنت حابة نخليه....حتى نوريلكم الخدمة نتاعي ولكن لعيونك وعلى خاطرك نعطيك الجواب...هو انك لما تخدمي الاطار الاول والثاني ...ثم الوسط....فكي اللحاف من على الحصيرة ...وبدي تبلعي في الاطراف...فاذا كنتي تخدمي بالصوف ...بلعي شوية وحشي شوية ثم بلعي شوية وحشي شوية .....ونفس الشي بالنسبة للواط...قسي قطعة من لاواط وتكون على الطول او قطع صغيرة ..ويكون زيادة عندك....مشي من اللحاف اللي راكي تخدمي فيه .وهكذا وانتي تتمشي حتى تكملي كل الدور وبالتوفيق انشاء الله...وشكرا لاهتمامك والمرور ديالك....

شقراء
2010-04-23, 12:37
السلام...ياختي الكريمة ..راكي سالتي سؤال مهم ...وانا كنت حابة نخليه....حتى نوريلكم الخدمة نتاعي ولكن لعيونك وعلى خاطرك نعطيك الجواب...هو انك لما تخدمي الاطار الاول والثاني ...ثم الوسط....فكي اللحاف من على الحصيرة ...وبدي تبلعي في الاطراف...فاذا كنتي تخدمي بالصوف ...بلعي شوية وحشي شوية ثم بلعي شوية وحشي شوية .....ونفس الشي بالنسبة للواط...قسي قطعة من لاواط وتكون على الطول او قطع صغيرة ..ويكون زيادة عندك....مشي من اللحاف اللي راكي تخدمي فيه .وهكذا وانتي تتمشي حتى تكملي كل الدور وبالتوفيق انشاء الله...وشكرا لاهتمامك والمرور ديالك....


يعطيك الصحة اختي على الرد وربي ايخليك ويخليلك يماك ويشافيهالك كملي خيرك او فهميني كيفاه نبلع ونا راني رايحة انجرب وحدة البونج وجزاكي الله خيرا

صمت الجزائر
2010-04-23, 12:47
باش نوريلك خياطة الاطراف ...راهي عندي مشكلة في رفع الصورة ...ماراهيش حابة تخدملي ايقونة رفع الصور في النتتدى ...وين راهي المشكلة

شقراء
2010-04-23, 13:13
شوفى اختي ماعلاباليش اعلاه بصح كي ايكون الضغط على المنتدى تصعب شوية هذي موالفة تصرالي عاودي وعاودي حتى تخدملك

سلسبيل عبير
2010-04-23, 13:23
شششششششكرا اختي الكريمة على المجهود
والله يشفي امك
ولكن ممكن صور لاعمالك

FETHI LAKHAL
2010-04-23, 15:06
ياريت تصوريهمنا خطوة بخطوة ربي يحفظك وراني نستنا باش نخدمو وورينا ثاني طريقة اللوح ولمسمار ربي يعاونك

وليد مولودية
2010-04-23, 18:26
انا ما فهمتش كيفاش نقدر نخيط وهو مسك مع الحصير ممكن توضيح ما زال ما وصلتليش الفكرة

صمت الجزائر
2010-04-23, 18:35
انا ما فهمتش كيفاش نقدر نخيط وهو مسك مع الحصير ممكن توضيح ما زال ما وصلتليش الفكرة
شوفي هاذو الصور غادي تفهمي مع هذا الرابط..http://www.djelfa.info/vb/showthread.php?t=293157&page=3 وتبعي موضوعي من الاول تفهمي اكثر واي سؤال منك راني هنا...وبارك الله فيك...وشكرا على المرور:mh92::mh92::mh92::dj_17:

وليد مولودية
2010-04-23, 18:51
تعبناك حنونة الله يسترك و يحفظ لك ميمتك ويخليهالك يارب

شكرا على سعة بالك و قلبك لكبير

صمت الجزائر
2010-04-23, 19:05
هادي الصور وجتها في احد المواقع ...وانا نخيط100/100كيما هاك ...واضن راني حليتلكم المشكلة نتاع الاطراف...http://img105.herosh.com/2010/04/23/475429493.jpg....http://img101.herosh.com/2010/04/23/373232476.jpg......والله يوفق الجميع..

