المساعد الشخصي الرقمي

مشاهدة النسخة كاملة : اللهجة السوفية ...ادخل معايا وتعلم


الصفحات : [1] 2

وسيلةوسناء
2007-10-05, 11:21
صحــيتو وشحالكم بخير نايا اليوم بش نتحدث بالسوفية ان شاء الله تفهموني
نايا راهي عجبتني الفكرة وقلت نشارك معاكم وتتعرفو معايا مع اللهجة السوفية

miss_marwa
2007-10-05, 15:39
صحيتِ بنت بلادي باش تعرفي أنا سوفيه و عايشه بالعاصمه و لا مره شفت الواد بلادي واش حالهم لاباس
و نعرف الهدره السوفيه و اذا حبيتي نعاونك

abdo_spectrum
2007-10-05, 20:21
:mh92:انا مش سوفي بصح أصحابي قع سوافة ولهجتكم سمحة بصح خفيفة بسيف باش تعودت نفهمها

وسيلةوسناء
2007-10-06, 10:29
اهل الوادي لباس عليهم اختيMISS-marwa
نتمنى انك تزوري الواد في اقرب وقت ومرحبا بيك في بلادك اختي العزيزة
بارك الله فيك راني نستنى من يعاوني
وانا اشجعك لانك عمرك ما شفت الوادي ولكن راكي تعرفي تتحدثي السوفية

وسيلةوسناء
2007-10-06, 10:32
شكرا لك اخي abdo-spectrum
رانا جيران مش بعاد
حتى انا نفهم اللهجة الورقلية لكن خفيفة نوعا ما

وسيلةوسناء
2007-10-06, 10:35
واش رايكم في اللهجة السوفية مفهومة ولا لا
راني نظن انها مفهومة
راني لقيت من يعاوني ويعطيك الصحة اختي على المبادرة

Mohamed845
2007-10-06, 11:10
Assalam,
Il n y a pas de différence, j'ai tout compris.

Merci wa assalam

miss_marwa
2007-10-06, 11:24
بلا مزيه أختي راني هنا و راح نخلو هالموضووع غير باللهجه السوفيه و راهي ساهله
وسيله و سناء منين من الواد ؟؟؟

وسيلةوسناء
2007-10-06, 12:28
لك جزيل الشكر miss-marwa

lalla
2007-10-11, 12:31
صحيتو وش حالكم اليوم يا لبنات انشاله بخير
يعطيك الصحة يا وخيتي عن هالموضوع الي يهبل وعلى فكرتك الي سمحة واجد
الترجمة = السلام عليكم كيف حالكم اليوم يا بنات ان شاء الله بخير
يعطيك الصحة يا اختي على هدا الموضوع الجميل وعلى فكرتك الزينة ياسر

وسيلةوسناء
2007-10-12, 12:14
يعطيك الصحة لالة

اميرة الجزائر
2007-10-15, 15:10
حتى نايا سوفية ونتشرف اني نتكلم بلهجتي بصح قوليلي وسيلة وسناء وشي معنى اسمك .

good_boy
2007-10-21, 22:00
أنا أيضا سوفي كيفكم والله راني فرحان كيف راني هنا في هالصفحة الي فيها اللهجة السوفية برك ... بصراحة حاب نتعرف على سوفا ونهدر معاهم في شات لانه مكانش خير من الهدرة تاع بلادي سيرتو كيف يقلولي المثل تاع (( قوله هو قاله لوك )) هههههههههههه

علال محمد
2007-10-21, 23:29
مرحبا بكل اهل وادي سوف
انا راني سوفى ونحب نشوف السوافة في المنتديات.
فمرحبا بيكم ونتمنى ان تكون مشاركاتكم بناءة لا رمزية وشكرا.

lalla
2007-10-21, 23:55
واش بيني نشوف كان في السوافة بركه وينكم يا لخرين وين صرتو غاطسين
ولا معجبتكمش هدرتنا
حتى صاحبة الموضوع راهي كان متقيا هليام
الترجمة= لمادا الاحض الا الاعضاء السوافة فقط في المشاركات اين انتم يا ايها الاعضاء الاخرون اين صرتم مختفين او ان كلامنا لم يعجبكم
حتى صاحبة الموضوع مختفية هادي الايام

ابو عبد المنعم
2007-10-22, 00:53
:mh31:عجبا لكم الم يكفينا تقسيم الامة الاسلامية الى قوميات عربية وكردية وقبائليية ووووووووو ثم محاولة تقسيم الدولة الى عربي وقبائلي ومسلم وغيرمسلم لنحيل التقسيم اى الولاية ....... مع العلم ان هده اللغة الدارجة يؤتر فيها المحيط .احدرو ان السيل يبدأ بالقطرة واسمحوا لي اخواني ان كنت قاسيا نوعا ما

siham
2007-10-22, 08:38
السلام عليكم ورحمة الله وبركاته

عبد المنعم هم فقط يحاولون تعليم الآخرين لهجتهم و هذا لا يدعو للتقسيم

كم أتمنى تعلم كل اللهجات الجزائرية على الأقل لن أحس بالغربة في أي مكان في الجزائر
تعلمت بعض الكلمات الشاوية و القبائلية و كلمة واحدمة بالتيشلحيت أما السوفية فأدرك حتى الفرق بين السوفية نتاع لبلاد و السوفية نتاع قمار (منذ صغري كل صداقاتي مع سوفيات)

ربي يبعد علينا الأنقسام و التشتت

سلام

سهام

زورق الاحلام
2007-10-22, 11:44
اهلا بالسواف راكم تهبلو باللهجة السوفية والله لا يقسمنا اخي منعم نحنا نحاولو نعلموكم لهجيتنا بركا كيما قالت سهامان شاء الله راهي عجبتكم.

عيسىالبوسعادي
2007-10-22, 11:53
نقلك شيء انا شخصيا تعاملت مع السوفيين والله مالقيت في الجزائر مثلهم في العقلية ناس متحظرين ومتخلقين الله يبارك ربي يدومهم لينا

سوفي ساك
2007-10-22, 12:30
بارك الله فيك يالبنية و اذا شاتية اتديري معجم باللهجة السوفية راني مستعد باش انساهم معاكم و سحيتي ياسر

lalla
2007-10-23, 10:18
يعطيكم الصحة راكم عجبتوني
راهو ماكانش احسن من لهجتنا في رايي
راني نتمنى لو يتعلمو لهجتنا والله في نضري راهي لمخيرة في البلاد الكل

abdo_spectrum
2007-10-23, 11:38
والله الهدرة السوفية كان تقطع ذات
نايا راني حاب نتعلمها خطاك نروح للوادي ياسر
والسوافة سمحين وفي التجارة معاليم ههههههه

lalla
2007-10-23, 11:44
ربي يحفضك ان شاء الله
راني نموت على اللهجة الورقلية راهي هايلة هي وناسها

سلمى
2007-10-24, 14:08
حتى انا راني سوفية كيفكم وانا راني نتشرف بمعرفتكم
موضوع هايل لاني نفرح كينشوف حاجة من الوادي

عيسىالبوسعادي
2007-10-24, 14:27
انتم معقدين شوي باللهجة السوفية
ياك الجزائر كامل كيفكيف

lalla
2007-10-24, 14:58
رانا عارفين المشكلة رانا نزربو في الحديث بركه
احنايا نفهمو اللهجة التزيرية ولاكن هما مايفهموناشي بالصح والله ماكانش ماسهل منها

سلمى
2007-10-28, 11:41
شكرا لالة على الحرص

lalla
2007-10-30, 18:18
واخيرا لحقتي اختي سلمى المنتدى راهو ضاوي بيك وبكل الاعضاء السمحين ربي يخليكوم ان شاء الله
الترجمة= واخيرا التحقتي بنا يا سلمى اصبح المنتدى كله نور بقدومك وبكل الاعضاء الزينين ربي يخليكم ان شاء الله

