المساعد الشخصي الرقمي

مشاهدة النسخة كاملة : موضوع لمساعدة كل من تطبخ


الصفحات : [1] 2 3 4

imene08
2010-04-12, 22:16
:sdf:بنات و الله العظيم الشيئ الذي أكرهه عندما أعود من العمل هو التفكير في:
ماذا أطبخ اليوم و الله هذا الهاجس يبدأني نصف ساعة قبل الخروج من العمل
لهذا فكرت اليوم قلت نوضع موضوع و كل وحدة تدخل (إذا حبيتوا طبعا) و تقوللنا واش دارت البارح للعشاء باش ندو الأفكار على بعضانا لو سمحتن و نلقاو واش نديروا للأكل
أصبح الأمر يؤرقني
و أعلم أنه يؤرق معظم النساء اللي يطبخوا
تقبلوا تحياتي و تشكراتي مسبقا
شاركونا آراءكم فمشاركنم تفيدنا

aridj 23
2010-04-12, 23:45
فكرة مليحة و انشاء الله نكون أول من شارك أنا اليوم طبخت بطاطا محشية بالفرماج و روز بالدجاج :)

imene08
2010-04-13, 17:56
فكرة مليحة و انشاء الله نكون أول من شارك أنا اليوم طبخت بطاطا محشية بالفرماج و روز بالدجاج :)




شكرا لمرورك البارح درت بيتزا
و اليوم إن شاء الله نديرو الروز

اية
2010-04-13, 21:33
وجبت عشاء كنت كسكس ==طعام===

imene08
2010-04-14, 20:05
وجبت عشاء كنت كسكس ==طعام===


بصحتكم و شكرا لمرورك أخي:19:
حنا الطعام نديروه يوم الجمعة
اليوم فورلتهم الخضرة

"جُوهَرْ"
2010-04-16, 13:18
أنا اليوم في الغداء حضرت مسفوف الفول و الجلبانة.

imene08
2010-04-16, 14:31
أنا اليوم في الغداء حضرت مسفوف الفول و الجلبانة.


و الله كيما حنا بصحتكم
شكرا لمرورك

ام خديجة1
2010-04-16, 14:38
عشائي البارحة بيتزا واليوم حضرت العدس بالخضار دون لحم والعشاء ناوية باذن الله اعمل سباكيتي بالفرماج وكريمة سائلة

imene08
2010-04-16, 15:55
عشائي البارحة بيتزا واليوم حضرت العدس بالخضار دون لحم والعشاء ناوية باذن الله اعمل سباكيتي بالفرماج وكريمة سائلة


شكرا راني نفكر في لعدس (طبعا دون لحم) لغدوة إن شاء الله لأن اليوم درنا مسفوف عشا و فطور

"جُوهَرْ"
2010-04-16, 16:51
و الله كيما حنا بصحتكم
شكرا لمرورك
العفو أختي بصحتكم انتما ثاني .وحناالطعام مانديروهش نهار الجمعة فقط بل حتى في سائر الايام.

"جُوهَرْ"
2010-04-16, 16:53
يعطيك الصحة أم خديجة ،ان شاء الله في العشاء انا ثاني ندير سباقيتي مع سلطة.شكرا.

"جُوهَرْ"
2010-04-16, 16:55
شكرا راني نفكر في لعدس (طبعا دون لحم) لغدوة إن شاء الله لأن اليوم درنا مسفوف عشا و فطور
بصحتكم أن شاء الله العدس،انا درتو نهار الاربعاء وبدون لحم ولذيذ ماشي شرط يكون فيه لحم.وشكرا ايمان على هذه الفكرة .

nourerrahmane
2010-04-17, 16:34
salem,

aujourd'hui
loubia + salade

imene08
2010-04-18, 00:15
salem,

aujourd'hui
loubia + salade

بصحتكم
أنا ما حبوليش لعدس عياو منو قليت البطاطة صباح و فورت الخضرة لعشيا
شكرا لمروركي

malika massaad
2010-04-18, 02:39
درنا طاجين زيتون وفي الغدا درنا مرق بروز وان نحب الفول المرفوس بالزبدة

"جُوهَرْ"
2010-04-18, 13:52
درنا طاجين زيتون وفي الغدا درنا مرق بروز وان نحب الفول المرفوس بالزبدة
بصحتكم أختي .من فضلك ما معنى فول مرفوس بالزبدة أول مرة نسمع به

"جُوهَرْ"
2010-04-18, 13:54
في وجبة الغذاء حضرت معكرونة بالخضر.وفي العشاء إن شاء الله ندير بيتزا.

aridj 23
2010-04-18, 14:49
انا اليوم في الغذاء قليت بطاطا بالبيض و الفرماج و العشاء ان شاء الله نويت نطيب كسكسي بالخضرة و الدجاج

imene08
2010-04-18, 16:32
درنا طاجين زيتون وفي الغدا درنا مرق بروز وان نحب الفول المرفوس بالزبدة

طاجين الزيتون فكرة رائعة نسيتو كامل اليوم بإذن الله نديرو بارك الله فيك

imene08
2010-04-18, 16:34
في وجبة الغذاء حضرت معكرونة بالخضر.وفي العشاء إن شاء الله ندير بيتزا.


بصحتكم
راني حابة ندير المعكرونة لكم أمي ما تخلينيش تقولي les pates تسمانوا برك:sdf:
بيتزا غير كيما درتها
شكرا لمرورك و شكرا على الإفادة و غن شاء الله نلقاو أفكارنا هنا في هذا الموضوع

imene08
2010-04-18, 16:37
انا اليوم في الغذاء قليت بطاطا بالبيض و الفرماج و العشاء ان شاء الله نويت نطيب كسكسي بالخضرة و الدجاج




بصحتكم
يبدو أنك طيبي روعة ما شاء الله
شكرا لمرورك نورتينا و أرجو أن يكون في هذا الموضوع استفادة للجميع بدل التفكير كل يوم في العشاء و الله شيئ يؤرق
شكرا

نينا الجزائرية
2010-04-18, 16:40
انا اليوم طيبت غراتان بطاطا بالطون ولوازم علابلكم وقليت حوت ساوريل مع سلطة
حشية بلاك غير سلطة خفيفة
حاجة مستغربتها ان معضمكم يديرو طعام في وسط السمانة ولا في العشاء حنا نطيبوه غير بالجمعة
والاخت لدارت الفول بالزبدة كون غير تقولي كيفية نطيبو

"جُوهَرْ"
2010-04-18, 18:43
انا اليوم طيبت غراتان بطاطا بالطون ولوازم علابلكم وقليت حوت ساوريل مع سلطة
حشية بلاك غير سلطة خفيفة
حاجة مستغربتها ان معضمكم يديرو طعام في وسط السمانة ولا في العشاء حنا نطيبوه غير بالجمعة
والاخت لدارت الفول بالزبدة كون غير تقولي كيفية نطيبو
نعم أختي نينا نحن نديرو الكسكس في سائر أيام الاسبوع ،نديروه في العشا وفي الغذا ماشي شرط يوم الجمعة ونديروه بمرقة مختلفة ،مثلا نديروه بالكرنب ،ومرقة بالخرشف ونديروه بالبسباس واللوبيا الخضراء في وقتها ونديروه مسفوف ونديروه باللوبيا الجافة الي عندها نقطة سوداء في الوسط وهو لذيذ جدا .........إلخ
بصحتكم الغذاء والعشاء.

تغرينية
2010-04-18, 20:07
البارح في الغذاء درت الحريره والعشاء درت الكسكس بالفول المفور وسقيناه بالحليب واليوم درت في الغذاء العدس

imene08
2010-04-18, 20:26
نعم أختي نينا نحن نديرو الكسكس في سائر أيام الاسبوع ،نديروه في العشا وفي الغذا ماشي شرط يوم الجمعة ونديروه بمرقة مختلفة ،مثلا نديروه بالكرنب ،ومرقة بالخرشف ونديروه بالبسباس واللوبيا الخضراء في وقتها ونديروه مسفوف ونديروه باللوبيا الجافة الي عندها نقطة سوداء في الوسط وهو لذيذ جدا .........إلخ
بصحتكم الغذاء والعشاء.


بصحتكم حنا ثان نديرو الطعام بالجمعة بصحتكم
و شكرا لمرورك و أرجو تكوني استفدت

imene08
2010-04-18, 20:28
البارح في الغذاء درت الحريره والعشاء درت الكسكس بالفول المفور وسقيناه بالحليب واليوم درت في الغذاء العدس

بصحتكم اليوم درنا طاجين الزيتون و أنا لي دبرت على ماما (لأنني ما قدرتش نديرو مرضت شوية ) و هذا بفضلكن يا بنات شكرا:19:

نينا الجزائرية
2010-04-19, 01:13
نعم أختي نينا نحن نديرو الكسكس في سائر أيام الاسبوع ،نديروه في العشا وفي الغذا ماشي شرط يوم الجمعة ونديروه بمرقة مختلفة ،مثلا نديروه بالكرنب ،ومرقة بالخرشف ونديروه بالبسباس واللوبيا الخضراء في وقتها ونديروه مسفوف ونديروه باللوبيا الجافة الي عندها نقطة سوداء في الوسط وهو لذيذ جدا .........إلخ
بصحتكم الغذاء والعشاء.
غريب البليديين ميدروش طعام هكذا باللوبيا وكرنب
هما يطيبوه بالخضرارعادي لفت وزرودية وقلوليشة
ولا مسفوف بالفول والجلبانة ولا بزبيب
مشي كيما قلتي استغربت خاصة انك حاطة تسكني في بليدة

نينا الجزائرية
2010-04-19, 11:21
السلام عليكم ورحمة الله وبركاته
اليوم طيبت الخلوطة
حشية ان شاء الله بيتزا

"جُوهَرْ"
2010-04-19, 13:02
غريب البليديين ميدروش طعام هكذا باللوبيا وكرنب
هما يطيبوه بالخضرارعادي لفت وزرودية وقلوليشة
ولا مسفوف بالفول والجلبانة ولا بزبيب
مشي كيما قلتي استغربت خاصة انك حاطة تسكني في بليدة
السلام عليكم و رحمة الله وبركاته
أختي نينا أنا أسكن في البليدة وهذا لا يعني انني بليدية ،انا قبائلية من ولاية تيزي وزو ونحن القبايل الكسكس نديروه بمرق متنوع

imene08
2010-04-19, 13:53
السلام عليكم ورحمة الله وبركاته
اليوم طيبت الخلوطة
حشية ان شاء الله بيتزا

بصحتكم
الخلوطة؟؟؟عمري ما سمعت بيها
اليوم بإذن الله عدس و (بابا تشها شليطا بالكسرة (حميس)
شكرا لمروركن

"جُوهَرْ"
2010-04-19, 14:30
بصحتكم الحميس والعدس أختي إيمان،في العشاء ان شاء الله ندير طاجين زيتون وسلطة متبل باذنجان.
بصحتكم الخالوطة والبيتزا نينا.

hayette82
2010-04-19, 15:09
انا طيبت بيري بالمرقاز ومقلي طماطم وفلفل حلو وسلاطة اردوفر وفلون

hayette82
2010-04-19, 15:15
انا ندير برنامج واش نطيب في الاسبوع صباح او مساء مثلا كان طيبت حاجة ثقيلة في الغداء نطيب في الليل حاجة خفيفة الغداء ندير شخشوخة العشاء ندير كاسكروطات بطاطا او كاشير و كي نطيب المقرونة او سباقيتي نطيب معاهم بطاطا مقلية وحميس

وئام الروح42
2010-04-19, 18:47
موضوع مليح ان درت ماكارونا بالتونة

وئام الروح42
2010-04-19, 18:49
اختي حياة انا والله لابيري نحبها بالجاج او جامي جربت انديرها بالمرقاز
بصح اعطيلنا الكيفية لي تديريها بيها بلاك نرفدها عليك

وئام الروح42
2010-04-19, 18:54
السلام عليكم و رحمة الله وبركاته
أختي نينا أنا أسكن في البليدة وهذا لا يعني انني بليدية ،انا قبائلية من ولاية تيزي وزو ونحن القبايل الكسكس نديروه بمرق متنوع
عزيزتي حتى انا كي سمعت انواع الماكلة عرفتك بلي قبايلية
انا تاني قبايلية تاع تيزي بصح ما نطيبوهش خلاص ولاوما يحبوهش طبعا ابار ثازميث

زهرة الجزائر 07
2010-04-19, 20:50
حنا اليوم درنا تليتلي

زهراء بتول
2010-04-19, 21:56
أرجو منك أخت nana 72 أن تضعي ليط ريقة لابيري بالدجاج كما أرجو من الأخت hayette 82 أن تضع لي طريقة لابيري بالمرقاز وشكرا جزيلا
حنا اليوم درنا للعشاء شربة فريك

تغرينية
2010-04-19, 21:57
اليوم في الغذاء درت سباقيتي والعشاء درتلابوري مع دجاج في الكوشه

زهراء بتول
2010-04-19, 21:57
أرجو منك أخت nana 72 أن تضعي لي طريقة لابيري بالدجاج كما أرجو من الأخت hayette 82 أن تضع لي طريقة لابيري بالمرقاز وشكرا جزيلا
حنا اليوم درنا للعشاء شربة فريك

ام ضياء
2010-04-20, 14:12
فكرة جيدة اختي و انا ايضا هذا المشكل يؤرقني. البارحة عملت كسكس و اليوم شوربة في الغذاء لاني اولادي صغار و يحبوها و في العشاء انشاء الله ندير مرونية

نينا الجزائرية
2010-04-20, 14:45
لابيري بالمرقاز انا ندير لابيري عادي في بلا تاع الفور ونحط المراقاز فوقها يغطي البلا وندخلو في كوشة تخليه يتحمر ويطيب ويطلق السبك تاعو علي لابيري بنين
لابيري بالجاج بلاك طبقة بطاطا وطبقة جاج مفتت تكوني طيبتيه من قبل

