المساعد الشخصي الرقمي

مشاهدة النسخة كاملة : الدرك الوطني الجزائري 2010


الصفحات : [1] 2

عبد النور مكي
2010-01-20, 11:33
السلام عليكم و رحمة الله و بركاته
لمن يريد الاتحاق بصفوف الدرك الوطني برتبة ضابط صف (رقيب) فانه يتم ايداع الملفات الآن....
و هذا ملف التكوين
http://i64.servimg.com/u/f64/13/14/98/77/g310.jpg
بالتوفيق

aziz laouar
2010-01-20, 15:45
شكرا لك الاخ عبد النور مكي ولكن عندي سؤوال
متى يتم استدعائهم اد دفعت الملف الان هل في الصيف
ام في هاد الشهر

عبد النور مكي
2010-01-20, 18:50
في الصيف...جوان او جويلية او اوت ...الله اعلم....بالتوفيق

AZIZGUIR78
2010-01-20, 22:30
خليك من الدرك اقراء احسن لك ............................................تصبح طبيب

عبد النور مكي
2010-01-20, 22:49
خليك من الدرك اقراء احسن لك ............................................تصبح طبيب

دير انت طبيب ان شاء الله و انا نوفرلك الأمن
بارك الله فيك على نصيحة
:)

ميمي.16
2010-01-21, 10:17
ماهي الرتبة اللي عندها مستوى جامعي

hichem86
2010-01-21, 11:00
السلام عليكم هل أستطيع الإنتساب إلى صفوف الددرك الوطني علما أنني معفى من الخدمة الوطنية بسبب طبي في سنة 2005

عبد النور مكي
2010-01-21, 12:21
ماهي الرتبة اللي عندها مستوى جامعي

لازم تكوني متحصلة على شهادة اليسانس و تدخلي ضابط....باك +2 او +3 ..تدخلي رقيب ضابط صف
لازم اليسانس و السن أقل او يساوي 23
بالتوفيق

عبد النور مكي
2010-01-21, 12:22
السلام عليكم هل أستطيع الإنتساب إلى صفوف الددرك الوطني علما أنني معفى من الخدمة الوطنية بسبب طبي في سنة 2005

للأسف أخي الاعفاء بسبب طبي مشكلة ..يرفضوك..لكن انت ما توريلهمش الاعفاء لأن الدرك ما يطلبش ورقة الخدمة الوطنية....
بالتوفيق

aziz laouar
2010-01-21, 20:21
انا طالب جامعي السنة نكمل انشالله مي عندي سؤال
ماهي الرتبة التي ساحصل عليها لو دخلت الان (مستوى السنة الثالثة جامعي)

SOFIANE-BBA
2010-01-21, 20:27
الدرك الوطني صعيب

عبد النور مكي
2010-01-21, 20:58
انا طالب جامعي السنة نكمل انشالله مي عندي سؤال
ماهي الرتبة التي ساحصل عليها لو دخلت الان (مستوى السنة الثالثة جامعي)

تدخل رتبة ضابط صف( رقيب)...لكن يطلبو منك شهادة المستوى الجامعي لربما من أجل الترقية من بعد ..يعني تكون ليك فرصة في الحصول على الترقية نظرا لمستواك الجامعي..
و اذا حبيت كاين دفعة في اوت خاصة بالضباط و انت السنة هذي تكمل

عبد النور مكي
2010-01-21, 21:00
الدرك الوطني صعيب

و الله أخي راني معاك في هذي..لكن واش تحب؟....لازم تعيش.
و الرزق على الله
بارك الله فيك على المداخلة

aziz laouar
2010-01-22, 19:11
شكرا لك الاخ عبد النور
الدرك الوطني صعيب مي اللي يبقى يستنى ماعادش يبني
مستقبلو سيرتو في بلاد كيما هادي اللي فيها الرشوة والمعريفة
صح كلش بالمكتوب وماكانش قد معريفة ربي مي لازم لواحد يبذل
الأسباب هادي حال الدنيا والرزق علا ربي

hiba nessma
2010-01-22, 19:35
السلام عليكم ورحمة الله وبركاته
أنا حاصلة على شهادة ليسانس علوم قانونية وحاصلة على الكفاءة المهنية للمحاماة هل يمكنني الإلتحاق بصفوف الدرك و هل يسمح بإرتداء الحجاب
وما هو آخر أجل لإيداع الملفات
وبارك الله فيكم

عبد النور مكي
2010-01-22, 20:01
السلام عليكم ورحمة الله وبركاته
أنا حاصلة على شهادة ليسانس علوم قانونية وحاصلة على الكفاءة المهنية للمحاماة هل يمكنني الإلتحاق بصفوف الدرك و هل يسمح بإرتداء الحجاب
وما هو آخر أجل لإيداع الملفات
وبارك الله فيكم



يمكنك الالتحاق بصفوف الدرك الوطني برتبة ضابط لكن الدفع بالنسبة للضباط في شهر اوت فقط و السن 23 أو أقل
اما بخصوص الحجاب في الدرك الوطني الله اعلم ممنوع....
بالنسبة لآخر أجل ماعلاباليش نسقسي....
بالتوفيق:)

فطيمة زهرة
2010-01-22, 21:00
سلام أخي عبد النور
نوصيك الا دخلت الدرك الوطني حرز غيل تنحيلي permé
و بالتوفيق انشاء الله

عبد النور مكي
2010-01-22, 21:15
غيل ندخل برك....ساهل...
بالتوفيق

bint alisslam
2010-01-22, 21:36
السلام عليكم ورحمة الله و بركاته .انا متحصلة على شهادة الدراسات العليا في البيولوجيا هل بالإمكان الالتحاق بالدرك . و اين توضع ملفات الترشح و ما هو آخر اجل لذلك .شكرا مسبقا . جزاكم الله خيرا : )

فخرالدين
2010-01-22, 21:43
السلام عليكم ورحمة الله و بركاته .انا متحصلة على شهادة الدراسات العليا في البيولوجيا هل بالإمكان الالتحاق بالدرك . و اين توضع ملفات الترشح و ما هو آخر اجل لذلك .شكرا مسبقا . جزاكم الله خيرا : )

نعم يمكنك الالتحاق برتبة ضابطة لكن يجب ان يكون سنك اقل من 23 في سبتمبر 2010 يتم دفع الملفات على مستوى مجموعة الدرك الوطني على مستوى ولايتك اخر اجل ممكن يكون نهاية جوان .................................

barchelone
2010-01-23, 11:59
السلام عليكم--على ما أظنّ بالسبة لحاملي شهادة اللليسانس أو الشهادات الجامعيةالاخرى يمكنهم الدخول برتبة ضابط تكوين أساسي ...ايداع الملفات يبدأ في أوت..بالتوفيق للجميع..

عبد النور مكي
2010-01-23, 12:07
صحيح ..بالنسبة لحاملي شهادة اليسانس اي رتبة ضابط فان دفع الملفات يبدأ في شهر اوت...اما الآن فان الدفع خاص بضباط الصف..رقيب...(سارجان)
بالتوفيق

bibo2289
2010-01-23, 14:44
السلام عليكم
انا عندي 20 عام و4 اشهر ههه بالضبط ، هاذ العام ان شاء الله نتحصل على شهادة ليسانس في الاعلام الالي
راني حاب نولي دركي بماذا تنصحني اخي ؟ هل اكمل دراستي وندفع
واذا جبت ليسانس وزدت عام يعني ليسانس +1 واش هو الفرق اذا كان عندي ليسانس فقط ؟؟
وشكرا جزيلا لك

وفاء الوفاء
2010-01-23, 16:19
السلام عليكم ورحمة الله وبركاته
حبا نسقسيك اخي عبد النور انا عندي 25 عام حبا ندير درك واش ندفع
باه نولي نحكم فيك هههههههههههههههههههههههههههههههه
بتوفيق للجميع

عبد النور مكي
2010-01-23, 16:31
السلام عليكم
انا عندي 20 عام و4 اشهر ههه بالضبط ، هاذ العام ان شاء الله نتحصل على شهادة ليسانس في الاعلام الالي
راني حاب نولي دركي بماذا تنصحني اخي ؟ هل اكمل دراستي وندفع
واذا جبت ليسانس وزدت عام يعني ليسانس +1 واش هو الفرق اذا كان عندي ليسانس فقط ؟؟
وشكرا جزيلا لك

نصيحتي ليك هي ..بما أنك عندك 20 سنة و السنة هذي تدي اليسانس تاعك باذن الله اذا خلي حتى شهر اوت و ادفع برتبة ضابط تكوين اساسي تبقى احسن من رتبة ضابط صف (سارجان)
بالتوفيق

عبد النور مكي
2010-01-23, 16:37
السلام عليكم ورحمة الله وبركاته
حبا نسقسيك اخي عبد النور انا عندي 25 عام حبا ندير درك واش ندفع
باه نولي نحكم فيك هههههههههههههههههههههههههههههههه
بتوفيق للجميع

اذا حبيتي تدي قراط كيما تاعي او فوقي لازم تكون عندك شهادة عليا في تحضير الفريــــــــــــت اومليـــــــــــــــــت موقعة من طرف الضابط الأعلى مكي عبد النور ....:1:
بالتوفيق

noure31
2010-01-24, 13:02
ساهل باش تدخل مي الكاريار صعيب ياسر
25 سنة ونتا تمشي بالورقة
غير تضيع حياتك

عبد النور مكي
2010-01-24, 13:17
25 سنة و انت تمشي بالورقة بصح بشهريتك ماشي 25 سنة و انت بطال

koukas
2010-01-29, 12:22
من فضلكم مهو اخر اجل لدفع الملفات؟

CHAOUI@MOH
2010-01-29, 15:30
http://www.arabelove.com/best-arab-player.aspx (http://www.arabelove.com/best-arab-player.aspx)

bennono
2010-02-24, 17:33
انا في سنة الثانية جامعي
متى يتم دفع الملفات

عبد النور مكي
2010-02-24, 20:10
انا في سنة الثانية جامعي
متى يتم دفع الملفات

بمستواك الحالي يمكنك الاتحاق بسلك الدرك الوطني برتبة ضابط صف و دفع الملفات في شهر مارس باذن الله

بالتوفيق :)

فريد 23000
2010-02-25, 14:17
انا في عمري 23عام وغير متحصل على البكالوريا ولاكن عندي تقني سامي في الاعلام الالي هل استطيع يقبلوني الدرك رقيب وشكرا

عبد النور مكي
2010-02-25, 14:40
انا في عمري 23عام وغير متحصل على البكالوريا ولاكن عندي تقني سامي في الاعلام الالي هل استطيع يقبلوني الدرك رقيب وشكرا

هذا السن 23 هو آخر سن للالتحاق بالدرك لذلك اذا احببت السلك عجل بالدفع و لو كابران
بالتوفيق

فخرالدين
2010-02-26, 22:21
salut je suis deplomé en pharmacie et j'ai 24 ans est ce que je peut etre recruter avec la gendarmerie....svp reponds mois

يمكنك التسجيل في التكوين الخاص اذا كان موجود هذا العام لان مستواك يسمح لك بذلك اضافة ان السن المطلوب اقل من 28 سنة

ghost29
2010-02-27, 05:04
Salut je suis deplomé en pharmacie et j'ai 24 ans est ce que je peut etre recruter avec la gendarmerie....SVP reponds mois

عبد النور مكي
2010-02-27, 05:36
salut je suis deplomé en pharmacie et j'ai 24 ans est ce que je peut etre recruter avec la gendarmerie....svp reponds mois

للاسف السن المطلوب 23 سنة ..... و سنك اكبر من 23 .....