barouba02
2010-04-23, 19:35
شكرا جزيلا لك

صمت الجزائر
2010-04-24, 15:12
سلام...اليوم راني حابة نتكلم معاكم ...عن ادوات الخياطة....ونبدى بالابر...كاين نوعين من الابرة ...وحدة تخيطي بيها الوسط وتكون شوية قصيرة وغليظة.... و اللي تخيطي بيها الحافة....لازم تكون رقيقة شوية وطويلة....باش تساعدك وتكملي الحافة بسرعة...http://img104.herosh.com/2010/04/24/54389773.jpg...اما الخيط...كاين نوعان...في البداية كنت نستعمل هذا النوع ...هوشوية يتقطع عند الجبد....http://img102.herosh.com/2010/04/24/60520409.jpg...http://img101.herosh.com/2010/04/24/783274987.jpg....وبكل الالوان...وكنت نثنيه اثناء الاستعمال...واليوم راه كاين مثله ولاكن مشمع...يشبه الحرير.مثل هذا.http://img104.herosh.com/2010/04/24/646387596.jpg..ولكن مكور مثل هذا..http://img105.herosh.com/2010/04/24/485197553.jpg..وراني نخدم بيه اليوم...ونديره غير على خيط واحد..وسعره...60 دج...والطباشير عادي ....وهو غني عن التعريف ...انا نستعمل اللون الابيض...http://img102.herosh.com/2010/04/24/692024441.jpg...وماتنسوش المساك ...هو الاساس نتاع العمل او الكروشيات...http://img105.herosh.com/2010/04/24/614929112.jpg... ونشاله نكون قدمتلكم واش تحتاجو ...ويبقى التطبيق...ان شاء الرحمان:mh92::19::mh92::19:

ندى 11
2010-04-24, 15:39
http://img104.herosh.com/2010/04/22/480247568.gif

hanadi193
2010-04-25, 11:17
اختي انا مافهمتش واشنهي الحصيرة وكيفاش نخيط انا خدمتهم بالالواح وكانت الطريقة صعبة وباينة الطريقة نتاعك ساهلة جزاك الله كل خير والف عافية لوالدتك

chamse.19
2010-04-25, 15:35
:mh92::19:مشكوووووووووووورة الاخت الكريييييييييمة انا ثاني نخيط لبساطاااااااااااااااات بصح بطريقة الالمسمار وحابة نتعلم الطريقة نتاعك واستفدت من شرحك لكن يا رييييت كاين صور تسهلي علينا المهمة :19::19::19::19::19::19:والف شكر لك:19:

nejoude
2010-04-25, 22:47
من فظلك اين اجد الرسومات او الرشيمات رانى حابة نجرب واحدللبيبى ديالى

hanadi193
2010-04-25, 22:58
اختي الكريمة ما هي الحصيرة انا بامس الحاجة الى الجواب

hanadi193
2010-04-25, 23:03
قالي زوجي الحصيرة هي زربية كنثبت لحواشي نتا لبساط في الزربية كيفاش نقدر نخيط لبساط ارجوك الرد

شقراء
2010-04-25, 23:13
اختي الكريمة ما هي الحصيرة انا بامس الحاجة الى الجواب

زوجك عند الحق هي الزربية وصمت الجزائر قالت زربية النيلون باه تسهل دخول المساك فيها

ام جوادوياسين
2010-04-26, 08:46
http://i14.servimg.com/u/f14/09/02/43/75/allah211.gif

وليد مولودية
2010-04-26, 08:58
الحصيرة هي لفراش انتاع النيلو او السعف وياريت اختي صمت تصوري الطريقة باش نفهمو ما زال الموضوع صعب شوي

