فن العجينة الكميائية لمن يرغبن في فتح دورة للتعلم

[-رودينا-]

http://im33.gulfup.com/0wqs7.jpg
كما وعدتك حبيبتي واختى المشرفة الغالية فيفي من قبل ان اضع دروس في العجينة الكميائية
ان شاء الله يقدرني ربي ونعملو دورة رغم تجهيزات عرسي راني حااااااااصلة ههههههههههههه ماتنساونيش من صالح دعائكم حبيباتي
اولا هذا الموضوع يكون تمهيد لدرس الاول ان شاء الله الا كان تفاعل :)
بداية حابة نوضح كاين فرق بين العجينة الكميائية والبورسولان
الاولي بدون طهي والثانية بالطهي
الاولي مع الوقت تشقق والثانية لالالالالالا وكل واحد واش يحب
الاولي زاكية يعني تخدمي بيها شحال من حاجة والثانية قليلة
حنا نحاول نبداو بالعجينة الكميائية باش نتعلمو مليح ونمشو يدنا وامبعد نطبقو البورسلان
في البلدان الاوربية تتباع واجدة مثل هادي
http://im32.gulfup.com/pa8NW.jpg
يقولولها عجينة الفيمو حوست عليها في الدزاير مش متوفرة
هادي بعض الصور من هذا الفن الجميل والممتع فن غير متناهي
http://im34.gulfup.com/wmDao.jpg
http://im34.gulfup.com/ECmKx.jpg
http://im34.gulfup.com/M0Huv.jpg

http://im34.gulfup.com/Qx4W8.jpg
http://im38.gulfup.com/db0dN.jpg
http://im34.gulfup.com/wUC4B.jpg
http://im34.gulfup.com/gFCUq.jpg
http://im34.gulfup.com/kK04k.jpg
هيا يا الفحلات شكون تحب تلتحق بالدورة تسجل اسمها باش نبداو الدرس الاول باذن الرحمان
http://forum.tawwat.com/images-
بسم الله الرحمان الرحيم
على بركة الله نبد الدرس الاول في فن العجينة الكميائية يتمثل في تحضير العجينة وتلوينها
اخترت نوع العجينة لي طيب سهلة التحضير ومكوناتها طبيعية متوفرة في كل بيت
لان كاين عجينة ماطيبش فيها السيليكون وهادي مع الوقت تتشقق
http://forum.tawwat.com/images-topics/images/fa/0109.gif (http://forum.tawwat.com/images-topics/fwasel.htm)
الفرع الاول تحضير العجينة
اولا - مكونات العجينة
http://im39.gulfup.com/T4UY9.jpg
نحتاج 200 غرام غراء خشب ابيض (بونال)
145 مايزينة
مغرف كبيرة زيت
مغرف كبيرة عصير ليمون (كاين لي يستعمل الخل الابيض حنا مش متوفر عندنا كاين خل بالثوم ولا زيت الزيتون ههههههههههه)
ملون ابيض اختياري انا مستعملتوش الفائدة منه عجينة تكون بيضاء اكثر
نحتاج مغرف خشب او نيلون
كسرونة تيفال تكون ماشي مخبشة في هادي الحالة العجينة تلصق وتصدقش

ثانيا - تحضير العجينة
نضع في كسرونة الغراء+ الزيت+القارص نخلط مليح
http://im39.gulfup.com/0hRAy.jpg
نضيف المايزينة ونخلط
http://im39.gulfup.com/Qcem9.jpg
وبعدين نضعها فوق النار تكون متوسطة ونبدا في التحريك وتقليب العجينة حتى تولي تتنصل من الكسرونة وتولي متماسكة ونعرفوها وجدت كي تولي ماتلصقش في المغرف
ونمسها باليد ماتلصقش شوفي
http://im34.gulfup.com/Og5te.jpg
نحضر ساشي او سيلوفان ندهن بالفازلين يدينا مليح ونبدا نخدم العجينة مليح باش نخرج الهوا
http://im39.gulfup.com/IwWsP.jpg
http://im39.gulfup.com/udqJT.jpg
http://im41.gulfup.com/jeD50.jpg
http://im39.gulfup.com/RzWwD.jpg
http://im39.gulfup.com/zdmVf.jpg
نغطوها شوية
http://im39.gulfup.com/wn45R.jpg
وبعدها نغطيها مليح من كل الجوانب باش ما تيبسش ونخبوها في الثلاجة لحين الاستعمال
http://im39.gulfup.com/0rt12.jpg
ملاحظات الدرس
لازم نظف المغرف مليح وحنا نخلط في العجينة
بمجرد الانتهاء نمسح المغرف والكسرونة باش غسيلهم يجينا ساهل
المقادير لازم تكون مضبوطة الا ماعندكش ميزان استعملي طاس المكيال
او اشري المايزينة قيس 145 غرام
http://forum.tawwat.com/images-topics/images/fa/0109.gif

الفرع الثاني تلوين العجينة
http://im33.gulfup.com/uVFFx.jpg
هناك عدة طرق لتلوين العجينة
الملون الغذائي متوفر في الاسواق لكن الوانه ليست جيدة مايعطيكش لون المرغوب فيه
نفضل الالوان المستوردة متوفرة في محلات بيع لوازم الحلوي تتباع بالميزان الوان كثير رائعة وديري قرصة تتلون العجينة لازم ذرة ملون ماتشريش بزاف قيس 50دج (5 الاف تجيبك خير وبركة شوية منه يلون كامل العجينة قاسح )
الا مش متوفر في منطقتك استعملي العادي
ممكن تلوين بالمكياج الا عندك مكياج خلاصت صلاحيتو ماترميهش استغليه
كذلك التلوين بطلاء الاضافر عند جفاف العجينة نصبغها بطلاء
وحسب تجربتي نلون العجينة قبل ما تجف
ملاحظات الدرس
نلون العجينة حسب الاستعمال يعني شوية لون اخضر شوية احمر ...........الخ
دايما نخلي عجينة بيضاء احتياط دون تلوين
http://forum.tawwat.com/images-topics/images/fa/0109.gif[/url]

الفرع الثالث الادوات المستعملة

نحتاج مقص
نحتاج هذي الاقلام
http://im33.gulfup.com/L6dpo.jpg
طوابع الحلوي
غراء
بريون (Paillettes) كل الالوان
خيط الصيد ) سبيب ( يكون متوسط الصورة لاحقا
ملمع نحتاجه في اخر مرحلة يمد لمعة وفي نفس الوقت يحمي من الماء

