مشاهدة النسخة كاملة : وما تنسوشي السوفية
ريحانة
27-10-2007, 01:16 PM
وش حالكم ما تنسوناشي نحن السوافة لهجتنا سمحة واجدة ممكن نعلمهالكم، راهي مشي واعرة.
lalla
27-10-2007, 01:54 PM
راني عارفة بلي راهي سمحة ياسر كون جيت منيش عارفة مندخلش اصلا هني
يعطيك الصحة خويتي ريحانه
messaoud retima
08-11-2007, 07:55 PM
صحح ابدانك وطير شيطانك وخيتي الحنانة حديثنا سمح ياسر ياسر ما يقد عنه حتى واحد في الدنيا اكلها اوزيد حتى حنايا انزطلوا احضر يا زين وكدس علينا
كي نبدوا الحديث بالسمروط والسرسوط واحنايا قاعدين في الهود الضهراوي والافي الزريبة انتاع خالتي محضية
الله ينوب عليك وعليا تو هاني رايح نرفع زنيبيلات تراب عن لشهب الضهراوي.
lalla
09-11-2007, 11:41 AM
ربي يعينك ان شاء الله
وما تنساش دار السقيفة حتى هي لازمها تترمل بالتراب كي عوايد ناس بكري
messaoud retima
10-11-2007, 01:00 PM
الله يعينا ويعينك يا الحاذقة ولمزورة دار السقيفة رملتها ولمسين والله ما عادها عفيني وخلي عليا منها اهي مفرشة اكلها بالبخانيق لمخططة
messaoud retima
10-11-2007, 09:46 PM
وينك يا لالة وين غبتي اظهري ونشريلك حولي وملحفه ونذبحلك طلاق احو
lalla
10-11-2007, 11:03 PM
هههههههههههه الحولي نتاع زمان امبوسيبل كان نلبسه نو نو نو واش بيك رانا عدنا في زمن اللبسة نتاع لاتيتي هههههههههههه
messaoud retima
10-11-2007, 11:09 PM
امالا نشريلك قدوارة وبنوار مسجر وسورية سيتان ومرحمةقش غابة
lalla
10-11-2007, 11:15 PM
قندورة ماهي قدوارة هاديك تلباسها انتا وتروح بيها للصلا تاع الجمعة وبالنسبة للباقي راهي مقبولة منك
فتح الدين
10-11-2007, 11:37 PM
البخنوق والحولي والحفاية كل كيف هدرتنا يا لالة
messaoud retima
11-11-2007, 09:35 PM
فتح الدين اسقرني مليح ياسر عدكم انتم السيتان والفيبران والفينة والميلاس والزرزي كان ماعدكمشي قلي
خلي اندزلك منهن مشوار
right click
24-11-2007, 11:48 AM
بوركت
يمنع وضع روبط مواقع أخرى
zoheir39102
27-11-2007, 09:39 PM
يا وشحالكن
ريحانة
29-11-2007, 01:27 PM
صحيــــــــتوا، صــــــار ، انتم قاعدين هنا ناصبين الحلقة وانا مشي فايقة بيكوم،
تراو هالميكرو كان فاسد، على هكاكه ماكنتش انطل اعليكم،
نا والله كان نشتيه الحولي اتاع بكري، عندنا منو هكا عرس قتلهم مانلبس كان حولي بالسفايف
الامودة واتقمقيم انخلوه ال بلايصه.
هيا في لامان هالساعة، وساعدو ارواحكم.
في وداعة ربي.
messaoud retima
30-11-2007, 06:56 PM
بارك الله فيك ريحانة الحنانة الحولي بالسفايف والا الملحفة البيضاء هي اللي عادت لا مودة تو موشي هاك اللبس لمنتفه اللي يضلي فيها الواحد بحال شيطان حلوة الله معافينا داير في روحه خيماضة وفرتاكه ربي يستر
نايا نلبس كان القداوير انتاع الصوف اللي مسدرة باليدين
يا نوم العين هيا فيلا مان تو الربح وسعود ليام
sasasasa
01-12-2007, 10:57 AM
الله يبارك انو هني وش حالكم وينكم مبنتوشي كل هالمدة يالله ياجماعة عرسي قرب بش تحضرو للحنة وترقصو راني جايبلكم ادريس التومي وردوبالكم متجوشي وانتي ياطفلة هاتي الحولي ورواحي بش تلبسيه لهذي اللي مش شاهية تلبسه واشي ياجماعة عدت نوع سوفي مع اني من العاصمة وشرايكم عدت سوفي ولا مازلت عاصمي كل كلمة مانفهمهاش نسول جارنا السوفي يشرحهلي
ريحانة
01-12-2007, 01:40 PM
وشحالكم
تاوش بيك هكا يا ساساساسا باين عليك سوفي ميصل،
خفته صاحبك الي من بلاد الدزاير، تراك جايبها قدقد،
نا جايني راك سوفي، قر قر راو عيب الواحد يتنكر لاصلو
وقولنا وقتاش عرسك، كاتن عرضتني ،خفته انجيك وكان جيتك وعاهد ربي كان نلبسلك حولي واعليه الكلام
من اتاع بكري الي ماعادوشي يخلقو تو،
اي تفكر بش تعرضنا بركة.ان نستنو.
sasasasa
01-12-2007, 04:14 PM
لالا ياريحانة انادزيري بالصح ولكن صاحبي محمود هو اللي تكلم بحذايا بزاف علاجال هدا فهمتها مليح وقدرت نتكلمها ولوكان حبيتي تجي عدنا في جسر قسمطينة "قرية في العاصيمة "مرحبا بيك بصح الحولي تلبسيه ولا غي ماكلاه تجي انتوما السوافى يخرج عليكم وعرسي مازال مطول شوية لاعلى خلال العشر السنين الجاية ونشكرك على اللغة اجميلة اللي تتكلمو بيها نحب نقراها ونسمعها ولوكان واحد عندو شريط ولاملف صوتي يتكلملي بيه شوي بالسوفية يكون دار فيها مزية هكا مه ردوبالكم تنسوني ابقو ديما متفكريني
ريحانة
02-12-2007, 11:45 AM
صباحك بالخير يا ساساساسا، تا ربي كيفاش تقولونا عرسي قرب وامبعده تقولونا راو افهالسنين الجايه، انت قاعد تتمسخر بينا عل الحسب، وانا الي مشيت اولمسين انقص في كتان الحولي، الي بسفايفه من الفابريكا، الله يهديك ويصحح ايمانك، وقول لمحمود ينحلك هالبزاف وهالذركة راهي خاطيتنا كانك شاتي تولي سوفي.