تغرينية
2010-04-26, 09:12
مازال رانا متابعين الموضوع شكرا لكي

صمت الجزائر
2010-04-26, 10:46
اختي انا مافهمتش واشنهي الحصيرة وكيفاش نخيط انا خدمتهم بالالواح وكانت الطريقة صعبة وباينة الطريقة نتاعك ساهلة جزاك الله كل خير والف عافية لوالدتك
راني عارفة كل وحدة فيكم تحوس تفهم بالصور..... وانا راني دايرة كل مجهودي باش نوريلكم..والمشكلة اللي عندي....ماعنديش باش نصور اعمالي ...... برك اعطوني شوية وقت...والحصيرة اللي ماعرفتيهاش راهي موجودة في كل بيت .http://www.herosh.com/download/3034720/44cadefe13.jpg.htmlfile:///C:/Users/OHQED/AppData/Local/Temp/moz-screenshot.jpghttp://up101.9ory.com/v/10/04/26/09/55154050450.jpg..مثل هذه الموجودة في الصورة واللي الاخت راهي حاطة عليها الخشب....والصورة منقولة وليست لي.....ووظعتها فقط للتوضيح..لم اجد غيرها....وانتظروني في الايام القادة ...وشكرا على المرور وبارك الله فيكم...واي سؤال تطرحوه راني هنا.....

ايوب6
2010-04-26, 13:11
مشكورة الاخت صمت الجزائر علئ كل التوضيحات
عندي سؤال لماذا نلصق اللحاف في الحصيرة
جعله الله في ميزان حسناتك

صمت الجزائر
2010-04-26, 13:21
شكرا لك اخي على المرور...ولكن وضح لي سؤالك وانا راني في الخدمة....

صمت الجزائر
2010-04-26, 13:25
راني فهمت السؤال ديالك....فهمني....لازم تلصقي البساط في الحصيرة باش يساعدك في الشد مليح ومايجيش البساط مكمش اولا...وممكن اذا ما شديتيش يصبح حجم البساط صغير بعد الخدمة...وخصوصا اثناء العمل في سحب الخيط....

المتألقة
2010-04-26, 13:40
هذه هي الحصيرة

http://www.bntmofeid.com/up//uploads/images/bntmofeid-48e8166ae6.jpg

و هذا هو الخيط

http://www.bntmofeid.com/up//uploads/images/bntmofeid-cb3ad2c6ec.jpg

صمت الجزائر
2010-04-26, 13:43
بارك الله فيك...يااختي المتالقة...ونتمنى نشوفك دائما متالقة...وشكرا على المساعدة

صفية الاوراس
2010-04-26, 13:43
بارك الله فيك اختي وربي يشفي الوالدة الكريمة
طريقة سهلة جدا لكن اختي انا لم افهم كيف اخيط البساط وهو على الارض لاني استخدم طريقة الالواح
الف شكر لكي جزاك الله خيرا

صمت الجزائر
2010-04-26, 13:49
شكرا لك ...ونقولك راجعي موضوعي من البداية... وخصوصا الاسئلة اللي طرحوها الاخوات تجدين الجواب. وطريقتي عادي برك تبدلي اللوح بالحصيرة ...والمسامير بالمساك...وبدل مجموعة من المسامير تستعملي فقط 4 مساسيك......وبارك الله فيك..

صفية الاوراس
2010-04-26, 13:59
حسنا اختيساراجع الموضوع جيدا بارك الله فيك

صمت الجزائر
2010-04-26, 14:09
شكرا على المرور. يااختي ...صفية الاوراس.....وتابعي موضوعي ....ساضع لكن جميع الخطوات...والله يقدرني...باش نساعد كل وحةدة فيكم

صفية الاوراس
2010-04-26, 14:20
الله يخليك اختي صمت الجزائر
والله فهمتك مليح يا ريت كان الشرح مدعوم بالصور سيكون افضل
لكن ما قصرتي اختي وقمتي بتوضيح العمل
بارك الله فيك تحياتي

صمت الجزائر
2010-04-26, 14:30
سيكون شرح كامل وواضح بالصور...عن قريب من اجلك واجل كل اللي شاركوني ودعموني في هاذا الموضوع ...وبارك الله فيك

ايوب6
2010-04-26, 15:41
مشكورة اختي على الرد وبارك الله فيك
واذكرك انني سيدة دخلت بهذه الاسم لانني لم اتمكن من التسجيل على كل غير معقول يسال الرجال عن موضوع اللحاف
فهذا الومضوع يهم النساء خاصة
وهل اربع مساسيك كافية لشد اللحاف
لن اجرب هذه الطريقة حتى ارى اعمالك وطريقة الخياطة فانا في الانتظار
وفقك الله وسدد خطاك اختي