الدرس الثاني ان شاء الله كيفية تشكيل الاوراق بكل انواعها


[IMG]https://encrypted-tbn0.gstatic.com/images?q=tbn:ANd9GcTreQSERAa9bBs5jbZOGNI0b9WF1o6Vu F58vaicNCK-fqHNYH395A

نقدم اليوم الدرس الثاني هو عمل الاوراق
لعمل الأوراق نلون العجينة بلون الأخضر هنا كل وحدة وذوقها فاتح او غامق
ديري في بالك كي تنشف العجينة لون يتغير يولي حامق
وقبل كل هذا ندهن يدنا بالزيت او الفازلين لتسهيل العمل وماتلصقش العجينة في يدينا

هنا حضرت اوراق خدمتهم باليد ولوخرين بالمول انا نفضل اليد نتحكم في العمل احسن وتنوع يكون اكبر
http://im32.gulfup.com/44xGS.jpg
http://im32.gulfup.com/yWXQ9.jpg
الطريقة
ناخذ كرية صغيرة على حسب الحجم المراد ورقة كبيرة ولا صغيرة نكورها مليح بين راحة اليدين
http://im40.gulfup.com/JDRXR.bmp
وبعدين نحلها من تحت شوية تولي هكا
http://im33.gulfup.com/Vvzkw.bmp
http://im32.gulfup.com/q566h.jpg
بعدها نضغط بالسببة تولي هكا
http://im32.gulfup.com/kej5k.jpg
او نضعظ بين السبابة والابهام مثل الصورة
http://im40.gulfup.com/0bC41.bmp
http://im40.gulfup.com/Y9xfs.bmp
http://im40.gulfup.com/ZtAJk.bmp

نحضر مول الورقة ونحط العجينة عليه ونضغط باش تنطبع العروق فيها
http://im32.gulfup.com/tQIEe.jpg
او بالموس نعمل هذوك العروق
http://im40.gulfup.com/djHCG.bmp
هنا نوعين كاين العادية ولا المشرشفة
http://im40.gulfup.com/NTHJR.bmp
لي عمل الورقة لي في اليمين
ناخذ سكين ونضغط على الحواف لداخل بهذا الشكل
http://im40.gulfup.com/1nem4.bmp
http://im40.gulfup.com/9sCDA.bmp
ونحاول بيدينا نتحفو الورقة يا جماعة هذا الفن يتطلب الاتقان الاتقان مطلوب في كل اعمالنا
وفي اسفل الورقة نضغطو شوية الجانبين لداخل لنتحصل على عنق الورقة باش نقدرو نلصقو الاوراق لاحقا كما موضحة الصورة
http://im33.gulfup.com/C8y7N.jpg
http://im33.gulfup.com/BKagv.jpg
http://im33.gulfup.com/1222n.jpg
هادى الصورة تفهموا كثر
http://imup2.dorar-aliraq.net/2013-07/9347.vitiligoc077cc2a51.jpg
في الاخير نتحصلو على هادي الورقة
http://im32.gulfup.com/GQzF8.jpg
http://im33.gulfup.com/6G8yY.jpg
وكل مرة نغيرو في شكل الورقة يعني تكون منحنية على جنب بطريقة بيسطة نضعها فوق السبابة ونلوي الورقة على الاتجاه المغروب ونخليها تنشف
http://im40.gulfup.com/LtXsN.jpg

ثانيا
عمل الوراقة بالمول كاين لي تباعو سيري فيها 3 قطع كبيرة متوسطة صغيرة
دائما ندهن مكان العمل بشوية زيت
نفرط العجينة ماذبيكم تكون حاجة بلاستيك احسن نستعمل فاتر خشين خلاصي مارميتوش الحاجة ام الاختراع هههههههه
كما موضح في الصورة و انتم واش تصيبو في الدار
http://im33.gulfup.com/4QQa7.jpg
http://im33.gulfup.com/h5LMA.jpg
http://im33.gulfup.com/aB6jj.jpg
نحط الورقة في راحة اليد اليسري اكيد رانا نخدمو باليمنى
نحاول نتحفها وندير عنق الورقة كما وضحت من قبل وزيدو شفو الصورة الاولى لتوضيح اكثر
نحاول نجمعلكم اكثر من طريقة
نحل العجينة وناخذ المول وبعدين نحضر ورقة حقيقية من الطبيعة ونحط العجينة عليها مع الضغط لنسخ العروق
مثل الصور مؤخذة من النت
http://im38.gulfup.com/gDyGo.jpg
http://im38.gulfup.com/V5Vmb.jpg
http://im38.gulfup.com/b1Ao4.jpg
http://im38.gulfup.com/mTXls.jpg

ملاحظة الدرس

لون يتغير عندما تجف العجينة
عند نهاية التشكيل العجينة توضع على الفركي ماعرفتش كيفاش يقولولو بالعربية لي نصيبوه في الاجهزة الكهرومنزلية مثل الصورة
http://im32.gulfup.com/44xGS.jpg
دهن اليد ومكان العمل بالزيت او الفازلين

الدرس الثالث الازهار ان شاء الله يكون درس متنوع

الدرس الرابع فواكة

الخامس هذا الارنوب لتزين المفاتيح (بورت كلي )
http://im40.gulfup.com/tL3ux.bmp

الدرس السادس عمل بعض الحلويات (بورت كلي )

رابط الدرس الثالث كيفية عمل الورود
http://www.djelfa.info/vb/showthread.php?t=1543231

http://upload.traidnt.net/upfiles/OH123742.gif


[/COLOR]

[أختاه]

السلام عليكم
اختي وفقك الله و اعانك و يسر امورك
رغم حبي الكبير لعالم الخرز و لكن تعلم شيئ جديد له متعة
لذى اتمنى ان انظمامي للدورة يفيدني اكثر
بارك الله فيك

[-رودينا-]

السلام عليكم
اختي وفقك الله و اعانك و يسر امورك
رغم حبي الكبير لعالم الخرز و لكن تعلم شيئ جديد له متعة
لذى اتمنى ان انظمامي للدورة يفيدني اكثر
بارك الله فيك

وعليكم السلام ورحمة الله وبركاته
شكرررررررررررررا على الدعوة لك مثلها ان شاء الله
من دواعي سروري انظامك معانا
وزيادة الخير خيرين ممكن تدمجي العالمين مع بعض وتبدعينا باشكال جميلة :19:

[crono]

دخلت نبركلك ربي يزين سعدك
وفقك الله و اعانك و يسر امورك

[-رودينا-]

[quote=crono;1054510471]

يبارك في صحتك وزوجك واولادك يا رب حبيبتي كرونو
ربي هنيك ان شاء الله

[مواطنة]