ريحانة
02-12-2007, 11:56 AM
ايماو هكا والا لا...؟؟...
messaoud retima
02-12-2007, 08:54 PM
ريحانة اوصاية وسع كان قصيتي الكتان قصيه فيبران على خاطر ما يشرب ما يحلب وافوق هذا اكل كتانه لاين ورهيف وحتى كان حبيتي مرة اخرى تغسليه دويله يتغسل
ام كانه نوع اخر كي الفلزيان والا السيتان والا الزرزي والاالميلاس حتى في غسلانهم لازملهم الدباغ كي العكه والا المزود والا النافول
ريحانة
03-12-2007, 01:00 PM
الحمالديك يا مسعود على هالوصايه المزيه مازلت ماقصيتاشي ، تراو قالي مولى الكتان راو عاد كتان جديد يجيبو فيه من تونس
مخصص للحولي، جاي فالنيلو، قتله بر ى برى مش هذا الي يليق، نا كان عندك فيبران اطيني كان ماكانش ماكان لاه.
السلام عليكم واشي القعدة قلبتوها سوفية انا عضو جديد ارجوكم اشرحولي حتى شوي من كل هذا الحوار
ريحانة انا اضنكي انك سوفية اذا ما اخطأت لانك تتحدثي سوفي
ريحانة
05-12-2007, 01:43 PM
وانت عندك شك ول، راني سوفيه ونص وثلاثه ارباع، والا ما عجبكشي حديثي
كان شاهي تتعلم حديثنا قولي بركه راني انعلمك، بالصح قولي اساعه انت منين من بلاد ادزاير والا من قسمطينه
والا شاوي والا لموشي، بش نعرفك اقريب لينا ول
هاني نسنا فيك تردلي الخبر، في لمان هالساعه
مساء النور راني سوفي حتأ نايى حكة و لا غيرها
ريحانة انتي من وين بالضبط في الوادي ولعل رانا جيران و حنايا ماشين عرفين
ريحانة
05-12-2007, 01:55 PM
قول ات لول
كانك ماكش خويا ذات...
ريحانة وينك راكي هناية واش بيكي ما رديتش و الا الساؤل ما عجبك
راني من الوادي صونطر اي اني من تعرف اري الملاح ثم وين نسكن و انتي وليكو في علمك اني ماني خاويا
lalla
05-12-2007, 03:59 PM
مرحبا بالسوفي الجديد
في المنتدى
الهاشمي
05-12-2007, 08:32 PM
وشحالكم لاباس
نايا دخلت اليوم معاكم جديد
وسوفي ميصل وعشي ثانا
وشحاتلكم الكل راكم بخير ماهي
اهدي تحياتي الى الاخت ريحانة مع العلم بان اسم ريحانة عزيز عني ياسر ياسر
messaoud retima
06-12-2007, 10:07 AM
اهلا هشومه ومرحبا بيك حتى كان انت رحبت كان بريحانة بركه
ونسيت الجماعة اكلها لكن حنايا اذا رحبت بواحد رحبت بينا الكل اللي رحب بخوك رحب بيك
هيا على خير
gaga amel
06-12-2007, 07:46 PM
خاوتي راني نموت في اللهجة السوفية و نحبها واجد بصح عندي معلومة ما نعرفشي لاكنها صحيحة و لا لا
قالولي انو لهجة قمار ماهيش كيف لهجة الواد
الهاشمي
06-12-2007, 08:01 PM
اهلا بيك مسعود
واش حالك
ما تلومنيشي يا خويا
صدقني راني كي نسمع اسم ريحانة نضبب
هذا عليش اهديتها تحيتي
على العموم يا مسعود ما تتقلقش مني
خوك الهاشمي
messaoud retima
06-12-2007, 11:18 PM
اهلا هشومه مانيش مقلق خاطي حبيتك ترد السلام عن الناس الكل بركه باش ما يكونش تمييز
بصح قلي على وشي تضبب كي تسمع ها لسم والا ريحانة اسم والدتك الله يخلي هيللك سلمنا عليها يا هشومه
ربي يعاونكم في لامان
sasasasa
07-12-2007, 05:12 PM
صحيتو ياجماعة انشاء الله اكلكم بخير وعافية واهلا بالهاشميونحوس انا ثاني نعرف جواب السؤال اللي سولاته الاخت امال ونقللها مرحبا بيك معانا وانشاء الله الجماعة راح يجاوبو عن سؤالك
الهاشمي
07-12-2007, 05:30 PM
مسعود
الوالدة الله يرحمها ويوسع عنها واسمها يمينة
واما اسم ريحانة راني كيما قلتلك كي نسمعه ولا انشوفه مكتوب في كاش حاجة انظبب
حاول انك تعرف انت واش الي يخليني انظبب
اهلين بيكي أكثر lalla وشحالك و شحال الاهل انشاءالله بخير
lalla
08-12-2007, 08:00 PM
لابيس ربي يخليك والناس الكل
messaoud retima
08-12-2007, 08:55 PM
اهلا هشومة هاني عرفت عن واش اتضبب كي تسمع اسم ريحانة على خاطر الريحانة اللي اتضبب على جالها سجرة انتاع ريحان في حوشكم القبلاوي هكاكه والا لا فيلامان تو
messaoud retima
08-12-2007, 08:58 PM
عمتي لالة عن وشي متحلفه فيا راني حويذق وعويقل ياسر وما نستاهلشي يتحلفوا فيا وحتى كان يقولوا كان تحلفت فيك مرا بات قاعد نايا تو رايح باش نرقد على خير بصح لازم تقوليلي عن وشي متحلفه فيا
ريحانة
09-12-2007, 12:36 PM
صحيتوا يا وشحالكم يا لقعود اهنايا
ايمسيك بالخير يا الهاشمي، ربي يبارك فيك والله لا ينح مضربك
مرحبا بيك مع اخوتك واخواتك، بالصح اربي قولي علواشي اتضبب كي تسمع اسم ريحانه
والا المعلمه كانت اسمها ريحانه، خلي اعليك من الخرطي والكلام الفارغ ، ماو معلم كان ربي حاشاه وحاشا فضله
ربي يصحح ايمانك انشاءالله.
اما اوخيتي امال انقولك مرحبا بيك، وقاقه راهم عندنا هنا في الواد تاوش يكونولك، وعلى حديث ناس قمار راو بلحق مخالف شوي على لخرين،
بالصح اكل هو سوافة سوافة، ما ثم بعد كبير، ادعولي الله يبارك فيكم ربي يصلحلي كالميكرو وانعود انطل اعليكم كل يوم،
هيا عالخير هالساعة.
messaoud retima
09-12-2007, 01:17 PM
واش بيه ميكروك ريحانه قوليينا ربما انقدوا انعاونوك
ربي يثبت لجر على خير
ريحانة
09-12-2007, 01:30 PM
ايه يا مسعود المقدود وش انقولك اوش انخلي هالميكرو راو شيبلي راسي
والي غايضني فيه راو مازال ماسلكشي حتى حقه، برى شوف قسم الطلبات رام عادوا قالقين مني الجماعه ثم
من كثرة التقنقين والتخرنين، خاطي الله غالب ماعندي من يساعدني غير اولاد بلادي، وكيما يقول المثل: الي عاف ايده باش كلا.