mmooohhaa
2010-02-27, 17:08
http://www.arabsys.net/pic/thanx/15.gif


http://www.abuaseel.net/dam3at_7ozn/ekccwarat/shkrn.gif

kasimod
2010-03-15, 17:02
bon courage

خالد الجوهري
2010-03-15, 19:27
انا في عمري 23 سنة واريد ان التحق بسلك الدرك الوطني ........ ةانا اقوم هذه السنة باجتياز البكالوريا
واريد استعلام على كل كبيرة وصغير من جهة الاجر والترقية ......... وهل لدي حظوظ كثير ام لا
مع علم ان مجتاز الخدمة الوطنية ...... وماهي المراكز التدريب الدرك الوطني ..... ارجو ان تفيداني بمعلومات

sofiane.dz
2010-03-15, 19:43
انا في عمري 23 سنة واريد ان التحق بسلك الدرك الوطني ........ ةانا اقوم هذه السنة باجتياز البكالوريا
واريد استعلام على كل كبيرة وصغير من جهة الاجر والترقية ......... وهل لدي حظوظ كثير ام لا
مع علم ان مجتاز الخدمة الوطنية ...... وماهي المراكز التدريب الدرك الوطني ..... ارجو ان تفيداني بمعلومات
اولا سنك اكبر من السن المحدد للالتحاق..معناه لا يمكنك ان تنخرط.
ثانيا انصحك بعدم دكر مسالة الاجر مستقبلا لان اساس الانخراط هو حب المهنة ..معناه لك حظوظ في الحياة المدنية ان تتحصل على اجر اكبر من اجور مستخدمي الدرك الوطني...و لتكن في التجارة مثلا.
ثالثا الترقية في الدرك الوطني لن تكون قبل فترة العقد الاولى...معناه لا يمكن ترقيتك الا بعد مرور سبعة سنوات على الاقل من تاريخ تجنيدك.
رابعا هناك الزامية الخدمة في الصحراء الكبرى لمدة لا تقل عن اربعة 4 سنوات
خامسا مدارس الدرك بالنسبة لضباط الصف هي

-مدرسة ضباط الصف للدرك الوطني بمليانة ولاية عين الدفلى.
-مدرسة ضباط الصف للدرك الوطني بسيدي بلعباس.
-مدرسة ضباط الصف للدرك الوطني بسطيف.
-مدرسة ضباط الصف للدرك الوطني بمداوروش ولاية سوق اهراس

في الاخير اجر الرقيب في الدرك الوطني هو ما بين 31000.00 الى 32000.00دج.

sofiane.dz
2010-03-15, 20:20
انا في عمري 23عام وغير متحصل على البكالوريا ولاكن عندي تقني سامي في الاعلام الالي هل استطيع يقبلوني الدرك رقيب وشكرا
لازم شهادة البكالوريا

maknino
2010-03-15, 21:00
السلام عليكم
هل سيكون هناك تكوين خاص هاذه السنة؟ لـ9 اشهر؟
وهل يقبل في المهندسون؟

خالد الجوهري
2010-03-15, 21:58
اولا سنك اكبر من السن المحدد للالتحاق..معناه لا يمكنك ان تنخرط.


ثانيا انصحك بعدم دكر مسالة الاجر مستقبلا لان اساس الانخراط هو حب المهنة ..معناه لك حظوظ في الحياة المدنية ان تتحصل على اجر اكبر من اجور مستخدمي الدرك الوطني...و لتكن في التجارة مثلا.
ثالثا الترقية في الدرك الوطني لن تكون قبل فترة العقد الاولى...معناه لا يمكن ترقيتك الا بعد مرور سبعة سنوات على الاقل من تاريخ تجنيدك.
رابعا هناك الزامية الخدمة في الصحراء الكبرى لمدة لا تقل عن اربعة 4 سنوات
خامسا مدارس الدرك بالنسبة لضباط الصف هي

-مدرسة ضباط الصف للدرك الوطني بمليانة ولاية عين الدفلى.
-مدرسة ضباط الصف للدرك الوطني بسيدي بلعباس.
-مدرسة ضباط الصف للدرك الوطني بسطيف.
-مدرسة ضباط الصف للدرك الوطني بمداوروش ولاية سوق اهراس


في الاخير اجر الرقيب في الدرك الوطني هو ما بين 31000.00 الى 32000.00دج.

يا ريت ثبتوا المواضيع تاعك .......... انها امنيتي منذ بداية طفولتي ......... اريد ان اخدم بلدي الحبيب
وارجو منك ........... هل هناك مدرسة للدرك الوطني ببومرداس ......... واريد ممارسة هذه المهنة بكل شغف .......... ارجو ان تنصحني في حالة نجاحي في البكالوريا ...... هل يوجد تكوين وما مدته وشكرا

عبد النور مكي
2010-03-15, 22:19
يا ريت ثبتوا المواضيع تاعك .......... انها امنيتي منذ بداية طفولتي ......... اريد ان اخدم بلدي الحبيب
وارجو منك ........... هل هناك مدرسة للدرك الوطني ببومرداس ......... واريد ممارسة هذه المهنة بكل شغف .......... ارجو ان تنصحني في حالة نجاحي في البكالوريا ...... هل يوجد تكوين وما مدته وشكرا

الله اعلم الاخ متأكد من معلوماته لكن عندي تعقيب بخصوص الراتب الشهري لرقيب و هو 33000 في البداية و يصل الى 37000 او حتى 40000

يوجد مدرسة في يسر خاصة بالضباط اذا نجحت في البكالوريا تلتحق بالدرك برتبة رقيب لكني شخصيا انصحك اذا كنت شعبة علمية ان تلتحق بشرشال كضابط

خالد الجوهري
2010-03-16, 17:45
شكرا ......... وماهي التخصصات في الدرك الوطني ........... ومدة تكوين كم ستكون ............ وفي ماذا اتكون ...... وهل نفس التكوين الخدمة الوطنية
اعذروني على الاسئلة كثيرة ............ وتسلسل الدرجات ....... والنظام اليي يمشيوا معاه نفس النظام الخدمة الوطنية

عبد النور مكي
2010-03-16, 18:20
شكرا ......... وماهي التخصصات في الدرك الوطني ........... ومدة تكوين كم ستكون ............ وفي ماذا اتكون ...... وهل نفس التكوين الخدمة الوطنية
اعذروني على الاسئلة كثيرة ............ وتسلسل الدرجات ....... والنظام اليي يمشيوا معاه نفس النظام الخدمة الوطنية

التخصصات اللي نعرفها.....امن الطرقات.....مكافحة الشغب.....الفرقة الاقليمية...حرس الحدود....سرب المروحيات....

مدة التكوين عامين العام الاول سلاح و العام الثاني على حسب التخصص

نفس تكوين الخدمة الوطنية اذا كنت تقصد بيه التدريبات نقولك نع نفس التدريبات

الدرجات (القراد) يبدا من كابران ثم كابران شاف ثم سارجان ثم سارجان شاف ثم اجيدو ثم اجيدو شاف و من بعد تدخل ملازم و من بعد ملازم اول و هكدا.....

طريقة التنقل في القراد تكون بعد مدة سبع سنوات

و الله اعلم و ارجة من من لديه معلومات اخرى ان يكمل او يصحح ما لدي

بالتوفيق

sofiane.dz
2010-03-16, 19:09
الله اعلم الاخ متأكد من معلوماته لكن عندي تعقيب بخصوص الراتب الشهري لرقيب و هو 33000 في البداية و يصل الى 37000 او حتى 40000

يوجد مدرسة في يسر خاصة بالضباط اذا نجحت في البكالوريا تلتحق بالدرك برتبة رقيب لكني شخصيا انصحك اذا كنت شعبة علمية ان تلتحق بشرشال كضابط
ها قد جاءك الرد من الاخ عبد النور و انا اتوافق معه في رايه
اضافة فقط هناك مدرسة خاصة بالشرطة القضائية التابعة للدرك الوطني في مدينة تيبازة ستفتح ابوابها قريبا.
بالتوفيق لك اخي الكريم

خالد الجوهري
2010-03-16, 22:26
التخصصات اللي نعرفها.....امن الطرقات.....مكافحة الشغب.....الفرقة الاقليمية...حرس الحدود....سرب المروحيات....

مدة التكوين عامين العام الاول سلاح و العام الثاني على حسب التخصص

نفس تكوين الخدمة الوطنية اذا كنت تقصد بيه التدريبات نقولك نع نفس التدريبات

الدرجات (القراد) يبدا من كابران ثم كابران شاف ثم سارجان ثم سارجان شاف ثم اجيدو ثم اجيدو شاف و من بعد تدخل ملازم و من بعد ملازم اول و هكدا.....

طريقة التنقل في القراد تكون بعد مدة سبع سنوات

و الله اعلم و ارجة من من لديه معلومات اخرى ان يكمل او يصحح ما لدي

بالتوفيق
على الحسب التخصص المركز او التوجيه ........ اوالتوجيه بعد البكالوريا ......... نجاح في البكالوريا التحاق بمسابقة ........او كيف التحاق
واقبلوا كل ااعتذراتي ...... لان حاب ندير حاجة ............ باش منندمش عليها

عبد النور مكي
2010-03-16, 23:05
على الحسب التخصص المركز او التوجيه ........ اوالتوجيه بعد البكالوريا ......... نجاح في البكالوريا التحاق بمسابقة ........او كيف التحاق
واقبلوا كل ااعتذراتي ...... لان حاب ندير حاجة ............ باش منندمش عليها

لا توجد مسابقة للالتحاق بالدرك الوطني و اما يتم الالتحاق على حسب الشروط المطلوبة في المترشح مثل القوة البدنية و العقلية ....
تقود بدفع الملف و من بعد دراسة الملف يتم استدعائك و الطلب منك جلب شاهدين اثنين يفوق سنهم 30 سنة ليشهدو عليك يعني اخلاقك و ما الى ذلك و من ثم اذا تم قبولك يستدعونك لاجراء فحص طبي اول لفحص جسمك من اي عيوب و اذا تم قبولك تخذع لفحص طبي ثاني و من ثمة الفحص البسيكو مقابلة مع طبيب نفسي....و بعد القبول يتم استدعائك للاتحاق بمركز التدريب للتكوين لمدة عامين و بعدها تعلق القراد و تصبح دركي

بالنسبة للتخصص في الدرك يكون على حسب رغبتك بعد الاتحاق بمركز التكوين و بعد مرور عام تختار انت التخصص الذي تريده للتدريب عليه و السنة الثانية من التكوين تكون على حسب التخصص الذي اخترته انت ( هذا نظريا لكن في الواقع هم من يقرر باي تخصص تلتحق ) ليكن في علمك فقط حتى لا تندم

هذا ما لدي من معلومات و ارجو من الاخ سفيان ان يضيف او يصحح ما لدي.