نينا الجزائرية
2010-04-20, 14:46
فكرة جيدة اختي و انا ايضا هذا المشكل يؤرقني. البارحة عملت كسكس و اليوم شوربة في الغذاء لاني اولادي صغار و يحبوها و في العشاء انشاء الله ندير مرونية

روينة عشاء كيفاش ديري روينة هذيك لي تجي بودرة وتروينها بالحليب ولا ماء

نينا الجزائرية
2010-04-20, 14:49
السلام عليكم و رحمة الله وبركاته
أختي نينا أنا أسكن في البليدة وهذا لا يعني انني بليدية ،انا قبائلية من ولاية تيزي وزو ونحن القبايل الكسكس نديروه بمرق متنوع
نعم سقسيت يما وقاتلي هذي قبايلية القبايل يطيبو هكذا
خيار الناس

نينا الجزائرية
2010-04-20, 14:52
بصحتكم
الخلوطة؟؟؟عمري ما سمعت بيها
اليوم بإذن الله عدس و (بابا تشها شليطا بالكسرة (حميس)
شكرا لمروركن
هذي خلوطة هي اسمها خلوطة خاطش تكون مخلطة بكل انواع الخضر
شوفي فيها الحمص والفول والبصل وبطاطا وقليلشة وطوماطيش مع ملح وفلفل اكحل وعكري وقرن فلفل حار
كشغل طبيخة بصح الطبيخة تجي بالفول والجلبانة وبطاطا ورز وتقدري حتي لوبيا حبات صغار
ان شاء الله تكوني فهمتي

نينا الجزائرية
2010-04-20, 14:54
ايمان تقدري تفهميني هذي حميص لتقولوها بزاف واشن هي
وبابا شليطا بالكسرة

hayette82
2010-04-20, 15:10
بطاطا بيري بالمرقاز نقشر بطاطا نغسلها وبعد نغليها في ماء وملح حتى تطيب مبعد نرحي البطاطا في الرحاية اليدوية بلا هذاك الماء وكلما نرحي ندير شوية حليب و2 ولا3 فرماج لافاش كيري وطرف زبدة وبعدها نديرها في مرميطة نزيدها شوية ملح فلفل اسود شوية توم ونقص عليها العافية ومن جهة اخرى نجيب مقلة ندير فيها قطرة زيت ونحط المرقاز ونثقبو بلي نقو بيها السنين باه ميترتقش ويخرج منو الزيت وبعدها نحط البطاطا في صحن ماتكونش جارية نسقي من الفوق بهذاك الزيت تاع مرقاز ونحط جبات مرقاز دييكور من الفوق نقدر نقلي المرقاز في شوية زبدة

hayette82
2010-04-20, 15:12
الحميس هو فلفل مشوي حار وحلو وطماطم مشوية وتوم

hayette82
2010-04-20, 15:14
الحميس هو فلفل حلو وحار وتوم وطماطم مشويين

نينا الجزائرية
2010-04-20, 15:21
بطاطا بيري بالمرقاز نقشر بطاطا نغسلها وبعد نغليها في ماء وملح حتى تطيب مبعد نرحي البطاطا في الرحاية اليدوية بلا هذاك الماء وكلما نرحي ندير شوية حليب و2 ولا3 فرماج لافاش كيري وطرف زبدة وبعدها نديرها في مرميطة نزيدها شوية ملح فلفل اسود شوية توم ونقص عليها العافية مفهمتهاش ختي ومن جهة اخرى نجيب مقلة ندير فيها قطرة زيت ونحط المرقاز ونثقبو بلي نقو بيها السنين باه ميترتقش ويخرج منو الزيت وبعدها نحط البطاطا في صحن ماتكونش جارية نسقي من الفوق بهذاك الزيت تاع مرقاز ونحط جبات مرقاز دييكور من الفوق نقدر نقلي المرقاز في شوية زبدة
نفس طريقة ختي تاع بطاطا بيري لكن انتي درتي ثوم زيادة انا زيدلها حبة بيض وندخلها للكوشة تنشف وتتحمر من الفوق ومرقاز نديرو فوقها يتحمر ويطلق لاسوس تاعو عليها
مذابيك تفهميني نقص عليها العافية مفهمتهاش

نينا الجزائرية
2010-04-20, 15:23
الحميس هو فلفل حلو وحار وتوم وطماطم مشويين
بارك الله فيك انا نقولها سلطة مشوية هذا حميس تخلطي مع بعض الفلفل حار وحلو طوماطيش مشوسة وثوم وتديرلها زيت الزيتون

وئام الروح42
2010-04-20, 15:30
أرجو منك أخت nana 72 أن تضعي ليط ريقة لابيري بالدجاج كما أرجو من الأخت hayette 82 أن تضع لي طريقة لابيري بالمرقاز وشكرا جزيلا
حنا اليوم درنا للعشاء شربة فريك
ما يكون غير خاطرك
1- لابيري
بطاطا قشريها او اغسليها مليح قطعيها اوديريها في ماء ساخن وملح حتى تطيب
امباعد نحيها من الماء او ارحيها بالميكسور وشنوا ديريها على جيه وما تضربيهاش بزاف بالميكسور باش ما تتعلكش كيما شوينقوم كسريلها 2 حبات بيض +4 فرماج 2 مغارف لحظة دوبيهم في كاس ماء خلطيهم مليح او حطيها في بلا تاع كوشة دخليه للفرن على نار هادئة حتى تحمار من الفوق
2-الدجاج
تكوني غسلتيه او قطعتيه
رابي حبة بصل او 4 سنات ثوم قطعي المعدنوس +مغرفة كمون طبعا ملح او شوية فلفل اكحل مغرفة طوماطيش(الا حبيتي رابي حبة طوماطيش)
4 مغارف زيت+2 كاس ماء اونغمس الجاج مليح في هذا الخليط حتى يرتاح ويتشرب التوابل او نديروا في بلا داخل الكوشة
هكذا كي طيبوا نحي الجاج دريه في صحن او لاسوس في طاجين صغير او لابيري جيبيه هكذاك في بلا بالهناء والشفاء

نينا الجزائرية
2010-04-20, 17:21
صحيتي نانا كيفية جديدة واشنو لحظة حاجة جديدة

وئام الروح42
2010-04-20, 18:24
حبيتي تديري حليب شكارة ماعليه وشنوا نحي الماء هذا ما كان
ضدقيني تخرجلك روعة ما نعرفش كيفاش نطلع الصور على خاطر غدوة نطيبها للفطور كنت نصور ونعاود نكتبها بالخطوات

زهراء بتول
2010-04-20, 18:25
يعطيك الصحة أختي nana 72 وكذلك أختي hayette 82
حنا اليوم درنا جلبانة للغداء و في العشاء إن شاء الله قليان

زهراء بتول
2010-04-20, 18:27
إذا قدرتي أختي nana 72 حطينا طريقتك غدا بالصور تعيشي

وئام الروح42
2010-04-20, 18:44
ان شاء الله اذا لقيت لي يوريلي كيفاش نطلع الصور

وئام الروح42
2010-04-20, 18:47
بنات عندي ازمة الراجل ديما اقولي ما تعرفيش تطيبي لي زابا يعني الكبدة تاع الجاج
انا نطيبها شطيطحة ولا قليان هو اقولي ناكلها في الروسطورو هايلة الي تعرف كاش طريقة تقولي عليها

تغرينية
2010-04-20, 19:03
اليوم درت للغداءجلبان مرقه والعشاء دولمه سردين مرقه بالبطاطا

وئام الروح42
2010-04-20, 19:05
صحيتي شحال عندي ما كليتش دولمة سردين هاذوا 3 ولا 4 سنين

imene08
2010-04-20, 20:06
ايمان تقدري تفهميني هذي حميص لتقولوها بزاف واشن هي
وبابا شليطا بالكسرة


لحميس هي الشليطا (كاين جوايه في لقبايل يسموها شليطة و جوايه يسموه إفلفل)
تشويه هو و الطماطم (كي يتشوا و هو سخون ديريه في كيس شفاف و خليه شوية) باش كي تقشريه يجيك ساهل و من بعد تدرسيهم مليح و تخلطيلهم زيت الزيتون و الملح و بالصحا و الهنا
و كاين لي يزيدولها شوييييييييييييييييييييية ماء و الزيت الزيتون و يخلوها على نار هادئة (تجي رائعة)
و ممكن تكسريلها 2 حبيبات بيض تاني تجيك بنينة )و خاصة بالكسرة اليابسة (أغروم أقوران تاع لقبايل)

imene08
2010-04-20, 20:11
بصحتكم بنات
اليوم درت جواز قرنووووووووووون (شارف) و جلبانة و بطاطة

"جُوهَرْ"
2010-04-20, 21:53
عزيزتي حتى انا كي سمعت انواع الماكلة عرفتك بلي قبايلية
انا تاني قبايلية تاع تيزي بصح ما نطيبوهش خلاص ولاوما يحبوهش طبعا ابار ثازميث
لالا يا نينا حنا مازلنا نطيبو كل هذه الاطباق وحنا مازلنا نحبو مثل هذه الاطباقونحب كل شيءيعبر عن اصالتي سواء لغة،او ملبسا أو طبخا

"جُوهَرْ"
2010-04-20, 21:55
انا ندير برنامج واش نطيب في الاسبوع صباح او مساء مثلا كان طيبت حاجة ثقيلة في الغداء نطيب في الليل حاجة خفيفة الغداء ندير شخشوخة العشاء ندير كاسكروطات بطاطا او كاشير و كي نطيب المقرونة او سباقيتي نطيب معاهم بطاطا مقلية وحميس
صح ،عندك الحق أختي.

نينا الجزائرية
2010-04-21, 00:50
صحيتي شحال عندي ما كليتش دولمة سردين هاذوا 3 ولا 4 سنين
ساردين راه غالي :1:

نينا الجزائرية
2010-04-21, 00:51
لحميس هي الشليطا (كاين جوايه في لقبايل يسموها شليطة و جوايه يسموه إفلفل)
تشويه هو و الطماطم (كي يتشوا و هو سخون ديريه في كيس شفاف و خليه شوية) باش كي تقشريه يجيك ساهل و من بعد تدرسيهم مليح و تخلطيلهم زيت الزيتون و الملح و بالصحا و الهنا
و كاين لي يزيدولها شوييييييييييييييييييييية ماء و الزيت الزيتون و يخلوها على نار هادئة (تجي رائعة)
و ممكن تكسريلها 2 حبيبات بيض تاني تجيك بنينة )و خاصة بالكسرة اليابسة (أغروم أقوران تاع لقبايل)
يارك الله فيك باين بنين خاصة اذا كان حار

نينا الجزائرية
2010-04-21, 00:57
حبيتي تديري حليب شكارة ماعليه وشنوا نحي الماء هذا ما كان
ضدقيني تخرجلك روعة ما نعرفش كيفاش نطلع الصور على خاطر غدوة نطيبها للفطور كنت نصور ونعاود نكتبها بالخطوات
ايه ندير الحليب في لابيري
راح نسيها باللحظة راني نستني في صور
لازم ترفعيها من مركز تحميل الصور اكتبيه في قوقل يخرجلك اضغطي علي باركورير يخرجلك ايطار اضغطي علي الصورة المحتفظة بيها في ملفاتك وارفعيها ومن بعد يخرجلك رابط المنتديات انسخيه وحطيه في منتدي

نينا الجزائرية
2010-04-21, 01:01
بنات عندي ازمة الراجل ديما اقولي ما تعرفيش تطيبي لي زابا يعني الكبدة تاع الجاج
انا نطيبها شطيطحة ولا قليان هو اقولي ناكلها في الروسطورو هايلة الي تعرف كاش طريقة تقولي عليها
عندي كيفية نديرها
شوفي اقلي كبدة لي زابا قنصات تاع الجاجة بعدما تنقيهم طبعا يجو مع لي زابا تاني جيبي فطر شومبينيو دبليه مع شوية زبدة
وحضري لاسوس تاع طوماطيش عادي في المقلة ومن بعد بلا متنحي لاسوس حطي فيها لي زابا لي قليتيهم وقنصات والشومبينيو وخليهم يطيبو مع لاسوس كيفية سهلة وبنينة

نينا الجزائرية
2010-04-21, 01:05
اليوم لبنات طيبت الفطور فلور سلطة وموشتو شلاضة
العشا قراتان تاع الجلبانة وفلور مقلي

نينا الجزائرية
2010-04-21, 01:12
هذي وصفة كوبي كولي
كبد الدحاح وقوانص ب الخضار

http://food.fatakat.com/photos/big/865.jpg (http://food.fatakat.com/photos/865.jpg)


وقت التحضير: 10 دقائق
وقت الطهي: 15 دقيقة
المقادير: 1_ كبد وقوانص دجاج
2_ خضار مشكل
3_ بصله + توم + جنزبيل + ملح وفلفل _ بهار + فلفل اخضر
4_ زيت
التحضير: 1_ تشوح الكبد والقوانص تشويج جيدا مع اضافه 2م ك خل
2_ تضاف الكبد والقوانص للخضار بحد تشوحها مع اضافه كوب من الماء
3- تدخل الفرن لمدة ساعه الا ربع او حتى تمام السواء

نينا الجزائرية
2010-04-21, 01:13
وهذي تاع المصاروة

طاجن البطاطس بالجزر مع كبدة الدجاج



المقادير:


كيلو بطاطس.
نصف كيلو جزر .
نصف كيلو كبد دجاج.
بصلتان مبشورتان خشنا.
كوب مرق دجاج متبل بالملح والفلفل الأبيض وجوزة الطيب والقرنفل.
كوبان كريمة لبانى.
ملعقتان زيت ذرة.
زعتر الجبل (روز مارى)



الطريقة:


تقشر البطاطس والجزر ويقطع كل منهما حلقات متوسطة السمك يسخن الزيت ويقلب فيه البصلتان المبشورتان خشنا ويضاف اليهما البطاطس والجزر والكبد بعد غسلها بالخل ويضاف اليهم مرق الدجاج ونتركه حتى ينضج نصف نضج ويتبل الخليط جيدا وينثر عليه زعتر الجبل ونضع الخليط فى طاجن فرن ثم يسكب عليها الكربمة اللبانى وزعتر الجبل وتزج فى فرن متوسط الحرارة مدة 35دقيقة ثم تقدم ساخنة.