عامر
2007-10-30, 19:51
شكرا على المبادرة الجميلة من الأخت و نرحب بناس الوادي

لكن أنا اري انه لايوجد أختلاف كبير بين اللهجة السوفية و الجلفاوية

سلمى
2007-10-31, 13:18
اظن ذلك انه لا يوجد اي اختلاف بين كل اللهجات الجزائرية
لكن الاختلاف في كلمات بسيطة

nawel89
2007-11-02, 20:57
وش حالكم امالي الدار أنا ثاني راني سوفية
وعجبني ها الموضوع ياسر ياسر

messaoud retima
2007-11-03, 13:27
اسيكم باخير يا امالي المحل احنايا رانا نطلوا كان من الحول للحول وعلي هاذا نقولوا اسنين دايمة ورقاب سالمة
يعفوا بيكم وينجيكم ويسهل عليكم الخير.
وتو هاني رايح من غادي كان احتجتوني اسهلوا عليا ها الجماعة اللي راهم إهنا والا ابعثوا ليا مكتوب فيه بل راسك ثم حسنه اهنايا. وراني نجي ثم ثم هيا على خير تو سلمولي عالجماعة الكل فيلامان

manel_manel
2007-11-03, 14:43
يعطيكم الصحة موضوع روعة

نايا ثاني سوفية بح عايشة في العاصمة ، بصح معليش نعرف نهدر شوي سوفي، رح نعاونكم شوي اذا حبيتو

lalla
2007-11-04, 20:13
رانا نستنو في حديثك يا اختي السوفية العاصمية

messaoud retima
2007-11-05, 09:50
هانا مقعمزين تحت العامي دايرين كسرة ملة وكميه تاي نستنوا في التميعيد انتاع الجماعة اللي هنايا بها اللهجة السمحة الي تزطل هيا على خير اني نستنى

lalla
2007-11-06, 15:46
هههههههههههههههههههه هاذي تقصيرة كبيرة يااخي مسعود باين عنها سمحة ياسر ولصحاب الكل متلمدين عنها كاش حاجة كاش حديث كاش سيئ اخر قوله رانا نستنو في حديثك السمح

messaoud retima
2007-11-07, 21:48
اسيكم بالخير يا رفاقة الخير سامحوني ياسر على خاطر ما كنتش لاهي كنت انلقط في هب الريح في لقفاف ودرته الكل في الشواري باش نعطوه بعد ايامات للشراكة لمنقطات بلبيض ولسود يعني نوارفول وموشي كان هذا حتى الزرب القبلاوي عاودته الكل على خاطر طيحاته العمية انتاع ها النهارين وقعد اجنين بلا زرب بعد ما سقيته بالخطارة والدلو وزرعت عريفات نعناع واخرات انتاع اكرم كي يكبر لكرم اكم تسالوني مفور بالمنقوع .هيا على خير تو اني رايح باش ننعس

lalla
2007-11-08, 10:13
واش حال الزرب نتاعك يا اخي مسعود ثار ولا مازال
اذا ثار اعطيني منه شوي نعناع حتى نشربه في التاي نتاعي
واقطفلي شوي كرم وابحثهلي عن طريق المنتدى حتى ندير للجماعة الاعضاء سفة خشينة نتاع كرم
الترجمة= كيف حال ما زرعت من النعناع يا اخي مسعود هل نما ام مازال
واقطف لي قليلا من الكرم وارسلها لي عبر المنتدى حتى نعمل بيها طبخة للاعضاء اسمها السفة الخشينة المركبة من الكرم

messaoud retima
2007-11-08, 11:32
يسهل عليك الخير الزريب لباس خاطي انطلقت عليه البرشنية الحواء طرمست منه باعوضة قعد الجنين للعمية وخاطي حتى البرشنية عدها الحق ما عندهاش الحشف ولكرم راهو عود ماعادش يجي سفة خاطي اهو عندي شوي دنجال وشوي فقوس مازال ما بطخشي ديريهلهم صليطة اما النعناع راهو كبروتو نبعثلك منه هيا على خير تو

lalla
2007-11-08, 11:39
يخلف عنك ان شاء الله
الترجمة= بارك الله فيك

messaoud retima
2007-11-08, 11:45
يسعد قرعتك يا لالة وينهن اللي قالن ت ندخلوا عماكم في التميعيد

lalla
2007-11-08, 11:48
كلاهم بعو ههههههههههههه
الترجمة= اكلهم الغول هههه

messaoud retima
2007-11-08, 11:52
يقولوا كلتهم هبة موشي بعو وراس الي ترحي وتبات بلاش كان هكه يقولوا هيا على خيراني رايح للداية تو

lalla
2007-11-09, 10:39
سلملي على الداية ربي يخليهلك ان شاء الله ويعطيها بحجة
واسهلى في الوالدة الحنانة
الترجمة=سلملي على امك ربي يحفضها لك ان شاء الله ويرزقها بقيام فريضة الحج واعتني بوالدتك الحنينة عليك

هاوي تصميم
2007-11-09, 14:08
السلام عليكم ورحمة الله تعالى و بركاته
فكرة الموضوع جميلة جدا لكن أين التعلم فنرجو منكم وضع كلمات بالسوفية و المعنى الخاص بها
شكرا لكم

lalla
2007-11-09, 14:24
ملاحضة مهمة شكرا الاخ راح نقومو بترجمة الكلام فيما بيننا

messaoud retima
2007-11-10, 11:49
هاذا شاتي يعرف الميعاد انتاعنا قوليله يا مضنونتي راهو مسعود هو المسهول لاسبد تقوله هو صخشيا يقض ها الكلام اللي كنا نقولو فيه قضانباش تقدوا تخرسوه وتفهموا خباله هيا تو على خير اني مسهل.

lalla
2007-11-10, 18:29
وش فيها كان تعلم منا شوي حديث راهو العنوان كله راكب على تعلم الحديث السوفي نايا راح نترجم للناس وانت دبر راسك
الترجمة=وما الضير لو تعلم منا قليل من الكلام فاصل العنوان يدل على تعلم الكلام السوفي انا سوف اترجم للاعضاء وبالنسبة لك فانت حر

messaoud retima
2007-11-10, 19:17
نايا يا لوخيا ماقلتش ما نقولولهمشي عن تمعيداتنا خطي قلت خلي نايا انكون مسهول الشرح والتفهيم اماهم يستاهلوا كل خير هيا فيلامان تو هاني رايح كاش ما توصوا اوبالنظر عليا يسعد قرعتكم

lalla
2007-11-10, 19:36
ترجمنا شوي من حديثك يلي يهبل ربي يجازيك ان شاء الله
الترجمة= ترجم قليلا من كلامك الجميل ربي يجازيك ان شاء الله

messaoud retima
2007-11-10, 20:35
اهلا بكم اعزائي وردت في حواراتنا بعض الكلمات مثل :
البرشنية=هي انثى الماعز الصغيرة
الحشف=هو التمر الجاف اليابس الذي لا يصلح للاكل فيعطى للحيوانات كاعلاف
العامي=هو المرتفع من الرمال بفعل البشر لان الذي يكون طبيعيا يقال له السيف
الزنبيل=يصنع من سعف النخل لرفع الرمال على ظهور الدواب
الكرم=نبات معروف في المنطقة يستعمل في الكسكس
الشواري=تصنع من سعف النخل لتحويل التمر من الغابة الى المخازن
السلام عليكم وللحديث بقية

lalla
2007-11-10, 20:52
حديث ناس بكري حتى نايا ما نعرفش نصه ههههههههههه

messaoud retima
2007-11-10, 21:04
انا هنايا لمساعدت كل من يرغب في معرفة اللهجة السوفية سواء من ابنائها ومن ابناءباقي ولاياتنا العزيزة
الف سلام

حسام الدين محمد
2007-11-10, 21:37
يعطيك العافية يا بن الناس الزينيين . كيفك وكيف أحوالك راني محمح من جهتك .عندى مدة ما سمعتش صوتك. سلمني على الشيباني والشيبانية كيما يقولوا جماعة الأغواط . وعلى الأشوابن واليشاشرة كما يقولوا جماعة الغرب - وعين الدفلى-

messaoud retima
2007-11-10, 22:13
عمي حسام الدين هذي قيبة واش حالك وحال العائلة الكريمة سلملي عالشوابن هابنية

فتح الدين
2007-11-10, 22:32
والله هدرة السوافا البايا تعجبني ياسر وينك لالة مركيش هنايا ولا واش

lalla
2007-11-10, 22:44
لالا راني وصلت تو
يلا خويا فتح الدين اهدر شوي بالورقلية الزينة

messaoud retima
2007-11-11, 20:30
سامحوني ياسر كنت ناكل في رضخة حارة على خاطر لحسي ولعصيدة ما ازنيشي درت شوي احويجات في المهراس ودقيتهن مليح وزدتهن شوي منيقيعة على خاطر لمحمصة اطول في الطياب وناس بكري يقولوا افار لقدر يبطى على الي جايع هيا فيلامان تو

lalla
2007-11-13, 13:39
هاذي الرضخة رقداتك ولا كيفاش يا اخ مسعود ليك ياسر مابنتش
الرضخة=نوع من الاكل السوفي