عاوني بدعيوة خير ربي يبارك فيك.
الهاشمي
09-12-2007, 06:40 PM
اهلا بيك اختي ريحانة
والله ما عندي ما نقول غير ربي يصلح حالك وحال ميكروك
sasasasa
09-12-2007, 07:02 PM
السلام على من سمع فرد
اللهم اصلح حاله وسقم وينداوزه وكثر ارامه وزيد سرعته ونحي فيروساته وقلل اكله للترسيتي وابعد عنه كل نقناق وخرنان وجعله بانتويوم 5 يامن بيدك اجله وتعلم سره وخباياه
yassine10
10-12-2007, 12:00 AM
ختي قاع راحنا عارفين لهجتنا
ماتسحابيهاش الله يخليك حقرة
messaoud retima
10-12-2007, 12:07 AM
ما كان حتى واحد قال حقرة يا عمي ياسين اهلا وسهلا بيك في قعدات الغوط السوفية
ريحانة
10-12-2007, 12:16 PM
امساكم بالخير
ربي يبارك فيك يا بده ويقد ايامك على هاكدعيوات لمدلين
وات يا سي ياسين ، تاوا من قالك راهي حقرة هاذي، تاوش بيك هاكا،
راهي شرف هاللهجه، وبلعاني دايرين احليقة خير بش نجذبو الانتباه للهجة السوفيه،
وللناس الي دايرينها حقرة، اما نحن راو ماكانش ماخير من حديثنا، والي مشي عاجبه
يخبط راسه في القطاعه...حاشا القعود
اها يالله يزيك بلا تخرنين وخش معانا ويزي من لوي السانك راو مشي مليح واحد ينعم اعليه ربي بحديث كي حديثنا،
وهو يتحدث بحداديث اخرى
مرحبا بيك معانا، زدتنا شرف
مساء الخير عليكم راني هذا وين دخلت و لقيتكم تتحدثوا على اللهجة السوفية قلت خلي نشارك عادلي ياسر شاتية نلقى موضوع هايل كيما هذا:19:
اللهجة السوفية تاج راسنا و فخرنا و اعتزازنا و اللي يتحشم من اصله ما عنداشي اصل حشا السامعين :d:dنقصد الشايفين :d
اللهم صلي على النبي :)
messaoud retima
10-12-2007, 06:41 PM
اهلا بيك قمار في ها الميعاد السمح اللي ايزطل وللي زاداته لهجتنا زين عن زين وخلي عاد جماعة الميعاد وهم قاعدين في الصباط القبلاوي ما يلحق عنهم حتى واحد احضر يا زين وكدس عليهم هيا على خير تو هاني رايح كاش ما توصوا
lalla
10-12-2007, 06:45 PM
جبيلنا معاك قرعة تاع لاكريش كبيرة شوي ولا نقولك خليها زوز خير وخير ومعاها باكي نتاع قلب اللوز حتى نحلو التقصيرة احنايا والجماعة السوفية
مسعود موصلولكش القوادة راني متحلفة فيك واجد
قلي ليش خطراكش لك ياسر مبنتش في الميعاد وقلنا هدا زلي فينا وحقرنا
messaoud retima
10-12-2007, 06:57 PM
اللي يحقر ها الجماعة السمحة ما زال ما تولدشي
حقة قوليلي واش حالك وعن وشي متحلفة فيا والا نسيتي راني حويذق وعويقل ياسر ما نستاهلشي يتلحفوا فيا ونايا نحساب حتى كي يتحلف فيا كاش واحد انقولك انت وانت تقومي بالواجب معاه تضربيه بديفونيات ملاح تقسميله نخاه لكن راني بحال باش نبدل الفكرة اللي عندي لكن ما عليهش يا لالة
lalla
10-12-2007, 07:00 PM
معليش الغش راح تو
messaoud retima
10-12-2007, 07:06 PM
لكن ما قلتيليش عن وشو الغش اللي كان عني نايا لحويذق اللي كاين مني غير كعبة وحدة في ها الدنيا الكل
lalla
10-12-2007, 07:14 PM
عالقحط نتاعك مقديتش تجيبلنا حتى قريعة كريش معاك باش نقصرو بيها ولا زنين راك عارف الكاس ب5 ميه فرنك
messaoud retima
10-12-2007, 07:21 PM
الزنين انتاع كابو والا انتاع تباع الشمس
خاوتي راني نموت في اللهجة السوفية و نحبها واجد بصح عندي معلومة ما نعرفشي لاكنها صحيحة و لا لا
قالولي انو لهجة قمار ماهيش كيف لهجة الواد
اللي سمعته صحيح لهجة قمار ميشي كيف لهجة الواد خاطي ناس الواد الكل اهلنا و احبابنا :mh31:
ريحانة
11-12-2007, 11:56 AM
تاوش حالكم ياامالي الصباط، اوشحال الناس الي جونا اجدد،
تراو عيب يا مسعود ، مش تضيف الضيوف ول، حتى بقريعه اكريش امبوعه، يقرطعاها اتقرطيع
اه يالله ثور جيبنا واحده من الحانوت الى في القرن، وجيب معايا كرطونه قفريط،
راو عيب هالحديث، تتحشمونا ول، ياكي شفتي العيب.
الهاشمي
11-12-2007, 06:11 PM
واش ترا حالكم
راني توحشتكم الكل واجد واجد
ريحانة
12-12-2007, 01:19 PM
وش حالكم اليوم، يا غدادي منكم وش بيكم ما طليتوشي اليوم
انشاءالله لاباس، طمنوني عليكم.
هيا في وداعة ربي.
sasasasa
12-12-2007, 02:36 PM
صحيتو ياجماعة السمحة ادعولنا معاكم للشهداء اللي ماتو في التفجيرين اعرف اثنان منهم الله يرحمهم ويوسع عليهم
على خيييير
zoheir39102
12-12-2007, 08:21 PM
يزونا من الحديث طيبونا مفور ياله راهو غدا علينا الوقت .
zoheir39102
12-12-2007, 08:23 PM
ربي يرحم الى ماتو ان شاء الله وربي يهدي وتحيا الجزائر المجد و الخلود لشهدائنا الابرار.
messaoud retima
13-12-2007, 09:35 AM
اسيكم بالخير يا الله اوقفوا دقيقة سكات نترحموا فيها عن اللي ماتوا الله يرحمهم وايصبر اهلاتهم
ربي يهدينا وايوقضنا بعيوبنا
ريحانة
13-12-2007, 01:12 PM
صحيتوا
الله يرحم المومنين،
وربي يبرد هالجمرة يارب، اكل مانقولو بردت تعاود تنبع من جديد،
الله يصلح حال هالبلاد والعباد، ويهدي يارب
وانت يالي شاهي مفور شاهيه مفور كرم والا بالسناريه واللفت،
وبرى جيب الخضرة من الشريكه الضهراويه، هاني تنبدا ننصب المقفول..