صمت الجزائر
2010-04-26, 15:52
يا اختي لقد اضحكتني جدا ...لما قلتي ... وهل اربع مساسيك كافية لشد اللحاف
لن اجرب هذه الطريقة حتى ارى اعمالك وطريقة الخياطة....ساسمي اعمالي ....وطريقتي ...بالمهمة الصعبة...mission inpossible...نشاله تشوفي اعمالي...وربي يخليك ويدوم المحبة اللي بيناتنا

ام جوادوياسين
2010-04-26, 17:22
السلام عليكم
دخلت باش ندعيلك بالتوفيق يا صاحبة الmission inpossible.

nouna-12
2010-04-26, 17:45
بارك الله فيكاختي
تمنينا لو كانت معك الصورة
لكن ماعليش

صمت الجزائر
2010-04-26, 17:53
السلام عليكم
دخلت باش ندعيلك بالتوفيق يا صاحبة الmission inpossible.

بارك الله فيكاختي
تمنينا لو كانت معك الصورة
لكن ماعليش


بارك الله فيكن ...وفي القريب انشاء الله...فقط تابعن مواضيعي...واشكركن على المرور

لؤلؤة الغرب الج
2010-04-27, 14:22
أختي صمت الجزائر أنا لا أجيد خياطة البساطات أي لحاف كيا نقول حنا عندنا شفتهم يخيط الرابس مع عبد الرعوف بالمشينة وخلو فتحة صغير ة حتى يقدريدخل الصوف أو اللوات ومن بعد يبدو في خياطة البساط من فوق وهذه عملية سهلة زوجة عمي تخيط بهذا الشكل وكل النسوة عندنا لي خيط البساطات يخيطها بهذا الشكل دون تعب أرجو أنك فهمتي الطريقة وسمحلي أنا أعتبرك أختي وصديفة

صمت الجزائر
2010-04-27, 15:46
أختي صمت الجزائر أنا لا أجيد خياطة البساطات أي لحاف كيا نقول حنا عندنا شفتهم يخيط الرابس مع عبد الرعوف بالمشينة وخلو فتحة صغير ة حتى يقدريدخل الصوف أو اللوات ومن بعد يبدو في خياطة البساط من فوق وهذه عملية سهلة زوجة عمي تخيط بهذا الشكل وكل النسوة عندنا لي خيط البساطات يخيطها بهذا الشكل دون تعب أرجو أنك فهمتي الطريقة وسمحلي أنا أعتبرك أختي وصديفة



السلام ...وبارك الله فيك ....نعم عندنا كذلك بزاف اللي يخيطو بهذه الطريقة...اي انهم يخيطو الرابس وعبدالرعوف بالمشينة...ويخلو فتحة ولكن على الطول نتاع اللحاف باش ينجمو يستفو الصوف او اللاواط.....ولكن المبتداة...ماتقدرش....لانها تتعصب في بداية التعلام وتبحث دائما عن السهل...ونقولك حاجة..الصوف اليوم ماراهمش يقردشوه...ولكن مبشوم...وهذا لاننا في عصر الصرعة...وبدون تعب...ولا هدر للمال والوقت...نشكرك..انك تابعي.موضوعي...ونشاله تتعلمي معانا واش رانا ناويين...ومرحبى بيك..كاخت...وصديقة...وربي يوفقنا...وراني هنا...للاسئلة...او اي شئ اخر....

malika massaad
2010-04-27, 18:53
ششششششششششششششكراااااااااااااااااااااااااااا...... .....لو تكرمتي الاخت صوري لينا بعض الازياء لانو عندنا بالشرق الزي ديالكم هو مودة هذا الصيف.........
شكرا وصور من فضلك:1:

nejoude
2010-05-02, 18:15
رانى زعفانه منك يا صمت الجزائر طرحت عليك سؤال ومارديتيش عليا