وسيلةوسناء
2007-11-13, 18:50
بارك الله فيكي يا لالة في توليكي الموضوع
عذرا على الغياب
والله راهي القعدة وين رايحة تزيد تسماح خسارة ما كنتش معاكم
وش حالك الاخ مسعود رتيمة
رانا مازلنا حابين نسمعو منك الحدث السمح تع بكري

lalla
2007-11-13, 19:52
الحمدوله كي ضهرت يا سناء
وينه الشيخ مسعود ولا رقد اليوم
رانا نستنوا في ميعاده الباهي

messaoud retima
2007-11-13, 21:19
وانت وين غاب طبك عن عمش عيونك عن وشو ما تقوليش حتى اسريسيط انتاع كلمات قبوري سمحة ياسر من اللي نشتو نسمعوها من كلامنا اللي يزطل ويحمص هيا فيلامان تو اني رايح عن روحي

lalla
2007-11-15, 16:28
حشاها دعدا اليوم الاخ راهو راقد مسكين تعب من الحديث
رانا نستنو فيك يا اخ مسعود وكل الاعضاء السوافة الاخرين

messaoud retima
2007-11-15, 17:59
هاني هدفت اسيكم بالخير يا رفاقة

lalla
2007-11-15, 18:05
ليك الحمد كي بنت كاش ميعاد ولا حداثة اليوم يااخ مسعود

messaoud retima
2007-11-15, 18:45
كنت في السوق جبت دبوزة اكريش وصقشة لحم وربطة بورطلاق زاهي وكابويا بسي وقصيت قصان فوق العوامي على خاطر اسرقلي ياسر دويلة هدفت للحوش
واللي حاب يتعشى عمانا يجي ثم ثم دويلة

lalla
2007-11-15, 18:52
على الاقل ترجم للخلق شوي ماهوش هكا
يلا عاود ترجم المشاركة روح الى المشاركة وقوم بتعديل ثم اعمل الترجمة
عرضتك مقبولة لاكن قولي مين يلي راح يطبخ انت ههههه

messaoud retima
2007-11-15, 19:04
اكيد نايا والا حاقرة طيابي نطيب خير منك يا لالة
خفو شوي راني كملت الطياب وقاعد نستنى فيكم حتان جعت ونايا عشايا طاب قدام المغرب وتو راني نقردش في صويفا ونغزل في خويطات جداد باش نخدم فليج وبرينيس

lalla
2007-11-15, 19:17
اغدمنا معاك فرشية كبيرة للشتي كي عدت تعرف تنسج وتغزل ولا ذارح منها الفرشية

messaoud retima
2007-11-15, 19:30
الفرشية مساهلها ياسر والنيرة انتاعها صعيبة لكن ماعليهش كي عادت ليك انت ابعثيلي لقيام والشاملوط وكبة والا اثنين طعمة وتاسويت نبعثهلك سمحة تزطل
تفرشي وتغطي في ها السميقري واقرر الشتي

lalla
2007-11-15, 19:37
ربي يعيشك ان شاء الله

messaoud retima
2007-11-15, 19:44
لالة كان ماكانش نعلمك واخدمي وحدك تلقي روحك مرة اخرى موشي هكه خير

lalla
2007-11-15, 19:48
راك عارف الجيل الجديد لا خدمة ولاقدمة وليد مكوفنة ما تعرف حتى شيئ البركة في الدايا راح نقولها تخدملي واحد وانت يرحم الله والديك كفيت ووفيت معانا

messaoud retima
2007-11-15, 19:56
صنعة في ليد خير من دورو في الجيب وعلاش ما تقوليش للداك تعلمك عل لقل تلقي روحك مرة اخرى يا شاطرة كي عاد هكه امالا نايا بطلت ما نخدملكشي

lalla
2007-11-16, 09:28
وعلاه عيلك هكه بعد ما طمعتني بكاش فرشية سمحة تجيئ في الاخير تقولي مانخدملكش

وسيلةوسناء
2007-11-16, 10:45
راني مانيش فاهمة فهموني

messaoud retima
2007-11-16, 21:50
الحاجة وسيلة وسناء واش ما فهمتيش اني هنايا نفهمك

نسيم ورقلة
2007-11-18, 20:12
~*¤ô§ô¤*~*¤ô§ô¤*~السوافة شوية عيانين المرة القادمة نشرحلكانت روح~*¤ô§ô¤*~*¤ô§ô¤*~

نسيم ورقلة
2007-11-18, 20:14
السوفية شوية عيانا روحي شوفي حاجة اخرىىىىىىىىىىىىىىىىىى

lalla
2007-11-19, 18:50
وينهو الاخ رتيمة ليه مدة مابان

zoheir39102
2007-11-19, 19:51
و الله اشكركم على هذه المبادرة الطيبة للتعريف بلغتنا لكن اضن ان البعض اعتبها جهوية سامحهم الله .
الرجاء الاثراء اكثر
اخوكم زهير واد سوف

lalla
2007-11-19, 20:46
شرفتنا اخ زهير في كل وقت

messaoud retima
2007-11-22, 09:21
اسيكم بلخير سامحوني طولت عليكم شوي
كانت عندي رقة نرفع فيها باش انديرها هود قبلاوي
خاطي لبهيم مكر غشمته عن كرومته طنش كراعه ومات
قلت يزيني من الخدمة وهاني جيتكم تو واش مستحقين

lalla
2007-11-22, 12:08
شو زرعت في هودكم الجديد قر

NoahNouh
2007-11-22, 20:12
و الله هدرتكم هي هدرتنا لا فرق كل الكلمات مفهومة الله يعطيكم ألف عافية أنا حاب نتعلم كل لهجات بلادي من الشمال للجنوب و من الشرق إلى الغرب شكرا لكم

zoheir39102
2007-11-23, 18:54
بارك الله فيكم ايها الاخوة وجزاكم الله خيرا

right click
2007-11-24, 10:24
بوركتhttp://www.ksu.edu.sa/Pages/default.aspx

تسنيم
2007-11-24, 10:26
لهجنكم جداً جميلة وأنا أحب الإستماع لها وهل الهجه السوفية نوعين وادية وقمارية

right click
2007-11-24, 10:33
بوركتhttp://www.ksu.edu.sa/Pages/default.aspx

lalla
2007-11-26, 11:10
شكراااااااا الاخوة للمرور
لاكن مازال من الكلام مالم يقل بعد وفي انتضار الحاج مسعود رتيمه طبعا
تحياتي للجميع

messaoud retima
2007-11-26, 20:52
اسيكم بالخير واش خاصكم عمتي لالة اييي حقه على سلامتك هذي غيبة

lalla
2007-11-27, 09:31
الله يسلمك ان شاء الله طولت علينا رانا نستنو في حديثك الباهي

ريحانة
2007-11-29, 12:32
ياوشحالكم يا لقعود اهنايا
كاشما عندكم حداثة جديدة
والا خبير خير،
ادعونا ربي يهدينا
بالسلامه هالساعة.

بنت الصحراء
2007-11-30, 08:45
وشحالكم لاباس

صبحكم بالخير نحساب روحي داخلة لصبطات البويبة

المهم نيا جديدة معكم انشاء الله ما نكونش ثقيلة عليكم

كاش قرظة هاني نقوللكم

و على خير .

zoheir39102
2007-11-30, 10:00
ماتنسوش بشديرونا مطبيق راني عندي ياسر مكليتهاش

lalla
2007-11-30, 11:14
وديك وين راحت
خليها هي طيبلك احسن منا
مكانش ما احلا من ططيب العزوز

sasasasa
2007-11-30, 13:58
وش حالكم السوافا بخير شوي وش حال بلادكم وادي سوف مازلتو تبنو فالقبب ولاحبستو وش حال الغيطان والبطاطا نايا مشيني سوفي بصح لباس تعلمتها شوي من قرايتي للردود وعجبتني ياسر بصح وشي المطابيق هل هي ماكلة ولا راني غالط

kamel kamel
2007-11-30, 17:20
سلام حار حار حار فلفل

messaoud retima
2007-11-30, 17:48
مرحبا بها اللي جونا ودخلو عمانا في الميعاد موشي القرضة كيما قالت واحد الفحلة ربي يهديها
اما عن اللي قال المطابيق واش هي انقله هيا للواد نعطوك منها جلف كبير والا صقشة باهية فيها مشوار حوايج وشوي مرور وكملها بطاس وزوازة
والا دهينة من العكة وفي لخر اشرب اميها من الحيسي باردة توهج هيا على خير اني رايح

sasasasa
2007-12-01, 09:47
مافهمت حتا شي من كلامك يامسعود نايا تقدرو تعيطولي بدة اسم عجبني ياسر وشتيت كلامكم نضن تو ندي سوفية ام قالولي قافزات ولاراني غالط

lalla
2007-12-01, 11:06
اخ ساساساسا راك سوفي وعلاه تدرق في روحك كشفتك
روح تو بدل الملف الشخصي ودير في الخانة نتاع لبلاد وادي سوف خيرلك على لقل تزيد جماعتنا ههههههه

ريحانة
2007-12-01, 12:26
اندرى علواشي اتدرق في روحك، راهو يزيدك شرف كي تعود سوفي، غير قر بركه
راو حديثك باين طول ، مسخت روحك.