السلام عليكم اختي الله يوفقك ويسهلك التحضيرات
انا حابة التحق بالورشة اذا ممكن
جزاك الله خير

[الخامسية]

هيا يا حبوبة علاه ما بديتيش الدورة؟

[fifiarch]

مشكورة اختي رودينا على الالتفاتة الطيبة
بارك الله فيك لانك حبيتي تفيدينا وتعلمينا هاذ الفن الرائع
كيما تعرفي انا نعشق كل الاعمال الفنية مهما كان نوعها
لذا انا انظم ان شاء الله للورشة

الموضوع يستحق التميز والتثبيت

حبيت نباركلك الف الف مبروك حبيبتي
ربي يعاوونك وييسرلك امرك
ونشوفوك احلى عروس ان شاء الله

[wiwi la blande]

mabrouuk iftitah el warcha ana habit naltahak mé ma3andich camera mé maalich rani ha ntaba3 kamel el dorouss

[rimanou]

السلام عليكم
ختي ربي يوفقك و يسرلك امورك نشالله
انا راني حابة نسجل في الورشة
نشالله ربي يوفقنا

[ام عبد الحق]

الف مبروك وربي يهنيك عزيزتي ابدئي بسم الله نحن على الدرب ورائك ان شاء الله ام عبد الحق

[-رودينا-]

السلام عليكم ورحمة الله وبركاته
جمعة مباركة على الجميع :mh31::dj_17:
ان شاء الله قريب نحط الدرس الاول يتضمن الادوات للازمة وتحضير العجينة
اسمحولي النت عندي ثقيلة ساعة وانا نكتب في هذا الكلمات

[-رودينا-]

السلام عليكم اختي الله يوفقك ويسهلك التحضيرات
انا حابة التحق بالورشة اذا ممكن
جزاك الله خير
وعليكم السلام ورحمة الله وبركاته
مرحبا بيك اختى ومنورة الورشة

هيا يا حبوبة علاه ما بديتيش الدورة؟
اااااكيد نبداو حبيبتي ماتقلقيش الشغل لمليح يطول
مشكورة اختي رودينا على الالتفاتة الطيبة
بارك الله فيك لانك حبيتي تفيدينا وتعلمينا هاذ الفن الرائع
كيما تعرفي انا نعشق كل الاعمال الفنية مهما كان نوعها
لذا انا انظم ان شاء الله للورشة

الموضوع يستحق التميز والتثبيت

حبيت نباركلك الف الف مبروك حبيبتي
ربي يعاوونك وييسرلك امرك
ونشوفوك احلى عروس ان شاء الله
يبارك في صحتك با الغالية والعاقبة ليك ولكل لبنات ان شاء الله
ان شاء الله تكون دورة خير على كل لبنات وماذابيا اي وحدة تعرف هذا الفن تنظم لينا باش الكل يستفيد
الدورة تنور بوجودك حبيبتي وبوجود كل الاخوات ان شاء الله

[-رودينا-]

[
mabrouuk iftitah el warcha ana habit naltahak mé ma3andich camera mé maalich rani ha ntaba3 kamel el dorouss
يبارك فيك يا لبلوندا :) منورة المهم تتعلمي وتستفيدي ماذابينا نشوفو ابداعك :19:
السلام عليكم
ختي ربي يوفقك و يسرلك امورك نشالله
انا راني حابة نسجل في الورشة
نشالله ربي يوفقنا
وعليكم السلام ورحمة الله وبركاته :dj_17: بيك معانا عزيزتي عندي طلب حبيبتي بعد اذنك اكتبي ان شاء الله هكا
الف مبروك وربي يهنيك عزيزتي ابدئي بسم الله نحن على الدرب ورائك ان شاء الله ام عبد الحق

منورة حبيبتي ام عبد الحق قريبا نباشر الدروس ونشوف ابدعاتكم المميزة
ومشككككككككككككورة على الدعوة
ونشكر كل الاخوات ربي يهنيكم ان شاء الله ولي عندها اي نية في قلبها تكون مقضية ياااااااااااااااااااااااااااا ررررررررررررررررررررررر ب

[kiya]

سلام لبنات انا ثاني معاكم بصح راني نطل غير ساعة على ساعة
رودينا الف مبروك ربي يهنيك ويسعدك
فيفي وش راكي ريحتي راكي ديما في بالي ربي يشفيك

[fifiarch]

اهلين كيا واش احوالك
والله انا الحمد لله واتوحشتك تان
مليح كي بدات تجتمع الشلة نتاع زمان

[fifi180]

يويويويويويووووووووووووووي مبروك رودينا والله فرحتلك العقبة الي مازال
انا لحق عندي انشغالات تالي نشارك المهم نبقى نتابع ان شاء الله

[rimanou]

شكرا حبيبتي رودينة على الملاخظة راهي faute de frappe شكرا

[om_abdarahman]

السلام عليكن بارك الله فيكي اختي من مدة و انا أتابع في هذا الفن و احمل المجلات و الفديوهات لكني لم ابدء ان شاء الله التحق بالدورة و تكون أجمل انطلاقة يا رب

[لآلئ]

السلام عليكم ورحمة الله وبركاته
تحياتي لكلن جميعا وخاصة

حبووووووووووووووووووووووبتي فيفي

واش راكي راني توحشتك بزاف بزاف

ونطلب من الله ييسر ويبارك لي في الوقت باش نلتحق بكن واشارككن في تعلم هذا الفن
مشكورة واختي وبارك الله فيك

[نور المستقبل]

السلام عليكم مبروك علينا الدورة وربي يسرلك امورك ويعينك راني معاكم في الدور بارك فيك شكرا

[أسومة المتفائلة]

وااااااااو الفن هايل
ان شاء الله نكون وصلت بالدورة
حابة نسجل فيها

[-رودينا-]

صباح الخير حبيباتي واش راكم ان شاء الله تكونو بخير
اسمحولي انشغالات كثيرة تمنعني من التواصل معاكم
ان شاء قريبا نحاول وضع الدرس
موفقين ان شاء الله

[-رودينا-]

سلام لبنات انا ثاني معاكم بصح راني نطل غير ساعة على ساعة
رودينا الف مبروك ربي يهنيك ويسعدك
فيفي وش راكي ريحتي راكي ديما في بالي ربي يشفيك

الله يبارك فيك حبيبتي كيا العاقبة ليك ان شاء الله واش حوالك لاباس
غير خير فيفي ربي يشافيك ان شاء الله