نـدِيـّة الجـُوريْ ~
2010-04-21, 11:03
بارك الله فيكن...

وئام الروح42
2010-04-21, 11:30
شكرا جزيلا نينا على الكيفيات راه مهبلني كلما نسقسيه اقولي امباعد انجيبلك كوليها تعرفي كيفاش اتطيب
نينا رانا مخطوبين برك ولا كنت نقتلوا لوكان ياكل في روستورو وانا يخليني في الدار

وئام الروح42
2010-04-21, 11:34
صح ،عندك الحق أختي.
فروجة انا تاني كثيرة الاعتزاز باصلي وانا جد مرتاحة وسعيدة لكوني قبائلية
وانتكلم لقبايلية بفصاحة
بصح الطعام الجيل هذا تاعنا ما يحبوهش بصح اموجوظ انموتوا عليه ثامثونت ثاشباط ثيمقزرث.....................
هذو ياكلوهم بصح الطعام ما نحبوهش

ام ضياء
2010-04-21, 11:43
(روينة عشاء كيفاش ديري روينة هذيك لي تجي بودرة وتروينها بالحليب ولا ماء)

مرونية يا اختي و ليس روينة وهي عبارة عن بذنجال مقلي يقدم مع مرق الحمص باللحم او الدجاج

رفيدة08
2010-04-21, 11:43
درت البارح في العشاء غراتان الكوسى بالبيشاميل و الفرماج + سلطة

imene08
2010-04-21, 13:03
درت البارح في العشاء غراتان الكوسى بالبيشاميل و الفرماج + سلطة


بصحتكم
اليوم قليت الباطاطة و الشلاظة و درت الكسرة
و في لعشا الله أعلم
شكرا لمرورك

imene08
2010-04-21, 13:04
(روينة عشاء كيفاش ديري روينة هذيك لي تجي بودرة وتروينها بالحليب ولا ماء)

مرونية يا اختي و ليس روينة وهي عبارة عن بذنجال مقلي يقدم مع مرق الحمص باللحم او الدجاج


بصحتكم مع أنني أكره الباذنجال إلا أنه يبدو لذيذ

jouba sali
2010-04-21, 13:41
سلام احنا في النهار نديرو مينداك مرة عدس لوبيا ......اي لحوايج التقال و في اليل طعام سفوف مع لحليب البارد او مرقة او مرقة جلبان ....وربي معانا

نينا الجزائرية
2010-04-21, 14:39
شكرا جزيلا نينا على الكيفيات راه مهبلني كلما نسقسيه اقولي امباعد انجيبلك كوليها تعرفي كيفاش اتطيب
نينا رانا مخطوبين برك ولا كنت نقتلوا لوكان ياكل في روستورو وانا يخليني في الدار
الله يسلمك هذا الشيء مخطوبين ويهبل فيك
متخميش كي يتزوج يبطل ريستورو المصروف يزيد عليه مع الذراري
يولي ياكل غير ماككلتك حتي واذا معجبتوش يقتلو الشر ياكل ويسكت رانا نشوفو فيهم:1:

hayette82
2010-04-21, 14:42
اليوم طيبت حسوة والبارح طيبت جلبانة
صح غداكم وصح عشاكم

نينا الجزائرية
2010-04-21, 14:44
(روينة عشاء كيفاش ديري روينة هذيك لي تجي بودرة وتروينها بالحليب ولا ماء)

مرونية يا اختي و ليس روينة وهي عبارة عن بذنجال مقلي يقدم مع مرق الحمص باللحم او الدجاج
اه نعم اختي اختلا فالتسمية حنا نقولولها البرانية
وتقدري في بلاصت الباذنجان القلوليشة تجي ثاني بنينة

imene08
2010-04-21, 15:26
أاليوم طيبت حسوة والبارح طيبت جلبانة
صح غداكم وصح عشاكم

بصحتكم أختي
ممكن نعرف واشنو هي الحسوة؟؟ و أي منطقة يطيبوها أنا قبايلية و مخطوبة مع بسكري (يعني أي أكلة جديدة من ربوع وطننا الحبيب تساعدني باش نطيح خشينة و نعرف ماكلتهم)
شكرا مسبقا

نينا الجزائرية
2010-04-21, 16:47
السلامة عليكم اليوم طيبت شوربة فيرميسال وملوخية
و العشاء راح نجرب حميس تاع الاخت فروجة

imene08
2010-04-21, 17:08
السلامة عليكم اليوم طيبت شوربة فيرميسال وملوخية
و العشاء راح نجرب حميس تاع الاخت فروجة


بصحتكم
حميس إذا راكم غاشي كثري الفلفل باش يكفيكم و الأحسن تزيدي معاه شلاظة و الكسرة
بصحتكم

MALAK IMEN
2010-04-21, 18:29
شكرا اخت ايمان على الفكرة و شكرا للاخوات على مشاركاتهن القيمة
انا تانا ماما مهبلتني كيما نحل عيني في الصباح اول حاجة تقولهالي وش نطيبو اليوم ,, انا بديت نهبل من الحاجة ادي علاخاطر كملت قرايتي و قعدت في الدار
اني نسنا وقتاه يفرج عليا ربي و نلقا خدمة و نتهنا من الغدا والعشاء
انا اليوم طيبت فلفل و جريوات محشية و العشاء ان شاء الله نطيب روز
صح عشاكم

aridj 23
2010-04-21, 19:18
السلام عليكم
أنا اليوم طيبت ملوخية و كسرة وفي العشاء راح ندير سندويتش مخلط
:mh31:

وئام الروح42
2010-04-21, 19:19
السلامة عليكم اليوم طيبت شوربة فيرميسال وملوخية
و العشاء راح نجرب حميس تاع الاخت فروجة
نينا ما اسموش حميس وسموا افلفل اقركشن راهو هايل وشنوا لازم زيت قبايل تكون مليحة باش اجي بنين
ياك حنونتي اما على لابيري في اقرب فرصة نصورهالك باذن الله

وئام الروح42
2010-04-21, 19:22
الله يسلمك هذا الشيء مخطوبين ويهبل فيك

متخميش كي يتزوج يبطل ريستورو المصروف يزيد عليه مع الذراري
يولي ياكل غير ماككلتك حتي واذا معجبتوش يقتلو الشر ياكل ويسكت رانا نشوفو فيهم:1:

حنونتي والله غير راه مهبلني اعيطلي واش طيبتي لي نقولو عليها اقولي ساهلة هذيك حتى انا نطيبها
هو ما يخدمش وين دارهم يخدم في بلاد اخرى يعني لفطور في الروسطورو
خليه كي ندخل لدار نوريلوا نقطعلوا هاذي الطبيعة

hayette82
2010-04-21, 22:26
ان بسكرية كيما خطيبك
الحسوة ندير الماء يغلي نطيب فيه الخردل مع شوية ملح وفول اخضر وكان عاد فول يابس نطيبو وحدو ونقشرو من جهة اخرى ندير فلفل احمر وفلفل اخضر وراس الحانوت وتوم وملح وكرافسة ودبشة ونهرس منيح نجيب مرميطة ندير شوية زيت نحط الخليط المهرس نزيد شوية طماطم باط ونتكتك بعدها نكب طماطم حب مرحية ونتكتك ونمرق بالماء بالماء اللي طيبنا بيه الخردل ونخليه يغلي بعدها نجيب دقيق ونكب مع التحريك باه ما يتكربعش نخليها تغلي باه تعقد نطفي عليها ونكب الكرافسة والدبشة المقطعة وفلفلات حارين نستطيع اضافة الزيتون للبرمة وفلفل حار بومنقوع الحسوة تركب على طماطم حب وباط وكرافسة تجي حمراء طيبي الفطير وفتيه وسقسه بهاذي المرقه نتمنى تكوني فهمتيني وكان مافهمتيش انا في الخدمة وليلة سعيدة

نينا الجزائرية
2010-04-21, 23:33
بصحتكم
حميس إذا راكم غاشي كثري الفلفل باش يكفيكم و الأحسن تزيدي معاه شلاظة و الكسرة
بصحتكم
الله يسلمك كاينة شوربة تاع الصبح حنا قدرة صبخ :cool:وحشية واش نديرو هذي هي وتاني ملوخية تبقي للحشية وكي تبرد وتبقي يومين تكون بنينة كثر
حميس شحال بنين يعطيكم الصحة
كسرة منديروش الكسرة
ححنا طيبو خبز الكوشة
قولي كيفاش تديرو الكسرة

نينا الجزائرية
2010-04-21, 23:38
شكرا اخت ايمان على الفكرة و شكرا للاخوات على مشاركاتهن القيمة
انا تانا ماما مهبلتني كيما نحل عيني في الصباح اول حاجة تقولهالي وش نطيبو اليوم ,, انا بديت نهبل من الحاجة ادي علاخاطر كملت قرايتي و قعدت في الدار
اني نسنا وقتاه يفرج عليا ربي و نلقا خدمة و نتهنا من الغدا والعشاء
انا اليوم طيبت فلفل و جريوات محشية و العشاء ان شاء الله نطيب روز
صح عشاكم
يا ختي اللعزيزة الطياب فيه فيه علاه كي تخدمي مطيبيش وكي تزوجي مطيبيش
طياب رانا دايرين معاه كونترا حتي الممات
ربي يفرج علي كل مومن

نينا الجزائرية
2010-04-21, 23:43
نينا ما اسموش حميس وسموا افلفل اقركشن راهو هايل وشنوا لازم زيت قبايل تكون مليحة باش اجي بنين
ياك حنونتي اما على لابيري في اقرب فرصة نصورهالك باذن الله
قالو البنات حميس انا منعرفش ننطقو خاطش مشي قبايلية مي صح بنين درتو بزيت زيتون عادي
منصاب نلقي زيت قبايل صحيح

نينا الجزائرية
2010-04-21, 23:47
حنونتي والله غير راه مهبلني اعيطلي واش طيبتي لي نقولو عليها اقولي ساهلة هذيك حتى انا نطيبها
هو ما يخدمش وين دارهم يخدم في بلاد اخرى يعني لفطور في الروسطورو
خليه كي ندخل لدار نوريلوا نقطعلوا هاذي الطبيعة
مليح رجال ولاو يعرفو يطيبو نقولك حاجة اكثر حاجة تكرهني كي راجل يدخل روحو في طياب
نستعرف بيك لازم تقطعيهالو هذيك الطبيعة تاع ماكلة بري :19:

imene08
2010-04-22, 00:26
مليح رجال ولاو يعرفو يطيبو نقولك حاجة اكثر حاجة تكرهني كي راجل يدخل روحو في طياب
نستعرف بيك لازم تقطعيهالو هذيك الطبيعة تاع ماكلة بري :19:


أنا تان ما نحبش راجل يدور في الكوزينة و بابا يموووووووووت و خاصة في رمضان (يعيط مالخدمة و يسقسي على الماكلة و غير يجي يبدخل ديركت للكوزينة و يبدا ديري هاكا لالا ديري كيما قوتلك تحبي تخرجي من جلدك)
أما الكسرة أو (أغروم أقوران):
تديري سميد موايان (عادي ) شوية ملح و الزيت (ما تكثريش بزاف) تخلطي الزيت و الملح بالماء في الجفنة تاعك و بعدها تخلطيلهم السميد تاعك و تعجني مليح و تلميها و من بعد تحليها بالحلال و طيبيها في (بوفرح تاعك) يعني الطابوري
و هذ الأيام كي نديرها نقول لختي تصور باش نشرحلكم أحسن:19:

malika massaad
2010-04-22, 01:54
بصحتكم أختي .من فضلك ما معنى فول مرفوس بالزبدة أول مرة نسمع به
تجيبي الفول وتنقيه/تنحيلو الاطراف وتنحيلو الجوانب وخاصة الجوانب باه مايكونش فيه الخيوط ويساعدك على الرفس وتفوريه حتى يطيب وبعدها تخليه يبرد شوية ورفسيه بالزبدة وبصحتكم;)

malika massaad
2010-04-22, 02:02
السلام عليكم ورحمة الله وبركاته
اليوم طيبت الخلوطة
حشية ان شاء الله بيتزا
واشي هدي الخلوطة انا راني كرهت الروتين في الاكلات حاب وصفات جديدة ونسال الخدمات كيفاه راهم يوفقوا بين الخدمة والدار ربي يعاونكم

نينا الجزائرية
2010-04-22, 02:22
أنا تان ما نحبش راجل يدور في الكوزينة و بابا يموووووووووت و خاصة في رمضان (يعيط مالخدمة و يسقسي على الماكلة و غير يجي يبدخل ديركت للكوزينة و يبدا ديري هاكا لالا ديري كيما قوتلك تحبي تخرجي من جلدك)
أما الكسرة أو (أغروم أقوران):
تديري سميد موايان (عادي ) شوية ملح و الزيت (ما تكثريش بزاف) تخلطي الزيت و الملح بالماء في الجفنة تاعك و بعدها تخلطيلهم السميد تاعك و تعجني مليح و تلميها و من بعد تحليها بالحلال و طيبيها في (بوفرح تاعك) يعني الطابوري
و هذ الأيام كي نديرها نقول لختي تصور باش نشرحلكم أحسن:19:
تاطابوري يعني طابونة
ان شاء الله
راني نستني ان شاء الله

نينا الجزائرية
2010-04-22, 02:23
تجيبي الفول وتنقيه/تنحيلو الاطراف وتنحيلو الجوانب وخاصة الجوانب باه مايكونش فيه الخيوط ويساعدك على الرفس وتفوريه حتى يطيب وبعدها تخليه يبرد شوية ورفسيه بالزبدة وبصحتكم;)
رفسيه بالزبدة مفهمتش معليش فهمينا مليح ما معني ترفسي
فول فهمت تفوريه وكيفاش ترفيسيه بالزبدة

