السلام عليكم

[ام مريم الجزائرية]

حبيت نشاوركم ورايو عليا
بنتي عندها 12 سنة الله يبارك حبيتها تتعلم بصح ماعرفتش بواش نبدالها
رايو عليا وربي يبارك فيكم

[fifiarch]

قصدك حبيتيها تتعلم الاعمال اليدوية
اذا هكاك انا نقول الكروشي والماكرامي
الماكرامي سهل
والكروشي لازم يكون الشخص مازال صغير في العمر باه يثبتلو اكثر

[ام مريم الجزائرية]

يعطيك الصحة اختي
نشوف بلاك اخوات مرو عليها يزيدو يفيدوني

[crono]

حبيت نشاوركم ورايو عليا
بنتي عندها 12 سنة الله يبارك حبيتها تتعلم بصح ماعرفتش بواش نبدالها
رايو عليا وربي يبارك فيكم

ana nahkilak 3la rohi
ki bdite nat3alem konte fi 3omri 8ans
bidite fi chbika
omaba3de crochet
omaba3de 3awame dahkalet alma3hade ta3 difili do mode
wala benti hade al3am 3aalemtlha crochet
ota3raf chewiya tarze bi alhacheya
ki tkone 3andi khadma na3tilha fiha bache ta3wani hofiha bache tat3alem
o nsite banti fi 3amraha dork
fi 16.09.2013 takhla9 17ans isama ki konte fi3amra konte na3raf khire manha

[amiramirna]

حبيبتي ان عن نفسي كنت صغيرة 10سنين كانو خواتاتي يعلمولي البرودي (الطرز)
ما عجبنيش ما حبيتوش الابر و الخيوط قطعي بدلي ............... اوف صامط
من بعد وراولي الكروشي ايا عجبني ما فيهش تكسار الراس كبة وحدة تدير العجب
و التريكو تان لانو نفس المبدا جاني شوية صعيب لان الابر طوال على يديا ههههههههههه بصح تعلمتو
و كي شفت التسمسيم عجبني بصح مانيش صبورة عليه معا كبرت شوية ههههههههه راسي بدا يخشان 18 سنة ههههههه
ومن بعد ما نكذبش عليك بيت فالكروشي و المطبخ برك حتي
خرج المكرامي تعلمتو من النت ما يعرفوهش الناس اللي معايا
و كي شفت ال برودي تاع الشرائط كانت تخدمو ختي و الورود قلت وشنو هاذ تان ؟؟؟؟؟؟؟
ايا جربتو و عجبني خدمتو تطلع بسرعة خير من الخيط و زدت تعلمت الرسم من منتدانا رغم انو اختي كانت تخدمو بصح ما حبيتش نتعلمو


المهم طولت عليك
بصح حكيتلك باش تديري فراسك بللي هي راح تجرب حاجات تحبهم و حاجات لالا ما تتقلقيش منها
و زيد هي اذا شافت الحاجة و عجبتها راح تطلب مساعدتك و تنمي مهاراتها بنفسها
فهمتي ربي يحفظلك بنتك و يخليكم لبعض

[ام مريم الجزائرية]

بارك الله فيكم على النصائح انا مانخليهاش تدخل للمنتديات وحدها كي تكون معايا ونشوف حوايج يعجبوها بصح عمرها ماقالت نحب نتعلم
اختي كرونو ربي يحفظلك بنتك
امين اختي اميرة شكرا على النصائح والدعاء نحاول نعلمها الكروشي مع اني مش خبيرة بزاف فيه
نبدالها بالكوتون بارلي ماشي خيط؟

[amiramirna]

ايه الكوتون بيرلي خير
ربي يحفظلك بنتك

[ام مريم الجزائرية]

بارك الله فيك اختي راهي دارت شوية خدمة الحاشية وزينت علب سمن وشحيحة والتريكو راهو فالبها راسها ههه
ربي يحفظها ويسجيها