mimi-dz
13-12-2007, 03:26 PM
ربي يرحم الي ماتو والي حيين ثاني والله محتاجين رحمة ربي
الهاشمي
13-12-2007, 06:03 PM
الله يرحمهم ويوسع عنهم ويلهم ذويهم الصبر والسلوان
اللهم امين يا رب العالمين
zoheir39102
14-12-2007, 05:29 PM
وينهن الى يلبسن الحولي كلهن عادو اجونا بلبسة طركفاش؟؟؟؟؟؟؟؟؟
ريحانة
15-12-2007, 09:58 AM
صباحكم بالخير
وش حالكم، راني عرفت منين يا سي زهير، انقولك والا لا؟؟؟..
messaoud retima
15-12-2007, 10:05 PM
اسيكم بالخير يا وجوه الخير وهيو على خير
ريحانة
16-12-2007, 11:27 AM
هاكا طول يا سي مسعود
لا قهيوة لا توي، تاويش بيك مزارب
اربي وش شاغبك...
messaoud retima
16-12-2007, 01:42 PM
دار الدنياء صعبت ياسر يا ريحانة يا الحنانة جيت باش انريح معاكم تفكرت الهمايم بلا علفة اديتلهم شوي عوله وهاني جيت انتي وينك تو
ريحانة
16-12-2007, 02:32 PM
ربي يبارك فيك يا مسعو المقدود، اربي استهلى شوي في هاك لعتريس راو اسوينق
اوشاهين نعتقوه شوي كاش ما نضحو بيه في هالعيد
ربي يقد ايامك
messaoud retima
16-12-2007, 06:04 PM
ربي ايقد ايامنا وايامك خاطي شاة الضحية رانا شرينا كبش حولي اقرن احم هسك ياسر باش انضحوا بيه
ياخي على بالك بلي الضحية بالضان خير من الماعز
وعيدك مبروك وعيك كل جماعة المنتدى وخاصة جماعة الحلقة الباهية الربح واسعود ليام
بنت نحناح
16-12-2007, 08:54 PM
انا سوفية وافتخر
ولهجتنا هى اقرب للعربية من الهجات الجزائرية الاخرى
على الخيييير
بنت نحناح
messaoud retima
17-12-2007, 09:26 AM
مرحبا بيك بنت نحناح في ها المجموعة البية ريحي نطيبولك
كويس تاي وكويكيوات حتى كانك معجولة راني عارف دار الدنيا ما هنت حتى واحد الربح واسعود ليام
بنت نحناح
17-12-2007, 07:37 PM
مرحبا بيك بنت نحناح في ها المجموعة البية ريحي نطيبولك
كويس تاي وكويكيوات حتى كانك معجولة راني عارف دار الدنيا ما هنت حتى واحد الربح واسعود ليام
يعطيكم الصحة على التاى وكوكاو
انا مانعرفشي نكتب بسوفية ياسر على خاطر صعيبة شوي في كتيبة
انشاء تفهمونى
messaoud retima
17-12-2007, 08:55 PM
اسيكم بالخير وانت يا بنت نحناح اسقريني مليح لازم تكتبي بالسوفية على خاطر راهي ساهله ياسركيما تتحدثي بيها اكتبيها هذا هو بركه
كيما نقولو يا سيدنالك هب الريح طرمسنه البراشن بعد ما حطيتهلهن في المذود على خاطر راهن ساقفات ياسر
ما قابلنكشي هاك ريحانة ولالة راهن عادلهن مدة ما باننشي ربي يقدر الخير كان صادفنك قوليلهن راهو مسعود متقلق عنكن ياسر على خير تو
ريحانة
18-12-2007, 10:05 AM
اصباجكم بالخير يا لقعود
الله لا يحيرك يا مسعود المقدود
راو كيما قلت انت الدنيا ما هنت حتى واحد
ومشاغلها كبيره، ربي يثبتنا على طاغته
وانتي يا بنت نحناح وشحالك ومرحبا بيك في قعدتنا
وماعتشي لتقولي راني ما نعرفشي نكتب حديثنا
تضحكي لعباد اعلينا ول
اها اتعلمي وخشي معانا يزيك الدلال
عيمكم امبارك للجميع
اسنين دليمه ورقابي سالمه
اللهم اغفر للجميع وربي يتقبل منا ومنكم صالح الاعمال
العاقبه ال داير.
ريحانة
18-12-2007, 10:24 AM
استغفر الله
اربي سامحوني على هالكتيبه لمكسرة
راهم ايدايا بردانين وكلاهم الصقع
اماله عادو اصباعي يشابطو على القفل
راني قصدت ربي يثبتنا في طاعته
و عيدكم امبارك
وسنين دايمه
اني عارفتكم افهمتوني
خاطي هاني انزيد انوضحلكم
الحمامة البيضاء
18-12-2007, 11:30 AM
للأسف يا جماعة أنا والله ماقدرت للسوفية
ريحانة
18-12-2007, 12:04 PM
مرحبا بيك يا الحمامه البيضاء
قولينا انتي منين بركه وما تخافيشي رانا انعلموك السوفيه
الي مافهمتيهش انفهموهلك المهم تفهمي السوفيه وتتعلميها
راهي سمحة واجدة
بنت نحناح
18-12-2007, 12:09 PM
اخلاص حتى انتى ماعرفتيش تكتبي مليح بالسوفية
بصح رح اكتب بالسوفية على جالكم
ريحانة
18-12-2007, 01:17 PM
الله يهديك يا بنت نحناح
تو نا ماغلطتش في الحديث غلطت في كتيبة الحروف
نا راني سوفيه محرحرة وما يفوتني حد في السوفيه.
messaoud retima
18-12-2007, 02:36 PM
كان نايا يا الفحلة راني نفوتك
الحمامة البيضاء
18-12-2007, 04:44 PM
شكرا لك أختي ريحانة
بنت نحناح
18-12-2007, 07:15 PM
اختى انتى منوين بالضبط في وادى سوف بعدين انتقلك ركى سوفية حرة ولا
هههههههه
انتمسخر معاك برك ردي بالك تغضبي
الحمامة البيضاء
19-12-2007, 10:54 AM
لا أختي عادي ماغضبتش أنا قسنطينية و قبايلية في نفس الوقت
بنت نحناح
19-12-2007, 03:17 PM
تشرفنا اختى واهل قسنطينة خيار الناس
messaoud retima
22-12-2007, 12:27 AM
اهلا بيك يا حمامة يا بيضاء وبكل الجزائريين بغض النظر عن الجهات والانتماءات لاننا في الاول والاخير كلنا اخوه
مرحبا بيك في قعدتنا قهوة والا تاي سوفي عماه الكوكاو وترييحا في السميدة الباهية على خير تو
lalla
22-12-2007, 10:43 AM
سح عيدكم الجميع اسفة لاكن الميكرو وحبس
ريحانة
22-12-2007, 11:10 AM
السلام عليكم
عيدكم امبارك، اللهم اغفر للجميع
سنين دايمه ورقابي سالمه
مرحبا بالضيوف الجدد
من اي مكان، صفحتنا تستقبل الجميع
وهي مفتوحه لكل الاحبه
ولعشاق السوفيه بدرجة اولى
طبتم
messaoud retima
22-12-2007, 12:23 PM
لاباس ريحانة ها الغيبة ما شفتيش عمتي لالة راهي اتقت طول ما عادتشي باينه خلاص انشاء الله خير
يا يا يا يا لالا لا لا لة اااااااااااااااااااااااااووووووووووو
وينك هييييييييي لا نتقشش عنك
ريحانة
22-12-2007, 01:25 PM
وش حالك يا مسعود المقدود
الله لا يحيرك رانا لاباس
ولاله حتى هي بخير
راي طلت اعلينا الصبحه وقالتنا راو ميكروها ادويهش اشوي
ربي يهز الضر...