خالد الجوهري
2010-03-17, 10:09
شكرا لكم على هذا الجهد الباهر ......... لطالما انتظرت هذه النصائح ............. شكرا والف شكر لسفيان و نور الدين المكي
ارجو تعاون من اجل افادت الاجيال في كل كبيرة وضغيرة

sofiane.dz
2010-03-17, 17:54
لا توجد مسابقة للالتحاق بالدرك الوطني و اما يتم الالتحاق على حسب الشروط المطلوبة في المترشح مثل القوة البدنية و العقلية ....
تقود بدفع الملف و من بعد دراسة الملف يتم استدعائك و الطلب منك جلب شاهدين اثنين يفوق سنهم 30 سنة ليشهدو عليك يعني اخلاقك و ما الى ذلك و من ثم اذا تم قبولك يستدعونك لاجراء فحص طبي اول لفحص جسمك من اي عيوب و اذا تم قبولك تخذع لفحص طبي ثاني و من ثمة الفحص البسيكو مقابلة مع طبيب نفسي....و بعد القبول يتم استدعائك للاتحاق بمركز التدريب للتكوين لمدة عامين و بعدها تعلق القراد و تصبح دركي

بالنسبة للتخصص في الدرك يكون على حسب رغبتك بعد الاتحاق بمركز التكوين و بعد مرور عام تختار انت التخصص الذي تريده للتدريب عليه و السنة الثانية من التكوين تكون على حسب التخصص الذي اخترته انت ( هذا نظريا لكن في الواقع هم من يقرر باي تخصص تلتحق ) ليكن في علمك فقط حتى لا تندم

هذا ما لدي من معلومات و ارجو من الاخ سفيان ان يضيف او يصحح ما لدي.
اولا تتجه نحو المجموعة الولائية للدرك الوطني التابعة لك..و بعد ما يفحصون الملف و يجدونه كاملا يقومون باعطائك ورقة تتجه بها الى سرية امن الطرقات او مجموعة التدخل و الاحتياط بمعنى اين يوجد الطبيب المعتمد و دلك لاجراء الفحص الطبي الاولي..ثم ان كانت النتائج ايجابية يقوم الطبيب باعطائك تقرير عن حالتك الصحية تقوم بتسليمه الى مكتب التجنيد ليوضع مع الملف..بعد دلك يقوم مسؤول مكتب التجنيد باعطائك ظرف مغلق تتوجه به الى مقر الفرقة الاقليمية للدرك القريبة لمقر سكناك يحتوي على امر بالتحقيق .و احضار شهود...ليقومون بعد دلك باعادة ارساله الى مصالح المجموعة الولائية ليرسلوه بدورهم الى القيادة العليا بالجزائر العاصمة
بعدها تنتظر استدعاء الفحص الطبي الثاني و الدي يكون عادة اين توجد القيادة الجهوية للدرك..مثلا ادا كنت محل سكناك تابعا للقيادة الجهوية الاولى للدرك سيتم استدعائك الى ولاية البليدة في مجموعة التدخل و الاحتياط مع ضرورة احضارك لبعض التحاليل الطبية الخاصة بالقلب و البو.... و اشياء اخرى..ثم ادا كان الفحص الطبي ايجابي فلك حظوظ 95 بالمئة لاستدعائك للتربص..قد يطول الامر نوعا ما لكن اؤكد انه سيتم استدعائك للمدرسة اين وجهت ليقام لك فحص طبي اخر مع احضارك للتحاليل السابقة الدكر....ثم في حالة اجتيازك للفحص الطبي بالمدرسة تقوم باجراء فحص نفسي عند ضابطة بالدرك الوطني (انصحك ان وصلت لهده المرحلة ان لا تتفاجا او تتعجب لان الظابطات النساء اللائي ستلتقي بهم فائقات الجمال و جميلات جدا.. اي بمعنى ماتخاليهاش تتلفلك و لا يتلفوهالك كون رزين و مبتسم) هده بين قوسين...و في حالة اجتيازك لهده المرحلة سيتم تجنيدك نهائيا و تمضي على العقد بعد مرور شهر على اقصى تقدير من مدة التربص مدته سبعة سنوات
اتمنى ان اكون قد افدتكم بمراحل التجنيد في صفوف الدرك الوطني
بالتوفيق للجميع.

خالد الجوهري
2010-03-17, 18:31
ارجو من سفيان او المكي الشرح لي كل التخصصات الدرك الوطني .......... وكيف تكون ....... وعلى اي اساس .......من فضلكم

aziz laouar
2010-03-17, 20:05
السلام عليكم
عندي سؤال فيما يخص ضباط الدرك الوطني
ماهي مدة تكوينهم وهل صحيح ان العمل في الدرك اصبح على
حسب المناطق التي يسكن فيها الدركي

عبد النور مكي
2010-03-17, 20:33
ارجو من سفيان او المكي الشرح لي كل التخصصات الدرك الوطني .......... وكيف تكون ....... وعلى اي اساس .......من فضلكم

التخصصات اللي نعرفها
امن الطرقات مختصة فقط في الطرقات قد تطون دراج ناري (موطار) او غير ذلك المهم مهمتك هي حظ الامن في الطرق

التدخل السريع مختص في مكافحة الشغب

حرس الحدود مهمتهم حراسة الحدود الجزائرية من التهريب

و كيما قتلك التخصص انت اللي تختاره

هذا اللي نعرفه اخي و الله اعلم

عبد النور مكي
2010-03-17, 20:35
السلام عليكم
عندي سؤال فيما يخص ضباط الدرك الوطني
ماهي مدة تكوينهم وهل صحيح ان العمل في الدرك اصبح على
حسب المناطق التي يسكن فيها الدركي

مدة تكوين ضباط الدرك 9 اشهر في المدرسة العليا للضباط في يسر بومرداس

انا ايضا قال لي صديقي دركي بانه هناك قانون بخصوص منطقة عمل الدركي مثلا اذا كان من الغرب فيعمل في المنطقة الغربية و الشرق في الشرق و هكذا ...
و الله اعلم

خالد الجوهري
2010-03-17, 20:46
اخي المكي ..... ربي جيب فيها الي فيها رضا والخير ............ انا حبيت نعرف باش متصراش نفس غلطة في الخدمة الوطنية......... اسمحلي خويا بزاف
المهم كاش جديد خبرنا ............ ربي يسترك ويعطيك ما تمنى وربي يعطيك ماتمنى ............. انت و سفيان .. وشكرا

خالد الجوهري
2010-03-17, 21:13
مهم العمل من اجل الوطن الحبيب الجزائر ........... هل التدريبات القاسية اما هي متوسطة .......... وماهي هذه التدريبات ........ اهم دروس الاسلحة ..... انا في الخدمة الوطنية نعرف سيمينوف . كلاشنكوف . هذا ما نعرف ........ عندي صاحبي يسال عن هذه التدريبات لانه محتار جدا .......... لذالك يسال عن كل التدريبات وانواعها ......... وماهي افضل المراكز من حيث مكانة ........ وشكرا مرة اخرى .

خالد الجوهري
2010-03-21, 18:11
ارجو منكم الرد السريع

sofiane.dz
2010-03-21, 21:30
مهم العمل من اجل الوطن الحبيب الجزائر ........... هل التدريبات القاسية اما هي متوسطة .......... وماهي هذه التدريبات ........ اهم دروس الاسلحة ..... انا في الخدمة الوطنية نعرف سيمينوف . كلاشنكوف . هذا ما نعرف ........ عندي صاحبي يسال عن هذه التدريبات لانه محتار جدا .......... لذالك يسال عن كل التدريبات وانواعها ......... وماهي افضل المراكز من حيث مكانة ........ وشكرا مرة اخرى .
مع احترامي لك اخي الكريم لا يمكن معرفة انواع التدريبات لانها متغيرة و متجددة..لكنها في مجملها في المتناول كدلك بحسب المدرسة و لعلمك ان اصعب مدرسة في الانضباط و العمل هي مدرسة ظباط الصف بسيدي بلعباس تليها مدرسة مليانة ثم سطيف لتاتي مدرسة سوق اهراس وهدا طبيعي لكون ان مدرسة سوق اهراس مدرسة جديدة بالنسبة لظباط الصف و ان اول دفعة لظباط الصف هي حاليا في التربص...اما من حيث الاسلحة هناك الكلاشنيكوف و السيمينوف و المسدسات بمختلف انواعها
لكن دعني اقول لك شيءا هو انه ادا كنت فعلا تحب الدرك و ترغب في العمل في صفوفه فلن تتفاجا لا بتدريبات و لا بانظباط..بالعكس تتولد لديك رغبة في استمرارية الاجواء التي ستعيشها في التربص.

sofiane.dz
2010-03-21, 21:35
مدة تكوين ضباط الدرك 9 اشهر في المدرسة العليا للضباط في يسر بومرداس

انا ايضا قال لي صديقي دركي بانه هناك قانون بخصوص منطقة عمل الدركي مثلا اذا كان من الغرب فيعمل في المنطقة الغربية و الشرق في الشرق و هكذا ...
و الله اعلم
العمل في الدرك الوطني يكون خارج حدود الناحية العسكرية التابع لها...لكن ادا كان لديك معارف فستعمل اين تحب و بدون اشكال
اما التربص بالنسبة للضباط فهو ثلاثة سنوات بالنسبة للتكوين الاساسي اي حملة شهادة الليسانس..تتخرج بعدها برتبة ملازم اي بنجمة
و 9 اشهر بالنسبة للتكوين الخاص لحملة شهادة الماجيستار و ديبلوم مهندس دولة و حسب احتياجات السلاح ...تتخرج بعدها برتبة ملازم اول اي بنجمتين.

sofiane.dz
2010-03-21, 22:12
شكرا لكم على هذا الجهد الباهر ......... لطالما انتظرت هذه النصائح ............. شكرا والف شكر لسفيان و نور الدين المكي
ارجو تعاون من اجل افادت الاجيال في كل كبيرة وضغيرة


مشكور اخي خالد

anautilisateur
2010-03-22, 17:21
هل هناك من يعرف متى تجرى الامتحانات على مستوى الدرك الوطني

خالد الجوهري
2010-03-22, 17:26
المهم عندي ندي باك باش نقدر ندير حاجة لبلادي العزيزة وشكرا ........

خالد الجوهري
2010-03-22, 19:18
اانا اريد ان اعمل لرفع راية الوطن ....... والهدف تحقيق الداة من حماية المواطن وجعل الامن من اساسيات المهنة وضرورة تحقيقها
وسؤالي ..... سفيان و المكي ..... انت تدربت على السلاح وهل امكانية متاحة من اجل توفر ..... بطاقة السياقة وتكوين فيها ..... هل بامكاني اختيار الحدود الجزائرية ....... اريد حماية الوطن من السرقات المتتالية .......... واسكو نقدر نقرا لتما نكمل لقارايا تاعي في الدرك الوطني ....... وشكرا

خالد الجوهري
2010-03-23, 18:01
جاوبونا يا ناس الخير والشان

sofiane.dz
2010-03-23, 19:15
رخصة السياقة مجودة فالتربص...تقدر تخدم فالحدود و عندك حظ كبير في هذا..اما الدراسة لا يمكن ان تكملها.

خالد الجوهري
2010-03-23, 22:17
هل يوجد تناسق بين اجهزة الامن اخرى مع الدرك الوطني ....... وماهي اهم المدارس التكوين الاساسية .......... و لديا في فيمي طاقم من الاسنان ....... هل هي مقبول عند الاخصائيين الطبيين اما لا .... ولديا لك هذا الحديث الذي اذكره ليل نهار
قال رسول الله صلى الله عليه و سلم
(عينان لا تمسهما النار عين بكت من خشية الله وعين باتت تحرس في سبيل الله) صدق رسول الله
http://up.arabseyes.com/upfiles/V8338305.jpg
هذه هي اغلب الدرجات في الزائر للدرك الوطني............. وشكرا ل ك سفيان

خالد الجوهري
2010-03-25, 17:15
اين جواب يامن بعرف

مجيد 88
2010-03-25, 17:39
ارجوكم اجيبوني هل تخصص اللغات مقبول ام لا ؟؟؟؟؟؟؟؟؟؟ليسانس

خالد الجوهري
2010-03-28, 19:35
اجابة من فضلكم............