sasasasa
2007-12-01, 15:23
ههههههههههههههههههههههها موتوني باضحك معليش راني سوفي على خاطركم برك لوكان يمرق بابا ويما يقتلوني على خاطر تخليت على اصلي واحد مايقولي ساساسا قولولي بدة يالسوافا ماهي اهم المناطق المشهورة لديكم نعرف الرباح والبياضة والرونبوا الكبيرة وصاحبي حلف مايقولي غيرهم وشاحنتو غير نجيبهم وحدي

sasasasa
2007-12-01, 15:27
بصح السؤال نتاعي مازلت معرفتاشي وشي المطابيق صاحبي محبش يقولي انتو السوافا راسكم قاسي وكي تشدو حاجة متقولوهاشي علاه عليكم الربي وشي المطابيق

ريحانة
2007-12-02, 11:16
المطابيق راهي كسرة امطبقة بالسنارية والا بالبصل والا بعبب الذيب والا بالبطاطا، المهم اي خذرة تشتي اديرها راي تجيك هايلة، وكون اذوقها مرة ماعتش تشتي اتبطل منها، وتزعف لماكل الاخرى اكل، حتى المثوم اتاعكم يا امالي ادزاير.
وصاحبك باين اعليه من البياضو والا الرباح، الي ما قالكشي غير اعليهم،
هيا طل اعلينا تو تعرف البلايص اكل، راو كاين الواد(اسنطر قالو اماليه) وكاين القارة وتكسبت وكوينين وتغزوت وقمار وغمرة والدميثة وهبه والرقيبة......هذا من ظهرة ومره اخرى انزيد انقولك على لوخرين
وانت وين جت هالبلاصة الي تسكن فيها: جسر قسمطينه هاذي

messaoud retima
2007-12-02, 19:44
اهلا بده سا سا سا وليد السمار كيف احوال جوارينكم في لامنتاني وبراقي وبن عمار ....اما في خطبتك لي في السوفية راهو شرطنا غالي ياسر عليك وزيد فوق هذا لازم تقبل هي وانت تكون راجل ونص على خاطر بناتنا الوحدة مرا ونص ولازم اللي يديها ايكون اد المئام

sasasasa
2007-12-03, 10:35
والله كان كلامكم يهبل ياالسوافا نوع التوانسا اما جسر قسنطينة وين جت هذي قرية بعيدة شوي على السونطر بحوالي ثلاثة كيلو بحذا ليمونتاني وفيها ناس الساكنين فالديار وكاين اللي ساكنين في الزرايب كيما تقولو "البيوت القصديرية " وهي جاية في الجيهة الضهراوية عن دزاير يالقافزة مش بعيدة عن تقصرين وكان كملنا الطريق الكبيرة نوصلو للقبة ويالحمالديك عن اسماء المدن عندكم تو نعطيك شوي مدن عندنا هني "بوزريعة و وادي عيون و الابيار و بن عكنون و حيدرة وتقصرين و القبة و المدانية " ونكملك الباقي كي تكمليلي انتي اما عن المطابيق عرفتها هي المحجوبة بصح مهيش كيما المثوم المثوم وحده واحد ماقده ويااخ مسعود نايا مشيني راجل ونص نايا زوز رجالة ونص ودبرو بركة وحدة مدينة ومتحجبة راني تو نجي نخطب ويا السوافا عندي ليكم جملة قالهلي صاحبي وقاللي بلي جملة سوفية من اللاصل من الشياب والعزايز نتاع بكري اللي عرفها يقولي وش معناها ماها تفاهمنا قدو رواحكم ياله واحد زوز ثلاثة الجملة هي "ترا تماطة هاك القلال " ماني فاهم فيها والو واسمحولي ان كانت كلمة مش مليحة ولا حاجة

ريحانة
2007-12-03, 11:42
كي تعرفها ها الحداثة قولنا
وكانهي نيتك بلحق في خطبتك السوفيه اعطيني مواصفاتها وانا انجيبهالك سوفية محرحرة، بالصح لازم تكون انت ثاني زوز رجالة وانص كيما قلت.

sasasasa
2007-12-03, 13:42
الله اعلم انتو السوافة وهذا كلامكم انتو تعلوموهنا اما عن الخطبة نايا بلحك شاهي نخطب ولازم تكون متحجبة اولا ثم تكون سمحة ياسر ونشتيها تكون قافزة وقدي روحك واذا شفت بلي كاين وحدة في الصيف نجي نضرب عنها دورة شاتيكم انتي ومسعود وكل السوافا كل واحد يقولى منين هو وتقبلوتحياتي واذا نوا اي واحد يدي دزيرية راني حاضر نشوفله وحدة سمحة ومربية

ريحانة
2007-12-04, 12:30
كانك بالحق بالحق، راهي حاضرة وراهي كيما قلت، والكمال راهو ال ربي سبحانه
يالله قولي انت كداش عمرك او وش تخدم او...........................
بش انقولك تخرج اعليك والا لا
ايهانا نستنو تو، كان ماكانش خلي انديرو عرس ايزطل في هالصيف، ليك انت والسوفية ابنيتنا..

sasasasa
2007-12-04, 20:22
بارك الله فيك ياريحانة مش قتلكم السوافا قافزين ثم ثم دبرتي ولقيتي وحدة نايا عمري 25سنة نقرا في الجامعة هيدروليك ناوي نرتبط بسوفية على خاطر بنات اصل ودين وملاح شكلا ومضمونا بصح حاب نسولك سؤال شحال راهو واصل المهر عندكم وقوليلي هذه اللي راهي موجدتها تقرا ولاتخدم ولا مريحة

sasasasa
2007-12-04, 20:25
اما عن الحداثة فهي تعني
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
زيد اهبط شوي ,
,
,
,
,
,
,
,,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
,
.
الله اعلم

ريحانة
2007-12-05, 12:51
الله يهديك يا ساساساسا
اربي وش تقرا والا طبيب
اما على البنيه راهي بنية الرزق الدين والادب والربايه والزين
بالصح الله غالب راي ماتليقش بيك راي اكبر منك شوي
والمهر عندنا حار 10 ملاين بلا الذهب الي تهديهلها
هذا المتوسط والي قادر خلي يكرم مراتو علاش لا

سوفي ساك
2007-12-05, 13:32
:mh31:كلام مثل لهجة سكان الامارات

وسيلةوسناء
2007-12-05, 14:18
مالا قعدة حلوة وحديث يزطل حدثونا معاكم وعلاه
ربي يبارك فيكم راكم زينتو المنتدى بكلامكم

lalla
2007-12-05, 14:54
ايواااااااه وشو هالميعاد يلي فاتني مركبين عرس ونايا مشيني فاطنة بيه معاليشي

الهاشمي
2007-12-05, 19:56
يلي فيها الخير
الرجالة راهي تعرس وحنايا رانا راقدين عن وذنينا

ههههههههههههههه

sasasasa
2007-12-05, 21:04
اهلا بالجماعة متخفيشي يالا لا مافتك حتى شي مزلنا في الحديث ام عن قرايتي ياريحان نايا نقرا هيدروليك يعني"ري" وهذا اختصاص في الجامعة بالبليدة نروح كل يوم نقرا في البليدة ونجي ، وياخويا الهاشمي مرحبا بيك معانا انا حقا اسعد بالسوافا واحبهم ياسر ياجماعة شفولنا الجملة لعلى تعرفوها الجملة نعاودها هي "ترا تماطة هاك القلال"يالله يا السوافا
اوخ حديثكم ومتعرفوشي يال العار حشمتونا بين الناس نايا نعرف حديث السوافا الاصيل نتاع ناس بكري والسوافا اللي هو حديثهم مايعرفوشي وينك ياريحانة وينك يالالا وينك يامسعود وينك يا وسيلة وينك يا الهاشمي نشاء الله مانسيت حتى واحد القو وش معنى الجملة

messaoud retima
2007-12-06, 09:02
اسيكم بالخير بدة كنت مشقول شوي بركه سامحني كي طولت وما رديتش عليك
الشرح ترا=يا الله
تماطه= تلافة، هز، احمل،
هاك= هاذوك
لقلال= جمع قله وهي اناء من الطين يوضع فيه الماء
اما جسر قسنطينة راهي في الجهة القبلاوية من السونطر يا بده موشي الظهراوية كيما قلت واعرفها جيدا ربما اكثر منك لاني كنت اسكن بنواحيها في 2004 مسكن
اذا تعرفها وين جات.على خير اني رايح تو

sasasasa
2007-12-06, 11:12
شكرا اخي مسعود على الايضاح المهم انا لا اعرف جيدا الجهات حسب مسمياتكم "الضهراوية والقبلية " المهم جسر قسنطينة تقع في الجنوب الشرقي من العاصمةواسكن في حومة الزدامين اذا كنت سمعت عنها اخي بالبلدية اما عن اسيتي 2004 مسكن فمن لم يسمع بها طبعا اعرفها ببراقي واما عن الجملة هيه هنيا لك لقد عرفتها حقا هذا هو المقصود تحياو يالسوافة الميصلين يااخ مسعود اخبرني عن المناطق التي زرتها عندنا وما رايك في مدينتي