نينا الجزائرية
2010-04-22, 02:27
واشي هدي الخلوطة انا راني كرهت الروتين في الاكلات حاب وصفات جديدة ونسال الخدمات كيفاه راهم يوفقوا بين الخدمة والدار ربي يعاونكم
ميكون غير خاطرك
الخلوطة عي تحطي زيت في قدرة خمص فول وتقطغي بصل تبلي بالملح وفلفل احكل وفلفل عكري وتحطي تاني كورجات مقطعة مربعات وبطاطا مقطعة مربعات ومع تالي طوماطيش حب مقعة واذا حبيتي خطي قرن فلفل حار وتمرقي بالماء وتخليه يطيب هذا هو

malika massaad
2010-04-22, 02:27
اليوم درت للغداءجلبان مرقه والعشاء دولمه سردين مرقه بالبطاطا
صح كيفاه ديرو دولمة سردين واعطوني وصفات تدار بالحوت مادابيكم بلا في الكوشة:sdf:

malika massaad
2010-04-22, 02:29
ترفسيه ديريلو كيما البري لكن بواسطة مغرف

نينا الجزائرية
2010-04-22, 02:38
دولمة ساردين تنقي الساردين من الشوك ولي زيكاي تاعو وتعبزيه بيدك وتضيفيلو الروز فلفل احكل وحبة بيض وعمري الكورجيت تاعك وطيبيه في مرقة بيضة بالحمص وتقدري تعمريه بالفلفلة ولا طوماطيش باطاطا عادي كيما دولمة تاع لحم مرحي
بلا فور حوت
انا نقولك علي سردين مقلي بالدرسة خير
شوفي كي تنقي الساردين وتنحي شوك بلاطي الساردين وعملي الدرسة الدرسة عبارة عن فلفل قناوي حار يجي صغير واحمر حطيه في مهراس وادرسيه مع الثوم وشوية زيت وحكمي ساردين خلطيه مه الدرسة لي خدمتيها ورمديه في فارينة واقليه
يجي بين
ولا محبتيش الدرسة غطسيه في البيض ورمديه في فرينة يجي بنين
الحوت عادي حطيه في ببلا
وتبليه بالفلفل احكل وكمون وقطعي البصل وبطاطا وطوماطيش ودهنيه بالزيت ودخليه للكوشة
ولا تبليه وحدو ودهليه للكوشة وخدمي لاسوس تاع طوماطيش بالرند وزعيترة تجي بنينة وكي تخرجي الحوت من الكوشة سقي فوقو لاسوس الحمرا مع روز بيض

نينا الجزائرية
2010-04-22, 02:40
ترفسيه ديريلو كيما البري لكن بواسطة مغرف
:confused:مفهمتش ختي كيفاش نيديرو من بري لكن بالمغرف اشرحي ختي مليكة

malika massaad
2010-04-22, 02:52
ترفسيه =تضغطي عليه بالمغرف حتى يترحى

malika massaad
2010-04-22, 02:58
ارفسيه =ادرسيه

نينا الجزائرية
2010-04-22, 02:59
اه ملاك فول بلا قشرة تهرسيه بالمغرفة علاش قلتي تنقيه من جوانب
ولا قصدك تنحيه من القشرة كامل
اه خطاش انا الفوال يعني فول نطيبو بالقشور تنحي الاطراف فقط وتقسميه بقشورو وطيبيه مع درسة راني وريتلك كيفاش تعمليها مع فلفل اكحل وعكري وثوم وزيت وتمري وتخليه يطيب يجي مليح تاني

وانتي قسدك تهرسيه مع الزبدة خلاص اوكي فهمت

malika massaad
2010-04-22, 03:09
دولمة ساردين تنقي الساردين من الشوك ولي زيكاي تاعو وتعبزيه بيدك وتضيفيلو الروز فلفل احكل وحبة بيض وعمري الكورجيت تاعك وطيبيه في مرقة بيضة بالحمص وتقدري تعمريه بالفلفلة ولا طوماطيش باطاطا عادي كيما دولمة تاع لحم مرحي
بلا فور حوت
انا نقولك علي سردين مقلي بالدرسة خير
شوفي كي تنقي الساردين وتنحي شوك بلاطي الساردين وعملي الدرسة الدرسة عبارة عن فلفل قناوي حار يجي صغير واحمر حطيه في مهراس وادرسيه مع الثوم وشوية زيت وحكمي ساردين خلطيه مه الدرسة لي خدمتيها ورمديه في فارينة واقليه
يجي بين
ولا محبتيش الدرسة غطسيه في البيض ورمديه في فرينة يجي بنين
الحوت عادي حطيه في ببلا
وتبليه بالفلفل احكل وكمون وقطعي البصل وبطاطا وطوماطيش ودهنيه بالزيت ودخليه للكوشة
ولا تبليه وحدو ودهليه للكوشة وخدمي لاسوس تاع طوماطيش بالرند وزعيترة تجي بنينة وكي تخرجي الحوت من الكوشة سقي فوقو لاسوس الحمرا مع روز بيض
يعطيك الصحة لكن انانديرو في الفور بصح دايمن ماينجحش يكون فيه الشوك الرقيق ياسر علابه دايم نقلو

malika massaad
2010-04-22, 03:13
زورو موضوعي وصفات وصور رمضان قرب للاستفادة

malika massaad
2010-04-22, 03:18
الفول دريه بقشورو ومديريلو والو غير الزبدة والملح ونقصدلك برفس تهرسيه بالمغرف

imene08
2010-04-22, 13:17
البارح درنا شربة في الليل و صبحت اليوم رايحين نفطروا بيها ان شاء الله

"جُوهَرْ"
2010-04-22, 14:58
في الغذاء حضرت البيتزا

http://img104.herosh.com/2010/04/22/658801131.jpg

ام ضياء
2010-04-22, 16:09
عملت قرنون محشو بصلصة الطماطم للغداء وربي يفرج للعشاء

ام سعد
2010-04-22, 19:27
اليوم حضرت ستاك مع صوص طماطم و سلطة وفى العشاء سوف احضر تشيشة فريك مع سلطة منوعة

imene08
2010-04-22, 20:35
اليوم تشكشوكة فلفل (بالبيض)
شكرا لمروركن

نينا الجزائرية
2010-04-22, 22:11
تابزم درت غراتان باذنجال بالبطاطا
وغدوة ان شاء الله رشتة بالجاج

"جُوهَرْ"
2010-04-22, 23:48
في العشاء،طبخت سردين محشي بالسلق مع الأرز.


http://img105.herosh.com/2010/04/22/86751364.jpg

imene08
2010-04-23, 13:55
اليوم الطعام كسكس
بصحتكم بنات

hayette82
2010-04-23, 14:52
اليوم طيبت فول اخضر مرقة حمراء والعشاء سكالوب داند مع مقلية وحميس

"جُوهَرْ"
2010-04-23, 15:36
في الغذاء ،حضرت مسفوف الفول والجلبانة نحن نسميه thakfalt ivawen tdjilvant

http://img104.herosh.com/2010/04/23/696632651.jpg

imene08
2010-04-23, 16:11
في الغذاء ،حضرت مسفوف الفول والجلبانة نحن نسميه thakfalt ivawen tdjilvant

http://img104.herosh.com/2010/04/23/696632651.jpg


بصحتكم في العاصمة يسموه المقفول و ممكن ديريه بالسلق
بصحتكم حبيبتي

aridj 23
2010-04-23, 16:33
السلام عليكم كيف حالكم
اليوم في الغذاء طيبت برانية بالدجاج مع الكسرة
انشاء الله في العشاء نويت نطيب شربة فريك مع البوراك + حميص
بالصحة و الهناء

hananebon
2010-04-23, 16:49
جزاكم الله خيرا اخواتي على هاته الفكرة الجميلة
انا اليوم طهيت شربة دويدة وفي المساء ندير سلاطة خضر

ام سعد
2010-04-23, 19:33
اليوم حضرت روز مع التونة وفى العشاء احضر طاجين الجلبانة مع الدجاج و روز مع السلطة

زهراء بتول
2010-04-23, 20:34
اليوم درنا كسكسي

يا لبنات تعيشو لي عندها وصفات لذيذة بالجلبانة تحطها وثاني أطلب من أم السعد طريقة طاجين الجلبانة بالدجاج وشكرا جزيلا لكن

"جُوهَرْ"
2010-04-23, 22:29
في العشاء حضرت السلق بالبطاطا وحميص وخبز التورتيلاhttp://img104.herosh.com/2010/04/23/91350718.jpg

نينا الجزائرية
2010-04-23, 23:45
السلام عليكم اليوم درنا الرشتة
وفي العشاء فريت امليت مع اغدوف
غدوا قدرة عدس صبح وحشية

نينا الجزائرية
2010-04-23, 23:47
بصحتكم في العاصمة يسموه المقفول و ممكن ديريه بالسلق
بصحتكم حبيبتي
ختي انا من الوسط والعاصمين كيما حنا عمري مسمعت يقولو مقفول هو مسفوف بالفول والجلبانة وكاين ييروه بالزبيب
بالسلق طعام بالسلق تاني حاجة جديدة

نينا الجزائرية
2010-04-23, 23:59
اليوم درنا كسكسي

يا لبنات تعيشو لي عندها وصفات لذيذة بالجلبانة تحطها وثاني أطلب من أم السعد طريقة طاجين الجلبانة بالدجاج وشكرا جزيلا لكن
سوفي ختي عندي كيفية سهلة بلا فور جلبانة في كوشة
طيبي الجلبانة في مرقة بيضاء عادي بصل ومقطع زيت فلفل احكل وملح وقرفة شوية وديري الجلبانة ومرقيها وخليها طيب
قطعي البطاطا دوائر واقليها كي طيب الجلبانة فرغيها مع المرقة في البلا تاع الوفور ضفيلها البطاطا مقلية وافقسي زوج ثلاثة حبات بيض او اربع كيما تحبي ودخليها للكوشة طيب حتي تشرب من المرقة
وكاين تاني قرنون وجلبانة ولحم
عادي ديري طراف لحم اقليهم مع البصل والزيت وفلفل اكحال وشوية قرفة وملح ومن بعد مرقي وضيفي الجلبانة والقرنون وخليهم يطيبو وكي يطيبو افسي حبة بيض
تقدري الجلبانة تعمليها سوتي في مقلة لازم تفريها ولا تغليها في الماء مع شوية ثوم وبصل في مقلة
ولا تديرها في الروز سلطة بعدما تغليها وتخلطيها مع الزيتون مقطع وكاشير مقطع طون وفورماج فلفل طورسي مقطع مقلي مقطع مربعات مع بطاطا مقطعة صغيرة مربعات وزرودية مقطعة مربعات ومقلية وتخلطيهم وتضعي فوقهم فينيقرات هي عبارة عن خل وزيت وثوم وملح وفلفل احكل وشوية مايونيز
ان شاء الله نكون افدتك
سلام

نينا الجزائرية
2010-04-24, 00:04
يعطيك الصحة لكن انانديرو في الفور بصح دايمن ماينجحش يكون فيه الشوك الرقيق ياسر علابه دايم نقلو
ختي العزيزة كي قتلك الكيفيات لازم تنحي السردين الشوك وتنقيه يعني مشي بشوك تاعو :rolleyes:

imene08
2010-04-24, 00:12
سوفي ختي عندي كيفية سهلة بلا فور جلبانة في كوشة
طيبي الجلبانة في مرقة بيضاء عادي بصل ومقطع زيت فلفل احكل وملح وقرفة شوية وديري الجلبانة ومرقيها وخليها طيب
قطعي البطاطا دوائر واقليها كي طيب الجلبانة فرغيها مع المرقة في البلا تاع الوفور ضفيلها البطاطا مقلية وافقسي زوج ثلاثة حبات بيض او اربع كيما تحبي ودخليها للكوشة طيب حتي تشرب من المرقة
وكاين تاني قرنون وجلبانة ولحم
عادي ديري طراف لحم اقليهم مع البصل والزيت وفلفل اكحال وشوية قرفة وملح ومن بعد مرقي وضيفي الجلبانة والقرنون وخليهم يطيبو وكي يطيبو افسي حبة بيض
تقدري الجلبانة تعمليها سوتي في مقلة لازم تفريها ولا تغليها في الماء مع شوية ثوم وبصل في مقلة
ولا تديرها في الروز سلطة بعدما تغليها وتخلطيها مع الزيتون مقطع وكاشير مقطع طون وفورماج فلفل طورسي مقطع مقلي مقطع مربعات مع بطاطا مقطعة صغيرة مربعات وزرودية مقطعة مربعات ومقلية وتخلطيهم وتضعي فوقهم فينيقرات هي عبارة عن خل وزيت وثوم وملح وفلفل احكل وشوية مايونيز
ان شاء الله نكون افدتك
سلام


:19: بارك الله فيك أختي

imene08
2010-04-24, 00:14
السلام عليكم اليوم درنا الرشتة
وفي العشاء فريت امليت مع اغدوف
غدوا قدرة عدس صبح وحشية


بصحتكم طبقي المفضل الرشتة لكن ماما تحبش نديروها بزاف لازم غير في المناسبات (لأنها تقول les pates تسماااااااااااانو)
لكن بصحتكم كي كليتي أنتي ختيتي كيلي كليت أنا:1:

imene08
2010-04-24, 00:16
في العشاء حضرت السلق بالبطاطا وحميص وخبز التورتيلاhttp://img104.herosh.com/2010/04/23/91350718.jpg


راكي بالتاويل مسلحة بالصور أختي بارك الله فيك
تصاورك يشهو
لكن أختي ممكن شرح طريقة عمل هذا الخبز (خبز التورتيلا)
و شكرا مسبقا

"جُوهَرْ"
2010-04-24, 10:14
راكي بالتاويل مسلحة بالصور أختي بارك الله فيك
تصاورك يشهو
لكن أختي ممكن شرح طريقة عمل هذا الخبز (خبز التورتيلا)
و شكرا مسبقا
ما يكون غير خاطرك يا إيمان ،إليكم الوصفة

تورتيلا
كأسان من فرينة،ملعقة سكر،ذرة ملح،ملعقة صغيرة خميرة فورية،3ملاعق حليب غبرة(الحليب يستعمل كمحسن للعجينة)،نصف كأس ماء،أقل من ربع كأس زيت.
ضعي جميع المقادير في إناء ماعدا الفرينة وتخلط بخلاط يدوي ،أنا استعملت ملعقة خشبية،أضيفي الفرينة، اعجني حتى تتحصلي على عجينة متماسكة ،غطيها بمنديل نظيف واتركيها ترتاح نصف ساعة.وبعد مرور نصف ساعة،قسميها الى كويرات واتركيها ترتاح نصف ساعة أخرى.بعد مرور نصف ساعة ،افرديها بالحلال (لا يجب أن تكون سميكة) واطهيها في طاجين أو مقلاة ساخنة وانتظري حتى تشكل فقاعات واقلبيها لانها لا تأخذ وقتا في الطهي.الخبز لذيذ جدا وخفيف على المعدة.
هذه الوصفة وجدتها في إحدى المنتديات العربية للأخت ملاذ محمد الله يجازيها كل خير.