مجيد 88
2010-03-28, 21:05
الرجاء اجيبوني

خالد الجوهري
2010-03-31, 21:40
جوبونا من فضلكم .......اين انتم يا خبراء

فخرالدين
2010-04-01, 00:52
ارجوكم اجيبوني هل تخصص اللغات مقبول ام لا ؟؟؟؟؟؟؟؟؟؟ليسانس

على حسب علمي لا توجد شروط فيما يخص التخصص ............ مقبول

لطفي15762
2010-04-06, 12:17
هل شهادة ال ufc المعادلة للبكالوريا مقبولة في الدرك الوطني . ارجو افادتي بالمعلومة

FaRiD_m77
2010-04-07, 15:27
وي نورمالمون مقبول مي نظن كبرانات وربي عالم بالتوفيق

محمد لبسكري
2010-04-09, 18:03
:dj_17: من فضلك هل من معلومات عن مخطط الدلفين لحراسة الشواطئ

خالد الجوهري
2010-04-20, 09:48
وينكم با لي كتنتو تنصح ........ من فضلكم جاوبو على الناس
الى مكي و سفيان

samir55
2010-04-20, 10:57
خليك بالبيت أحسن....عندك مهام أفضل بكتير الزواج وتربية أولادك أحسن...........إدا دخلتي الدرك باي باي الزواج...نتمنى لكي السعادة والهناء

خالد الجوهري
2010-04-22, 11:41
ارجو منكم الايضاح اكثر للموضوع الدرك الوطني .............

nassim 42
2010-04-22, 14:21
أخي فيما يخص الدفعة الخاصة ماهي شروطها و ما هم توقيت إيداع الملفات عندي ليسلنس حقوق + السن 27

FaRiD_m77
2010-04-22, 15:48
أخي فيما يخص الدفعة الخاصة ماهي شروطها و ما هم توقيت إيداع الملفات عندي ليسلنس حقوق + السن 27
السلام عليكم اخي
نظن السن لا يسمحلك في النخراط لذا صفوف الدرك والذي هو من 23 كا حد اقصى
لذا انصحك اخي
بالانخراط في صفوف الشرط كا مفتش اظن يعني رتبة مليحة وبالتوفيق
وارجو من مكي وسفيان الاجابة على بعض التساؤلا ت لي ل ي احبتني الكرا م
او اي واحد فينا يملك معلومات يفيدنااا بهاااا بالتوفيق

nassim 42
2010-04-22, 20:13
أنا عندي ليسانس حقوق هل أستطيع الترشح للدفعة الخاصة السن 27

FaRiD_m77
2010-04-26, 19:31
سلام عليكم خوتي هل من جديد عن الدرك الوطني في ميا يخص الاستدعاءات لدفعة الشهر اوت
يعني لي يدفع الملف نتاعو في فيفري هدااااا 2010
ولكم جزيل الشكر

nouar_yassine
2010-04-26, 19:35
السلام عليكم
واش راهم يدفعوا فالملفات ولا مزال؟

FaRiD_m77
2010-04-28, 18:59
وي نورمالمون مزااال مي سارع ما بقااااش بزاف والله اعلم بالتوفيق

عبد الرزاق 96
2010-05-12, 21:17
السلام عليكم ورحمة الله وبركاته

أنا حاصلة على شهادة ليسانس علوم قانونية وحاصلة على الكفاءة المهنية للمحاماة هل يمكنني الإلتحاق بصفوف الدرك و هل يسمح بإرتداء الحجاب
وما هو آخر أجل لإيداع الملفات
وبارك الله فيكم

خليك يا اختي من الدرك انا مجرب النظام نظرا لطبيعة العمل لان النظام خلق للرجال والله خير الرازقين

mahir405
2010-05-13, 11:45
الأخ معاه حق خليك في اختصاصاتكم خير حوايج الرجال الكل }يتوهم ما بقالهم والو ؟

sinosse
2010-05-13, 13:33
لازم تكوني متحصلة على شهادة اليسانس و تدخلي ضابط....باك +2 او +3 ..تدخلي رقيب ضابط صف
لازم اليسانس و السن أقل او يساوي 23
بالتوفيق
للالتحاق بضباط الدرك الوطني يجب ان تكون متحصل على ماجستير و ذلك عن طلريق التكوين الخاص لمدة سنتين و تتحصل على رتبة ملازم نجمتين
و اذا كنت متحصل على شهادة ليسانس و يقل عمرك عن 23 سنة تجري تربص 4 سنوات و تتحصل على رتبة ملازم ول نجمة واحدة

FaRiD_m77
2010-05-14, 10:43
سلام عليكم خوتي هل من جديد عن الدرك الوطني في ميا يخص الاستدعاءات لدفعة الشهر اوت
يعني لي يدفع الملف نتاعو في فيفري هدااااا 2010
ولكم جزيل الشكر

عبد النور مكي
2010-05-14, 11:07
بالنسبة للاخت نسيمة نقولك ما تقدريش تلتحقي بالدرك بسبب السن و حتى ان التحقت بالدرك الحجاب ممنوع

نصيحة لك ..التحقي بالشرطة كضابط ( الحجاب ممنوع ايضا)

اما فريد نقولك اصبر دوك يبعتولك الاستدعاء.. و انت روح عندهم في لابريقاد و سقسيهم

kimo.1963
2010-05-14, 18:37
ماهو السن الأقصى في الدرك الوطني للضباط ؟
هل هناك شبهيون في الدرك مثل الأخصائيين النفسايين...؟

عبد النور مكي
2010-05-14, 21:50
السن الاقصى هو 23 سنة

aziz laouar
2010-05-15, 13:58
فيما يخص التربص هل صحيح 4 سنوات بالنسبة للمتحصلين على شهادة ليسانس
وهل الرتبة هي ملازم اول نجمة واحدة ؟ ارجو الى من لديه اجابة ان يفيدنا وبارك الله فيكم

عبد النور مكي
2010-05-15, 20:58
للمتحصلين على اليسانس التربص مدة 9 اشهر فقط و الرتبة ضابط
و الله اعلم

فخرالدين
2010-05-16, 12:22
للمتحصلين على اليسانس التربص مدة 9 اشهر فقط و الرتبة ضابط
و الله اعلم

لا اخي المتحصلين على شهادة ليسانس تربص 3سنوات ويتخرج ملازم أي * نجمة واحدة

الشيخ سعدان
2010-05-16, 22:15
السلام عليكم
اخي عبد النور المكي هل يتطلب من المترشح بصفة ضابط ان يكون له معدل بكالوريا 12 فمافوق +ليسانس ام لايشترط في الدخول برتبة ضابط معدل البكالوريا
متلا انا لدي ان شاء الله معدل بكالوريا 10 +ليسانس lmd
هل اقبل ام لا استطيع الترشح بتاتا لان بكاروليتي بمعدل 10
ارجو منك الرد وبارك الله فيك
على هدا الموضوع الرائع

الشيخ سعدان
2010-05-16, 22:16
وهل من يكون سنه 23 سنة بالضبط غير مقبول في المسابقة

الشيخ سعدان
2010-05-16, 22:45
اريد اجابة اخوكم الشيخ سعدان حااااااصل ههههههههههه

عبد النور مكي
2010-05-17, 00:40
معدل الباكالوريا غير مطلوب لكن انت عندك مشكلة و هي اليساني تاعك lmd اي 3 سنوات فقط و صف الضباط مطلوب 4 سنوات اي باك+4
بالنسبة للسن لازم تكون 23 عام تدفع الملف اي مثلا في شهر ديسمبر 2010 تكمل 23 سنة انت تدفع في جانفي 2010

و الله اعلم

FaRiD_m77
2010-05-17, 14:37
الله يحفظك خويا المكي + ويظهرلي هذا العام راه في تاخير شوياااا فيما يخص الاستدعاءت وربي عالم

soumia31
2010-06-14, 12:40
هل يمكن للبنات العمل في هدا المجال؟ عمري 19 سنة ادرس السنة الثالثة ثانوي شعبة اداب و فلسفة اجتزت الامتحانات وانا في انتظار النتائج .وانشاء الله سانجح ...وزني 53 كلغ طولي 1.65 .......بمادا تنصحوني مع العلم احب العمل في الدرك الوطني مند الصغر وأحب ان اخدم وطني العزيز فبمادا تنصحوني؟ ..........شكراااااا

samir55
2010-06-14, 14:34
hijab darak..sa ne cole pas,blama trohi tssakssi.........sois teguel3i lhijab et engagé pasque se milieu demande d'etre "femme virile" sois thafdi 3la hijabek wetdabri idara

عبدو31
2010-06-15, 01:27
من فضلك ي اخي المكي قلي مالفرق بي الضابط المتعاقد والعامل وكم يتقاض الضابط المتعاقد في الشهر وكم يتربص
وهل من الممكن ان التحق والانا عندي20سنة وقد فوت شهادة الباكلوريا وانا انتظر النتائج اجبني منفضلك بارك الله في عمرك وعمر والديد وفي اعمر جميع المسلمين

عبدو31
2010-06-15, 01:30
ابني من فضلك فان اتمني ان انضم هذا العام لصفوف الدرك الوطني

aziz laouar
2010-06-15, 18:11
السلام عليكم
عندي سؤال فيما يخص السن في شهر30 سبتمبر انشاء الله نكمل 23 سنة
فهل لي الحق بالمشاركة في مسابقة ملازم اول

فخرالدين
2010-06-18, 02:41
السلام عليكم
عندي سؤال فيما يخص السن في شهر30 سبتمبر انشاء الله نكمل 23 سنة
فهل لي الحق بالمشاركة في مسابقة ملازم اول

ممكن لكن لكن عليك بالاستفسار لان السن محدد ب اقل من 23 سنة في سبتمبر 2010 والله اعلم

amine-maghnawi
2010-06-19, 14:20
الله يوفقنا ويسر لنا امورنا كلها ان شاء الله

وبالتوفيق

soumia31
2010-06-20, 01:51
هل يمكن للبنات العمل في هدا المجال ؟عمري 19 سنة ادرس السنة الثالثة ثانوي شعبة اداب و فلسفة اجتزت الامتحانات وانا في انتظار النتائج .وانشاء الله سانجح ...وزني 53 كلغ طولي 1.65 .......مع العلم احب العمل في الدرك الوطني مند الصغر وأحب ان اخدم وطني العزيز فبمادا تنصحوني؟ ..........شكراااااا
ارجو الرد في اسرع وقت من فضلكم

mmooohhaa
2010-06-20, 09:29
http://www.arabsys.net/pic/thanx/15.gif

mmooohhaa
2010-06-20, 09:33
هل يمكن للبنات العمل في هدا المجال ؟عمري 19 سنة ادرس السنة الثالثة ثانوي شعبة اداب و فلسفة اجتزت الامتحانات وانا في انتظار النتائج .وانشاء الله سانجح ...وزني 53 كلغ طولي 1.65 .......مع العلم احب العمل في الدرك الوطني مند الصغر وأحب ان اخدم وطني العزيز فبمادا تنصحوني؟ ..........شكراااااا
ارجو الرد في اسرع وقت من فضلكم


ان كان هذا صحيح فانصحكي بصحة العسكرية

ملاحظة لا اظن ان يقبل نوع التخصوص الدراسي الذي هو بجوزتك

عليكي الاستفسار اكثر

مجيد 88
2010-06-20, 23:26
عندي استفسار وارجوا الرد بسرعة
متى تدفع ملفات ضباط الصف للدرك الوطني ’؟؟؟؟؟؟؟؟؟؟؟

soumia31
2010-06-25, 02:15
شكرااااااا اخي

barchelone
2010-06-25, 11:02
عندي استفسار وارجوا الرد بسرعة
متى تدفع ملفات ضباط الصف للدرك الوطني ’؟؟؟؟؟؟؟؟؟؟؟

ايداع الملفات بدأ وإلى غاية 10 أوت

مجيد 88
2010-06-25, 11:26
شكرا جزيلا وعندي استفسار اخر انا حاب ندفع ملف في الضباط صف وملف اخر صباط
ممكن والا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

mml1986
2010-06-25, 23:11
هل هناك دفعة حاصة مع العلم ان سنى 24سنة

barchelone
2010-06-27, 15:07
السلام عليكم
لقد سمعت أخبارا تقول أن الفحص الأولي قد بدأ في بعض الولايات وقد وصلت الإستدعاءات إلى بعض الطلبة المترشحين كضباط تكوين أساسي..
أفيدونا بارك الله فيكم..