صمت الجزائر
2010-05-02, 18:21
رانى زعفانه منك يا صمت الجزائر طرحت عليك سؤال ومارديتيش عليا


والله سامحيني يا حبيبتي...راني نجاوب على كل واحد ...وراني حوست على السؤال ديالك وين راه...

nejoude
2010-05-06, 13:57
هاهى مشاركاتى صمت الجزائر

ان شاء الله يشفى والدتك وشكرا على التوضيح

من فظلك اين اجد الرسومات او الرشيمات رانى حابة نجرب واحدللبيبى ديالى

رانى زعفانه منك يا صمت الجزائر طرحت عليك سؤال ومارديتيش عليا
كنت حابة نخيط واحد للبيبلى ديالى لكن ربى ما كتبش شكرا لك صمت الجزائر

صمت الجزائر
2010-05-06, 14:03
هاهى مشاركاتى صمت الجزائر






كنت حابة نخيط واحد للبيبلى ديالى لكن ربى ما كتبش شكرا لك صمت الجزائر



راني هنا ...جاوبيني ...والله راكي خلعتيني...وعلاش ربي ماكتبش...بسرعة الرد

*اميرة المنتدى*
2010-05-07, 22:13
http://up.arab-x.com/Apr10/OIi86471.gif

r_musulmane
2010-05-08, 20:10
بارك الله فيك اختي
مزيدا من التألق لكننا نتظر منك الصور بفارغ من الصبر

nejoude
2010-05-18, 17:47
راني هنا ...جاوبيني ...والله راكي خلعتيني...وعلاش ربي ماكتبش...بسرعة الرد

لا احب البنات الفضوليات من تكبرى تعرفى يا بنتى

صمت الجزائر
2010-05-18, 17:54
[]لا احب البنات الفضوليات من تكبرى تعرفى يا بنتى[/quote]
[size="7"][color="purple"شكرا لك على المرور....وبارك الله فيك....وانا خفت على الصحة ديالك لاني كنت عارفة واش كنتي تقصدي ولكن غير متاكدة....واليوم كي رديتي عليا نقولك الحمدلله....وربي يرزقك بما راكي تتمني....عن قريب ان شاء الله....ويعوضك خير....وانا....نوريلك واش تحبي..

~ لؤلؤة مسلمة ~
2010-05-18, 18:38
http://www.alamuae.com/gallery/data/media/123/0638.gif

فتيحة الجزائرية
2010-05-20, 22:00
السلام عليكم ورحمة الله و بركاته


شكرا لك صمت الجزائر فقط اريد كم طول و عرض الاطار الخشبي و شكرا

صمت الجزائر
2010-05-21, 13:41
السلام عليكم ورحمة الله و بركاته


شكرا لك صمت الجزائر فقط اريد كم طول و عرض الاطار الخشبي و شكرا



اختاه انا عمري ما استعملت اطار الخشب....ممكن تبحثي في المواضيع الاخرى للبساطات ...تلقاي واش راكي تبحثي عليه....وبارك الله فيك....ونتمنالك التوفيق

فتيحة الجزائرية
2010-05-21, 17:07
طريقك في البساط عجبتني بزاف و طريقة الشرح مفهومة جدا

اقصد طول و عرض البساط قبل ما تخيطيه كامل

صمت الجزائر
2010-05-21, 17:26
طريقك في البساط عجبتني بزاف و طريقة الشرح مفهومة جدا

اقصد طول و عرض البساط قبل ما تخيطيه كامل


اختي الكتان اللي يخيطو بيه ...واللي معروغ عندكم ...وهو اسمه عندنا عبد الراؤوف....وعندكم الملاس.....لاتنقسي من العرض دياله...وحتى ولو شريتي الرابس او اي نوع .....لازم تقيسي على عرض الملاس....وهاذا اجباري..اما الطول....انانخدم فيه......2مترو10سم اختياري تحبي تضيفيها او لا....انا ندير...2متر و10سم...ونتمنالك التوفيق ان شاء الله ....واي سؤال تحبي تطرحيه انا هنا....ونشاله عن قريب نوريلكم الخياطة....وبالخطوات ...انا مشغولة الان مع الخياطة والتفصيل والطرز...لتعلامكن...وشوفي العناوين المثبة....وشكرا لك ...وبارك الله فيك