الهاشمي
2007-12-06, 19:12
اهلا بيك الاخ ساساساسا

وبناس جسر قسمطينة

نعرفها مليح مليح عندنا مقازة انتاع بياس في الكات شيما
الي فيها لا سياناز

sasasasa
2007-12-06, 21:08
شكرا ليك يا الهاشمي السوافا ياسر هني وشادين الدنية كل ماشاء الله قافزين

klv1983
2007-12-07, 09:59
شكرا:

تحيا السواف
ومزال كاين الجديد مع السواف

راني معاكم من وادي سوف

lalla
2007-12-07, 13:37
السلام عليكم يا جماعة الخير وينه الاخ مسعود مابانش اليوم وين راح طمعنا بشوي من حديثه ومبعد هرب علينا
المهم قولوله راهي lallaمتحلفة فيه هيا اماله على خير

sasasasa
2007-12-07, 13:43
بشوي عنه يالالا الغايب عذره معه الجماعة بدة تزيد الله يبارك مرحبا بكل جديد معانا واشي ياالسوافا كاش لغز ولا حويجا نتسلو بها

الهاشمي
2007-12-07, 16:18
بارك الله فيك الاخ ساساساسا
مرحبا بيك واهلا وسهلا بيك

الهاشمي
2007-12-07, 16:23
هيا يا الاخ ساساساسا.. انت والجماعة الكل خاصة الي مش من الوادي يشرحولنا عالعبارة...

خويا يا وليد امي يلي اباك خو وليدي

يالله راني نستنى

ريحانة
2007-12-09, 11:52
تاوش بيكم ناصبين حلقتين
واحده في الصوبيط والاخرى في باب الحوش
لمو بعضكم اها راي بردت ادنيا وشاهين انردو الباب على الصقع، خشو ال داخل ال دار المنسج والا للكانون ادفا
بالسلامه تلقا العافية

messaoud retima
2007-12-09, 12:11
الجماعة ربي يهديهم قتلهم راهو سميقري يخش في العظم خشو خشو قعدوا قدام الصباط القبلاوي انتاع دده على خاطر شاتيين كميه تاي من ايدين دده العزوز لكن يطوال ليلها وتعلف تو ياكلهم البرد ويدخلوا الدار المنسج وربي يدير نايب لخلاله ما تدق حتى واحد منهم واتالي الذبال راهم هزاته الداية اتذبل بيه في هاك الفليج اللي داراته عمتي الحادة الربح واسعود ليام

وسيلةوسناء
2007-12-09, 16:51
مرحبا بيك ساساسا بانضمامك معانا راهي خارجة عليك السوفية زايدة فيك النص

الهاشمي
2007-12-09, 17:33
خويا مسعود انت لايم عني كي ما رحبتش بالجماعة الكل
بصح شوف سهيلة كيفاش ترحب غير بساساساسا وهذا الكل هالصفحة الي رانا نشاركو فيها انتاعها هي

sasasasa
2007-12-09, 17:51
الله يسلمك يا اخت وسيلة هذا شرف لي
يا الهاشمي لغزك صعيب ياسر ماقديتش نحله وخلطني حتان وجعني راسي ودرت الخل ثميكة ريحت وجيت نطل على الجميعة
يا ريحانة هانا دخلنا ردي الباب الجميعة اكلها الداخل وبارك الله فيك يامسعود تاي يهبل من ايدين العزوز قوللها الله يسلمك ويطول في عمرك ويزيدلك في صحيحتك بصح وشي الذبال والفليج الله يسمعنا الخير وبااااااااااي

messaoud retima
2007-12-09, 23:04
بده كي وجعلك راسك اللغز هاني نعطيكم الحل
الحادة وبنتها فجرة
والحفناوي وولده الساسي
الساسي تزوج الام الحادة
والاب الحفناوي تزوج البنت فجرة
فجرة جابت ولد والحادة جابت ولد
عادت فجرة تقول الى ولد الحادة امها يا خويا يا ولد امي يا اللي اباك خو وليدي هذا هو الحل وربي يعاون على خير

yassine10
2007-12-09, 23:28
حنا قاع نعرفوا لهجتنا

lalla
2007-12-10, 10:27
وينكم يا جماعة الخير راكم عاملين الحلقة بلا بيا
تو تشوفو عنها الكل

ريحانة
2007-12-10, 11:05
وشحالكم يا لقعود
الدايا مهرت من القوايم والخشب، شاهيه منسج الزازوات اتاع الحديد الي يترشق في السطحة
قالت يزيني من اتلقليق، خلي نتقمقم شوي حتى في امنيسج، وراي اتسدي في قشبيه امدله ما قبلت حتى واحد اينير معاها، قالت مايديرلي حتى واحد مزيه، كي نقلع القشبيه اناس اكل اتقول راني نايا الي قلعتها، الي شاهي يعاون يعاون في اتقرديش والا يشد المغزل هاوينا،
الله يهداها الدايا راسها قاسي، عزايز هالوقت ...

messaoud retima
2007-12-10, 18:02
نايا انقد نعاون العزوز اذا كانه الغزل انتاع ثله والجبايد مقردشه وحتى كانه قيام انضن راني انقده حتى هو
على خاطر غزلت كركوبتين انتاع شامالوط الصيف اللي فات درنا بيهم فراش انتاع بوشليق جاء دنيا اخرى كيما يسهلكم كان ما تتفرشوا وتشربوا فوقه قراعي انتاع اكريش صفر هيا فيلامان.

ريحانة
2007-12-11, 11:13
كان سمعتو من ينشد على بوشليق امدله والا غطاوات مطارح
راي ادايا قلعت اول امس.

قمار
2007-12-11, 12:56
السلام عليكم الكل :dj_17:حلقة سمحة خاطي بالشوي على الجماعة اللي مشي سوافى باش يفهمونا و يقدروا يتعلموا .
ريحانة يعطيها الصحة امك و ان شاء الله نشوفلك على من يفتش و نردلك الخبر :)

ريحانة
2007-12-11, 13:28
ربي يبارك فيكم يا ناس قمار لحرار

الهاشمي
2007-12-11, 16:59
يا مسعود يا المقدود يعطيك الصحة هذا هو الحل الصحيح

وانتم يا الجماعة الكل واشحالكم ان شاء الله راكم بخير

هيا في داعة ربي

ريحانة
2007-12-12, 13:17
العوين الله
وشحالكم، وش بيكم اليوم ماظهرتوشي، قولونا كان عندكم جديد
راني اشغبت اعليكم

قمار
2007-12-12, 14:02
ربي يبارك فيك يا ريحانة .:19:
وش احوال الحاضرين ؟ان شاء الله راكم لاباس :19:

zoheir39102
2007-12-12, 19:18
يعطيكم الصحة يا الحراير راكم ديما مهنيينا المهم باش توجدونا المطبيق عاد.

messaoud retima
2007-12-13, 08:32
اسيكم بالخير الله لا يشغبكم
راني لاباس لحوال مقدودة وانشاء الله جميعة الخير الكل لاباس لا دوخة ولا موجعة راس
وينكم يا الله طولتو عني هيو راني توحشتكم ياسر ياسر
عدتوا بحال خلاكم ليا حياة المرحوم
استهلوا في ارواحكم الربح واسعود ليام

الهاشمي
2007-12-13, 17:08
واش حالكم يا جماعة الخير

ربي يصلح حالكم الكل

ماتنسوشي راني حذاكم كاش مايخصكم راني هنا

zoheir39102
2007-12-14, 16:23
تو اروح نضرب دوبارة عند السوايح ونجي

ريحانة
2007-12-15, 09:18
صحيتوا اكل
منورين ديما

ريحانة
2007-12-15, 09:27
صحيتوا اكل
منورين ديما

diim
2007-12-15, 10:54
صحيتو واشكم و واشي أحوالكم يا جماعة الخير

diim
2007-12-15, 11:06
بصحتك الدوبارة يا أج zoheir39102
و اللهي لفكرة و زيد عليها شو حارة و بنينة
بس تحلى كان الصيف في الصيف اما كي اليوم روح و أكل حاجة دفيك خيرلك