الشيخ سعدان
2010-06-30, 02:30
السلام عليكم
انا عندي 20 عام و4 اشهر ههه بالضبط ، هاذ العام ان شاء الله نتحصل على شهادة ليسانس في الاعلام الالي
راني حاب نولي دركي بماذا تنصحني اخي ؟ هل اكمل دراستي وندفع
واذا جبت ليسانس وزدت عام يعني ليسانس +1 واش هو الفرق اذا كان عندي ليسانس فقط ؟؟
وشكرا جزيلا لك

اخي الكريم انت عمرك 20سنة وعند ليسنانس اريد الاستفسار فقط هل الليسانس تاعك lmd او كلاسيك
انا عندي ليسانس lmd وقالولي بلي تقدر تسجل بيها ضابط
ارجو الرد

الشيخ سعدان
2010-06-30, 03:08
[quote=عبد النور مكي;2838390]للمتحصلين على اليسانس التربص مدة 9 اشهر فقط و الرتبة ضابط
و الله اعلم[/qال
اخي الكريم نور الدين لمعلوماتك فقط فان الانخراط في صفوف الدرك على حسب الشهادات يكون كالاتي.
ضابط تكوين اساسي يجب ان تكون لديك شهادة ليسانس او مايعادلها
ضابط تكوين خاص يجب ان تون ام شهدة الماجستير او شهادة مهندس دولة او ماستر

falousa
2010-06-30, 14:03
moi j'ai 25 ans, j'ai licence de langue française es ce que je peux poser un dossier? es ce qu'il ya une solution de m'accepter?
merci

barchelone
2010-06-30, 14:39
moi j'ai 25 ans, j'ai licence de langue française es ce que je peux poser un dossier? Es ce qu'il ya une solution de m'accepter?
Merci

السلام عليكم
أخي الكريم لايمكن الانخراط في صفوف الدرك الوطني(ضباط التكوين الاساسي) لأن السن الأقصى هو 23 سنة
باللتوفيق ان شاء الله في مسابقة ضباط الشرطة (السن الاقصى 28 سنة)

siefou1989
2010-07-02, 13:47
السلام عليكم اخي ماهي المواد التي يمتحن فيها لمسابقة الضباط

barchelone
2010-07-02, 15:45
السلام عليكم اخي ماهي المواد التي يمتحن فيها لمسابقة الضباط

وعليكم السلام أخي ..
كل ما أعلمه هو أن هناك فحص أولي ( طبي) ثم إختبار اللياقة البدنية وأخيرا الإختبار النفسي والشخصي بيسر ( بومرداس)...

httrack
2010-07-11, 19:23
السلام عليكم
أنا سوف أتخرج من كلية الطب في 28 جويلية 2010 عمري 25 سنة هل يمكنني أن ألتحق بالدرك الوطني و متى يكون وقت دفع الملفات و متى أخر أجل
أرجو منكم الاجابة فأنا في أمس الحاجة لها في أقرب وقت و مشكورين مسبقا

barchelone
2010-07-11, 20:21
السلام عليكم
أنا سوف أتخرج من كلية الطب في 28 جويلية 2010 عمري 25 سنة هل يمكنني أن ألتحق بالدرك الوطني و متى يكون وقت دفع الملفات و متى أخر أجل
أرجو منكم الاجابة فأنا في أمس الحاجة لها في أقرب وقت و مشكورين مسبقا
وعليكم السلام
يا أخي بامكانك الإلتحاق بصفوف الدرك الوطني ..ضابط تكوين خاص(واش راح نقولك اذا عندك معريفة ادفع ..راهم نحاوها من الدليل العسكري مي راهي مازالت التحت التحت)

barchelone
2010-07-11, 20:22
لقد بدأ دفع الملفات والى غاية 10 أوت

حساموفيتش
2010-07-12, 14:46
مساء الخير عليكم حاب نسقسيكم انا عندي ليسانس و ماستر 2 في علوم التسيير ، شكون لي ندفعها خير الليسانس ولا الماستر؟ بارك الله فيكم

عبد النور مكي
2010-07-12, 14:53
شعال عندك من عام..لان اقصى سن هو 23 سنة.....

httrack
2010-07-12, 18:08
السلام عليكم
ان شاء الله سوف أتخرج من كلية الطب في 28 جويلية 2010
اذا انخرطت في الدرك هل يمكنني من عمل الاختصاص ؟
هل يمكنني الانخراط في الجيش و كيف ذلك أي أين أدفع الملف و متى ؟
مشكورين مسبقا

عبد النور مكي
2010-07-12, 18:30
السلام عليكم
ان شاء الله سوف أتخرج من كلية الطب في 28 جويلية 2010
اذا انخرطت في الدرك هل يمكنني من عمل الاختصاص ؟
هل يمكنني الانخراط في الجيش و كيف ذلك أي أين أدفع الملف و متى ؟
مشكورين مسبقا

تستطيع الاتحاق بالجيش برتبة ضابط (طبيب)...لكن السن لا يتجاوز 23 سنة..و الله اعلم
بالتوفيق

httrack
2010-07-12, 18:34
و لكن يا أخي لا أظن أنه يوجد طبيب يتخرج في عمره 23 سنة لأنه 18+7 سنوات = 25 سنة و الله أعلم

nonomoh
2010-07-12, 18:41
انا متحصل على شهادة اليسانيس في تاريخ هل مع العلم ان عمري هو 24 سنة فهل يمكن انخراط في صفوف الدرك الوطني

anise20
2010-07-12, 21:17
من فظلكم احتاج الى دليل الدرك الوطني 2010

عبد النور مكي
2010-07-12, 22:11
و لكن يا أخي لا أظن أنه يوجد طبيب يتخرج في عمره 23 سنة لأنه 18+7 سنوات = 25 سنة و الله أعلم

ايه صح اخي ربما حتى سن 28....بسب الدراسة...لكن الافضل ان تلتحق باقرب مقر للدرك و الاستفسار

بالتوفيق اخي

عبد النور مكي
2010-07-12, 22:12
انا متحصل على شهادة اليسانيس في تاريخ هل مع العلم ان عمري هو 24 سنة فهل يمكن انخراط في صفوف الدرك الوطني

للاسف لا يمكن لان اقصى حد هو 23 سنة....جرب حظك مع ضابط شرطة...
بالتوفيق

حساموفيتش
2010-07-13, 15:51
أخي عبد النور انا عمري 22 سنة، وش ندفع الماستر 2 ولا الليسانس؟ و بارك الله فيك

عبد النور مكي
2010-07-13, 18:24
ادفع الماستار....كل ماكان النيفو تاعك طالع كل ماكان قرادك طالع....بالتوفيق حضرات

yahia1921
2010-07-13, 22:01
سلام
اذا كان سنك 23 سنة و8 اشهر
هل تستطيع الانخراط او لا

عبد النور مكي
2010-07-13, 22:45
لا يمكن ..لان آخر أجل هو 31/12/ من السنة التي تقفل فيها 23 سنة

yahia1921
2010-07-14, 05:05
شافها ربي
كل عطلة وفيها الخير تاعها
ندعي بالتوفيق ليكم اخوتي وبسداد الخطى

biskrie
2010-07-14, 09:08
السلام عليكم
من فضلكم من لديه ملفات الخاصة بالإنحراط بالنسبة للطلبة الحاملين لشهادة الليسانس و شكرا .

عبد النور مكي
2010-07-14, 10:14
ضباط عاملين .تكوين خاص.: ان كنتم حائزين على شهادة ليسانس فما فوق في الميادين العلمية والتقنية
الملف:
طلب خطي 03 نسخ
- شهدة الميلاد 04 نسخ
- شهادة العزوبة 03 نسخ
- شهادة الجنسية واحدة اصلية + 02 نسختين صادق عليهما
- شهادة ليسانس 03 نسخ
- شهادة السوابق العدلية واحدة اصلية + 02 نسخين مصادق عليهما
- 08 صور شمسية
- بطاقة شخصية للحالة المدنية 03 نسخ
تودع الملفات على مستوي المجموعات الولائية للدرك الوطني لمقر سكناكم


بالتوفيق

anautilisateur
2010-07-14, 10:55
ضباط عاملين .تكوين خاص.: ان كنتم حائزين على شهادة ليسانس فما فوق في الميادين العلمية والتقنية
الملف:
طلب خطي 03 نسخ
- شهدة الميلاد 04 نسخ
- شهادة العزوبة 03 نسخ
- شهادة الجنسية واحدة اصلية + 02 نسختين صادق عليهما
- شهادة ليسانس 03 نسخ
- شهادة السوابق العدلية واحدة اصلية + 02 نسخين مصادق عليهما
- 08 صور شمسية
- بطاقة شخصية للحالة المدنية 03 نسخ
تودع الملفات على مستوي المجموعات الولائية للدرك الوطني لمقر سكناكم


بالتوفيق



هل مازالت الاجال مفتوحة وشكرا؟؟؟

عبد النور مكي
2010-07-14, 11:03
نعم للضباط....الى غاية 10 اوت

biskrie
2010-07-14, 12:05
شكرا الأخ عبد النور على الإجابة

barchelone
2010-07-14, 13:36
السلام عليكم
من فضلكم من لديه ملفات الخاصة بالإنحراط بالنسبة للطلبة الحاملين لشهادة الليسانس و شكرا .

تفضل الملف كاملا يا أخي:
طلب خطي 03 نسخ
- شهدة الميلاد 04 نسخ
- شهادة العزوبة 03 نسخ
- شهادة الجنسية واحدة اصلية + 02 نسختين صادق عليهما
- شهادة ليسانس 03 نسخ
- شهادة السوابق العدلية واحدة اصلية + 02 نسخين مصادق عليهما
- 08 صور شمسية
-03 كشف نقاط البكالوريا
-03 شهادة إقامة
-03شهادة القامة
-حافظة صفراء
- بطاقة شخصية للحالة المدنية 03 نسخ
تودع الملفات على مستوي المجموعات الولائية للدرك الوطني لمقر سكناكم
للعلم آخر أجل 10 أوت 2010

httrack
2010-07-14, 18:17
شكرا لكم
أعلم أني أكثرت من الأسئلة و لكن ...
أعلم أنكم قلتم أن fs في الدرك يتم التحت التحت و لكن هل لديكم أخبار ان كان موجود أصلا أي أنهم يقبلوا الملفات بالمعريفة هذا العام ؟
و هل يكفي اذا كان عندك معريفة على مستوى المجموعة الولائية ام يجب أن تكون لديك معريفة في مدرسة يسر أو مكان أخر ؟
و شكرا و أسمحولي اذا ثقلت عليكم

anautilisateur
2010-07-14, 19:02
نعم للضباط....الى غاية 10 اوت



مشكور الاخ

barchelone
2010-07-14, 22:02
شكرا لكم
أعلم أني أكثرت من الأسئلة و لكن ...
أعلم أنكم قلتم أن fs في الدرك يتم التحت التحت و لكن هل لديكم أخبار ان كان موجود أصلا أي أنهم يقبلوا الملفات بالمعريفة هذا العام ؟
و هل يكفي اذا كان عندك معريفة على مستوى المجموعة الولائية ام يجب أن تكون لديك معريفة في مدرسة يسر أو مكان أخر ؟
و شكرا و أسمحولي اذا ثقلت عليكم

يا أخي المعريفة لازم تكون عندك في يسر (إذا عندك روح ليسر معاك الدوسي كامل وربي يسهل)

salimtheone
2010-07-15, 01:09
السلام عليكم

عندي ديبلوم مهندس دولة في الاعلام الآلى أي bac+5 وعمري 23 و7 أشهر

نقدر أندير ال fs والا لا ؟؟؟

وماهي الرتبة تاعهم يعد ال 9 أشهر و ما هو الراتب

والا كاش ماكاينة حاجة نقدر نديرها بهذا الديبلوم

والا ما فيهاش
كاش ما كان بابور نحرقوا بيه ونتهنى هههههههههههههه

شكرا

barchelone
2010-07-15, 10:30
السلام عليكم

عندي ديبلوم مهندس دولة في الاعلام الآلى أي bac+5 وعمري 23 و7 أشهر

نقدر أندير ال fs والا لا ؟؟؟

وماهي الرتبة تاعهم يعد ال 9 أشهر و ما هو الراتب

والا كاش ماكاينة حاجة نقدر نديرها بهذا الديبلوم

والا ما فيهاش
كاش ما كان بابور نحرقوا بيه ونتهنى هههههههههههههه

شكرا

يا أخي راني سقسيت مليح راهي كاينا fs التحت التحت
الرتبة هي ملازم أول lieutenant ( نجمتين ) ..الخلاص راه مليح بزاف كون مهني
توكل على ربي وادفع الدوسي واذا ماكتبتش شوف الشرطة او الحماية او مسابقات التوظيف الاخرى..
بالتوفيق ان شاء الله..