فتيحة الجزائرية
2010-05-21, 19:06
شكرا لك وبارك الله فيك هذا لي حبيت باه نفهم

الله اباركلك في اعمالك ان شاء الله

ننتضر منك الجديد في اعمالك

صمت الجزائر
2010-05-21, 20:04
شكرا لك وبارك الله فيك هذا لي حبيت باه نفهم

الله اباركلك في اعمالك ان شاء الله

ننتضر منك الجديد في اعمالك



مرحبى بيك ....ونتمنى اني نكون عند حسن الظن ديالك....وربي يخليك....ويحفظك من كل شر

sefsafa
2010-06-04, 14:48
شكرا لك
بارك الله فيك

ام الاحمدين
2010-06-05, 17:45
ماشاء الله عليك
حاولت نفهم وان شاء الله ننتضر الصور ونجرب معاك

ينات اذكرو اسم الله على لبنيه

الله يباركلك

بسملة توحيد
2011-01-09, 12:27
http://www.nsaayat.com/up/uploads/nsaayat139dc8f2aa.gif (http://www.nsaayat.com/up/)

تجويد4
2011-01-09, 20:22
السلام عليكم و رحمة الله تعلى و بركاته

اختى صمت الجزائر شكرا لك على الموضوع و بارك الله فيك
و لكن عندى لك عتاب
و الله يا ختخى قرات الموضوع من اوله لخره يعنى ال 8 صفحات و كان عندى امل نلقى الرشمات باش نطبق و نبدا نخيط وجت كل ما يلزم بصح ما عنديش الرسمات و فرحت كشفت موضوعك و قلت فرج ربى بصح ككملت قراءة كل الردود خاب ظنى
كيفاش ذرك نقعد نستنى حتى نهار تحطى لينا الرشمات هكذا مش راح نخيط اللحاف حتى يفوت العرس و تطفر هههههههههههههههه

فبالله عليك اختى ك ملى جميلك و حطيلنا الرسمات الى تجى فى اللح اف باش نقدرو نطبقو واش شرحتى

و شكرا لك م رة اخرى انتظر ردك بفارغ الصبر

صمت الجزائر
2011-01-10, 06:23
السلام اختي
كيف الحال
والله على ما اضن لم يخب ضنك بل العكس
انا كل وقتي راه لكن والدليل فتحت منتدى من اجلكن ولكن
كي تتعلمن ما تردن
رابط منتداي على التوقيع
ونتمنالك رحلة طيبة له
بالتوفيق

نبيلة المهبولة
2011-01-10, 07:52
معليش يا اختي ان امكن الصور وانت مشكورة على الموضوع وعلى جهودك

ياسمين1980
2011-01-10, 14:38
انا فهمتك مليح اختي وهذه فعلا طريقة اسهل واسرع وبارك الله فيك وربي يحفضلك الوالدة الكريمة شكرا

وداد100
2011-01-10, 15:47
شكرا اختي على المجهود ومحاولتك لايصال الفكرة حبذا لوكانتمع الصور لكن شكراوجزاكالله كلخير

linalou
2011-01-10, 16:29
بارك الله فيك

تجويد4
2011-01-10, 17:26
السلام اختي
كيف الحال
والله على ما اضن لم يخب ضنك بل العكس
انا كل وقتي راه لكن والدليل فتحت منتدى من اجلكن ولكن
كي تتعلمن ما تردن
رابط منتداي على التوقيع
ونتمنالك رحلة طيبة له
بالتوفيق

السلام عليكم و رحمة الله تعالى و بركاته

اختى صمت الجزائر شكرا لك على ردك
انا تاسفت لأننى لم أجد الرشمات الى لازم نرسمهم فوق اللحاف باش نخيط عليهم
بخصوص الطرقة رانى فهمتها و الحمد لله و شريت جميع اللوازم لكن للأسف لم أجد الرشمات

souna02
2011-01-10, 18:53
اانا تاني نخدمهم بهاد ال طريقة و بخرجو هايلين

نادية_72
2011-01-10, 19:02
شكرا اختي لكن فهمينا اكثر

الفارسية
2011-01-11, 16:03
ياريت توضحونا كيفاش نعملو الرسومات الخاصة بالبساطة

كحال
2011-02-21, 21:35
انا لم افهم كيفاش ندخل يدي باش نخيط اللحاف انتظر الرد السريع و مشكورة