messaoud retima
23-12-2007, 01:21 AM
هنيتيني الله يهنيك قولي الى لالة تقول لميكروها ذهب سوك ربي يهز الضر
ريحانة
23-12-2007, 11:00 AM
يا وشحالكم اليوم
سامحوني راي الدنيا مشاغل
المهم كي تولو بخير
على خير...
ريحانة
23-12-2007, 02:12 PM
تاو تشوف يا ساساساسا هاك اتشوف اعليها
لاعودت تنشد لا تفتش عاقب اعلينا حيودي
ايماعليهش
اربي كان قابلك يا مسعود في الحسي والا قي السوق قوله رام الجماعة ضايقين اعليك واجده
ربي يبارك فيك يا المقدود..
ريحانة
23-12-2007, 02:38 PM
ايوش عليها
او تولي ويلاقينا ربي..
الهاشمي
23-12-2007, 06:29 PM
واش حالكم يا القاعدين هنايا
عيدكم مبارك وكل عام وانتم بخير
يجعلنا ويجعلكم كل عام حيين
سنين دايمة ورقاب سالمة
لا فاقد لا مفقود
اخوكم الهاشمي
والله توحشكم ياسر
messaoud retima
23-12-2007, 06:49 PM
اهلا هشومه هذه غيبة ياخي لاباس والا من قلة الصيبة
يا ودي دار الدنيا ما عليها هاني اهي اكلها فراع ومصارعة الله يغلبنا عليها هيا على خير تو
الجلفاوية
23-12-2007, 06:58 PM
واش راكم تقولوا ماني فاهمة والو.......
واش معناها كلمة المقدود?? هل لها نفس المعنى معانا ولا ميش كيف كيف.....
messaoud retima
23-12-2007, 07:08 PM
مقدود معناها الصالح الفاهم والشاطر هذا معناها عندنا
واش معناها عندكم يا ست الجلفاوية الربح واسعود ليام على خير تو كان حبيتي قدام ما انروح انجيبلك دبوزة اكريش صاقعة اجغمي منها حتى جغمة وصح ليك قدام ما تشربي
messaoud retima
25-12-2007, 02:01 PM
وييييييييييييينننننننننننننننكم يا يا يا جماعة الخييييييير
*السوفية*
27-12-2007, 04:31 PM
رانا هنااااااااااااااااااااااااااااااااااااااااااي ا يالشيخ مسعود...
messaoud retima
27-12-2007, 10:40 PM
مرحبا بيك السوفية زارتنا براكة نطيبولك تويا والا قهيوة
صحيتوا و شحالكم انشاءالله لباس في هذه المطرة
انشاءالله مقطرتوشي
وينكم يا سوافة مشيكم حاضرين و اله رحتوا تقيلوا
sasasasa
30-12-2007, 07:11 PM
مساء الخير عليكم ان شاء الله الجميعة كلها لاباس يسال عنك الخير ياريحانة نضن ميكرويا عداه ميكرو لالا راهو مزكوم مسكين نحله يبلوكي الفيروسات دارت فيه حالة بصح روعاد لاباس وان شاء الله معادش نغط وراني على فكرة رايح للوادي سوف في ليماة هذي مع صحابي راح نشوف بلادكم ونقولكم رايي فيها وتبقو على خير ومرحبا بالجماعة الجدد والسلام على كل الاعضاء مسعود ولالا وريحانة وسناء والباقي
ريحانة
31-12-2007, 01:16 PM
امساكم بالخير اكل
راني توحشتكم واجده
ومرحبا بيك يا بده في بلاد القباب
ام رائد
01-01-2008, 11:12 AM
«®°·.¸.•°°·.¸¸.•°°·.¸.•°®»بمناسبة عيد ميلادك اليوم 01/01/2008 نقوللك كل عام وانت بخير وعقبال 1000000000000000000000سنة ورانا نستناو في الزردة اليوم يا مسعود المساعيد.«®°·.¸.•°°·.¸¸.•°°·.¸.•°®»
حاب ننجح
01-01-2008, 11:47 AM
يا صحيتو...نايا راني سوفي بصح جديد عليكم ...انشا الله منغلقكمشي...واكيفاش تو نقولو عام سعيد ولا لا..ماعدناشي فاهمين . عارفين كيفاش :حنايا عيدنا, امالا خلولهم عيدهم. ايا على خير
ريحانة
01-01-2008, 12:00 PM
مرحبا بالي جانا جديد
وانت يالي حاب تنجح ياطيك الصحه هذا راهو عيدهم مشي عيدنا
والا وش تقولو....؟؟؟؟؟؟؟؟
lalla
01-01-2008, 12:18 PM
السلام عن الناس الكل والله قدعة سمحة من ناس سمحين واجد سيرتو ريحانة
ريحانة
01-01-2008, 12:53 PM
الله يسمحلك الايام يا لالا
راهي سماحتك انت معكوسه عليا
على هاكه تشوفي فيا سمحة
ربي يبارك فيك
rachid alfa
01-01-2008, 12:54 PM
انتم راكم هنا وانا اروح ان جيبلكم قهيوة امخلطه امعاها عرف شيح
ريحانة
01-01-2008, 02:05 PM
حتى توي منعنع ما عندي ما نقولك فيه
ريحانة
02-01-2008, 01:28 PM
يا غدادي منكم
هكا طول لا عودتو تظهرو لا تبانو
ما ابعد شركم وبلاكم
ايهاني متغشه اعليكم تو اه
وش عاد يرضيني...