حساموفيتش
2010-07-15, 19:25
أخي مكي نزيد نسقسيك احملنا، في الغالب وقتاش يبدا الجري نتاع الفحص و الإجراءات، يعني وش من شهر يبداو؟ و ميرسي ياسر

FaRiD_m77
2010-07-16, 09:53
أخي مكي نزيد نسقسيك احملنا، في الغالب وقتاش يبدا الجري نتاع الفحص و الإجراءات، يعني وش من شهر يبداو؟ و ميرسي ياسر

السلام عليكم اخي
فيما يخص الفحص ياتي بعد الونكات
وبالذات في هذا الشهر وات والخاصة لي الذين دفعو الملفات في مارس وافريل وفيفري مهم بالتقريب دي شهور

واصلا مكان ني جري ني والو يجيك استداعاء وتلبي طلب وتروح هذا ما عندك
وبالتوفيق ان شاء الله وهذا لي عندي واذا فيه شيئ اخر ممكن الاخ مكي يزيد يوضحلك
بالتوفيق

عبد النور مكي
2010-07-16, 11:56
كفيت و و فيت فريد.....قبل العيد الصغير تكونو كامل تستاجو.....

بالتوفيق

missoumovic
2010-07-16, 13:41
من فضلك اخي عبد النور افتح لنا موضوع خاص بالجمارك فانت صاحب خبرة قد تفيد بها المقبلين على هده المسابقة

عبد النور مكي
2010-07-16, 15:09
اختي وردة راهي فاتحة الموضوع....و كاين بزاف مواضيع في الجمارك....اسئل و انا نجاوبك على قد ما نعرف
بالتوفيق

مهدي المتالق
2010-07-16, 19:12
نعم إدا لم تتجاوزي سن 23 سنة

missoumovic
2010-07-17, 01:59
خويا عبد النور بالنسبة للجمارك
السؤال الاول:نخلص الموندا ومنبعد ندفع الدوسي وللا العكس؟
السؤال الثاني:اسكو نهار اللي تحط فيه الدوسي هو نهار امتحان البسيكو ؟
وادا حبيت زيدنا شويا نصائح واعطينا رايك في الجمارك
واسمحلي بزاف على الديرونجمون وبارك الله فيك

جعفر النايلي
2010-07-17, 09:24
السلام عليكم أما بعد
أود أن تنصحني أخي ماذا أفعل فأنا في حيرة من أمري :confused:
لقد تخرجت هذه السنة ليسانس و عمري الآن 22
ربما رايح نعقب لارمي في في سبتمبر 2010 أو في مارس 2011
كذلك أود أن أعرف ما هو الأفضل الدرك الوطني أم الشرطة أم الجمارك
و شكرا مسبقا أخي:sdf:

barchelone
2010-07-17, 11:34
السلام عليكم أما بعد
أود أن تنصحني أخي ماذا أفعل فأنا في حيرة من أمري :confused:
لقد تخرجت هذه السنة ليسانس و عمري الآن 22
ربما رايح نعقب لارمي في في سبتمبر 2010 أو في مارس 2011
كذلك أود أن أعرف ما هو الأفضل الدرك الوطني أم الشرطة أم الجمارك
و شكرا مسبقا أخي:sdf:
يا أخي واش راح نقولك ادفع الدوسي فيهم كامل وتوكل على ربي سبحانه وصلي صلاة استخارة...باش تريح ضميرك امبعد باش ما تقولش مادرتش هذيك وهذيك ..وخلّيها على ربي كيما جات جات..

نداء الوطن
2010-07-17, 13:58
السلام عليكم اخوتي الكرام تحياتي لكل اعضاء هذا المنتدى النير

عندي استفسار فيما يخص ملف الضباط لسلك الدرك الوطني انا مقيم بوهران وانهيت هذا العام ليسانس في العلوم السياسية والعلاقات الدولية

بتقدير مقبلول لكن المشكل عندي عو الشهادة حيث حرمتنا الادارة من الشهادة المؤقتة وقالت تأخذون الشهادة الاصلية بسبتمبر واعطونا فقط

كشف نقاط السنوات الاربع فهل يمكن استخدامه بملف الضباط وهل يقبلونه وفي الختام لكم مني جزيل الشكر والعرفان

هل يعتبر هذا كشف النقاط كبديل عن الشهادة المؤقتة


وشكرا

barchelone
2010-07-17, 16:33
السلام عليكم اخوتي الكرام تحياتي لكل اعضاء هذا المنتدى النير

عندي استفسار فيما يخص ملف الضباط لسلك الدرك الوطني انا مقيم بوهران وانهيت هذا العام ليسانس في العلوم السياسية والعلاقات الدولية

بتقدير مقبلول لكن المشكل عندي عو الشهادة حيث حرمتنا الادارة من الشهادة المؤقتة وقالت تأخذون الشهادة الاصلية بسبتمبر واعطونا فقط

كشف نقاط السنوات الاربع فهل يمكن استخدامه بملف الضباط وهل يقبلونه وفي الختام لكم مني جزيل الشكر والعرفان

هل يعتبر هذا كشف النقاط كبديل عن الشهادة المؤقتة


وشكرا

وعليكم السلام
يا أخي أنا العام اللي فات ما دفعنش الديبلوم وادفعت شهادة نجاح في السنة الثالثةlmd ونورمال حكمو الدوسي ..

عفاف87
2010-07-20, 19:33
سلام
من فضلكم أنا متحصلة على ماستر في الإعلام اآلي عمري 24 سنة هل يمكنني الأنخراط في الدرك الوطني لقد سألت وأخبروني أنه ممكن لكن المصدر غير موثوق أرجوكم
وهل يلزم لذلك معريفة لأنه معريفتي مع ربي سبحانه

عفاف87
2010-07-20, 19:47
أرجوا منكم إخوتي الكرام الرد بسرعة

barchelone
2010-07-20, 21:50
أرجوا منكم إخوتي الكرام الرد بسرعة
السلام عليكم
أخت عفاف يمكنك الإنخراط في صفوف الدرك الوطني وحتى في باقي الإختصاصات -تكوين خاص- برتبة ملازم-
أنا راني سقسيت جماعة الدرك الوطني كي دارو أيام مفتوحة وقالولي بلب راه مازال هذا التكوين مي راه التحت التحت ..إذا كانت عندك معريفة ادفعي الدوسي..بالتوفيق ان شاء الله..

عبد النور مكي
2010-07-21, 00:02
خويا عبد النور بالنسبة للجمارك
السؤال الاول:نخلص الموندا ومنبعد ندفع الدوسي وللا العكس؟
السؤال الثاني:اسكو نهار اللي تحط فيه الدوسي هو نهار امتحان البسيكو ؟
وادا حبيت زيدنا شويا نصائح واعطينا رايك في الجمارك
واسمحلي بزاف على الديرونجمون وبارك الله فيك

تخلص الموندا و من بعد تدفع
تفوت البسيكو نهار تحط الدوسي
رايي في الجمارك هو انه لازم عليك تصبر لانك رايح تشوف صوالح مايليقوش بشخصية مسلم ....

مكانش مشكل خويا سقسي و انا نجاوبك على قدر معريفتي

عبد النور مكي
2010-07-21, 00:18
السلام عليكم أما بعد
أود أن تنصحني أخي ماذا أفعل فأنا في حيرة من أمري :confused:
لقد تخرجت هذه السنة ليسانس و عمري الآن 22
ربما رايح نعقب لارمي في في سبتمبر 2010 أو في مارس 2011
كذلك أود أن أعرف ما هو الأفضل الدرك الوطني أم الشرطة أم الجمارك
و شكرا مسبقا أخي:sdf:

اذا حبيت الدرك ادخل دروك قبل ما تفوت لارمي....لان السن تاعك راح يفوت....كما انه بانخراطك في الدرك تعفى من الخدمة الوطنية لانه كل تابع لوزارة الدفاع

اما عن الافضل فكل و مواصفاته و انا نعطيك الشي لنعرفه على كل سلك

الدرك الوطني:
العمل الشاق......الراتب الشهري جيد (رقيب 360000دج)
البعد عن الاهل......تحصل على مسكن بمجرد زواجك
البرميسيون قليل....مدة العمل قصير اكثر حد 25 سنة براتب تقاعد 100% و اذا حبيب دومي روترات براتب 80%
الشرطة
مدة العمل 35 سنة
راتب شهري 280000دج و 420000 لمفتش شرطة
تحصل على مسكن وظيفي او ربما مكان عملك يكون بالقلاب من مكان اقامتك
الجمارك:
راتب شهري لضابط 210000دج
مكان العمل الحدود سواء البرية او البحرية او الجوية

هذا اللي نعرفه و بالتوفيق

المشرف العام
2010-07-23, 11:47
شكرا لك المكي على فتح هذا النقاش انا دفعت الملف نتاعي في نهاية افريل هذا العام ومن بعد دارولي اللونكات في ماي ومن بعد اعطوني استدعاء للفحص الطبي في 17 جوان والان راهم عطاولي الاستدعاء باش نلبس في 27 جويلية
وراني حاير اما نروح اما ما نروحش كاين بزاف لي قالولي راك تندم قالولي كمل الجامعة خير لك المهم هو انني لحد الساعة راني دركي

المشرف العام
2010-07-23, 11:49
المهم نتمناو العقوبة ليك ونتا واش الجديد عندك بعد ان دفعت الملف نتاعك

siefou1989
2010-07-23, 14:21
اذا حبيت الدرك ادخل دروك قبل ما تفوت لارمي....لان السن تاعك راح يفوت....كما انه بانخراطك في الدرك تعفى من الخدمة الوطنية لانه كل تابع لوزارة الدفاع

اما عن الافضل فكل و مواصفاته و انا نعطيك الشي لنعرفه على كل سلك

الدرك الوطني:
العمل الشاق......الراتب الشهري جيد (رقيب 360000دج)
البعد عن الاهل......تحصل على مسكن بمجرد زواجك
البرميسيون قليل....مدة العمل قصير اكثر حد 25 سنة براتب تقاعد 100% و اذا حبيب دومي روترات براتب 80%
الشرطة
مدة العمل 35 سنة
راتب شهري 280000دج و 420000 لمفتش شرطة
تحصل على مسكن وظيفي او ربما مكان عملك يكون بالقلاب من مكان اقامتك
الجمارك:
راتب شهري لضابط 210000دج
مكان العمل الحدود سواء البرية او البحرية او الجوية

هذا اللي نعرفه و بالتوفيق

اخي معلوماتك خاطئة 100 ب 100 اخي مفتش شرطة باخذ 27000

!?زين الدين?!
2010-07-23, 14:50
اخي معلوماتك خاطئة 100 ب 100 اخي مفتش شرطة باخذ 27000

راتب مفتش شرطة 34000دج اما راتب عون أمن 27000 دج ضابط شرطة 42000 دج

!?زين الدين?!
2010-07-23, 14:51
راتب رقيب دركي 32000دج عند التخرج

biskrie
2010-07-24, 00:19
السلام عليكم
يا خاوتي واش الحل مع هذي الإدارة لم نستلم الديبلوم بعد ؟

عبد النور مكي
2010-07-24, 10:46
شكرا لك المكي على فتح هذا النقاش انا دفعت الملف نتاعي في نهاية افريل هذا العام ومن بعد دارولي اللونكات في ماي ومن بعد اعطوني استدعاء للفحص الطبي في 17 جوان والان راهم عطاولي الاستدعاء باش نلبس في 27 جويلية
وراني حاير اما نروح اما ما نروحش كاين بزاف لي قالولي راك تندم قالولي كمل الجامعة خير لك المهم هو انني لحد الساعة راني دركي

نعطيك نصيحة اخي.....ماتشاورش الناس في لافونير تاعك.....كل واحد واش يحب....شوف انت واش راك حاب

اذا كنت استخرت الله نقولك روح كمل راه فيها الخير ليك و اذا كنت ماستخرتش الله استخر الآن لانه مازال كاين تفوت عند البسيكات في مركز التدريب.....