"جُوهَرْ"
2010-04-24, 10:25
السلام عليكم اليوم درنا الرشتة
وفي العشاء فريت امليت مع اغدوف
غدوا قدرة عدس صبح وحشية
بصحتكم نينا ،بالهناء والشفاء عزيزتي

اما بالنسبة لطعام بالسلق ،اريد ان اوضح لك اننا نستعمله ايضا كمسفوف (ثاقفلت نغ ثافوروت) ونحن لا أعرف اذا كان نفس الشيء مع إيمان ،نخلطولو خضرة ليس سلق فقط.

imene08
2010-04-24, 11:01
بصحتكم نينا ،بالهناء والشفاء عزيزتي

اما بالنسبة لطعام بالسلق ،اريد ان اوضح لك اننا نستعمله ايضا كمسفوف (ثاقفلت نغ ثافوروت) ونحن لا أعرف اذا كان نفس الشيء مع إيمان ،نخلطولو خضرة ليس سلق فقط.


أختي أنا تان قبايلية يعني نخلطولوا الخضرة (أنا ما نحبوش لكن في دانا يلتاهموم)
حنا نسموه المقفول
شكرا لمرورك

imene08
2010-04-24, 11:02
ما يكون غير خاطرك يا إيمان ،إليكم الوصفة

تورتيلا
كأسان من فرينة،ملعقة سكر،ذرة ملح،ملعقة صغيرة خميرة فورية،3ملاعق حليب غبرة(الحليب يستعمل كمحسن للعجينة)،نصف كأس ماء،أقل من ربع كأس زيت.
ضعي جميع المقادير في إناء ماعدا الفرينة وتخلط بخلاط يدوي ،أنا استعملت ملعقة خشبية،أضيفي الفرينة، اعجني حتى تتحصلي على عجينة متماسكة ،غطيها بمنديل نظيف واتركيها ترتاح نصف ساعة.وبعد مرور نصف ساعة،قسميها الى كويرات واتركيها ترتاح نصف ساعة أخرى.بعد مرور نصف ساعة ،افرديها بالحلال (لا يجب أن تكون سميكة) واطهيها في طاجين أو مقلاة ساخنة وانتظري حتى تشكل فقاعات واقلبيها لانها لا تأخذ وقتا في الطهي.الخبز لذيذ جدا وخفيف على المعدة.

هذه الوصفة وجدتها في إحدى المنتديات العربية للأخت ملاذ محمد الله يجازيها كل خير.




باراك الله فيك ربي يجزيك أختي شكرا

زهراء بتول
2010-04-24, 11:47
سوفي ختي عندي كيفية سهلة بلا فور جلبانة في كوشة
طيبي الجلبانة في مرقة بيضاء عادي بصل ومقطع زيت فلفل احكل وملح وقرفة شوية وديري الجلبانة ومرقيها وخليها طيب
قطعي البطاطا دوائر واقليها كي طيب الجلبانة فرغيها مع المرقة في البلا تاع الوفور ضفيلها البطاطا مقلية وافقسي زوج ثلاثة حبات بيض او اربع كيما تحبي ودخليها للكوشة طيب حتي تشرب من المرقة
وكاين تاني قرنون وجلبانة ولحم
عادي ديري طراف لحم اقليهم مع البصل والزيت وفلفل اكحال وشوية قرفة وملح ومن بعد مرقي وضيفي الجلبانة والقرنون وخليهم يطيبو وكي يطيبو افسي حبة بيض
تقدري الجلبانة تعمليها سوتي في مقلة لازم تفريها ولا تغليها في الماء مع شوية ثوم وبصل في مقلة
ولا تديرها في الروز سلطة بعدما تغليها وتخلطيها مع الزيتون مقطع وكاشير مقطع طون وفورماج فلفل طورسي مقطع مقلي مقطع مربعات مع بطاطا مقطعة صغيرة مربعات وزرودية مقطعة مربعات ومقلية وتخلطيهم وتضعي فوقهم فينيقرات هي عبارة عن خل وزيت وثوم وملح وفلفل احكل وشوية مايونيز
ان شاء الله نكون افدتك
سلام



يعطيك الصحة أختي باين عليك طباخة ماهرة ما شاء الله

زهراء بتول
2010-04-24, 12:06
تقدري الجلبانة تعمليها سوتي في مقلة لازم تفريها ولا تغليها في الماء مع شوية ثوم وبصل في مقلة

أختي نينا الجزائرية ما فهمتش وش معنى تفريها أرجو التوضيح

وئام الروح42
2010-04-24, 14:58
دولمة ساردين تنقي الساردين من الشوك ولي زيكاي تاعو وتعبزيه بيدك وتضيفيلو الروز فلفل احكل وحبة بيض وعمري الكورجيت تاعك وطيبيه في مرقة بيضة بالحمص وتقدري تعمريه بالفلفلة ولا طوماطيش باطاطا عادي كيما دولمة تاع لحم مرحي
بلا فور حوت
انا نقولك علي سردين مقلي بالدرسة خير
شوفي كي تنقي الساردين وتنحي شوك بلاطي الساردين وعملي الدرسة الدرسة عبارة عن فلفل قناوي حار يجي صغير واحمر حطيه في مهراس وادرسيه مع الثوم وشوية زيت وحكمي ساردين خلطيه مه الدرسة لي خدمتيها ورمديه في فارينة واقليه
يجي بين
ولا محبتيش الدرسة غطسيه في البيض ورمديه في فرينة يجي بنين
الحوت عادي حطيه في ببلا
وتبليه بالفلفل احكل وكمون وقطعي البصل وبطاطا وطوماطيش ودهنيه بالزيت ودخليه للكوشة
ولا تبليه وحدو ودهليه للكوشة وخدمي لاسوس تاع طوماطيش بالرند وزعيترة تجي بنينة وكي تخرجي الحوت من الكوشة سقي فوقو لاسوس الحمرا مع روز بيض
نينا حنونتي انا منحبش الدرسة مي عوضتها بدرسة اخرى
نقوم بغسل السردين نقيه من الشوك او نفتحو مليح امباعد انجيب مهراس نهرس فيه الثوم مليح مع الفلفل لكحل ندير في طبسي مغرفة طوماطيش مع الثوم والفلفل الي هرستهم مليح وانزيد الملح نخلطهم كامل مع هذاك السردين او ننقعهم مليح بيديا امباعد نغمسهم في الفرينة او نقليهم في الزيتكاين الي حب يقليهم اما لي مرضا بالكولون يشوحوهم برك

aridj 23
2010-04-24, 15:28
السلام عليكم
أنا اليوم طيبت جلبانة بالدجاج مع البسباس و القرنون

نينا الجزائرية
2010-04-24, 15:59
تقدري الجلبانة تعمليها سوتي في مقلة لازم تفريها ولا تغليها في الماء مع شوية ثوم وبصل في مقلة

أختي نينا الجزائرية ما فهمتش وش معنى تفريها أرجو التوضيح
تفوريها معنتها

نينا الجزائرية
2010-04-24, 16:02
اليوم الحال شباب مدرناش العدس
درنا شوربة بيضة
والحشية لا بيري بالمرقاز نجرب وصفت الاخت ايمان

نينا الجزائرية
2010-04-24, 16:06
نينا حنونتي انا منحبش الدرسة مي عوضتها بدرسة اخرى
نقوم بغسل السردين نقيه من الشوك او نفتحو مليح امباعد انجيب مهراس نهرس فيه الثوم مليح مع الفلفل لكحل ندير في طبسي مغرفة طوماطيش مع الثوم والفلفل الي هرستهم مليح وانزيد الملح نخلطهم كامل مع هذاك السردين او ننقعهم مليح بيديا امباعد نغمسهم في الفرينة او نقليهم في الزيتكاين الي حب يقليهم اما لي مرضا بالكولون يشوحوهم برك
بارك الله فيك نجربها كاش نهار السردين غالي:sdf:

ملاك من البليدة
2010-04-24, 16:08
انا درت gratin تاع جلبانة و بطاطا البطاطا تقطعيها صغيرة و تقليها و الجلبانة طيبيها مع الدجاج في sos blanche بصح متكتريش المرقة juste باش تجي ملبية و من بعد تخلطي الجلبانة مع البطاطا وتزيديلهم الدجاج و هاديك la sos blanche ديري فيها الفرماج المبشور و تفرغيها على الجلبانة و البطاطا و الدجاج وديريها طيب في الفرن bien sur مطيبش بزاف في الفرن لخطر كلش راهو طايب من الجلبانة و البطاطا حتى للدجاج يعني قيس مايحمار الفرماج و شهية طيبة لكن هادي الكيفية تقدري ديريها في الليل لخطر تشد الوقت

زهراء بتول
2010-04-24, 16:11
تفوريها معنتها

شكرا حبيبتي ربي يحفظك ما شاء الله عليك

نينا الجزائرية
2010-04-24, 16:14
جزاكم الله خيرا اخواتي على هاته الفكرة الجميلة
انا اليوم طهيت شربة دويدة وفي المساء ندير سلاطة خضر
معليش ختي تقولينا واش هي شوربة دويدة باش نتعلموها :1:

وئام الروح42
2010-04-24, 16:45
السلام نينا واش نينة حبيتي تتعلمي كلش مواكل الشرق الغرب الشمال الجنوب ربي يعاونك يا لعزيزة
هاتي اعطيلنا كاش طخة تعلمتيها وشنوا تكون جديدة
اما على السردين الحمد لله كي راه غالي لوكان برك ازيدولوا اكثر من هاك على خاطر ما نحب ناكلوا ما نحب نطيبوا

وئام الروح42
2010-04-24, 16:49
اليوم الحال شباب مدرناش العدس
درنا شوربة بيضة
والحشية لا بيري بالمرقاز نجرب وصفت الاخت ايمان
نينا نصيحة من عند اختك كولي لابيري هكذاك بيضة واخطيك من هذيك الزيت تاع المرقاز كولي المرقاز وحدوا على خاطر هذيك الزيت راها تمرض
احنا درنا فطور بطاطا فريت او لحميس كيما تقولولو انتوما اما لعشاء اندير الكوكا والسلاطة طبعا حنا لحميس اكلة يومية كيفها كيف لهريسة
انزيد نخدملهم شوية مايوناز...........هذيك هي جوزنا عشاء

زهراء بتول
2010-04-24, 17:16
يا أخت nana 72 إذا تعرفي مختلف أصناف حشو الكوكا أكتبيها لي تعيشي

وئام الروح42
2010-04-24, 19:50
يا أخت nana 72 إذا تعرفي مختلف أصناف حشو الكوكا أكتبيها لي تعيشي
حنونتي ما يكون غير خاطرك
انا في الايام العادية
نقطع لبصل قطع صغيرة +طماطم قطع صغيرة+فلفل قطع صغيرة +2ملاعق زيت+ملح+فلفل اكحل
ندير الزيت يسخن نحط عليه لبصل والفلفل حتى يذبالوا مع الملح والفلفل لكحل نزيدلهم الطوماطيش ونخليهم اطيبوا مع بعض
كي طيبوا نخليهم يبردوا
اما في شهر رمضان
نحط شوية زيت +ثوم مهروس +بصل مقطع قطع صغيرة +لحم مرحي +فلفل اسود انخليهم اطيبوا مع بعض طبعا في مقلات كي طيبوا نحطهم يبردوا باش لعجينة ما تنطلقش كي نعمرها
ملاحظة. انا الكوكا نديرها كيما السوفلي لي يتباع في البيتزيريا يعني نفتح لعجينة بشكل دائرة نعمرها او نطويها على زوج اجيني شكل الهلال
اذا حبيتي لعجينة نوريهالك اختي
وشنوا الحشو انزيدلوا فروماج ولا بيض مشرشم حسب الذوق

وئام الروح42
2010-04-24, 19:52
شهية طيبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نينا الجزائرية
2010-04-24, 20:07
انا درت gratin تاع جلبانة و بطاطا البطاطا تقطعيها صغيرة و تقليها و الجلبانة طيبيها مع الدجاج في sos blanche بصح متكتريش المرقة juste باش تجي ملبية و من بعد تخلطي الجلبانة مع البطاطا وتزيديلهم الدجاج و هاديك la sos blanche ديري فيها الفرماج المبشور و تفرغيها على الجلبانة و البطاطا و الدجاج وديريها طيب في الفرن bien sur مطيبش بزاف في الفرن لخطر كلش راهو طايب من الجلبانة و البطاطا حتى للدجاج يعني قيس مايحمار الفرماج و شهية طيبة لكن هادي الكيفية تقدري ديريها في الليل لخطر تشد الوقت
يعطيك الصحة نجربها ان شاء الله جاج تفتيه ياك:)