قمار
2007-12-15, 16:55
بصحتك الدوبارة.
وش قصتم يالرجالا انتم و الدوبارة و التاي ما تقدوشي بلا بيهم :confused::D

zoheir39102
2007-12-15, 19:05
تسقسو على كمية تاي بعد الفطور التاي خاصة على الجمر

zoheir39102
2007-12-15, 19:23
شكرا diim شكرا قمار كاشي نهار راني نعرضكم على دوبارة حارة بالدوايات

messaoud retima
2007-12-15, 21:03
دوبارة بالمرور والا بالحشاوش موشي بالدوايات يا الحاج زهير الدواء ربي يبعده عني وعنكم
لكن ما تطولشي بالعرضة رانا نستنوا وزيد للجماعة شوي تمر قبوري وكمية حليب ممخوض في شكوة انتاع طلاق صغير الربح وسعود ليام

zagane
2007-12-16, 00:44
السلام عليكم
التو نرد عليك رد سمح وانا حما من معسكر
زرت واد سوف وعشرت ناسها ونعرف بشا وحما
وتكسبت وكوينين وقمرة وقمار والرباح

شكرا على الموضوع واللهجة الضريفة

messaoud retima
2007-12-16, 12:56
اهلا بيك وبكل ناس معسكر في الوادي

سمورة
2007-12-21, 20:10
وشحالكم معليش ترحبو بيا ؟؟؟؟ بيناتكم

بنت نحناح
2007-12-21, 20:59
السلام عليكم
التو نرد عليك رد سمح وانا حما من معسكر
زرت واد سوف وعشرت ناسها ونعرف بشا وحما
وتكسبت وكوينين وقمرة وقمار والرباح

شكرا على الموضوع واللهجة الضريفة
ايه انتى تعرفي هذا الكل
انتى سوفية امالة
شو تعرفي على كوينين وتكسبت

messaoud retima
2007-12-21, 23:20
اهلا بيك سمورة وبكل من دخل عمانا في ها الحلقة السمحة عيدكم مبروك سنين دايمة ورقاب سالمة
اعقوبة الداير لا فاقد ولا مفقود بركة مولى العطاء والجود هيا على خير تو

sasasasa
2007-12-22, 09:48
سالي تول موند راكم بيا وشحالكم ياجماعة الخير عيدكم مبارك وان شاء الله متكونوش كثرتو من اللحم راهو يبشم
ياخوان قابلتني ها التصويرة وانا نروشارشي وقالو بلي في واد سوف ياترا وين بركة هذه البلاصة
http://www.ciberupload.com/uploads/5964e6dc97.jpg

سمحة ياسر مذا بيا نزورها وعلى خير ان شاء الله طلة اخرى بصح وينه القزوز يمسعود عاد انت وشبيك هكا هز روحك وجيبلنا دبوزة كريش صاقعة نقرطعوها تقرطيع

messaoud retima
2007-12-22, 11:17
اهلا بده جيت واش ها الغيبة ياخي لاباس
لكريش الصاقع موشي مليح راهي الدنيا صاقعة يصقعك
تو انسخنولك حليبة دفي افادك
ما شفتليشي الجماعة راهم غابوا ياسر خاصة هاك الفحلة اللي اسماها لالة وهاك اللي مقاطرتها الحاجة ريحانة
الله يرحنا من تعب الدهر على خير سلملي عليهم اكل

سمورة
2007-12-22, 12:30
اوه ماخلاها الهدرة السوفيه حلوه وااااااجدة بصح الترحيب يا مسعود مش هكاكا يخي لازم القزوز

messaoud retima
2007-12-23, 00:39
اهلا سمورة يظهرلي ما سقرتيشي حديثي قبيله راني قلت دبوزة لكريش الصاقعة تو في ها البرد تصقع مولاها
حتى كان جغم منها جغمة بركة وخلي عاد كان قرطعها تقرطيع الساتر ربي وهذا ما خلاني ما عرضتش عليك بالقازوز مخلي العرضة الها العيد على الاقل نطيبولك صقيشة باهية انتاع اكرومة والا مسلان وعماها امفور كرم
وشوي منقوع وبعده تويا على الحطب عماها القرماش والا كويكيوات دافيات اتدفي بيهن افادك في ها البرد واش رايك في ها العرضة لمدللة تو يا سمورة الفحلة هيا على خير تو هاني رايح للداية الحنانة الربح واسعود ليام

sasasasa
2007-12-23, 10:56
يسال عنك الخير يمسعود الحمد لله عدة لاباس وشحال الجميعة كلها ان شاء الله تكونو بخير عندك حق الكريش ليمات هذي مش مليح للجسم
اختي سمورة ابقي شافية في الصيف لازملها يجيب قرعة قزوز واما تو في الشتي لازملها كاس تاي حامي وقعدة عن العافية وكعيبات بلوط في النار وتبقو على خير الكل

messaoud retima
2007-12-23, 17:54
يعفو بيك واينجيك الله لا يوريك سو ولا بلا
يسهل عنك الخير كي نشدت عني يا بده زين الهده كان جيتنا في الصيف نخدمولك سدة سلم عنهم وعلى خير

lalla
2007-12-23, 18:59
وشحالك اخ مسعود عيد مبارك عليك
الكبش هنيت عنه ولا مازال

messaoud retima
2007-12-23, 20:57
يسهل عنك الخير عمتي لالة اللحم حتى الصقيشات اللي كنت ناكل فيهن سمعت بمكروك دويهش حبسنلي في قرجوطتي وبطلت طول طول من الماكلة
تو وشحاله الميكرو كانه لاباس خلي انروح ناكل نتفه والا اثنين
واشحالك انت ياخي مكيش كيما الميكرو مريضة
هيا على خير تو

messaoud retima
2007-12-25, 13:00
وييييييييييييينننننننننننننننكم يا يا يا جماعة الخييييييير

سوفي عنابي
2007-12-26, 14:00
السلام عليكم
يا وشحالكم يا مالي الدار ، راني جديد عماكم إن شاء الله تغبلوني عماكم،
راني منعرفش نتحدث بالسوفي ياسر راهو، إنما نسلك راسي...
كيما راهو باين من إسمي راني سوفي من عنابه و نشتي ياسر لبلاد لكن منيش جياي ياسر.

messaoud retima
2007-12-26, 16:52
اهلا بيك عمانا يا الغرز

zoheir39102
2007-12-27, 14:54
صح عيدكم يا السوافة وان شاء الله عام جديد اجينا سمح والغاشي اللي داير البطاطا ربي اسهله بالصابا والى داير الغنم والدجاج ربي اعينه و الي عنده حوجة ربي احققحاله

lalla
2007-12-27, 14:58
يا وش حالكم يا ناس الواد

*السوفية*
2007-12-27, 15:12
االكل رانا بخير,وشحال امالي الجلفة,وامالي الدزاير الكل ان شاء الله الكل يكونو بخير

messaoud retima
2007-12-27, 21:47
مرحبا بكل الجدد عمانا لازم تنوضي يا لالة تطيبيلهم كويس تاي يا الله خفي اهم معجولين باش يروحوا

بنت نحناح
2007-12-28, 18:25
والله لغة العربية تحرفت ياسر
بالعقل على الجماعة راهم مافاهمين والو من كلامكم
ربي يسهل

zagane
2007-12-28, 22:34
السلام عليكم
انا حما شحالكم شحال بشا
انا نعرف ناس واد سوف من زمان عيش وملح معاهم طيبين وكريمين ولهجتهم سمحة
بارك الله فيك على الموضوع

حاب ننجح
2007-12-29, 10:35
قصير و متحوف من واد سوف...........

messaoud retima
2007-12-29, 11:39
بالعمل هذا جواب اسمك
اهلا بيك يا اللي حاب تنجح عمانا في ها الحويطة البية وها التميعيدة السمحة قهيوة والا توية

lalla
2008-01-03, 14:43
باين عنك حشايشي يا خيا مسعود وتحب التاي واجد
لان تشتيه مر ولا بالفلية

lalla
2008-01-08, 18:00
وينك مسعود ولا مشيك هنايا

أفنان سارة
2008-01-13, 16:29
..... يالالة يالالة

zoheir39102
2008-01-13, 20:45
نــــــــــــــــــــــــحن الحــــــــــــــمــم خير الأمــــــــــــــــــــــــــــــــــم

اميرة الصحراء
2008-01-14, 17:33
:mh92:حتى نايا راني سوفية وانحب السوافه وانحب الي ايحبهمالسلام عليكم ورحمة الله وبركاته

زورق الاحلام
2008-01-14, 20:53
نورتينااااااااااااا يا السوفية

lalla
2008-01-22, 19:09
صحيتو وش حالكم يا جماعة الكل بخير ول

messaoud retima
2008-01-22, 23:45
السلام عليكم واشحالكم يا جماعة الخير

سمورة
2008-01-24, 20:52
وش هاذا يا مسعود وينهي صقيشة اللحم

LARBI200700
2008-01-24, 21:48
صحيتو:
ياخى عارفين بلى ا للهجة السوفية ماش كيفكيف منمطقة لخرى