انا ما دفعتش الملف لاسباب عائلية ...
بالتوفيق اخي

عبد النور مكي
2010-07-24, 10:47
اخي معلوماتك خاطئة 100 ب 100 اخي مفتش شرطة باخذ 27000

شكرا للتوضيح اخي ...:19:

biskrie
2010-07-24, 12:39
السلام عليكم
هل من مجيب ؟

httrack
2010-07-25, 16:12
السلام عليكم
هل اختصاص طبيب مطلوب في الدرك الوطني من أجل التكوين الخاص

عبد النور مكي
2010-07-25, 18:52
مطلوب مطلوب ...ادفع و توكل على الله

httrack
2010-07-25, 19:49
مشكور أخي و ان شاء الله كي غير نهز الديبلوم غادي نتوكل على ربي و ندفع

youpy
2010-07-25, 22:45
هل هناك سن محددة في التكوين الخاص ..... وهل تقبل شهادة الليسانس في الترجمة بارك الله فيكم

عبد النور مكي
2010-07-26, 13:06
اقصى سن اللي نعرفه هو 23 سنة كحد اقصى
اما شهادة ليسانس في الترجمة فهي مقبولة ان شاء الله

siefou1989
2010-07-26, 13:24
راتب مفتش شرطة 34000دج اما راتب عون أمن 27000 دج ضابط شرطة 42000 دج

يا اخي توقف عن تضخيم الرواتب اخي الكبير مفتش شرطة راتبه بعد سنة من التخرج 27000

siefou1989
2010-07-26, 13:28
شكرا للتوضيح اخي ...:19:

لا شكر علي واجب الشكر لك علي هذا الموضوع الجيد و الله استفدت منه كثيرا

kader74
2010-07-26, 20:43
السلام عليكم يا إخواني
أنا تلميذ في السنة الثالثة ثانوي مع العلم أني خسرت هذا العام البك
وإريد الإلتحاق بالدرك الوطني
ماهي الرتبة التي يسمحون لي بالإلتحاق بها أطلعوني على الرد من فضلكم ومع آخر أجل لدفع الملفات
والسلام عليكم

srapo27
2010-07-26, 20:59
السلام عليكم يا إخواني
أنا تلميذ في السنة الثالثة ثانوي مع العلم أني خسرت هذا العام البك
وإريد الإلتحاق بالدرك الوطني
ماهي الرتبة التي يسمحون لي بالإلتحاق بها أطلعوني على الرد من فضلكم ومع آخر أجل لدفع الملفات
والسلام عليكم

المشرف العام
2010-07-26, 22:01
بالنسبة للذين لم ينجحوا في الباك فهم يعتبرن دركي عون اي كابران والملفات تدفع في هذه الايام وهي قريب ان تنتهي

srapo27
2010-07-26, 22:41
شكرا أخي وجزاك الله ألف خير

tinza
2010-07-26, 22:59
السلام عليكم و رحمة الله و بركاته
كما قال هتلر الجيش ملجأ الفاشلين
أما عن الأخوة الذين ينون الدخول أو الإنخراط في الدرك الوطني
فسيرون الويلات ويلات التدريب
هناك 45 يوم من التدريب الشاق أو بما يعرف بfcb
formation continue de base
ولي سؤال لبنت سألت عن إرتداء الحجاب في الدرك الوطني
التي ترتدي الحجاب عن قناعة لا تدخل للدرك الوطني و تجري بسروال وسط الرجال هذا هو النفاق بعينه
الدرك الوطني مدرسة منضبطة جدا و رائعة لأصحاب الشهادات التقنية و أصحاب المعرفة

الشيخ سعدان
2010-07-26, 23:58
http://www.youtube.com/watch?v=vHluQi4KzSk&NR=1

nasnous1988
2010-08-11, 14:21
عمري 22 سنة بمستوى ثانية ثانوي علوم تجريبية بالإضافة إلى شهادة الإعلام الآلي وأريد الإنخراط في صفوف الدرك الوطني دفعت ملفي وأجري لي الفحص الطبي الأولي و قبلت وأريد معرفة متى يتم فتح مدارس الدرك الوطني .... شكراً

Boualem Mohamed
2010-08-12, 11:52
أرجو من الإخوة الكرام المساعدة في أقرب وقت ممكن اني من مواليد 27/12/89 حاصل على شهادة ليسانس علوم اقتصادية وقد قمت بتكوين ملف الإنضمام إلى صفوف الدرك الوطني لإلا أنه عند تقدمي إلى الفرقة الولائية للدرك الوطني بتيارت يوم 08/08/10 تم الترحيب بي و قيل لي ادفع الملف قبل 10/08/10 مع العلم أني طلبت تخصص ضابط تكوين أساسي ولكن عندما كونت الملف وذهبت يوم10/08/10 قيل لي بأن الدرك لا يحتاج حاملي شهادة الليسانس و أنه بامكاني التسجيل في سلك صف الضباط هل هذا قانوني و هل فات تاريخ التسجيل فعلا

إلهام2009
2010-08-12, 12:32
السلام عليكم ورحمة الله وبركاته
من فضلكم شروط الاالتحاق ..............الشهادة ....................السن .........................
مشكور

youcefboy
2010-08-12, 12:44
السلام عليكم ورحمة الله وبركاته
من فضلكم شروط الاالتحاق ..............الشهادة ....................السن .........................
مشكور
:dj_17: لكن أختي آخر أجل كان أول أمس 10/08/2010:mh31:

عبد النور مكي
2010-08-12, 14:26
أرجو من الإخوة الكرام المساعدة في أقرب وقت ممكن اني من مواليد 27/12/89 حاصل على شهادة ليسانس علوم اقتصادية وقد قمت بتكوين ملف الإنضمام إلى صفوف الدرك الوطني لإلا أنه عند تقدمي إلى الفرقة الولائية للدرك الوطني بتيارت يوم 08/08/10 تم الترحيب بي و قيل لي ادفع الملف قبل 10/08/10 مع العلم أني طلبت تخصص ضابط تكوين أساسي ولكن عندما كونت الملف وذهبت يوم10/08/10 قيل لي بأن الدرك لا يحتاج حاملي شهادة الليسانس و أنه بامكاني التسجيل في سلك صف الضباط هل هذا قانوني و هل فات تاريخ التسجيل فعلا

هذا يعود ليك اذا حبيت طيح النيفو تاعك و تدخل سارجان..
اما بالنسبة للاجل فانه انتهى يوم 10 اوت

انتظر العام المقبل و جرب مرة ثانية سلك الضباط

بالتوفيق

عبد النور مكي
2010-08-12, 14:29
السلام عليكم ورحمة الله وبركاته
من فضلكم شروط الاالتحاق ..............الشهادة ....................السن .........................
مشكور

الجنسية الجزائرية ..الياقة البدنية العزوبة

من الاولى ثانوي الى 3 ثانوي بدون الباك =====الرتبة كابران

شهادة الباك فما فوق بدون ليسانس=====رتبة سارجان
شهادة ليسانس ===رتبة ضابط

السن ما بين 18-23

بالتوفيق

gonne
2010-08-12, 16:58
ممكن مواضيع الامتحان الكتابي

Boualem Mohamed
2010-08-12, 20:13
المشكلة أخي ليست بتطياح النيفو مثل تفضلت ولكن الخدمة الوطنية في الانتظار ولاتسمح لي مرة أخرى بنفس التجربة

aliamrane
2010-08-12, 22:05
اخطيك من الكاسكيطة يا اختي ماهيش للنساء المحترمات بلادنا راحت فيها والا مالقيتي خدمة استناي الراجل المكتوب ليك وتعيشي حياتك معاه وديروا عائلة هذه نصيحة في وجه الله

aliamrane
2010-08-12, 22:08
انا قدمت وجهة نظري ونصيحة للبنات المحترمات لانه ما الفائدة في دخولهم الاسلاك العسكرية والامنية ما عداالحماية المدنية ممكن شوي

عبد النور مكي
2010-08-12, 22:25
المشكلة أخي ليست بتطياح النيفو مثل تفضلت ولكن الخدمة الوطنية في الانتظار ولاتسمح لي مرة أخرى بنفس التجربة

بانخراطك في الدرك او الجيش تعفى من الخدمة الوطنية

elarabi09
2010-08-13, 14:07
السلام عليكم
أريد أن استفسر عن الراتب الحقيق للسارجون وهل يختلف من ولاية الي اخري الاني سمعت ان السارجون العامل في ولاية بومرداس والبويرة والجزائر راتبه مرتفع والامر الثاني لماذا كل الناس يقولون ان الردك الوطني مهنة صعبة
أريد أن اعرف عملهم بالضبطوشكرا

عبد النور مكي
2010-08-13, 15:26
السلام عليكم
أريد أن استفسر عن الراتب الحقيق للسارجون وهل يختلف من ولاية الي اخري الاني سمعت ان السارجون العامل في ولاية بومرداس والبويرة والجزائر راتبه مرتفع والامر الثاني لماذا كل الناس يقولون ان الردك الوطني مهنة صعبة
أريد أن اعرف عملهم بالضبطوشكرا

الراتب الادنى للسارجان 33000 دج....و يرتفع بالاقدمية و كلما زاد بعدك عن مكان الاقامة كلما ارتفع و خاصة الصحراء ربما قد يصل الى 40000دج

المهم خبزة حلالية و خلاص

صحيح عمل الدرك صعيب لانه يتعامل مع الشعب قضايا اجتماعية بزاف

والعمل في الدرك يخليك بعيد على الدار
كل شهرين او 3 اشهر تروح برميسيون لـ8 ايام و عطلة 21 يوم كل سنة

bilal 212
2010-08-13, 19:07
السلام عليكم
ممكن مواضيع الامتحان الكتابي للضباط وبارك الله فيكم

عبد النور مكي
2010-08-25, 22:02
وصلني اليوم الاستدعاء لاداء الفحص الطبي الاول للالتحاق بصفوف الدرك الوطني كدراج ناري برتبة ضابط صف

youcefboy
2010-08-25, 23:17
makach menha khoya meki
rabi ysahal 3lina w3lik nchalah

youcefboy
2010-08-25, 23:19
bansa9sik khouya meki
homa jaboulek convocation wla 3aytolek par tlf

youcefboy
2010-08-25, 23:34
3aytoulek par tlf
wla jabouhlek ledar
wsaha shourek

عبد النور مكي
2010-08-26, 00:01
عيطولي في التيليفون قبيل و قالولي ارواح تدي الاستدعاء و روحت جبته هذا وين....غدوة على 09:00 تاع الصباح نكون في وهران (مارفال) باش ندير الفيزيت