نينا الجزائرية
2010-04-24, 20:12
السلام نينا واش نينة حبيتي تتعلمي كلش مواكل الشرق الغرب الشمال الجنوب ربي يعاونك يا لعزيزة
هاتي اعطيلنا كاش طخة تعلمتيها وشنوا تكون جديدة
اما على السردين الحمد لله كي راه غالي لوكان برك ازيدولوا اكثر من هاك على خاطر ما نحب ناكلوا ما نحب نطيبوا
وعليكم السلام ورحمة الله وبركاته
ايه لازم نانا ختي لازم نتعلم باش نتكل علي روحي كي نشوف حاجة نتشهاها نسني النس يطيبوهالي مستحيل لا زم نتكل علي يديا وذروعتيا
ايه خسارة انا علمتني يما غير طبخات الجزائرية معتادة
راني نتعلم نمك لي بلا جدد
علاه متحبيش السردين خاصة كي يكون مشوي علي فحم وتعصريلو القارص اممم بنين

نينا الجزائرية
2010-04-24, 20:16
نينا نصيحة من عند اختك كولي لابيري هكذاك بيضة واخطيك من هذيك الزيت تاع المرقاز كولي المرقاز وحدوا على خاطر هذيك الزيت راها تمرض
احنا درنا فطور بطاطا فريت او لحميس كيما تقولولو انتوما اما لعشاء اندير الكوكا والسلاطة طبعا حنا لحميس اكلة يومية كيفها كيف لهريسة
انزيد نخدملهم شوية مايوناز...........هذيك هي جوزنا عشاء
لالا نانا انا منحبش سبك تاع المرقاز بصح ختي راح تحط المراقاز فوق لابيري يتحمر فوقها وراح يطلق سبك تاعو
بصحتك الكوكا عندنا بزاف مدرنهاش

نينا الجزائرية
2010-04-24, 20:19
حنونتي ما يكون غير خاطرك
انا في الايام العادية
نقطع لبصل قطع صغيرة +طماطم قطع صغيرة+فلفل قطع صغيرة +2ملاعق زيت+ملح+فلفل اكحل
ندير الزيت يسخن نحط عليه لبصل والفلفل حتى يذبالوا مع الملح والفلفل لكحل نزيدلهم الطوماطيش ونخليهم اطيبوا مع بعض
كي طيبوا نخليهم يبردوا
اما في شهر رمضان
نحط شوية زيت +ثوم مهروس +بصل مقطع قطع صغيرة +لحم مرحي +فلفل اسود انخليهم اطيبوا مع بعض طبعا في مقلات كي طيبوا نحطهم يبردوا باش لعجينة ما تنطلقش كي نعمرها
ملاحظة. انا الكوكا نديرها كيما السوفلي لي يتباع في البيتزيريا يعني نفتح لعجينة بشكل دائرة نعمرها او نطويها على زوج اجيني شكل الهلال
اذا حبيتي لعجينة نوريهالك اختي
وشنوا الحشو انزيدلوا فروماج ولا بيض مشرشم حسب الذوق
يعطيك الصحة نانا حنا عندنا قالب تاع كوكوكا مليح وفي طراف يجو مدرجين
كيف كيف كيما حنا نديرو بالبصل وطوماطيش والفلفلة كاين لي يديروه ببيشاميل والجاج
كاين لي يضيفو زيتون للبصل والفلفل وطوماطيش

زهراء بتول
2010-04-24, 20:38
حنونتي ما يكون غير خاطرك
انا في الايام العادية
نقطع لبصل قطع صغيرة +طماطم قطع صغيرة+فلفل قطع صغيرة +2ملاعق زيت+ملح+فلفل اكحل
ندير الزيت يسخن نحط عليه لبصل والفلفل حتى يذبالوا مع الملح والفلفل لكحل نزيدلهم الطوماطيش ونخليهم اطيبوا مع بعض
كي طيبوا نخليهم يبردوا
اما في شهر رمضان
نحط شوية زيت +ثوم مهروس +بصل مقطع قطع صغيرة +لحم مرحي +فلفل اسود انخليهم اطيبوا مع بعض طبعا في مقلات كي طيبوا نحطهم يبردوا باش لعجينة ما تنطلقش كي نعمرها
ملاحظة. انا الكوكا نديرها كيما السوفلي لي يتباع في البيتزيريا يعني نفتح لعجينة بشكل دائرة نعمرها او نطويها على زوج اجيني شكل الهلال
اذا حبيتي لعجينة نوريهالك اختي
وشنوا الحشو انزيدلوا فروماج ولا بيض مشرشم حسب الذوق



مشكورة ختي وماذا بيك زيدي قوليلي كيفاش ديري العجينة زيادة الخير خيرين
أنا نديرها بالعجينة المورقة la pate feuilletée

وئام الروح42
2010-04-25, 14:14
مشكورة ختي وماذا بيك زيدي قوليلي كيفاش ديري العجينة زيادة الخير خيرين
أنا نديرها بالعجينة المورقة la pate feuilletée
اختي لعزيزة ما يكون غير خاطرك
العجينة
3كيسان فرينة شوية ملح +نصف كاس شاي تاع الزيت+1 ملعقة صغيرة خميرة نوارة نلم لعجينة بحليب دافئ حتى تتماسك نحطها تخمر نصبر حوالي نصف ساعة نزيد نعاود نعجنها ونخليها تاني تخمر
امباعد راكي علابالك كيفاش تشكليها

وئام الروح42
2010-04-25, 14:16
يعطيك الصحة نانا حنا عندنا قالب تاع كوكوكا مليح وفي طراف يجو مدرجين
كيف كيف كيما حنا نديرو بالبصل وطوماطيش والفلفلة كاين لي يديروه ببيشاميل والجاج
كاين لي يضيفو زيتون للبصل والفلفل وطوماطيش
نينا انا نوعلهم في رمضان اما الايام الاخرى ياكلها بالبصل ولواحقه ويسكتوا

نينا الجزائرية
2010-04-25, 14:19
ايه كامل هكذا نانا خاطش تكاليفهم بزاف
المهم اليوم درت الفطور حوت مقلي وبطريقة تاع السردين لمدتهالي الاخت وسلطة
حشية مثوم ان شاء الله وشوربة فريك

زهراء بتول
2010-04-25, 21:22
اختي لعزيزة ما يكون غير خاطرك
العجينة
3كيسان فرينة شوية ملح +نصف كاس شاي تاع الزيت+1 ملعقة صغيرة خميرة نوارة نلم لعجينة بحليب دافئ حتى تتماسك نحطها تخمر نصبر حوالي نصف ساعة نزيد نعاود نعجنها ونخليها تاني تخمر
امباعد راكي علابالك كيفاش تشكليها



مشكورة حبيبتي ربي يحفظك

"جُوهَرْ"
2010-04-25, 22:25
في العشاء حضرت سلطة مشوية وطورطة الجلبانة والبطاطا


http://img102.herosh.com/2010/04/25/498888366.jpg

تغرينية
2010-04-26, 12:09
درت اليوم جلبان مرقه والعشاء يجيب ربي مازال ماخممتش فيه الله يسلكها

malika massaad
2010-04-26, 12:10
حنونتي ما يكون غير خاطرك
انا في الايام العادية
نقطع لبصل قطع صغيرة +طماطم قطع صغيرة+فلفل قطع صغيرة +2ملاعق زيت+ملح+فلفل اكحل
ندير الزيت يسخن نحط عليه لبصل والفلفل حتى يذبالوا مع الملح والفلفل لكحل نزيدلهم الطوماطيش ونخليهم اطيبوا مع بعض
كي طيبوا نخليهم يبردوا
اما في شهر رمضان
نحط شوية زيت +ثوم مهروس +بصل مقطع قطع صغيرة +لحم مرحي +فلفل اسود انخليهم اطيبوا مع بعض طبعا في مقلات كي طيبوا نحطهم يبردوا باش لعجينة ما تنطلقش كي نعمرها
ملاحظة. انا الكوكا نديرها كيما السوفلي لي يتباع في البيتزيريا يعني نفتح لعجينة بشكل دائرة نعمرها او نطويها على زوج اجيني شكل الهلال
اذا حبيتي لعجينة نوريهالك اختي
وشنوا الحشو انزيدلوا فروماج ولا بيض مشرشم حسب الذوق
شكرا على الوصفة ومن فضلك وريني العجينة:rolleyes:

نينا الجزائرية
2010-04-26, 12:42
اختي مليكة هاهي عجينة لتديرها نانا
العجينة
3كيسان فرينة شوية ملح +نصف كاس شاي تاع الزيت+1 ملعقة صغيرة خميرة نوارة نلم لعجينة بحليب دافئ حتى تتماسك نحطها تخمر نصبر حوالي نصف ساعة نزيد نعاود نعجنها ونخليها تاني تخمر
امباعد راكي علابالك كيفاش تشكليها

نينا الجزائرية
2010-04-26, 12:43
السلام عليكم اليوم فطور شربة تاع البارح
العشاء ان شاء الله موشتو سوتي

hayette82
2010-04-26, 14:12
طيبت عدس مع خبز الدار
والعشاء ندير شوصون بالعجينة المورقة وشوربة فريك

وئام الروح42
2010-04-26, 18:42
السلام عليكم ورحمة الله ويركاته
اليوم لفطور خاطيني دارتوا يما دارت عدس اما لعشا نتاعي رايحة ندير قرنطيطة و فريت وشوية شلاظة مع لحميص
حنا لقبايل الطابلة ما تتحطش بلا حميص

وئام الروح42
2010-04-26, 18:51
بنات ايعيشكم لي تعرف كاش وصفة تاع la salade de fruits توريهالي انا في المقبلات عندي ازمة

imene08
2010-04-26, 20:44
اليوم درنا تيكربابين عندنا شحال ما درناهمش

"جُوهَرْ"
2010-04-26, 23:15
في العشاء حضرت خضرة في الفرن مع اجنحة دجاج.

http://img101.herosh.com/2010/04/26/799991147.jpg

"جُوهَرْ"
2010-04-26, 23:17
http://img105.herosh.com/2010/04/26/863231257.jpg

ibtesem
2010-04-27, 02:56
انا عملت معقودة مع سلطة خفيفة
http://www.upislam.com/images/hztwyey590zylwaicgi9.jpg (http://www.upislam.com/)

aridj 23
2010-04-27, 12:33
السلام عليكم
أنا اليوم طيبت لوبياء في الغذاء
بالصحة
في العشاء ربي و رحمته

نينا الجزائرية
2010-04-27, 13:08
السلام عليكم اليوم طيبت باطاطا فليو
والعشاء ان شاء الله كوكة

نينا الجزائرية
2010-04-27, 13:09
انا عملت معقودة مع سلطة خفيفة
http://www.upislam.com/images/hztwyey590zylwaicgi9.jpg (http://www.upislam.com/)
مذبيك ختي ابتسام تقوليلنا كيفية المعقودة :)

نينا الجزائرية
2010-04-27, 13:11
بنات ايعيشكم لي تعرف كاش وصفة تاع la salade de fruits توريهالي انا في المقبلات عندي ازمة
تقطعي تفاح مربعات وبنان وفراز وحتي العنب اجاص خوخ او اي فاكهة الموسم ومن بعد ديري سكر ومازهر وخلطي
واذا حبيتي ضيفي علبة ياغوت معطر
وبصحة والهنا

وئام الروح42
2010-04-27, 14:18
تقطعي تفاح مربعات وبنان وفراز وحتي العنب اجاص خوخ او اي فاكهة الموسم ومن بعد ديري سكر ومازهر وخلطي
واذا حبيتي ضيفي علبة ياغوت معطر
وبصحة والهنا
شكرا نينا يعطيك الصحة
بطاطا فليوا نسمع بيها مي جامي كليتها

وئام الروح42
2010-04-27, 14:27
مذبيك ختي ابتسام تقوليلنا كيفية المعقودة :)
نينا بلاك ابتسام ما شافتش سؤالك هاكي نجاوبك
1-اغسلسي مليح البطاطا بقشورها )بطاطا حمرة) ديريها في ماء وملح حتى تطيب وشنوا تكون شادة روحها ما تخليهاش حتى تذوب
قشري البطاطا مليح ورحيها في رحيوة تاع اليد ماشي ميكسور باش تبقى حامة روحها
جيبي صدر دجاج ارحيه وطيبيه )انا ندير صدر الدجاج اطيب في لاصوص امباعد نفتوا بيديا) قطعي زيتزن خضر الى دوائر او قطعي ربطة معدنوس زيديلهم ملح او فلفل اسود
ديري هذا الخليط مع البطاطا .
-هنا كاين زوج طرق
اولا اما تزيدي البيض هكاك للبطاطا وتحطيها في الثلاجة تبرد امباعد تشكليه حربوش كيما المقروط وتديري الحشو الداخل
ثانيا ولا تخلطي البطاطا والخليط هذاك تزيديلهم حبة بيض نية باش يتشد لعجين امباعد تشكليهم دوائر او ترمديهم في خبز مرحي ولا في الفرينة
واقليهم في الزيت وشهية طيبة
ملاحظة لازم ما تشكليهش حتا تبرد البطاطا شوية لوكان تطيبيها والبطاطا سخونة راهم يتحلوا في الزيت

تغرينية
2010-04-27, 17:05
الى الاخي الي طلبت سلطة الفواكه: خدي مجموعه من الفواكه متنوعه او 3انواع من الفواكه تكفي قطعيهم قطع صغار ضفيلهمقليل من عصير اليمون +ملعقه سكر وتخلطيهم ومن جهة اخى تكوني جهزتي كرام ديسار تكون شويه خفيفه...كرام ديسار= كوب ونصف حليب+ملعقه كبيرة نشاء اي مايزينه +ملعقه كبيره سكر +شويه لفاني وخلطيهم مع بعض وحطيهم فوق النار قليله وحركي بدون انقطاع باه الخليط مايتحرقش ملاحظة الكرام ديسار من الافضل اطيبيها هي الاولى طريقة التقديم....ديري شويه فواكه الي وجدتيها في الكسان ثم فرغي غيرشويه منكرام ديسار ثم الفواكه ثم كرام ديسار ثم زينيها مثل ماتحبي