rachid alfa
02-01-2008, 02:06 PM
وينكم يا اهل الكرم هذي ماهي من عوايدكم راني امتقشش عليكم راكم كاملين من لحدادة لحدادة امخطين
راني قنا او ريحانة متفاهمين
lalla
02-01-2008, 03:51 PM
وش جابك وجابنا رشيد جاي يتهدد علينا يا جماعة خاطي معليش رانا مسامحين بصح بشرط يتكلمنا سوفي
rachid alfa
02-01-2008, 04:05 PM
اوووو راني زادم عليكم وشفو كاش تراس امعزبر ايردني عليكم الليلة راها متفراش راني رايح ان فش قشي فيكم
lalla
02-01-2008, 04:15 PM
وانت متغشش ليش وتفش فينا غشك ربي يهديك ويسامحك
rachid alfa
02-01-2008, 06:24 PM
ماني متقشش ما والو حبيت اعطيلكم وقف من وقفات اجدادنا عندما تراى احدهم يسحب الجلبية الى الامام ...يمسح على شنبه ...ياخذ نفس عميق.. يتكلم بكل رجولة وتاصل ...عندما نراهم على هذا الحال تحس بنخوة والاصالة والعروبة التي مع الاسف فقدنا الكثير منها شكرا شكرا شكرا
انتضرو المزيد ان شاء الله
ريحانة
03-01-2008, 10:12 AM
ايه يارشيد اوخي راهم اتعجبو اعلينا هالجماعه
وينك يا لاله مشي من عوايدك تجافينا
وانت يامسعود المقدود
وش بيكم لاباس ياولادي
وش بيكم لاباس ياولادي
rachid alfa
05-01-2008, 12:36 PM
الحمد لله رانى في عافية ربي السوال عليكم برك
ريحانة
05-01-2008, 02:09 PM
راني على الجماعه لخرى يا رشيد
على لالا ومسعود وبده وهالكناس اجدد
ماناشا عارفين وش بيهم جافونا
كاشما عملنالكم قولو
والا راكم لاباس......
مشرية
05-01-2008, 07:20 PM
ييييييييييه والله ما عادها
تو نجيبلكم حديث السوافة الحغيغي
lalla
05-01-2008, 07:25 PM
هههههههههههه وش تتكلم انت تو
ريحانة
06-01-2008, 12:22 PM
ايمقاري بان عليك خبر يا لالا
ماكي لاباس.....
lalla
06-01-2008, 06:48 PM
وش قلتي ماقهمتكش ريحانه
ريحانة
07-01-2008, 12:26 PM
قتلك الحمد لله بان عليك خبر
واشي هالزليه اكل
انشاءالله لاباس....
lalla
07-01-2008, 06:15 PM
الله غالب راني لاهية في القسم الرياضي كاش ما ينوبله ربي ويتطور شوي
بنت نحناح
07-01-2008, 11:07 PM
السلام عليكم
ياخى حقارين ماتسقسوش عليي
عدي مدة مادخلت وانتم زعما معايا من واد سوف يخى نعرف اهل مدينتى ناس ملاح ياسر ولا واش ياخاوتي
اسمعونى انا طالبة منك تدعولي لانو اتحاناتى ره قريبت
تو على خير
ماتنوشي بنت نحناح
ريحانة
09-01-2008, 11:33 AM
ربي يسهلك يا بنت نحناح
وكي عدتي سوفيه اتكلمي بحيثنا اماله
صباحكم بالخييييييييييييير
lalla
10-01-2008, 11:07 AM
وش حالكم ريحانة ركي بخير ول
سارة كير
10-01-2008, 12:18 PM
واش حالكم يا بنيت..............انشالة راكم لاباس...؟؟؟؟
lalla
11-01-2008, 09:57 AM
يسقسي عنك الخير ان شاء لاباس مع الخدمة
ربي يوفقك ويوفقنا حنايا في لقراية
ما قلتليش ماشيكي عتزورينا في الجامعة ولا بطلتي راني نستنا كاش ما ينوب ربي ونشوفوك
ريحانة
12-01-2008, 09:25 AM
صباحكم بالخير اكل
مرحبا بلي جانا جديد
اوش حالك يا لالا كاشما عندك خبير خير
واندرى ماعندكشي خبر على السي مسعود ول
راي غيبة طولت وبدا يشغبنا بلحق تو
ربي يقدر الخير...
ايا الله وينكم
lalla
12-01-2008, 03:56 PM
ماتخافيش عنه راهو اكيد لاهي في الدراسة نتاعه كيما فهمت من ردودو ربي ينجحه وينجحنا الكل
sasasasa
12-01-2008, 04:48 PM
السلام عليكم وش حالكم ياجماعة الخير والله شهادة ياجماعة مكنتش متوقع بلي الواد سوف مليحة هكذا اسمحولي بصح كنت دايرها ديار جبس وصحرا بكل بصح مليحة وفيها الفيلات الله يبارك ورحت زرت قصر الضاوية رفقت اصحابي والله غير رووعة نهنيكم على البلاد لمليحة وكاين بلايص معتش ننساها كيما حي الرمال وطريق قمار واصريت نروح لصحراء في الليل وفي هذاك البرد مرضت بالزكام منها بصح رحلة روعة وكي تخرج التصاور راح نبعثلكم تشوفوهم ايا ابقو على خير ونقولك ياالشيخ مسعود ربي ينجحك انت واللي كاتب اسمه حاب ننجح وعساك بخير يا لا لا وريحانة ورشيد وبنت نحناح والسوفية وسوفي عنابي
والباقي بكل كل واحد باسمه وان شاء الله يكون ميكروك عاد لباس يا لالا واذا كان مزال مريض قوليلنا المشكل ممكن نقدرو نسقموه مع بعض
اخوكم بدة
messaoud retima
12-01-2008, 09:22 PM
اسيكم بالخير الكل واش احوالك انشاء الله بخير وعلى خير
اسقسي عليكم الخير راني لاباس خاطي مصالح دار الدنيا
ما خلتنيش ندخل للمنتدى وراني توحشتكم ياسر ياسر اكثر من وحشكم ليا سلامي للجماعة الكل خاصة ريحانة الحنانة وبدة على خاطر كانوا يسهلوا عليا يسهل عليهم الخير وانشاء الله يكونوا ديما بخير يا رب هيا على خير
تو هاني مروح
lalla
12-01-2008, 10:03 PM
ولالة برايها من السلام ولا واش هدا عليش ديمة متغششة عنك كان من هكا
zoheir39102
12-01-2008, 10:44 PM
يا طيبوبا كاشي مطابيق يزونا من الحديث رانا ملينا الحديث و المغزل اوكت عني.
ريحانة
13-01-2008, 09:13 AM
وش حالكم
امقاري بان عليكم خبر
راني ضايقه عليكم واجدا
بالاخص مسعود و بدة...
وانت يابدة تاوش بيكم اربي يا امالي التل دايرينا ساكنين في الخيم والصحرا والخطاره
الحمدلله طلت علينا وشفتنا كيفاش عايشين رانا خير من امالي اتلول ذات الوسع ورحمة ربي
كادرنا شوي الجو بالصح الله غالب هذه بلاصتنا الي حطنا فيها ربي... الحمد لله
والا وش تقولو............
ردووووووووو يا عباد الله
ردووووووووووو
سارة كير
13-01-2008, 05:26 PM
يا لالة نتمنىنشوفك بصح كيفاش رايحة نلقاك بين ميئات الطلبة لازمنا نتفاهمو كيفاش....