LARBI200700
2008-01-24, 22:17
هذه اسماء بعض الواسائل التقليدية باللهجة السوفية لإحدى جهات سوف:
الزنبيل (وسيلة يحمل فيها التراب على ظهر الحمار او البغل)
الشا رية (وسيلة يحمل فيها التمر على ظهر الحمار او البغل)
القاروية (وسيلة يحمل فيها التراب. الجبس..........)
العلاقة (يوضع فيها الرطب مصنوعة سعف النخيل الأبيض) كل هذه الوسائل
مصنوعة من سعف النخيل
مع العلم ان هذه الوسائل لدى فكرة جيدة عن كيفية صناعتها

messaoud retima
2008-01-25, 11:16
وش هاذا يا مسعود وينهي صقيشة اللحم

السلام عليكم واش حالك يا سمورة انت اتسقسي على الصقيشة وانت من نهار اللي كووه ما روه هيي ما تغيبيش عنا وكل خير كاين حتى كان ما تتلاميش راهي الجماعة اكلها غايبة ها ليامات يجعل العاقبة خير ان شاء الله هيا على خير تو

سمورة
2008-01-25, 13:57
ان شاء الله منا وجاي راني حاضره تو نخليك على خير يا مسعود

zoheir39102
2008-01-25, 20:17
يزونا من الحديث عن الهمان والماكلة راكم تعبتونا
حتوكانه بنيت الوقت عادن ميعرفوشي اطيبو
كان العزايز تعرف اطيب لمفور الباهي
ههههههههههههههههههههههههههههه؟؟؟؟؟؟؟؟؟؟؟؟

LARBI200700
2008-01-25, 21:33
هذه اسماء بعض انواع النخيل باللهجة السوفية بإحدى مناطق سوف:
الغرس - دقلة نور- تكرمست- تفرزايت - تفصوين - تلسين - على راشد - اليتيم - دقلة عش - القصبى - الحمراية - تمر جرت - العمارى -الشتاية - ضفير قط -

lalla
2008-01-25, 21:37
ربي يباركلك كل هادوم حافضهم

alilo_m
2008-01-26, 13:47
زيدو نورونا وجزدكم يا السوافة

سمورة
2008-01-26, 18:10
هههههههههههه ماشاء الله

zoheir39102
2008-01-27, 19:33
وشبيك يا عليلو يا راس الكيلو
كل هذا حب في المغرب
هههههههههههههههههههه

lalla
2008-01-28, 22:06
ارجو من الادارة عدم اغلاق الموضوع كسابقه

zoheir39102
2008-01-28, 22:28
نتمنى ان يقف كل مشارك بالمنتدى ويلتزم حدوده

sasasasa
2008-01-29, 17:23
السلام عليكم يمالي الخير ان شاء راكم لاباس ياجماعة بشوي راني معدت فاهم حتا شي يامسعود المقدود وضحلي لو سمحت ها الحديث اكل ووصلي سلام للجماعة اكل الجدد والقدم

lalla
2008-01-31, 10:47
صحيتو وش حالكم ساسا لاباس ماخي

elhajemostefa
2008-02-02, 12:28
واش حلكم واش حال أحوالكم

elhajemostefa
2008-02-02, 12:33
نايا راني من قمار أو راني واحل وحد الوحلة راني منعرفشي نتحدث بلعقل راني والفت ديمة نتحدث بزربة الكلام ناكل فيه ماكلة أووبعد منكمل نتكلم ألي كان يسمع في اقولي اهههههههه

elhajemostefa
2008-02-03, 19:45
ياو وينكم ياحلالالين سؤالي وين راكم يا بنيت بلادي ولمخلكمش أهلكم اليوم تخرجو لسييبير ...............................................الح اج مصطفى من دائرة قمارمن ولاية الوادي من دولة الجزائر من قارة أفريقيا من الكرة الأرضية

lalla
2008-02-14, 21:21
ههههههه ههههههههههههه هههههههههههههه
you are very funny my breather
تشرفنا الاخ

zoheir39102
2008-02-17, 21:43
لدي اقتراح بضم الصفحتين لبعضهما صفحة وما تنسوشي السوفيه وصفحة اللهجة السوفيه والحكم لمعدتي الصفحتان الاخت ريحانه و الاخت وسيلهوسناء

lalla
2008-02-17, 22:41
اقتراح جيد

إرتجال
2008-02-17, 22:49
السلام عليكم ورحمة الله وبركاته

واشحالكم يا امالي الدار

رقدتو والا مزلتو

lalla
2008-02-17, 23:02
راني رايحة تو نرقد

zoheir39102
2008-02-19, 20:02
المهم نهار الخميس بش اتوجدو ارواحكم وتكبرو العجنة باش اطيبو المطبيق

lalla
2008-02-20, 12:30
حتى هني مطابيق هههههههههههه
اكري الجماعة كي طيب المطابيق باهي ولا لالا

قائد العباقره
2008-02-21, 11:58
السلام عليكم كيف احلوالكم ياسوفه كاش جديد والا والوووووووووو

إرتجال
2008-03-01, 10:55
السلام عليكم

وشحالكم توحشتكم ياسر ياسر

واش راكم دايرين فيها

ربي يقويكم

شمس سوف
2008-03-22, 15:50
السلام عليكم
وشحالكم لباس
راني مش نعاونكم في طيطيب المطابيق
هاتوا العجينة والحوايج

lalla
2008-03-22, 16:08
تعرفي طبقي ولا شوي رانا حابين خبزة قد الطابلة نتاع الماكلة ههههههههههه
اماليها جعانين

ريحانة
2008-03-23, 07:33
بعدوا بعدوا راني جيتكم نا
تو نخبزلكم، وانديرلكم كسور مدلة
الواحد ما يشبعشي منها كلا اتخم...

حيفا
2008-04-06, 12:30
http://www.ar4up.com/uploads/d55d8c59e4.gif (http://www.ar4up.com)

سناقرية سنيقرة
2008-05-16, 09:15
سناء بنت البلاد اللهجة السوفية التاعنا ونتشرف بها والله حت كون ف الابرازيل ندخل الى الحانوت ونقل خيـــــــــــــــــر وشحالكم بقداش الوزواز وحنة بنت اليوم الله عالب سوفي نتشرف بالبلاد ونحب نهدر بها نشتي العيد والجبارية وشمس وقمرة والرمضان ومختار ومحمود فك علك من بلقس وسندس واقحوانة وسلسبيل يجب ان نحافظ على الاسماء ونحب نكل البطوط والرصخة والدوبارة ونلبس القدوارة خارج اوقات العمل ونحفف بطاطا في الصيف ورمل الحوش ونبات في الصحنية

سناقرية سنيقرة
2008-05-16, 09:19
ربي فكنا من المطابق كل جمعة مطابق خلنا نظفو الحوش او البشير الكرايلي جيبنا الرمل الذر رحو يطبرونا ابدبن سبغة وانتم نضفو الحوش ةناراني رتحالى العيد الفوال انجبلكم فول درونا دبارة

soufi39
2008-05-19, 20:10
كنت انضن كان سوفي لكن الحمد لله هاهي الجماعة ياسر حراير و رجال ربي بارك في ها اللمة منهو يعرف يلعب الخربقة خلي نديرو لعيبة

soufi39
2008-05-23, 08:50
صحيتو يا حراير و رجال سوف هكاك نورونا وجهنا و عرفو اهلنا و احبابنا و اخوتنا في الدزاير الكل بسوف و امالي سوف و ما ضبيا تتحدثن شويا عن الطبخ و الماكلة السوفية و انتم يا فحولة سوف حدثونا شويا عن العاب و السوافة انتاع بكري و عن الزقايري و الخربقة

محب النبي
2008-05-26, 15:58
السلام عليكم
نيا زوبير من الدبيلة راني حاب ندخل معاكم في هذي الحلقة السوفية والي مش مرحب بيا يتقعد وعلى فكرة راني ما نحبش المطبيق بصح نموت على الملة والكسرة يابة يعني ما فيهاش لحوايج نحبها مع الماكلة خير من الخبز .....يلا ربي يعينكم.

soufi39
2008-05-26, 17:38
يعطيكم الصحة صحيتو ياسر وش حالكم و حال حتى حال ناسكم الكل راكم بخير راجل ومرا ربي يحفظكم من كل شر و بلا ان شاء الله

انور 06
2008-05-27, 14:22
كي اديرو المطابيق ابعثولنا شوي لازم اتكون حارة تشوي

محب النبي
2008-05-27, 14:46
السلام عليكم
وشحالكم ..........يا جماعة الخير ماترقدوشي ولا حابين تشمتو فينا الغاشي لازم تشاركوا وراني بادرت بروحي مش ما تقولوشي غير حديث....... ومن اليوم عندي طلة عليكم. ربي يعينكم فلامان.