يويويويويويووووووووووووووي مبروك رودينا والله فرحتلك العقبة الي مازال
انا لحق عندي انشغالات تالي نشارك المهم نبقى نتابع ان شاء الله
يبارك فيك حنونة العاقبة ليك ان شاء الله ولخياتك ولكامل لبنات
السلام عليكن بارك الله فيكي اختي من مدة و انا أتابع في هذا الفن و احمل المجلات و الفديوهات لكني لم ابدء ان شاء الله التحق بالدورة و تكون أجمل انطلاقة يا رب

وعليكم السلام ورحمة الله وبركاته
وفيكي بركة عزيزتي ان شاء الله قربيا نبداو وماذابينا الا عندك تجارب تشاركينا بيهم
السلام عليكم مبروك علينا الدورة وربي يسرلك امورك ويعينك راني معاكم في الدور بارك فيك شكرا
وعليكم السلام ورحمة الله وبركاته
مبروك عليكم وعلينا حبيبتي ان شاء الله تكون لمة خير

وااااااااو الفن هايل
ان شاء الله نكون وصلت بالدورة
حابة نسجل فيها
انت الهايلة حبوبة راكي معانا ان شاء الله

[hanaasiham]

السلام عليكم أختي ربي يوفقك انشاء الله
أنا ثاني راني باغية نكون معاكم

[نايليةوافتخر]

مبروك عليك رودينا ورب يخليك راني كنت نستنا مع فيفي فالدورة راني معاكم انشاء الله

[-رودينا-]

السلام عليكم أختي ربي يوفقك انشاء الله
أنا ثاني راني باغية نكون معاكم

وعليكم السلام ورحمة الله وبركاته امين اختى ومنورة الدورة :):dj_17:

[-رودينا-]

مبروك عليك رودينا ورب يخليك راني كنت نستنا مع فيفي فالدورة راني معاكم انشاء الله


يبارك في صحتك حبيبتي اكيييييييييييييييييد راكي معانا :mh31:

[lili2]

ربي يخليك انا كنت حا با نتعلم هذا فن ونتي جيتي في وقتك اكيد اذا تقبليين تلميذة عندك نكون شاكر ليك

[سنوم 33]

الف مبروك افتتاح الدورة
انا راني معاكم في هذه الدورة
لكن هذي العجينة تتباع ومنين نشروها ولا تخدميها انت ؟؟؟؟؟؟؟؟؟؟

[< اللؤلؤة البيضآء >]

اختى انا ان شاء الله متابعين

بالتوفيق لكن في هذه الدورة

انه فن رائع و في اوقات الفراغ ان شاء الله نجرب

[زوجي نور عيني]

انا انا راني نحبها بززززززززززززززززززززاف ربي يوفقك انت كل سيدات المنتدى

[مواطنة]

متى تبدأ الورشة انا انتظر بفارغ الصبر

[-رودينا-]

اختى انا ان شاء الله متابعين

بالتوفيق لكن في هذه الدورة

انه فن رائع و في اوقات الفراغ ان شاء الله نجرب

انا انا راني نحبها بززززززززززززززززززززاف ربي يوفقك انت كل سيدات المنتدى

متى تبدأ الورشة انا انتظر بفارغ الصبر
:dj_17: خياتي صح عيدكم تعيدو وتزيدو ان شاء الله
موفقين ان شاء الله
الدورة رايحة تتاجل ان شاء الله لاني مانلحقش ومش حابة نبدا حاجة ونخليها معلقة
ان شاء الله تتفهمو ظروفي ونعوضكم هذا الصبر بدورة مش حاتقدرو تغمضو عينكم:1:

[علم وأدب]

أختي رودينا.. أول شيءعيدك مبارك وكل عام وأنت بخير.. أنت وكل عائلتك..

مبارك عليك.. ربي يكملك ويهنيك..يارب..

مسجلة بإذن المولى في الدورة...

ولا عليك.. ربي يقدرك وترجعينا بدرس رائع..

دعواتي لك..

[عزيزة كمال]

السلام عليكم انا ثاني حابة نشارك معاكم

[ندى معمر]

السلام عليكم وصح عيدكم حتى انا حابة نشارك قولينا برك الوقت تع الدروس

[أسومة المتفائلة]

صح عيدك اختي رودينا كل عام وانتى بخير
رانا في انتظارك ختى ان شاء الله تنحل امورك وديرينا الدورة لي رانا نسناو فيها

[-رودينا-]

أختي رودينا.. أول شيءعيدك مبارك وكل عام وأنت بخير.. أنت وكل عائلتك..

مبارك عليك.. ربي يكملك ويهنيك..يارب..

مسجلة بإذن المولى في الدورة...

ولا عليك.. ربي يقدرك وترجعينا بدرس رائع..

دعواتي لك..

السلام عليكم انا ثاني حابة نشارك معاكم


السلام عليكم وصح عيدكم حتى انا حابة نشارك قولينا برك الوقت تع الدروس

صح عيدك اختي رودينا كل عام وانتى بخير
رانا في انتظارك ختى ان شاء الله تنحل امورك وديرينا الدورة لي رانا نسناو فيها

السلام عليكم ورحمة الله وبركاته خياتي
مرحبا بيكم معانا وان شاء الله تستفيدو وتفيدو
الدروس مازال ماتبداش بلاك مع بداية السنة الجديدة 2014ان شاء الله و يا من عاش هههههههههههه
الان نكتفي فقط بالتسجيلات وفي نفس الوقت لي عندها تجربة في هذا المجال الخط ليها مفتوح

[souma.sousou]

راني معاكم فالدورة ماتنسونيش..........اريد التسجيل

[جوري لؤلؤة]

السلام عليكم و رحمة الله تعالى وبركاته
أنا معاكم في هاد الدورة انشاء الله موفقة

[mounia hse]

اختي بارك اله فيك وشكرااااا كثيرا على مجهودك و المجهود اللي راح تبذليه معانا انا ثاني حابة
ننظم للدورة

[منار40]

اريد التسجيل في الدورة ان امكن

[الربعية]

ربي يهنيك وألف مبروك
أنا راني معاكم فالدورة
ماتظغطيش على روحك منين وجدت سويعة فراغ حطينا حويجة
مأجورة بإذن الله

[جوجو31]

اريد التسجيل ايضا

[ou adem]

ana tani haba nsejel weeeeeeeeeeeeeeeeeeeeee

[ليلى القسنطينية]

شكرا لك على هذه الافادة الطيبة
انا حابة نتعلم هذا الفن الراقي

[-رودينا-]

اهلا وسهلا بالجميع منورين الدورة

[ماريام]

السلام عليكم اريد ان اشترك معكم في الدورة

[titi119]

السلام عليكم
اريد التسجيل في الدورة

[simsim.zoo]