نينا الجزائرية
2010-04-27, 21:06
شكرا نينا يعطيك الصحة
بطاطا فليوا نسمع بيها مي جامي كليتها
جربيها بنينة بزاف
شوفي ساهلة ماهلة بصل مقطع زيت وتوابل فلفل احكل وفلفل عكري شوية قريصة كمون وتمرقي وتضيفي باطاطا مقطة ومن بعد كي يغلي ضفي فليو مقطع وخليها تطيب وكي تطيب البطاطا افسي عليها حبة بيض

نينا الجزائرية
2010-04-27, 21:15
نينا بلاك ابتسام ما شافتش سؤالك هاكي نجاوبك
1-اغسلسي مليح البطاطا بقشورها )بطاطا حمرة) ديريها في ماء وملح حتى تطيب وشنوا تكون شادة روحها ما تخليهاش حتى تذوب
قشري البطاطا مليح ورحيها في رحيوة تاع اليد ماشي ميكسور باش تبقى حامة روحها
جيبي صدر دجاج ارحيه وطيبيه )انا ندير صدر الدجاج اطيب في لاصوص امباعد نفتوا بيديا) قطعي زيتزن خضر الى دوائر او قطعي ربطة معدنوس زيديلهم ملح او فلفل اسود
ديري هذا الخليط مع البطاطا .
-هنا كاين زوج طرق
اولا اما تزيدي البيض هكاك للبطاطا وتحطيها في الثلاجة تبرد امباعد تشكليه حربوش كيما المقروط وتديري الحشو الداخل
ثانيا ولا تخلطي البطاطا والخليط هذاك تزيديلهم حبة بيض نية باش يتشد لعجين امباعد تشكليهم دوائر او ترمديهم في خبز مرحي ولا في الفرينة
واقليهم في الزيت وشهية طيبة
ملاحظة لازم ما تشكليهش حتا تبرد البطاطا شوية لوكان تطيبيها والبطاطا سخونة راهم يتحلوا في الزيت
يعطيك الصحة نانا

"جُوهَرْ"
2010-04-27, 23:16
في العشاء حضرت purée و سلطة مشوية.


http://img104.herosh.com/2010/04/27/782829988.jpg

ام خديجة1
2010-04-27, 23:18
بارك الله فيك اختي ياريت كنت معاك في نفس المائدة باينة طيابك ما يبقاش للغد

hayette82
2010-04-28, 12:40
طيبت عيش مع الخساس وسلاطة والعشاء سكالوب وفريت

زهراء بتول
2010-04-28, 14:25
وشراكم يا لبنات ، عندي طلب كل واحدة فيكم تكتبلي طريقة لاصوص نتاع la purée باستخدام لحم الخروف أرجو منكن الإجابة وشكرا جزيلا

نينا الجزائرية
2010-04-28, 16:33
السلام عليكم
اليوم مفارون بلاسوس تاع السيبيا
والعشاء سلطة اغدوف

نينا الجزائرية
2010-04-28, 16:34
وشراكم يا لبنات ، عندي طلب كل واحدة فيكم تكتبلي طريقة لاصوص نتاع la purée باستخدام لحم الخروف أرجو منكن الإجابة وشكرا جزيلا
حتي راني حابة نعرف شكرا

wahiba30
2010-04-28, 19:08
salut , pour moi je prepare les repats selon les leguemes des saison et surtout selon aussi les saison car on l hiver je prepare que tawajine comme el les soups comme el herire et choureba vermicelle mais avec le printem sera un peut different car il ya des legums comme eljalebana et el foule donc je doit profiter la saison .pour aujourd huit j ai prepare une salad mixte et poulait avec la pomme de terre au four. .

sonika
2010-04-28, 20:02
الليلة روز في الفور+سلاطة و غدوا جلبانة بيضاء شكرا على الموضوع المفيد

نينا الجزائرية
2010-04-28, 21:33
العشاء اليوم زادو بطاطا بالفلفل طورشي مرقة
وغدوا قاتلي يما ديري موشتو بالبصل والطوماطيش ان شاء الله

malika massaad
2010-04-29, 11:07
وشراكم يا لبنات ، عندي طلب كل واحدة فيكم تكتبلي طريقة لاصوص نتاع la purée باستخدام لحم الخروف أرجو منكن الإجابة وشكرا جزيلا
لحم لخروف مقطع دريه في الكيكوط اي القدر وتخليه حتى ينشف من الماء وديري شوية ملح وزيت او زبدة او سمن وتقليه شوية ومن بعد زيديه الثوم وفلفل اكحل وطماطم مبشورة وملعقة صغيرة طماطم مصبرة ومن بعد الماء وغلقي عليه القدرة وخليها تصفر وبعد 15 دقيقة افتحي وزيدها الثوم وخليه فوف النار شوية ومنبعد شهية طيبة :rolleyes:

hayette82
2010-04-29, 11:22
اليوم الغداء محاجب والعشاء كسكروطات فريت اوملات

تغرينية
2010-04-29, 14:22
اليوم مرقه جلبان واللحم في الكوشه والعشاءبيتزا

aridj 23
2010-04-29, 15:06
أنا اليوم في الغذاء طيبت شربة فريك + بوراك +كسرة رخسيس
في العشاء مازلت ما قررتش جاييني ضياف

"جُوهَرْ"
2010-04-29, 16:19
السلام عليكم و رحمة الله وبركاته
بصحتكم البنات على العشاء والغذاء وشكرا لك عزيزتي أم خديجة على كلامك العذب اللي يشرح الصدر.

نينا الجزائرية جربت البارحة طبق الفتة اللبنانية.الطبق لذيذ جدا ، انا لم استعمل دجاجة كاملة بل صدر ها فقط ولم استعمل حمص معلب بل قمت بسلقه واضفت اليه شوية كمون .شكرا على الوصفة.

http://img105.herosh.com/2010/04/29/398382690.jpg

"جُوهَرْ"
2010-04-29, 16:26
نينا انا في صلصة purée،انا احب تع الدجاج ،استعمل بصل وثوم ،فلفل اسود ،قرفة ،ورق رند وملح وزيت.
في اناء نضع الزيت ليسخن نضيف الدجاج والبصل المقطع الى قطع صغيرة ونحرك جيدا ليتقلى شوية ويذبل شوية البصل ،نضيف الثوم المفروم وورق الرند ونحرك شوية نضيف التوابل ونمرق بالماء حتى تتغطى فقط قطع الدجاج ونتركه حتى تعقد مليح المرقة.وذوقها رائع جدا.

وئام الروح42
2010-04-29, 18:11
السلام عليكم بنات انا كنت مع الضياف اليوم انشاء الله لعشاء سردين

نينا الجزائرية
2010-04-29, 22:12
السلام عليكم و رحمة الله وبركاته
بصحتكم البنات على العشاء والغذاء وشكرا لك عزيزتي أم خديجة على كلامك العذب اللي يشرح الصدر.

نينا الجزائرية جربت البارحة طبق الفتة اللبنانية.الطبق لذيذ جدا ، انا لم استعمل دجاجة كاملة بل صدر ها فقط ولم استعمل حمص معلب بل قمت بسلقه واضفت اليه شوية كمون .شكرا على الوصفة.

http://img105.herosh.com/2010/04/29/398382690.jpg
راكي شاطرة بصحتك راح نجربها ان شاء الله :19:

نينا الجزائرية
2010-04-29, 22:15
نينا انا في صلصة purée،انا احب تع الدجاج ،استعمل بصل وثوم ،فلفل اسود ،قرفة ،ورق رند وملح وزيت.
في اناء نضع الزيت ليسخن نضيف الدجاج والبصل المقطع الى قطع صغيرة ونحرك جيدا ليتقلى شوية ويذبل شوية البصل ،نضيف الثوم المفروم وورق الرند ونحرك شوية نضيف التوابل ونمرق بالماء حتى تتغطى فقط قطع الدجاج ونتركه حتى تعقد مليح المرقة.وذوقها رائع جدا.
بارك الله فيك ربي يحفظك راح نسيها ان شاء الله :):19:

نينا الجزائرية
2010-04-29, 22:21
السلام عليكم بنات انا كنت مع الضياف اليوم انشاء الله لعشاء سردين
بصحتك الساردين

نينا الجزائرية
2010-04-29, 22:22
اليوم درت عشا مسقعة وجنا نقولولها غراتان تاع الباتنجال بصح مقليتش الباتنجال فورتها وسلطة تاع الخص
غدو ان شاء الله زليف شطيطحة فطور

imene08
2010-04-29, 22:45
اليوم درت عشا مسقعة وجنا نقولولها غراتان تاع الباتنجال بصح مقليتش الباتنجال فورتها وسلطة تاع الخص
غدو ان شاء الله زليف شطيطحة فطور

بصحتكم
بوزلوف اليوم درناه
:sdf: ما نحبوش
غدوة إن شاء الله طعام

وئام الروح42
2010-04-30, 12:36
اليوم درت عشا مسقعة وجنا نقولولها غراتان تاع الباتنجال بصح مقليتش الباتنجال فورتها وسلطة تاع الخص
غدو ان شاء الله زليف شطيطحة فطور
يصحتك نينا حنا لفطور فريت اوملات وحميس اما لعشاء انشاء الله بيتزا

نينا الجزائرية
2010-04-30, 15:36
الله يسلمكم ايمان ونانا
العشاء اليوم ان شاء الله داند بالبصل وطوماطيش

صبرينة28
2010-04-30, 15:41
نينا هاذي الوصفة وريهالي كيفاش اطيب داند مع البصل والطوماطيش

تغرينية
2010-04-30, 17:11
الفطور درت فريت أوملات لحم في الكوشه والعشاء طاجين الزيتون مع خبز الطاجين

وئام الروح42
2010-04-30, 18:54
بنات وين راكم
نينا راني نكرر سؤال صبرينة 28 اريد وصفة الداند

نينا الجزائرية
2010-04-30, 22:14
ما يكون غير خاطركم
ديري قطع داند في قدر ضيفي زيت ثوم وفلفل اكحل وعكري وشوية كمون تقليه ومن بعد ضيفي الحمص وبصل مقطع خشين مشي قطع صغيرة وطوماطيش مقطعة قطع وتمرقو وتخلوه يطيب
وشهية طيبة
ولي يحب الدرسة يدرس فلفل قناوة فلفل حار صغير مع ثوم وشوبة ملح وشوية كمون ويدرس باش جي ماكلة حارة

imene08
2010-04-30, 22:39
يصحتك نينا حنا لفطور فريت اوملات وحميس اما لعشاء انشاء الله بيتزا


بصحتكم يختي يبدو لذيذ أمممممممممممممم

aridj 23
2010-05-01, 08:18
السلام عليكم
صباح الفل لجميع أعضاء المنتدى أنا اليوم استيقضت بكري

البارح طيبت في الغذاء حوت +فريت اومليت +عجة بالجلبانة
العشاء سندويتش شوارمة لحم و سلاطة
اليوم انشاء الله في الغذاء نطيب عدس و كسرة رخسيس
في العشاء ان شاء الله راني في دار ماما :mh31:
http://hymanuae.com/index/card/good_morning/71.jpg

وئام الروح42
2010-05-01, 12:57
صباح النور بنات حنا اليوم رانا دايرين امجوظ

"جُوهَرْ"
2010-05-01, 13:10
صباح النور بنات حنا اليوم رانا دايرين امجوظ
بصحتكم نانا بصح ما معنى أمجوظ

"جُوهَرْ"
2010-05-01, 13:11
السلام عليكم

صباح الفل لجميع أعضاء المنتدى أنا اليوم استيقضت بكري

البارح طيبت في الغذاء حوت +فريت اومليت +عجة بالجلبانة
العشاء سندويتش شوارمة لحم و سلاطة
اليوم انشاء الله في الغذاء نطيب عدس و كسرة رخسيس
في العشاء ان شاء الله راني في دار ماما :mh31:
http://hymanuae.com/index/card/good_morning/71.jpg


وصباحك اسعد يا اختي،بصحتكم الماكلة يا عزيزتي.

وئام الروح42
2010-05-01, 15:12
امجوظ هو اكلة قبائلية تصنع بعجن الخبز وتفتيته ثم يغمس في الفلفل والطوماطيش ويسقى بزيت قبايل

نينا الجزائرية
2010-05-01, 15:22
السلام عليكم البنات اليوم طيبت شكشوطة وسلطة فلفل وبصل وطوماطيش تاع الصيف

نينا الجزائرية
2010-05-01, 15:25
نسيت العشاء ان شاء الله فيلي ميرلون مشوي بلابيري وسلطة خص

تغرينية
2010-05-01, 20:09
الفطور اليوم درت قراتا كورجات ومقرون بلاصوصوالعشاء الكسكس بالرايب

ام خديجة1
2010-05-01, 21:54
السلام عليكم اليوم انا عملت في الغداء سندويتشات بالكفتة والعشاء عملت المنقرونة بالدجاج

نينا الجزائرية
2010-05-02, 17:57
اليوم عملت عدس ومتضحكوش نحرقت القدرة واش ندير نسيتها هههه
والعشاء سلطة باطا حاجة خفيفة تاع الصيف

وئام الروح42
2010-05-02, 18:42
حنا يا نينا راني رايحة نعيط يما دارت طعام رايحة نبكي ما نحبوووووووووووووووووووووووش

imene08
2010-05-02, 20:43
اليوم عملت عدس ومتضحكوش نحرقت القدرة واش ندير نسيتها هههه
والعشاء سلطة باطا حاجة خفيفة تاع الصيف


سلامت راسكم أختي و خيرها في غيرها
اليوم حنا تان درنا لعدس و :19: شلاظة تاع لورق (نحبها)
بصحتكم كااااااااااااااااااااااااااااااااااااامل

نينا الجزائرية
2010-05-02, 21:00
البنات تغير menuيما دارت الحوت في كوشة
نانا انا ثاني نكره الطعام ناكلو غير فلعراس برك منعرف علاه

hayette82
2010-05-03, 09:41
انا اليوم حنطيب تليتلي وحميس

aridj 23
2010-05-03, 12:02
السلام عليكم
أنا اليوم في الغذاء طيبت تليتلي بالدجاج + فريت اومليت