و انت مزال؟

صح فطورك شريكي

traductrice
2010-08-26, 13:35
فيما يخص الاختبارات ماذا بعد الفحص الطبي و النفسي و كم هي الفترة بين دفع الملف و الدخول في التربص

youcefboy
2010-08-26, 14:02
فيما يخص الاختبارات ماذا بعد الفحص الطبي و النفسي و كم هي الفترة بين دفع الملف و الدخول في التربص
أختي صح رمضانك
اما في ما يخص الدرك الوطني
انا دفعت ملف الانخراط وبعد يومين عيطولي باش ندير التحقيق لونكات
وراني نستنى حوالي شهر ويعيطولك باش ديري الفحص الطبي الأول وبعد الفحص الطبي الثاني وبعدهما البسيكو
وبعدها الرياضة
وبعدها المgاجية....
وصح فطوووووووووووووووووورررررررررررررككككككككككككككممم مممممممممممممممممممم.....:mh92::mh31:

traductrice
2010-08-26, 15:00
أختي صح رمضانك
اما في ما يخص الدرك الوطني
انا دفعت ملف الانخراط وبعد يومين عيطولي باش ندير التحقيق لونكات
وراني نستنى حوالي شهر ويعيطولك باش ديري الفحص الطبي الأول وبعد الفحص الطبي الثاني وبعدهما البسيكو
وبعدها الرياضة
وبعدها المgاجية....
وصح فطوووووووووووووووووورررررررررررررككككككككككككككممم مممممممممممممممممممم.....:mh92::mh31:

يعيشك و انت زادة....معليهش نسقسيك على الفحص الكتابي بالنسبة للظباط بما اني متحصلة على ليسانس في الترجمة كاين و الا لا ...و لكان كاين كيفاه يكون و صح فطورك:1:

alnformatic
2010-08-28, 07:45
ممكن افادة يا اخوة

دفعت ملف دركى عون

اجريت الفحص الطبي فى 8 اوت

درت لونكات فى 27 اوت iهل يعنى قبولى

ممكن تفيدونى وقتاه يبعثولى باه نروح

FaRiD_m77
2010-10-29, 09:52
نورمالمون انت راك من جماعة 15 ستتمبر والله اعلم بالتوفيق
قاع راهي باحر فيما يخص ظبطا واعوان هل انتهت كل دفعات 2010 ولا مزااااال

عبدالقادر 02
2010-10-29, 12:10
hijab?????? fi waste dark hhhhhhhhhhhhhhhhhhhhhhhhhh

cooool
2010-12-28, 17:02
السلام عليكم و رحمة الله و بركاته

ممكن معلومات عن ملف الإنخراط في الدرك الوطني هذه السنة

و شكرا

منتهى الرقة-*
2010-12-29, 19:16
السلام عليكم

هذا سؤال طرحته نيابة عن زميل لي

لديه شهادة جامعية تطبيقية deua محاسبه و ضرائب

سنه 24 سنه

هل يمكنه الانخراط في صفوف الدرك الوطني

اذا نعم

ماهي الرتبه

فخرالدين
2010-12-29, 19:24
غير ممكن . التكوين الخاص توقف بحيث كان السن اقل من 28 سنة لكن بمستوى مهندس فما فوق . اما شهادة الدراسات العليا او الليسانس السن 23 سنة الرتية ملازم * والله اعلم

youcefboy
2011-01-01, 20:01
عام سعيد كل عام وانتم بخير
اما بعد اريد الاستفسار عن الاستدعاءات
انا سجلت في اواخر جويلية 2010 في صفوف الدرك الوطني رتبة ضابط صف واجريت التحقيق وانا الان في انتظار استدعاء الفحص الطبي
لكن السؤال هل فعلا سيتم استدعائي ام ماذا؟
لان هناك من يقول انه علي الانتظار لان المدة تكون طوبلة بين التحقيق والاستدعاء وهناك من يقول انه فات الاوان .
لذا ارجو من الخوة التفاعل.

العيد الشمامي
2011-01-01, 20:39
يا اخي.............. ابن عمي تم استدعاءه الاسبوع الفارط ضمن صفوف الدرك الوطني رتبة عريف ، لعلمك فقد وضع ملف الانخراط سنة 2008 ..بالتوفيق

عبد النور مكي
2011-01-01, 21:26
يعيطولك ما تخافش

amine mobile
2011-01-01, 21:31
أنا حسب علمي تم إستدعاء المترشحين ضباط الصف و هم الأن في التربص، لأن الإستدعاءات في الدرك لا تطول كام في الشرطة فلي صديقين تم إستدعاؤهما وهما الأن في سيدي بلعباس .

!?زين الدين?!
2011-01-01, 21:32
اخي الكريم دفعات ضباط الصف هي الان في تربص مند أوت الماضي للأسف لقد فات الاوان

الماريشال
2011-01-11, 13:06
--------------------------

abdoub1
2011-01-11, 13:20
السلام عليكم ورحمة الله وبركاته
إخواني متى سيبدأ التسجيل للدفعة الجديدة ظباط الصف
وشكرا

kader12345
2011-01-11, 14:03
juillet 2011

!?زين الدين?!
2011-01-11, 15:42
تدخل رتبة ضابط صف( رقيب)...لكن يطلبو منك شهادة المستوى الجامعي لربما من أجل الترقية من بعد ..يعني تكون ليك فرصة في الحصول على الترقية نظرا لمستواك الجامعي..
و اذا حبيت كاين دفعة في اوت خاصة بالضباط و انت السنة هذي تكمل

الترقية كيفك كيف واحد عند الثالثة ثانوي لاانو كي تتدخل تكتب تعهد بالتنازل عن مستواك الدراسي وبأنك لا تتكلم عن مستواك أمام ضباط الصف أقل مستوى منك وهدا الكلام عن تجربة

LALWAYN
2011-01-11, 16:10
هل يتم صحيح دفع المبفات حاليا من اجل الترشح كظابط صف...........ارجو الرد

عبد النور مكي
2011-01-11, 17:51
ليس حاليا ..يوم ايداع الملفات سيكون في 15 او 16 جانفي 2011....يعني الاسبوع المقبل

LALWAYN
2011-01-11, 18:32
شكرا لك عبد النور...لكن لدي استفسار اخر انا حاصل على شهادة اليسانس في العلوم القانونية ما هيي وضعية الملف ضابط صف ؟؟ وهل دورة الحرس الجمهوري في نفس الايام ومشكور سلفا على ردك لان عمري حاليا22سنة لكن بحلول ماي سأكون 23سنة اظنك ستفهم الوضعية شكرا لك

عبد النور مكي
2011-01-11, 20:49
تريد ملف ضباط الصف؟

و بخصوص الحرس الجمهوري الدورة تكون في افريل

LALWAYN
2011-01-11, 21:33
اخ عبد النور انا ابلغ من العمر 22سنة لكن في ماي سأدخل 23سنة وانا حائر هل الملف الذي سأضعه في الدرك كضايط صف ام ماذا واريد ان اعرف الحال نفسه بالنسبة للحرس الجمهوري بصريح العبارة المهم نمشي للجيش وفراااااااااااااااااااااااااات ارجو الرد منك وشكرا

عبد النور مكي
2011-01-11, 22:23
بخصوص السن راك في خطر ان صح التعبير هههههه

الملف تدفعه الآن في الدرك ضابط صف نعم و نفس الشيئ بالنسبة للحرس تدخل سارجان

زيد واش حاب تسأل قلب ما نروح نرقد هههه

zaki10
2011-01-11, 22:28
السلام عليكم
انا عندي السنة الثالثة ثانوي عبر المراسلة هل عندي حق في ادع الملف في صفوف الدرك الوطني ارجو الرد اخي الكريم شكرا مسبقا

amine-maghnawi
2011-01-11, 23:20
السلام عليكم
انا عندي السنة الثالثة ثانوي عبر المراسلة هل عندي حق في ادع الملف في صفوف الدرك الوطني ارجو الرد اخي الكريم شكرا مسبقا

ايه تقدر الشرط السن اقل من 23 سنة

و تذخل كابرااااااااااااااااااااان و لا كابران شااااااااااااااف

LALWAYN
2011-01-12, 09:13
سلام عبد النور لو كنت مكاني تدفع بالباك خير ولا بالليسانس؟؟؟؟؟؟؟؟؟؟؟؟؟؟؟؟؟؟؟

tozbama
2011-01-12, 10:52
وقتاش تبدا الدفعة الجديدة نتاع ضباط الصف علابالي بلي في 2011 بصح واشمن شهر افيدوني

عبد النور مكي
2011-01-12, 15:44
سلام عبد النور لو كنت مكاني تدفع بالباك خير ولا بالليسانس؟؟؟؟؟؟؟؟؟؟؟؟؟؟؟؟؟؟؟

اذا راك حاب ضابط صف (سارجان) ما تقدرش تدفع بالليسانس اما اذا حبيت تدخل ضابط فذلك قرارك
بالنسبة لي شخصيا نفضل سارجان على ضابط ...ما نحبش المسؤولية نتاع الدولة...

عبد النور مكي
2011-01-12, 15:45
وقتاش تبدا الدفعة الجديدة نتاع ضباط الصف علابالي بلي في 2011 بصح واشمن شهر افيدوني

15 او 16 جانفي 2011...

JABAWOCKEES
2011-01-12, 19:19
تسمى اوكان ندفع بالليسانس نتنازل على المستوى ؟؟؟؟؟؟؟؟؟؟؟؟؟؟؟

عبد النور مكي
2011-01-12, 19:23
بالضبط..تدخل نفس المستوى مع صاحب باكالوريا ...تتنازل عن 4 سنوات دراسة

JABAWOCKEES
2011-01-12, 19:32
وأين سأضع اربع سنوات يظهراي نفسي عزيزة عليا في قضايا كيما هكا خاصة انو لوكان مشيت كي جبت الباك راني خدام حاليا وبقاو 3سنوات نكمل الكونترا الاولي ولا واش قلت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

medmay86
2011-01-12, 19:50
واش مازال ما يدفعو تاع هد العم.

medmay86
2011-01-12, 20:01
واش مازال ما يدفعو تاع هد العام.

عبد النور مكي
2011-01-12, 20:55
وأين سأضع اربع سنوات يظهراي نفسي عزيزة عليا في قضايا كيما هكا خاصة انو لوكان مشيت كي جبت الباك راني خدام حاليا وبقاو 3سنوات نكمل الكونترا الاولي ولا واش قلت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

آه في هذي صاحبي انت تعرف...كل واحد و الظروف نتاعه
ربي يوفقك

عبد النور مكي
2011-01-12, 20:57
واش مازال ما يدفعو تاع هد العام.

16 جانفي 2011

منتهى الرقة-*
2011-01-12, 20:59
لي عنده

23 عام و شهرين
بصح ف 2011 تنحسب 24 سنه

هل يحسبو بالشهور او السنه

عبد النور مكي
2011-01-12, 21:36
ما تقدرش تدفع الملف راك فوق السن القانوني (23 يوم ايداع الملف) لكن اذا كنت تدرس و هذا العام تخرجت تقدر تدفع

youcefboy
2011-01-13, 18:18
mes amis je voudrai vs dire que la convocation wasletni lyoum
pour la visite médicale
d3ouli m3akom
rabi yahfadkom

عبد النور مكي
2011-01-13, 20:15
بالتوفيق صاحبي

JABAWOCKEES
2011-01-13, 21:26
وفي حالة التخرج وكون السن 23سنة وشهرين ما هو الموقف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