الله يبارك و يسهلك انا بطبعي نخدم مربية بمدرسة المعاقين سمعيا و عندنا ورشات اشغال يدوية للاطفال على هذا انضممت للورشة تاعك باه نتعلم كيفاه نستخدم العجينة الكيميائية باشكال مختلفة و نطبقها مع اطفال الصم هوما يحبوا بزاف الاشغال اليدوية

[kamili1]

شكرا . هدي مدة طويلة و انا نحوس على مبادرة كيما هدي
راني جاية معاكم في l'équipe اياو الى الامام واش راكم تستناو راني واجدة

[عروبة وطن]

السلام عليكم أختي ربي يوفقك انشاء الله
أنا ثاني راني باغية نكون معاكم

[om mita]

انا راني حابة نكون وحدة منكم

[TOUTA23]

ان شاء الله نكون معاكم

وكتاش اول درس

[ayasirin]

السلام عليكم
شكرا ليك الاخت رودينا انا ماذا بيا نكون مشاركة معاكم نحب هذا الفن وان شاء الله راح نوريكم اول اعمالي بعجينة السيراميك والفضل يرجع لكل العضوات المشاركات والله منكم استفدنا الكثير وجزاكم الله كل الخير :)

[اسماء الجنه]

السلام عليكم شكرا اختي غلى هده المبادره ونتمنلك كل السعاده وربي يوفقك و راني نستنه وانشاء ربي يسهل

[أم الشافعي]

ما شاء الله...ما شاء الله فحلة الله يبارك

اخيتي رودينا

الله يسخرلك ان شاء الله و ييسر امورك و يسدد خطاك

دخلت مهنئة ... مباركة ...و ان شاء الله متابعة :mh31:

بارك الله لك و بارك عليك و جمع بينكما في خير

[narimane16]

اريد الانضمام من فضلك بارك الله فيك

[radia22]

ha ba net3alam anaya tani nhab hado eswalah

[laouamiasma]

w ana tani haba nat3alam

[نور السلام 16]

السلام عليكم انا تاني حابة نتعلم هذا الفن

[-رودينا-]

السلام عليكم ورحمة الله وبركاته
تحية طيبة يا الاحباب واش خباركم ان شاء الله تكونو كاملين بالف خير
نشكر حضوركم لشرفني واسعدني كل وحدة باسمها دون استثناء ربي ينوركم
ان شاء الله الدرس الاول ترقبوه هادي ليامات رايح يكون تحضير العجينة المكونات + الطريقة
ياخي راكم واجدين ولا مازاااااااال :):19:

[أسومة المتفائلة]

رانا واجدين تخصنا المكونات برك ههههههه
قولينا عليهم باش نوجدوهم ونبداو راني متحمسة بزااف

[اسماء الجنه]

رانا حضرين نستنو وشكرا

[simsim.zoo]

رانا حاضرين دايما

[غزلان08]

نتشرف بالتسجيل معكم انا اعمل المكرامي والبساطات ونتمنى العجينة تساعدني فالمكرامي لصناعة الكريات وشكرا

[ماريام]

حنونة قولينا برك المكونات وان شاء الله نكونو واجدين

[-رودينا-]

شكرا لكن خياتي نفضل نحط الدرس احسن ويكون بالصور والشرح ونمدلكم وقت لتطبيق
ان شاء الله يكون في المستوى ونكون عند حسن ظنكن حبيباتي http://www.animated-gifs.eu/smilies-sports-fans-1/0001.gif

[-رودينا-]

نتشرف بالتسجيل معكم انا اعمل المكرامي والبساطات ونتمنى العجينة تساعدني فالمكرامي لصناعة الكريات وشكرا

لينا الشرف حبيبتي مرحبا بيك معانا في المنتدي
ان شاء الله احلى كريات تخدميهم ببصمتك الشخصية يقولولك من شريتهم :1:

[-رودينا-]

حنونة قولينا برك المكونات وان شاء الله نكونو واجدين

قريبا الدرس :)رانا راحين نتزوج في نفس الفترة ان شاء الله ربي يزين سعدنا ااااااااااااااامين
نتمنى تخدمي واش تتعلمي وتدي حاجة بصنع يدك تشبحي بيها شمبرتك ولا حتى هدايا للاهل زوجك ان شاء الله

[جوري لؤلؤة]

رانا جاهززززييييييييييييييييين

[اسماء الجنه]

نحن في الانتضار

[-رودينا-]

اسعد الله صباح الجميع
ان اشاء الله الدرس الاول يكون اليوم ترقبوه
نتمنى تعجبكم الدورة فيها دروس كثيرة رائعة ومفاجئات :19::mh31:

[-رودينا-]

لقد تم وضع الدرس الاول في الصفحة الاولى

[طير الرحمة]

dakhlete bache nabaraklak
alf alf mabrok
rabi yaziyane sa3dak
inchealah
ola39oba labenate



يعطيييييييك الصحة اختي جازاك الله كل خير
اختى كرووووووووونو حبيت نسقسيك على امييييييييييرة 79 واش اخبارها وين راهى مش تباااااان
طمنينا عليها

[aboayoub]

شكرا حبيبتي الله يعطيك ما تتمناي ان شاء الله ربي يعوضلك وتلقاي ناس يعاونوك في جهازك كيما راكي ديري فالخير تلقايه هنا وغنا في دارك

[magma78]

مشككككككككككككككورة على هذه المبادرة
جزاك الله خيرا

[نور السلام 16]

اختي رودينا راهي واجدة العجينة جربت كمية قليلة فقط كي ننجح فيها راح نضاعف الكميةhttp://im38.gulfup.com/bB3uJ.jpg

[-رودينا-]

شكرا حبيبتي الله يعطيك ما تتمناي ان شاء الله ربي يعوضلك وتلقاي ناس يعاونوك في جهازك كيما راكي ديري فالخير تلقايه هنا وغنا في دارك

اااااااااامين ربي خليك يالحبيبة :19:

[-رودينا-]

يعطيييييييك الصحة اختي جازاك الله كل خير
اختى كرووووووووونو حبيت نسقسيك على امييييييييييرة 79 واش اخبارها وين راهى مش تباااااان
طمنينا عليها

الله يسلمك حبيبتي من واجبي ان شاء الله تكون دورة خير علينا
مام اخت فيفي ماش تبان ان شاء الله خير ما شدها :dj_17:

[-رودينا-]

اختي رودينا راهي واجدة العجينة جربت كمية قليلة فقط كي ننجح فيها راح نضاعف الكميةhttp://im38.gulfup.com/bb3uj.jpg