نينا الجزائرية
2010-05-03, 15:19
يوم شوينا الساردين
والعشاء ان شاء الله شوربة فرميسال

aridj 23
2010-05-03, 16:14
راني نطيب في الكسكسي بالدجاج اليوم للعشاء انشاء الله :mh31:

ام خديجة1
2010-05-03, 17:29
انا رايحة اعمل البطاطا مقلية مع شوية صوص كفتة للعشاء ان شاء الله

imene08
2010-05-03, 18:04
اليوم بطاطا مقلية و حميس و كسرة قبايل (أغروم أقوران)
بصحتكم

imene08
2010-05-04, 22:39
اليوم أخضر في اخضر
درنا بويون و خضرة مفورة و شلاظة
يعني عشا ريجيييييييم

نينا الجزائرية
2010-05-05, 02:31
السلام عليكم ا
اليوم درنا الفطور خلوطة والعشاء فريت امليت وسلطة
وشوربة تاع البارح

hayette82
2010-05-05, 11:45
طيبت مكرونة وشكشوكة وخميرة والعشاء حوت وروز وبطاطا مقلية

hayette82
2010-05-05, 11:46
اللي تعرف دجاج مثل المطاعم محمر تعطيني لاروسات من فضلكم و لي تعرف فلون تاع الحلواني وكرام انجلاز وشكرا وصح غداكم

نينا الجزائرية
2010-05-05, 13:19
السلام عليكم اليوم فطور عدس
والعشاء ان شاء الله روز مقلي ديبول مع سوس حمراء تاع الجاج

imene08
2010-05-05, 17:11
لفطووووور البيون تاع البارح قعد و لعشا إن شاء الله نعجن شوية محاجب
تشهاهم بابا

imene08
2010-05-05, 17:12
اللي تعرف دجاج مثل المطاعم محمر تعطيني لاروسات من فضلكم و لي تعرف فلون تاع الحلواني وكرام انجلاز وشكرا وصح غداكم


باش يجيك الجاج لمحمر بنينرأدهنين بلاموتارد (الخردل) يجيك روعة صدقيني مجربة جدا
فلون و لاكرام انجلاز نحوسلك عليهم أختي شكرا

وئام الروح42
2010-05-05, 19:03
سلام بنات كاش جديد في الطبخ ولا والوا اعطيولنا وصفة

نينا الجزائرية
2010-05-06, 02:35
لفطووووور البيون تاع البارح قعد و لعشا إن شاء الله نعجن شوية محاجب
تشهاهم بابا
بصحتك ايمان وراه حقي تاع المحاجب نحبهم بزاف
مدرناش عشاء روز مقلي بقي عدس تاع الصبح تعشيناه:o:mad: وزدت سلطة بحرية وسلطة فواكه فريز ديسار
غدوة ندير فطور حريرة تاع الاخضرة ان شاء الله ورز مقلي بسوس تاع الجاج:mh31:

نينا الجزائرية
2010-05-06, 02:36
سلام بنات كاش جديد في الطبخ ولا والوا اعطيولنا وصفة
امنعندك حنونة كاش وصفة جديدة:d

نينا الجزائرية
2010-05-06, 02:41
اللي تعرف دجاج مثل المطاعم محمر تعطيني لاروسات من فضلكم و لي تعرف فلون تاع الحلواني وكرام انجلاز وشكرا وصح غداكم


50 cl de lait
1 gousse de vanille (ou 1 sachet de sucre vanillé)
75 g de sucre
4 jaunes d’oeufs

Préparation :


Fouettez les jaunes d’oeufs avec le sucre jusqu’à ce que le mélange blanchisse
Portez le lait à ébullition avec la gousse de vanille fendue et grattée
Versez lentement le lait sur le mélange jaunes d’oeufs et sucre en tournant régulièrement
Remettez le tout dans la casserole et, sur feu doux, remuez votre crème avec une cuillère en bois jusqu’à ce qu’elle nappe le dos de votre cuillère ! ATTENTION ne surtout pas faire bouillir !
Retirez alors la crème anglaise du feu, et remuez encore quelques minutes
Retirez la gousse de vanille, laissez refroidir à température ambiante puis réservez au réfrigérateur

Crème anglaise économique et inratable :


50 cl de lait
75 g de sucre
2 jaunes d’oeufs
1 cuil. à café de fécule
vanille liquide ou en poudre

Préparation :


Fouettez les jaunes d’oeufs avec le sucre jusqu’à ce que le mélange blanchisse puis ajoutez la fécule
Portez le lait à ébullition
Versez lentement le lait sur le mélange jaunes d’oeufs et sucre en tournant régulièrement
Remettez le tout dans la casserole et faites cuire votre crème sur feu doux, en la tournant jusqu’à ce quelle soit liée : cette crème anglaise supporte un petit bouillon sans devenir granuleuse
Retirez la crème anglaise du feu, ajoutez la vanille et remuez encore quelques instants avant de la laisez refroidir

Crème anglaise généreuse :


150 g de lait entier
20 cl de crème liquide
85 g de sucre semoule
4 jaunes d’oeufs
2 gousses de vanille (ou 2 sachets de sucre vanillé)

Préparation :


Portez à ébullition le lait avec la crème, les gousses de vanille grattées et leurs graines, puis arrêtez la cuisson, couvrez la casserole et laissez infuser 10 min.
Filtrez le lait chaud
Fouettez les jaunes d’oeufs avec le sucre pendant 3 min jusqu’à ce que le mélange blanchisse
Versez progressivement le lait vanillé sur vos jaunes, tout en remuant
Remettez le tout dans la casserole et faites cuire votre crème jusqu’à ce que la crème nappe votre cuillère en bois (ATTENTION : ne surtout pas faire bouillir)
Retirez la crème anglaise du feu et continuez de la remuer lentement pendant encore quelques minutes
Filtrez-la à nouveau, laissez-la refroidir et réservez la crème anglaise ensuite 24 heures au réfrigérateur pour qu’elle prenne une consistance idéale

نينا الجزائرية
2010-05-06, 14:40
الاخت لي طلبت كيفية flan patissier :)
لقيت الوصفة في كراسي القديم كتبتها عندها تقريبا 10 سنين:sdf: كراسة قديمة
المقاددير
عجينة pate brsée
1 ل حليب
150 غ سكر
4 اصفر تاع البيض
2 اكياس سكر فاني
الكيفية
بسطي عجينة بات بريزي في مي سنيوة مدهونة بالزبدة
ومن بعد غلي الحليب في نفس الوقت خدمي الزبدة والسكر ولصفر تاع البيض وسكر فاني ومن ضيفي الفرينة وضيفي شوية شوية الحليب مع الخلط
ومن بعد صبي الكريم لي تحصلتي عليها علي لابات بريزي وخليها طيب في نار قوية مدة 45 د
وتقدم باردة

aridj 23
2010-05-06, 18:36
السلام عليكم
كيف أحوالكم لاباس
أنا اليوم في الغذاء طيبت شكشوكة بالبطاطا و الطماطم و البيض حاجة خفيفة
وفي العشاء انشاء الله ناوية نطيب بطاطا في الكوشة اذا كتبت
سلام

زهراء بتول
2010-05-06, 20:30
حتى حنا ليوم درنا قليان غداء و ان شاء الله حتى للعشاء راح نزيدو نقليو و ماذا بيا لو كان الأخت أريج أو أي أخت أخرى تحطلي طريقة بطاطا في الكوشة و شكرا

زهراء بتول
2010-05-06, 20:32
يا لبنات يعطيكم الصحة زيدو حطولي كيفاه تديرو " الروطي "

hayette82
2010-05-06, 21:59
شكرا شكرا على كل الوصفات وشكرا على الفلون

نينا الجزائرية
2010-05-06, 23:57
غدوا ان شاء الله
حوت مقلي بطاطا مقلية
والعشاء مزال مخممتش فيه

نينا الجزائرية
2010-05-07, 00:06
السلام عليكم
كيف أحوالكم لاباس
أنا اليوم في الغذاء طيبت شكشوكة بالبطاطا و الطماطم و البيض حاجة خفيفة
وفي العشاء انشاء الله ناوية نطيب بطاطا في الكوشة اذا كتبت
سلام


اهلا اختي بصحتك الشكشوكة من اكلات المفضلة عندي
بطاطا كوشة
عدة كيفيات
قطعي دوائر وفوريها وحطيها في بلا كوشة مدهون بالزبدة ومن بعد جيبي حليب وتبليه بالفلفل اسود وملح وفرغيه علي بطاطا ودخليه للكوشة

ممكن تقلي البطاطا وتطيبي صدر جاج في مرقة بيضاء كي تطيب فتتي الجاج ورديه في مرقة وزديلها فورماج ومعدنوس وبيضة وخلطي الخليط ومن بعد حطي البطاطا لي قليتيها دوائر علي بلا ومن بعد لافارس تاع الجاج ومن بعد طبقة تاع البطااطا تحبي ديري فورماج رابي من فوق او بيشاميل
واترك الاخوات يعطوط وصفات اخري

imene08
2010-05-07, 00:11
اليوم الروز بالجاج

نينا الجزائرية
2010-05-07, 00:22
يا لبنات يعطيكم الصحة زيدو حطولي كيفاه تديرو " الروطي "
المقادير

دجاجه
بصله كبيره
2 طماطم كبيره
3 فصوص ثوم
2 ملعقه كبيره خل
ملعقه كبيره ملح
ملعقه صغيره فلفل أسود
ملعقه صغيره بهارات
نصف ملعقه صغيره قرفه
نصف ملعقه صغيره زنجبيل ناعم
ملعقه صغيره زعتر مطحون


طبعا تنظفى الدجاجه مره بالملح ومره بالخل بعد ما تنقعيها شويه

بعدها تقطع الدجاجه قطع أو تخليها سليمه لو تعلقيها فى الشوايه

قومى بغرز طرف سكينه رفيعه فى جسم الدجاجه فى أكثر من نقطه حتى تتشرب التتبيله

إعداد التتبيله :

ضعى كل المقادير فى الخلاط وأضربيها جيدا حتى تصير سائله
وممكن تضيفى نصف كوب ماء لو لاحظتى إنها خاثرة على الخلاط

سيصبح عندك صلصه للتتبيل
إنقعى فيها الدجاجه مع توزيع التتبيله دخل وخارج الدجاجه جيدا وحتى تتشرب فى الفتحات التى قمتى بغرز السكينه فيها

كلما طالت مدة نقع الدجاج فى التتبيله كان ذلك أفضل
ولكن ممكن طهى الدجاج بعد ساعتين من النقع ، أ

إذا كانت الدجاجه قطع
قومى برصها على شبكة الفرن

وإذا كانت كامله علقيها فى الشوايه ولكن لاتشعلى الشوايه

يشعل الفرن على نار متوسطه نوعا ما
وتضعى طبق كبير مملوؤ بالماء لإستقبال السوائل المتساقطه كى لايصبح هناك دخان يملأ المطبخ

طبعا لو قطع الدجاج على الشبكه هتحتاجى تقلبيها على الجهه الأخرى فى منتصف رحلة السواء

علامة نضج الدجاج
إذا غرستى حرف السكين فى أى قطعه لاتسقط أى سوائل
أما إذا خرجت منها سوائل هذا معناه إن اللحم الداخلى ما زال نيئا

اذاالدجاج طاب لكن لون الجلد فاتح ممكن تشغلى الشوايه لدقيقتين لتاخد اللون الأحمر الجميل
خرجيها من الفرن وتوضع فى طبق مفروش بالبقدونس المفروم
وتقدم

زهراء بتول
2010-05-07, 00:46
المقادير

دجاجه
بصله كبيره
2 طماطم كبيره
3 فصوص ثوم
2 ملعقه كبيره خل
ملعقه كبيره ملح
ملعقه صغيره فلفل أسود
ملعقه صغيره بهارات
نصف ملعقه صغيره قرفه
نصف ملعقه صغيره زنجبيل ناعم
ملعقه صغيره زعتر مطحون


طبعا تنظفى الدجاجه مره بالملح ومره بالخل بعد ما تنقعيها شويه

بعدها تقطع الدجاجه قطع أو تخليها سليمه لو تعلقيها فى الشوايه

قومى بغرز طرف سكينه رفيعه فى جسم الدجاجه فى أكثر من نقطه حتى تتشرب التتبيله

إعداد التتبيله :

ضعى كل المقادير فى الخلاط وأضربيها جيدا حتى تصير سائله
وممكن تضيفى نصف كوب ماء لو لاحظتى إنها خاثرة على الخلاط

سيصبح عندك صلصه للتتبيل
إنقعى فيها الدجاجه مع توزيع التتبيله دخل وخارج الدجاجه جيدا وحتى تتشرب فى الفتحات التى قمتى بغرز السكينه فيها

كلما طالت مدة نقع الدجاج فى التتبيله كان ذلك أفضل
ولكن ممكن طهى الدجاج بعد ساعتين من النقع ، أ

إذا كانت الدجاجه قطع
قومى برصها على شبكة الفرن

وإذا كانت كامله علقيها فى الشوايه ولكن لاتشعلى الشوايه

يشعل الفرن على نار متوسطه نوعا ما
وتضعى طبق كبير مملوؤ بالماء لإستقبال السوائل المتساقطه كى لايصبح هناك دخان يملأ المطبخ

طبعا لو قطع الدجاج على الشبكه هتحتاجى تقلبيها على الجهه الأخرى فى منتصف رحلة السواء

علامة نضج الدجاج
إذا غرستى حرف السكين فى أى قطعه لاتسقط أى سوائل
أما إذا خرجت منها سوائل هذا معناه إن اللحم الداخلى ما زال نيئا

اذاالدجاج طاب لكن لون الجلد فاتح ممكن تشغلى الشوايه لدقيقتين لتاخد اللون الأحمر الجميل
خرجيها من الفرن وتوضع فى طبق مفروش بالبقدونس المفروم
وتقدم




مممممممم باينة بنينة يعطيك الصحة أختي ان شاء الله راه نجربها بطريقتك و ماذا بيا يزيدو الأخوات يحطونا طرق مختلفة للروطي