أم المعتصم بالله
2011-02-22, 10:33
مام انا حابة نخدم واحد لكن مفهمتش باسكو اول مرة غادي نجرب ياريت تجيبيلنا صور حبة حبة وريلنا
صور من عد اي جيرانك ولا صحباتك
ربي يحفظك

*شهد العسل*
2011-02-22, 12:37
اختي صمت الجزائر راني حابة نجربو
قوليلي اذا ما لقيتش لمساسيك ممكن نخيطو في الحصيرة بالابرة و الخيط و لا لا
وكيفاش نقدر ندخل يدي تحت اللحاف ما يكونش الضيق
ارجو انك تجاوبيني

alegria25
2011-02-22, 17:37
هدا اول رد ليا....شكرا على الطريقة راح نجربها و نردلك لخبر حنونة......:19:

*شهد العسل*
2011-02-23, 08:58
صمت الجزائر جاوبيني نخيط القنوت في الحصيرة

هبة الله 97
2011-02-23, 11:35
شكرا اختى عاى هذا الشرح المستفيض و هذاالمجهود لتعميم الفائدة للجميع جازاك الله خيرا عن الجميع

ميرة31
2011-02-27, 12:20
شحال يجي في اللحاف نتاع الصغار .يمكن يكون نصف القياس ؟يعني1.25 م؟
ممكن تجاوبيني............وشكرا

نور الصفاء
2011-02-27, 12:40
سوف اجرب ان شاء الله

لقاء الجنة
2011-09-22, 23:25
http://m002.maktoob.com/alfrasha/ups/u/26720/31303/395787.gif

هبة الكوثر
2011-10-07, 10:44
بارك الله فيك ياختي لوكان تقدري حتى ارسمينا الطريقةفي الرسام باه نفهمو مليح

moh.rusikada
2011-10-09, 11:17
وينك يا اختي صمت
الى متى يدوم هاد الصمت
انا قرات كل الصفحات بحثا عن الرشمات و مزيدا من التوضيح و خاصة بالصور
ارجو ان يكون المانع خير و نشوف تكملة للموضوع
لا اله الا الله سيدنا محمد رسول الله

moh57
2012-03-25, 18:02
الله يعطيك الصحة يا اختي و حتى حنا نخدموا كيفك و نقول لكامت لبنات يجربوا والخدمة ناجحة مئة بالمئة

moh57
2012-03-25, 18:06
ربي يحقظك حتى حنا نخدموا كيفك

-رودينا-
2012-03-26, 10:03
بارك الله فيك اختى صمت الجزائر ويعطيك الصحة على الموضوع القيم وجعله الله في ميزان حسناتك
حابة نستفسر على بعض الامور
1- قنت تقصدي بيه الحافة
2-المساك ديال الخمارات بصح يكون كبير
3- كي نتبعو الرسم يكون العمل صعب لاخطرش مكاش لتساع والفراغ الكافي
من فضلك حبيبتى حطي صور باش يتضح العمل اكثر
رنا نستناو في موضوعك بفارغ الصبر لانو سهل وبسيط مايسحق لا الواح ولامسامير خاصة لي عندها الضيق هادي طريقة تساعد اكثر
ملاحظة: الصور لي حطيتيهم من قبل لا تظهر لانو تبعت موضوعك من الصفحة 1 حتى 9

noor hassenl
2012-03-27, 18:32
الصور....الصور

fatouma45
2013-07-12, 00:38
السلام عليكم
بغيت نسقسيك اختي
بغيت نخدم اللحاف بعبد الرعوف نقدر ندخل عبد الرعوف لون واحد اخر اي 2 الوان كيما اللحوفات لي فيهم الرسم في الوسط ولا واش ندير نوع الكتان في الوسط باه يخرج الرسم باين و زين