سانت ارنود
2008-05-27, 21:43
السلام عليكم
معرفة خير نشالله بناس سوف
السوفية كيما راهي تبانلي لهجة جزايرية كيفها كيف أي لهجة غير الامازيغية
يعني قدرت نفهم كل واش راكم تقولو واشنهي لماكلة ماتسميوهاش كيما حنا واكيد رايحة تختلف من بلاصة لبلاصة...
دزاير الله يبارك كبيرة
ويلا راني غالطة قولولي يا جماعة الخير واشنهو الفرق مالا بيناتنا كيفاه السوفي يفرق السوفي من المسيلي و السطايفي و العنابي.... نحوس على الهدرة ماشي اللحن او النغمة....
لا داعي للترجمة اختي العزيزة لالا هدرتكم مفهومة وداخلة القلب
شكرا للجميع

محب النبي
2008-05-28, 10:54
السلام عليكم
حنا نتشرفو بأنا سوافة لكن أنا نحب نبهكم لحاجة والي يشوف العكس يبين حجتوا .... المهم أن السوفية الأصلية كانت في واد سوف بكري أما الآن فقد زالت وبالأخص في السونطر وليزنفيرو لكبار مثل الدبيلة وقمار و.... بفعل الاختلاط بالسكان الأجانب الي جو لبلاد وكدلك السوافة الي يسافروا.... وأوضح دليل لكلام نتاع آباءنا وأجدادنا الي مازلو حين ربي يحفظهم ويطول في عمرهم مختلف على كلامنا حنا الشبيبة بفعل دخول القنوات والانترنت .....كلها لها تأثير كبير على لهجنا وهذا التأثير لا ارادي منا لكنه واقع بالتدريج وبدون احساس وكدالك سرة وتطور وسائل النقل وكما أسلفت وسائل الاتصال الحديثة قضى على الاختلافات الكبرة في اللهجات وأصبحنا نفهمو بعضنا وهذي شيئ جيد فافايدة مش في اللهجة لأن كل منطقة لهجتها لكن الفايدة كي نفهموا بعضنا ...وهذا مجد رأي ؟؟؟؟ السلام عليكم.

محب النبي
2008-05-28, 11:02
السلام عليكم
حنا نتشرفو بأنا سوافة لكن أنا نحب نبهكم لحاجة والي يشوف العكس يبين حجتوا .... المهم أن السوفية الأصلية كانت في واد سوف بكري أما الآن فقد زالت وبالأخص في السونطر وليزنفيرو لكبار مثل الدبيلة وقمار و.... بفعل الاختلاط بالسكان الأجانب الي جو لبلاد وكدلك السوافة الي يسافروا.... وأوضح دليل لكلام نتاع آباءنا وأجدادنا الي مازلو حين ربي يحفظهم ويطول في عمرهم مختلف على كلامنا حنا الشبيبة بفعل دخول القنوات والانترنت .....كلها لها تأثير كبير على لهجنا وهذا التأثير لا ارادي منا لكنه واقع بالتدريج وبدون احساس وكدالك سرة وتطور وسائل النقل وكما أسلفت وسائل الاتصال الحديثة قضى على الاختلافات الكبرة في اللهجات وأصبحنا نفهمو بعضنا وهذي شيئ جيد فافايدة مش في اللهجة لأن كل منطقة لهجتها لكن الفايدة كي نفهموا بعضنا ...وهذا مجد رأي ؟؟؟؟ السلام عليكم.

محب النبي
2008-05-28, 11:06
السلام عليكم
حنا نتشرفو بأنا سوافة لكن أنا نحب نبهكم لحاجة والي يشوف العكس يبين حجتوا .... المهم أن السوفية الأصلية كانت في واد سوف بكري أما الآن فقد زالت وبالأخص في السونطر وليزنفيرو لكبار مثل الدبيلة وقمار و.... بفعل الاختلاط بالسكان الأجانب الي جو لبلاد وكدلك السوافة الي يسافروا.... وأوضح دليل لكلام نتاع آباءنا وأجدادنا الي مازلو حين ربي يحفظهم ويطول في عمرهم مختلف على كلامنا حنا الشبيبة بفعل دخول القنوات والانترنت .....كلها لها تأثير كبير على لهجنا وهذا التأثير لا ارادي منا لكنه واقع بالتدريج وبدون احساس وكدالك سرة وتطور وسائل النقل وكما أسلفت وسائل الاتصال الحديثة قضى على الاختلافات الكبرة في اللهجات وأصبحنا نفهمو بعضنا وهذي شيئ جيد فافايدة مش في اللهجة لأن كل منطقة لهجتها لكن الفايدة كي نفهموا بعضنا ...وهذا مجد رأي ؟؟؟؟ السلام عليكم.

برهوم
2008-05-29, 13:50
انا حابة نتعلم سوفي

محب النبي
2008-05-30, 23:02
:mh92:برهوم مرحبا بك في قاموس سوف لكن للأسف منقدش نعلمك بصح نقد نفهمك أي كلمة تلخبطت عليك هاتها نشرحالك ..... يلا السلام عليكم.:19:

محب النبي
2008-05-31, 18:32
:dj_17:الى كل السوافى وينكم ..:confused:..أين الردود لكن لا بأس أنا سأبقى أطل عليكم كل يوم ولو بقيت أنا ةحدي في هذا المنتدى سلام:mh31:

anis111
2008-06-05, 07:47
ربي يعاونك خويا

soufi39
2008-06-22, 22:09
السلام للجميع و يعطيكم الصحة نورتو المنتدى

hezla mohammed
2008-06-24, 20:37
نسيتوا خبز الملة ياخواني السوافة
محمد من وادسوف

ايمن الناجح
2008-06-24, 22:36
راني ديما هنايا ............................... الفايدة خلوكم ديما في السوفي وغير الحديث السوفي ما نرضاشي.

لقمارية
2008-07-10, 09:52
:dj_17:انا عضوة جديدة في المنتدى يسرني الانضمام اليكم

لقمارية
2008-07-10, 10:16
وشحالكم انا راني سوفية ونتشرف بهاذا

انور 06
2008-07-13, 20:18
الى كل السوافة واش حالكم وين جيتو اراني قاعد نستنا فيكم باش تقولولي شوي سوفية اراهي لقبايلية ما خلاتلي والو

علال محمد
2008-07-13, 22:14
السلام عليكم
وشحالك راك لاباس اعليك
مالا في بجاية مكانش الى تحدث معاه السوفية....رانا هنايا وين تحب تتحدث السوفية رانا ديما في منتدى الجلفة.
مالا تو انقلك ربي يعينك.

انور 06
2008-07-13, 22:28
ازول محمد انت اسلماد انايا امحضار انقللك بالسوفية انت نعم سيدي وانا التلميذ لازمك اتعلمني دبر راسك تو ههههههه
ولا نتغشش عليك هههههه

عيناء
2008-07-27, 19:15
انا راني سوفية حرة واش حالكم يا شباب وشابات سوف راه ما كانش ما احسن من اللهجة السوفية
***رباني اترابك ياسوف --يا صدر الوالدة الحنينة ---ما بين احضان يا سيوف وكر النخل امدفينا -ااا

soufi39
2008-08-01, 14:44
السلام عليكم ويعطيكم الصحة

الطالبة الطموحة
2008-08-03, 14:39
الله يخليكم يا السوافة ربي يحفضكم : الحقيقة احسن اللهجات هي السوفية
" بلادي الوادي يا الحنينة.........سوف المنى يوم تضوي علينا ............عليك النادي يا وادينا ......... عليك النادي يا وادينا .... يا سعدنا يوم تضوي علينا يا سعدنا يوم تضوي علينا...................................." و الله تستاهلو

الطالبة الطموحة
2008-08-03, 14:42
بلاد الرملة و النخيل و سيوفها ما عدها مثيل .............منظرها يسحر كل عين ................... منظرها يسحر كل عين ................... و قداش علينا اتسلينا وقداش علينا اتسلينا ........................................."

لهواوي 39
2008-08-04, 10:14
اخي الكريم منتديات وادي سوف للجزائريين والعرب شكرا لك الى المنتدى لكن وجدته في محرك البحث قوقل

بنت الصحراء
2008-08-27, 13:27
مساكم بالخير يا لقعود
وش حالكم راني من عام لول ماجيتش
ربي يعاون

yaya55
2009-03-14, 23:59
http://www12.0zz0.com/2009/03/14/23/154285942.gif (http://www.0zz0.com)
نايا نظن ما كلاه نعرف بروحي راهو باين
عجبتني هالفكرة و لمت مشوار جماعة سوفية
لك تحية يا الاخت وسيلةوسناء و ربي يحفظك و إخليك إلوالديك

yaya55
2009-03-15, 00:07
و ربي يحفظ جميع الامة الاسلامية من دون إستثناء