الله يبارك تطبيق موفق :19: تلميذة مجتهدة برافوووووووووووووووو
واش جاتك ساهلة العجينة من ناحية التطبيق ؟؟؟
غطيها مليح باش مانتشفلكش وتيبس :)

[فوزية1975]

اختي كم هي مدة العجن وهل كل مرة نضع الفازلين في اليدين ثن نعجن و ماهي فائدة الفازلين و هل ممكن نبدلو بحاجة اخرى و شكرا

[نور السلام 16]

الله يبارك تطبيق موفق :19: تلميذة مجتهدة برافوووووووووووووووو
واش جاتك ساهلة العجينة من ناحية التطبيق ؟؟؟
غطيها مليح باش مانتشفلكش وتيبس :)
جاتني ساهلة طريقتها كيما عجينة الشو نحركوها حتى تلوي تتنحى وحدها ياك هكذا استاذة والف شكر لكي على المجهودات

[-رودينا-]

http://www.imageslove.net/ar/photo/img_1374235556_640.jpg

[-رودينا-]

اختي كم هي مدة العجن وهل كل مرة نضع الفازلين في اليدين ثن نعجن و ماهي فائدة الفازلين و هل ممكن نبدلو بحاجة اخرى و شكرا

:dj_17:
ماتعجنيهاش بزاف مدة قيقة او اثنين
الفازلين ممكن نعوضوها بالزيت ندهن اليد باش ماتلصقش العجينة وتجينا سهلة في الخدمة ماشي ناشفة

[-رودينا-]

جاتني ساهلة طريقتها كيما عجينة الشو نحركوها حتى تلوي تتنحى وحدها ياك هكذا استاذة والف شكر لكي على المجهودات

ايوه بالظبط هكا
لا شكر على واجب عزيزتي

[ام جزائرية]

يعطيك الصحة

[-رودينا-]

يعطيك الصحة

الله يسلمك حبيبتي منورة :mh31:

[-رودينا-]

وين راكم لبنات وين راكم غاطسين شوية نشاط
http://www.animated-gifs.eu/ps-smilies-fitness/0012.gif

[rida elbaladi]

:mh92: شكرا على الدورة الرائعة ....
من فترة و انا نحوس عليها .....:19:

[masmer]

انل تاني حابة نشارك معاكم لكن عندي سؤال وين نلقاو الاقلام الخاصين بالعجينة و شكـــــرا

[ماريام]

انل تاني حابة نشارك معاكم لكن عندي سؤال وين نلقاو الاقلام الخاصين بالعجينة و شكـــــرا

حنونتي انا شريتهم من عند الي يبيع مستلزمات الحلوى شريتهم ب20 الف

[-رودينا-]

:mh92: شكرا على الدورة الرائعة ....
من فترة و انا نحوس عليها .....:19:

عفوا غاليتي من واجبي ننتظر تطبيقك للعجينة

[-رودينا-]

انل تاني حابة نشارك معاكم لكن عندي سؤال وين نلقاو الاقلام الخاصين بالعجينة و شكـــــرا

منورة الدورة حبيبتي
اولا ابدي في العجينة وامبعد الاقلام ساهلين متوفرين في السوق خاصة لي يبعو مستلزمات الحلويات
ماشي شرط لازم توفريهم :19:

[ماريام]

قريبا الدرس :)رانا راحين نتزوج في نفس الفترة ان شاء الله ربي يزين سعدنا ااااااااااااااامين
نتمنى تخدمي واش تتعلمي وتدي حاجة بصنع يدك تشبحي بيها شمبرتك ولا حتى هدايا للاهل زوجك ان شاء الله

ان شاء الله حبيبتي ربي يكملنا ويهنينا

[ماريام]

قريبا الدرس :)رانا راحين نتزوج في نفس الفترة ان شاء الله ربي يزين سعدنا ااااااااااااااامين
نتمنى تخدمي واش تتعلمي وتدي حاجة بصنع يدك تشبحي بيها شمبرتك ولا حتى هدايا للاهل زوجك ان شاء الله

ان شاء الله حبيبتي ربي يكملنا ويهنينا

[ilhemaya]

راني معاكم في الدورة هادي
عندي قداه وانا نحوس نتعلمها
باه نعلمها لبنتي
بارك الله فيكي
وربي يسرلك ويهنيك في زواجك

[-رودينا-]

تم وضع الدرس الثاني في الصفحة الاولي

[-رودينا-]

ان شاء الله حبيبتي ربي يكملنا ويهنينا

اااااااااااااامين للمومنين اجمعين

[-رودينا-]

راني معاكم في الدورة هادي
عندي قداه وانا نحوس نتعلمها
باه نعلمها لبنتي
بارك الله فيكي
وربي يسرلك ويهنيك في زواجك

مشكورة حبيبتي على الدعوة الزينة ربي ينورك ان شاء الله مرحبا بيك وبنتك معانا :mh31:

[ماريام]

مساء النور اختي رودينا راني حبيتك تشوفي تطبيقي واجهتني مشكلة في العجينة راهي تطرطق كي نكون نعدل فيها نقصد كي ندير زوج ريشات مثلا العجينة الي بقات نحب نخلطها مع العجينة لخرى ماتتلمش كاملة يعني كاين تشققات شوي
http://im33.gulfup.com/7OmJz.jpg

[زهرة كل يوم]

مشكورة على الورشة جزاك الله خيرا

[رحيل ج]

بارك الله فيك رودينا

[-رودينا-]

مساء النور اختي رودينا راني حبيتك تشوفي تطبيقي واجهتني مشكلة في العجينة راهي تطرطق كي نكون نعدل فيها نقصد كي ندير زوج ريشات مثلا العجينة الي بقات نحب نخلطها مع العجينة لخرى ماتتلمش كاملة يعني كاين تشققات شوي
http://im33.gulfup.com/7omjz.jpg

اهلا وسهلا
مافهمتش كيفاش تطرطق
العجينة ديالك تقدري تخدمي بيها ياك ماشي يابسة ولا مطلوقة
من الافضل كي تبقالك شوية عجينة حاولي تخدمي بيها اوراق اخري صغيرة الحجم وفي حالة بقالك شوية وظيفي عجينة اخري اخدميها مليح بيدك وحاولي تدهني يدك بالزيت ولا الفازلين يروح هذاك التشقق
فهمتيني والا مافهمتيش سقسيني واش تحبي راني تحت امرك
تطبيقك موفق نوعا ما
حبيت نعرف وعلاش العروق درتيهم بالموس ياك المول فيه وين تطبعي العروق اضغطي من فوق باش تطبعيهم
وفي حالة ماعندكش هذا نوع من المول حاولي ديري العروق مليح يكونو منظمين
وحاولي تتحفي الاوراق مليح
نمدلك 7/10 من ناحية الاوراق :19:

[-رودينا-]

مشكورة على الورشة جزاك الله خيرا

بارك الله فيك رودينا

سعدت بمروركن وحضوركن حبيباتي :mh31:

[ميرثا]

ايه دا كلو حبيبتي والله استفدت هدا العالم قع مكنتش نعرفو من قبل
وجامي طحت فيه ولو حتى بالصدفة جزيتي خيرا يحبيبتي

[اسماء الجنه]

السلام عليكم ورحمة الله و بركاته
راني عملت العجينه وجاتني شابه بصح منعرفش نحط الصور نتمي تورولي

[نور السلام 16]

راني طبقت الاوراق شوفي اذا هكذاhttp://im31.gulfup.com/rKxdi.jpg

[-رودينا-]

السلام عليكم ورحمة الله و بركاته
راني عملت العجينه وجاتني شابه بصح منعرفش نحط الصور نتمي تورولي

وعليكم السلام ورحمة الله وبركاته
لي عودت ونفهملك كيفاش تحطي الصور
وبصحتك العجينة نستناوي تطبيقاتك :19:

اولا تفضلي موقع تحميل الصور
http://www.gulfup.com/
وثانيا طريقة تحميل الصور في المنتدي شاهدي هذا الفيديو
http://www.youtube.com/watch?v=F5VpWiAdG1k
ان شاء الله نكون افدتك
:19::mh31:[/QUOTE]

[-رودينا-]

راني طبقت الاوراق شوفي اذا هكذاhttp://im31.gulfup.com/rkxdi.jpg

تطبيق موفق اللون يهبل ماشاء الله :19:
فقط راكي مخشنة العجينة حاولي ترقي شوية باش تجي شابة
من الاحسن اخدمي كامل العجينة وخليهم ينشفو مليح وخبيهم خير ماتقعدلك العجينة وتخسر سوا من الرطوبة ولا تنشف
وحاولي تنوعي بين كبيرة وصغيرة الحجم خاصة الصغار نسحقوهم باش نعمرو بيهم الفراغات
استعملتي المول ولا بيدك

[نور السلام 16]

حاضر راح نعاود اخرين

[ماريام]

اختي رودينا راني عاودت التطبيق تاعي راني طبعت الاوراق مليح http://im33.gulfup.com/eDTpS.jpg

[-رودينا-]

اختي رودينا راني عاودت التطبيق تاعي راني طبعت الاوراق مليح http://im33.gulfup.com/eDTpS.jpg

الله يبارك تطبيق ناجح
خاصة رقم 1 و 2
http://im35.gulfup.com/W8wf0.jpg
الباقي شوية شوية :D
الاوراق حاولي مادريهمش خشان يجو رقاق شوية ماشي بزااف يتكسرو
ونصل الورقة طوليه شوية برك باش نقدرو نلصقوهم وامبعد

[إيمان سارة]

أنا حبيت نسجل معاكم

[kiya]

يعطيكم الصحة راكم بادين وانا لاخبر كنت نستني فيكم بفارغ الصبر

[-رودينا-]

أنا حبيت نسجل معاكم

يشرفنا انظمامك الينا حبيبتي طبقي الدروس ورينا ابداعك :dj_17:

[-رودينا-]

يعطيكم الصحة راكم بادين وانا لاخبر كنت نستني فيكم بفارغ الصبر

اهلا حخبيبتي كيا مراكيش روطاااااااااااار
ورينا همتك المعهودة يلا
في انتظار انظمام الاخوات
راهو مابقاليش الوقت معاكم

[boucheraserine]

مشكورة كثيرا

[yousra achwak]

444444444444444

[pdfpilnl]

السلام عليكم ورحمة الله تعالى وبركاته
شكراً لكي أختي على هذا الموضوع الرائع:19: :D:24:أريد أن أضيف شيئاً هذه العجينة متوفرة في إحدى الشركات الموجودة في برج منايل ولايات بومرداس اسمها OFFICE LINE و أنا أعمل في هذه الشركة:cool: لمن يرغب في تفاصيل أكثر أنا موجود على PSYCH-M@HOTMAIL.FR
:dj_17: :mh92: إن شاء الله سأكون في الخدمة:mh92::dj_17:

[اسماء الجنه]

السلام عليكم شكرا الاخت رودبنا على المعلومات وهده الورق لعملت انشالله يجبك ورانا فالانتضر بشوق
http://im38.gulfup.com/Z5egB.jpg

[رحيل ج]

بارك الله فيك

[العيطر]

ناكلها ولا نصور معاها

[حياة نور الدين]

باااااااااااااااااارك الله فيك

[sarra5]

الله يباااارك علييييييييك

سميرة تيفي راهي تعاند فيك

عملت حصة عن العجينة الكيميائية

راني بديت نحس بلي عندها جواسيس فس المنتدى

حتى قسم الطبخ

على العموم يعطييييييييييك الصحة حاجة جديدة وممتعة

[-رودينا-]

حمعة مباركة على الجميع
احيطكم علما اني ساغيب عن المنتدي مدة 15 يوم وساعود ان شاء الله
ونستانف العمل ان شاء الله ابقاو غلى خير با وجوه الخير تحياتي

[-رودينا-]

الله يباااارك علييييييييك

سميرة تيفي راهي تعاند فيك

عملت حصة عن العجينة الكيميائية

راني بديت نحس بلي عندها جواسيس فس المنتدى

حتى قسم الطبخ

على العموم يعطييييييييييك الصحة حاجة جديدة وممتعة
ههههههههههههههههه راهي تعاند بصح ماتلحقناش بربي :1:
تعلم طريقة عمل الياسمينة وماوراتش طريقة تحضير العجينة :confused::confused::confused::confused:
الجواسيس مارهمش يوصلو مليح
سررت بمشاركتك حبيبتي سارة :19::mh31:

[اسماء الجنه]

السلام عليكم اختي رودينا مقلتليش الا ملاح الورقي عندي شحال وانا نستنه وعطله سعيده

[souma.sousou]

السلا عليكم ..راني روطاااااااااالر.انا حتى ليوم شفت الدورة بدات .......كنت متشوقة لتعلم هاذ الفن الجميل..........ربي يخليك لينا ويفرحك.........مبروك عليك ويجعل ايامك كاها سعادة يارب امين.متنسيناش..........رانا في انتظارك..ربي يوفقك ويسهل نشاله

[oceanica]

yatiiik el saha baraka allaho fiikii.....rabi yekadrrek et yesahallek nechallah ma soeur

[سرووور]

موضوع رائع اختي
(مي راني روطار شوية هههه)
بغيت نسقسيك على الغراء الابيض وين ويتباع وكم ثمنة
مشكووووووووورة مسبقا

[ميار صهيب]

واااااااااو فن جديد وراائع
شكرررررررررررررررررررررررررررررررررررررررررررررررر ررررررررااااااااااااااااااايعطيك الصحة الف شكررررررررررررررررررررر

[< اللؤلؤة البيضآء >]

افكار رائعة

واصلي عزيزتي .