شوفي أنا نعطيك موعد نهار الاربعاء الجاي أي 16 / 01 /2008 على الساعة 12 نجيك للمعهد انتاع حي المجاهدين بصح أعطيني مكان مميز نستناك فيه باش نعرفوا بعضانا .... خلاص تفاهمنا..؟؟ راني نستنى الرد انتاعك هنا وما يكون غير الخير انشاله... راني نستنى في الرد
zoheir39102
13-01-2008, 09:35 PM
راكي فكرتيني في فيلم مصري ملخصه واحد سرق دراهم من دار ثم كي تفرج عالتلفزة اهو اشوف قالت المقدمة تاع الحصة راهي دراهم صدقة يجمعو فيها سرقت من دار فلان ندم كلمهم قللهم راني حاب انرجع الدراهم بصح متكلمشي لابوليس قلوله باهي قللهم غدوا في البلاسة الفولانية تلقوني لابس سروال ابيض وتريكو احمر والي اجي اهز الدراهم لاوم ايكون لابس كيفي غدوا كيراح لقا مصر اكل ثم امال ردي بالك يا سارة علاش تلقي الجماعة كامل دايرين مفاجاة ويستنوا فيك لكن بالنسة ليا انا اندير روحي مغريتش
lalla
13-01-2008, 09:50 PM
يا لالة نتمنىنشوفك بصح كيفاش رايحة نلقاك بين ميئات الطلبة لازمنا نتفاهمو كيفاش....
شوفي أنا نعطيك موعد نهار الاربعاء الجاي أي 16 / 01 /2008 على الساعة 12 نجيك للمعهد انتاع حي المجاهدين بصح أعطيني مكان مميز نستناك فيه باش نعرفوا بعضانا .... خلاص تفاهمنا..؟؟ راني نستنى الرد انتاعك هنا وما يكون غير الخير انشاله... راني نستنى في الرد
انا راح نستناك في المركز الجامعي بالشهداء اضنك تقولين عنه حي المجاهدين
ادخلي للجامعة راح نستناك بجنب قاعة مكتوب قوف الباب معهد العلوم الاقتصادية سقسي عليها وقوليلهم وين نلقى قاعة الامانة نتاع العلوم الاقتصادية راح نستناك ثم بجنب الباب
لاكن قوليلي واش راح تلبسي حتى نعرفك وناديك بلا تردد
ريحانة
14-01-2008, 09:27 AM
هاي واه
نينا لهجتنا وعدنا نتميعدو هنا
على اقل شاوروني
والا قوليلو باش انجيكم ختى انا..
اربي سا محوني على هالكتيبه الغداد
راني مزاربه
نقصد نسيتو لهجتنا
و
حتى انا
انظن راكم فاهمين
سلاااااااااااااااااااااام
سارة كير
15-01-2008, 09:49 AM
رايحة نجيك غدوة انشاله الاربعاء جوايه 12 ربما نطول عليك شوية ماتقلقيش لأنني أسيرة عملي ...
المهم نتلقاو غدوة انشاله رايحة نلبس سروال أخضر زيتي مع مونتو طويل أشهب وأحمل ساك صغير باج وقهوي وخمار باج....
باي غدا إن شاء الله يالالة ....
كان حبيتي أرواحي يا ريحانة......
سارة كير
15-01-2008, 09:51 AM
يا زهير الحمد لله إحنا ماراناش سراقين ولا رايحين نردوا واش سرقنا إحنا رايحين نتلاقاو في الخير ... والحمد لله وكان حبيت أرواح إنت ثاني مع ريحانة......سلام
ريحانة
15-01-2008, 10:40 AM
ربي يعاونكم يا ساره
ويجعلها معرفة خير انشاءالله
ويجعلنا ربي دلالين خير، للاسف مانقدرش انجيكم انا
بالصح تفكرونا بدعوة خير كي تتلاقو
سلاااااااااااااام
INFRA_NET
15-01-2008, 10:54 AM
بارك الله فيكم على القعدة . . .
اواه يا جماعة البنات الحكاية راهي كبيرة بزاف
راه عاد فيها عرضة .....بصح تقول راكم نسيتونها حنا ......و حنا
ريحانة
15-01-2008, 01:45 PM
راك معروض
والاحباب اكل ماننسو حتى واحد نحنا
messaoud retima
15-01-2008, 07:33 PM
اسيكم بالخير واش احوالكم يا امالي الدار يعفو بيكم وينجيكم ويسهل عليكم الخير انخشوا والا عماكم الزايد
انظن عماكم الغاشي كي ما تكلم حتى واحد منكم وقال لي خش هيا على خير وسلموا لي على الجماعة الكل
وانتم يا سارة ولالة ادعوا لها القاعدين الكل في ها التميعيدة بالخير وقولوا ربي يبلغ كل واحد منيته
هيا على خير
الحاجة ريحانة واش حالك اربي بيضي قلبك عليا وما تتغششيش عني راني حويذق ياسر وعويقل واجد خاطي مصالح دار الدنيا لهتني عن الدخلان لها المنتدى بصح راكم الكل ديما حاضرين في قلبي وما كان حتى لحظة نسيتكم حتى كان كاين ساعات اومرة واحد يغششني كيما الحاجة لالة ربي يصلح حالها لكن ثم ثم نلقى روحي
بطلت من الغش ونسيته خلاص . خاطي قوليلي انت تو على واش متغششة عني واش درت وتاكدي راني بلي حويذق وسميح وعويقل وفاهم وشاطر وقافز وما يتضاقش عني بت بت بت بت ........................فيلامان ليكم الكل وفيلامان اخرى زايدة الى يرحانة الحنانة خاصة
ريحانة
16-01-2008, 11:42 AM
وش حالكم اكل لاهينا
وربي يوفق امالي الميعاد ويبعد اعليهم اولاد الحرام
وانت يا مسعود المقدود تعرف اعلاش ضايقه اعليك
نا نحسابك ماكش اتخش هنا قلت راو لاهي بهم دار الدنيا وقلنا ربي يعاونك
وانت ثراك تخش وتعقب اعلينا حيودي، على خاطر القيتك من غادي عند امالي الشلف خرارة مرارة اعليهم
ونحن حاقرنا طووووووووووووول، تربي قولو اناهم ابجل امالي بيتك والا بيت الجيران، عرفت تو على واشي متغشه عليك
ربي يهدينا ويهديك انشاءالله. عاهدي بيك حويذق واعويقل وتاخذ الراي وانت ظهرت هكا...ربي يصلح رايك انشاءالله
وانا راو ماواخذني كان هالقلب الي عندي يتغشش وثمثم يولي ، وما يرفع حتى شيء، الحمد لله على هالنعمة.
بنت نحناح
17-01-2008, 01:06 AM
السلام عليكم
كيف الحال ياهل وادى سوف
بالعقل على الجماعة
انا سوفية ومانيش نفهم كل حديثكم
ريحانة هنى وليتلكم
يعطيك الصحة اختى
ربي كثر من امثالك
سارة كير
22-01-2008, 09:38 AM
والله عندك الحق يا بنت نحناح.... حتى أنا عييت نفهم بعض الجمل .... لهجتهم الجاعة مدوزية شوية..... بسيف ما قريتها....بشوية علينا....
