Smاو st راني حااايرة

[dinet]

السلام و عليكم و رحمة الله

اولا صحا عيدكم تعيدوو تعاودو العقوبة للعام الجاي ان شاء الله

انا تحصلت على شهادة الباكالوريا بمعدل يقارب 12
و لكن راني حايرة بزااااف خاوتي
مانيش عارفة شكون هي الاحسن st او sm انا في التسجيل الاولي درت علوم المادة لانني نحب الكيميا بزااااف و تمنيت نديرها و لكن خوفوني منها شوية وقالولي تكنو فيها اختيارات بزاااف و اليوم عندي مرحلة تاكيد الرغبااات و حرت واش ندير
للعلم تكنو و علوم المادة في جامعة عين تموشنت يعني ولايتي و لكن ادا درت تكنو و حبيت نروح شيمي لازم نروح نقرا في الجامعة تاع وهران و انا مانيش حابة تغونسفااااار و البعد حابة نقرا قدام دارنا خير واحسنلي

الله يخليكم قولولي شكون هي الاحسن فيهم
بواش تنصحوني

[dinet]

قالولي بلي السنةاول راح تكون مشتركة بين التكنو و علوم المادة نفس القراااااية
هل نقدر العام الجاي نبدل الشعبة مثلا كون ندير علوم المادة والعام الجاي نتراجع و نحب نولي تكنولوجيا مسموحلي ؟؟
هكدا قالي استاذ الكيمياء قالي تقدري تبدلي و انا نساعدك و العلم لله

[بومزراق يسرى]

السلام عليكم ورحمة الله وبركاته
نقدر نعطيك معلومات حول تخصص التكنولوجيا بإعتباري درست هذا التخصص و أنا الآن مقبلة على السنة الثالثه هندسه مدنيه و الحمد لله أني مندمتش على هذا التخصص رغم أن معدلي كان عالي ومعدلات القبول في هذا التخصص غالبا تكون متوسطة و لا يخفيك أنه في مجتمعنا يكثرولك القيل و القال رأي الشخصي أنها الأفضل خاصة للذين يتميزون بالذكاء و التمكن من الرياضيات و الفزياء و الكمياء و فيها تقدري تتفرعي الى شعب كثيرة ومتميزة ضف الى ذلك ذلك عندك الوقت باش تخمي في التخصص اللي يناسبك حتى السنة الثانية في ظل الضغوط اللي يواجها الطالب بعد النجاح في البكالوريا

...بالنسبه لمواد السنة الأولى فيه سداسي أول و سداسي ثاني
السداسي الأول : فيه وحدة أساسية اللي هي رياضيات 1 و فزياء 1 و كيمياء 1
وحدة الكمياء هي أجمل وحده في هذا السداسي أما بالنسبة للرياضيات ففيها تشابه مع مقرر البكالوريا مع بعض الوحدات الجديدة يعني تتعمقوا فيها شويه الفزياء تدرسوا فيها ميكانيك
الوحدة المنهجية : فيها أعمال تطبيقيه للكمياء1 و الفزياء 1 عمل جماعي في المخابر
وحدة إستشكافيه ووحده ثقافيه هنا فيه بعض الاختلاف من جامعه لأخرى أغلبها مواد حفظ أو لغات
السداسي الثاني لا يختلف عن الأول الا في بعض المواد المنهجية و الإستكشافيه
وفعلا في السنة الأولى فيه تشابه كير بين مواد ال sm و ال st
الا أنه في السنة الثانيه فيه إختلاف في التخصصات يعني أنتي إذا تحبي الكمياء تقدري تتخصي تخصص هندسة الطرائق و أمامك تخصصات كثيرة على حسب ميولك وكل جامعه وفروع التكوين الخاصه بيها
في الاخير نتمنى نكون أفدتك و ان شاء الله ربي يوفقك لإختيار ماهو أفضل لك و أهم شي أنه متنسيش أنك تدي غي اللي كاتبهلك ربي سبحانو و طلب العلم ليس له حدود

[مقنين الصوناكوم2]

ديري st وماتندميش

[باهي جمال]

بالتوفيق والنجاح

[Zahra 30]

السلام عليكم؛ ماهي التخصصات الموجودة في جامعة وهران علوم المادة بما فيها الفيزياء و الكيمياء وهل تضمن المستقبل