نحن ان شاء الله من المتابعين

دمت متالقة .

في امان الله و رعايته .

[ام امجد و انفال]

44444444444444444444444444444444444444444444444

[أم القادة]

بارك الله فيك أختى
وجعله في ميزان حسناتك

واصلي أختى
حفظك الله ورعاك

[أسومة المتفائلة]

موضوع رائع اختي
(مي راني روطار شوية هههه)
بغيت نسقسيك على الغراء الابيض وين ويتباع وكم ثمنة
مشكووووووووورة مسبقا


انا شريت 900غرام من ب18الف

ماهيش غالية

[أسومة المتفائلة]

عن قريب نحط تطبيقي

[nawel zed]

http://forum.tawwat.com/images-topics/images/rd/0010.gif[/ ([URL]http://forum.tawwat.com/images-topics/replies.htm)

[ايمان ايمانو]

http://im35.gulfup.com/7L0CZ.jpg

[-رودينا-]

السلام عليكم ورحمة الله وبركاته
الحمد الله عدنا بخير مني لكم اعطر التحيات واروع الكلمات حبيباتي وخياتي
نتمنى تكونو كاملين باللف اااااااالف خير
لي عودة ان شاء الله بعد حين

[-رودينا-]

السلام عليكم شكرا الاخت رودبنا على المعلومات وهده الورق لعملت انشالله يجبك ورانا فالانتضر بشوق
http://im38.gulfup.com/z5egb.jpg


وعليكم السلام ورحمة الله وبركاته حبيبتي
الصورة بعيدة شوية يبانولي شابين برافو

[حورية38]

على سلامتك رودينا ربي يهنيك ماراناش مقلقين خلاص فوتي يامات شابييين ومبعد تلهاي بينا مارايحينش نبعدو من هنا هههههههههه
طبقت العجينة والحمد لله نجحتلي بارك الله فيك

[-رودينا-]

اكثر من 7000 مشاهدة وشحال من رد وكاين غير 3 لي طبقو
واش هذا النششششششششششاط :)
في انتظار تطبيقاتكم باش نستمرو في الدروس ان شاء الله

[-رودينا-]

على سلامتك رودينا ربي يهنيك ماراناش مقلقين خلاص فوتي يامات شابييين ومبعد تلهاي بينا مارايحينش نبعدو من هنا هههههههههه
طبقت العجينة والحمد لله نجحتلي بارك الله فيك

الله يسلمك حبيبتي امين اجمعين
هههههههههههه غير اغتنمو الفرصة مادام سي سيد مراهوش هنا :d::d:d
الحمد الله كي نجحتلك وين راهو تطبيق الاوراق يا الشاطرة :)

[حورية38]

طبقت الورقاتبالون الابيض ما لقيتش اللون الاخضر وكي نشفو ما بقوش بيض تبدل لونهم حشمت باه نحطهم

[اسماء الجنه]

السلام عليكم مرحبا بك استادتنا رانا في الانتضر وشكرا على التشجيع نتمنى نكونو في حسن طنك

[zamilio]

بارك الله فيك وفى ميزان حسناتك

[العصفورة السعيدة]

بارك الله فيك

شكرا جزيلا على الموضوع الرائع

[-رودينا-]

طبقت الورقاتبالون الابيض ما لقيتش اللون الاخضر وكي نشفو ما بقوش بيض تبدل لونهم حشمت باه نحطهم

تغير اللون عادي حبيبتي تصرا سيررتو لون الابيض بزاف وساخ لازم في كل مرة نمسح اليدين مليح بشيفون يكون مندي وامبعد وندهن بشوية زيت
نظافة اليد امر مهم في هذا الفن
ومن الاحسن العمل بالعجينة البيضا اولا باش نقوم بتلوين البقية سينو نوسخو لونها
لون الاوراق ممكن تخيري اي لون عند لاخطرش لازم طبقي الدرس وامبعد اشري لون الاخضر في غرضك

[wissal ela7iba]

ختي ربي يوفقك و يسرلك امورك نشالله
انا راني حابة نسجل في الورشة
نشالله ربي يوفقنا

[-رودينا-]

ختي ربي يوفقك و يسرلك امورك نشالله
انا راني حابة نسجل في الورشة
نشالله ربي يوفقنا

مرحبا بيك معانا عزيزتي في المنتدي والقسم والمتجر لي راهو في خمول :confused::o

[اسماء الجنه]

مرحبا بيك معانا عزيزتي في المنتدي والقسم والمتجر لي راهو في خمول :confused::o

اختي رودينا انا كل يوم ندخل نبحت عليك ادا دخلتي
انا في الانتضر

[-رودينا-]

[QUOTE=اسماء الجنه;1055613581]اختي رودينا انا كل يوم ندخل نبحت عليك ادا دخلتي
انا في الانتضر[/QUOTE
مراحب اختي اسماء كيف الاحوال
كل مرة ندخل على امل انى نصيب تطبيقات الاخوات بصح لا حياة لمن تنادي :rolleyes: راهم يطبقو بالتخبية المهم كاين استفادة
حاليا مانقدرش نقدم فيديوهات لتوضيح الدروس لاسباب
لكن نحاول نضع فديوهات من النت واي سوال راني في الخدمة هكا مانتعطلوش ان شاء الله

[اسماء الجنه]

مشكورة اختي نتمنى لك كل الخير ورانا في الانتضر

[khadidja50]

روووووووووووووووووووووووووعه

[-رودينا-]

ترقبو الدرس الثالث قريبا ان شاء الله

[اماني ريماس]

فن رائع يعطيك الصحة اختى

[zineb rah]

وااااااااااااااااااااااااااااااااااااااو

[terrou]

mercii 444444444444444444444

[-رودينا-]

تفضلو رابط الدرس الثالث عمل الورود النوع الاول
اريد منكم تطبيق الدروس والا http://uploads.sedty.com/imagehosting/374856_1352510826.gif
http://www.djelfa.info/vb/showthread.php?p=1055805903&posted=1#post1055805903

[ritage mimi]

Rabi yahafdek khti w yjazik kol khir hada ch7al w ana nhawess net3almhom ani m3akom ana tani ta9abali morori ♡♡♡♡