ريحانة
22-01-2008, 11:56 AM
حتى هذا حديث؟؟..؟
كيفاش اربي ما تفهموشي حديثنا، هذا راهو الكلام السوفي الاصيل
اتاع جدودنا وجدواتنا، لازم انحافظو اعليه بش ما يندثرشي ويروح. والا وش تقولووو؟؟؟؟......
اهلا بيك بنت نحناح
وانت ياسارة ماخبرتيناشي على الموعد اتاعك نجح والا لا؟
lalla
22-01-2008, 12:19 PM
الشغايب راهي تاكل فيكم من راسكم لكرعيكم
استنى سارة اماله تقلك نجح ولا لالا
rachid alfa
22-01-2008, 01:14 PM
اعطولنا شرح بالعربية الفصيحة هكذا تفيدونا ولا وش رايكم
سارة كير
22-01-2008, 01:40 PM
وعلاش ما قلتيلهمش على نتيجة اللقاء يا لالة ..؟؟؟ حرام عليك رايحة تقتليهم بالشغبة...... قوليلهم واش صرا
اما انا مانيش رايحة نقلهم لأني عرضتهم وماجاوش ...أي راحت عليهم وألي فات مات..... ولاّ واش قالت لالا....
lalla
22-01-2008, 08:08 PM
ههههههههههههه كيما تحبي واش تكحمي راني معاك
خسارة ريحانه ما جيتيش هادا الكل تعرفي لبلاصة
messaoud retima
23-01-2008, 12:55 AM
السلام عليكم واسيكم بالخير يا امالي الدار
اهلا بيكم الكل واش بيكن يا سارة ولالة راكن جيات على راس ريحانة ومتعاونات عليها ما تغلطنشي راهي موشي وحدها كاين من معاها وهي سقست عليكن مجرد سؤال
حابة تعرف حال وخياتها موشي شغايب كيما راكن تقولن
وكي عاد هذا تفسيركن للسؤال نايا سحبته في بلاصتها
ومن اليوم ما عادتشي تسهل عنكن والا موشي هكايا يا ريحانة الحنانة فيلامان تو
سارة كير
24-01-2008, 09:44 AM
ما تقلقش يا مسعود رانا غير نتمسخروا ونقصروا برك .... والله انا واحدة من الناس ألي تمنيت من ريحانة تجي للموعد ألي كان بيني وبين لالة........
messaoud retima
24-01-2008, 10:46 AM
السلام يا الحاجة سارة الشاعر قال:
وما نيل المطالب بالتمني****
اذا كان صح راكي متوحشتها بلحق بلحق روحيلها حتى هي وتلاقي معاها وقوليلها راهو مسلم عليك مسعود المقدود
وسلامي لكل من عمانا في ها القعدة وخاصة لالة راني عارفها واعرة ياسر ولو كان مانقولش خاصة لالة تضيق عليا ونايا راني عويقل ياسر وحويذق ربي يبارك عليا
هيا على خير تو
lalla
24-01-2008, 12:56 PM
صحيتو يا امالي الميعاد وشو تقولو من ورايا
نايا يا مسعود لاني واعرة ولا شيئ حتى سقسي عليا سارة صارت تعرفني في الواقع بدل النت
الجوهرة النادرة
24-01-2008, 01:51 PM
السلام عليكم ورحمة الله
كيراكي بنتي ريحانة .....لاباس
توحشتك قلت نجي نطل عليك واش راكي عاملة
سمحيلي مناعرفش نهدر مليح السوفية
بصح دخلت باش نتعلم معاكم
نعرف رزينة وشابة وتقدري على مهمتك
وقريت كل شي وفهمت علاش كنتي زعفانة .....
ههههههه
موفقة حبيبتي
ريحانة
26-01-2008, 02:54 PM
السلام عليكم
اهلا بيك يا جوهرة نادرة نورتي صفحتنا والي ماتفهميهاش عندنا خبرينا نرد عليك
وانتي يا سارة ولالا بارك الله فيكم ويكثر خيركم هذا جزاتي نايا الي حايرة عليكم
بصح ربي يبارك في هاك لحويذق مسعود المقدود او عرف كيفاش يرد اعليكم
راني ماكنتمنالكم كان الخير يا العققن ربي يسهللكم الخير ونايا الي كنت قاعدة ندعيلكم ربي يوفقكم
خيبتو ظني فيكم الله يهدينا ويهديكم.
سارة كير
26-01-2008, 03:33 PM
يا له يا ريحانه خلينا نشوفوك... خلونا نتلقاو كاما نهار انا وانت ولالة خلينا نتفاهموا على نهار وبلاصة نتلقاو فيها ....
lalla
27-01-2008, 03:59 PM
مادابينا شوفة اخرى ليك يا اختي سارة
الواحد يتمنى يصبح عليك كل يوم مو تزوريه يوم برك
على لقل نشوفو ريحانه كيفاش دايرة
نتالي مسعود راهو باين صورته في ملفه الشخصي
zoheir39102
27-01-2008, 08:24 PM
يا زهير الحمد لله إحنا ماراناش سراقين ولا رايحين نردوا واش سرقنا إحنا رايحين نتلاقاو في الخير ... والحمد لله وكان حبيت أرواح إنت ثاني مع ريحانة......سلام
يرحماديك يا ساره وملحوضتك وصلت نا زعم داير نفهم وانتي تنشعي فيا هاو عليك
سارة كير
28-01-2008, 09:48 AM
يرحماديك يا ساره وملحوضتك وصلت نا زعم داير نفهم وانتي تنشعي فيا هاو عليك
ماذا تقصد يا اخي المحترم بهاو فيك ... هاذي مش هدرة محترمة يا ولد الناس....احترم نفسك وعلى كل حال انا ألي راني غالطة كي دخلت معاكم في هاذ لبلاصة.... في لمان.... لسانك حصانك إن خنته خانك....
ZORRO__DZ
28-01-2008, 09:55 AM
نطلب منكم الهدوء المنتدى للنقاش
ريحانة
28-01-2008, 01:16 PM
السلام عليكم
من فضلكم يا جماعة الخير حافظو على احترام الاعضاء والصفحة والموقع
وانت يا سي زهير رجاءا حاول ان تنتقي عباراتك هذه صفحة محترمة
ووارديها كذلك محترمين، لذا اطلب منك ان تلتزم الاحترام معنا، واهلا وسهلا بك بيننا
اما انتي يا سارة راهو عندي شوي ضغط هاذي الايام، بالصح اذا درتو موعد ثاني انشاءالله نحاول انجيكم
خبروني برك اذاسهل ربي
INFRA_NET
28-01-2008, 01:18 PM
؟؟؟؟؟؟؟؟؟؟؟؟؟؟؟