المساعد الشخصي الرقمي

مشاهدة النسخة كاملة : الي تخيط لبساطات تدخل

mouna1985
2013-05-16, 22:49
انا راني نخيط في بساط تاع لونين واستعملت اللوحة الي خيط بيها لبسلطات ودرت الرشمة تيعي بصح ما عرفتش كفاش نخيط لخياطة جاتني صعيبة ولبرة تتعوجلي الي تعرف تعاوني ربي يحفضها:sdf:
mouna1985
2013-05-17, 10:08
50 مشاهدة ولا رد
مريومة دودي
2013-05-17, 10:39
صباح الورد اختي نتمنى نفيدك وتفهمي بالكتابة شوفي دخلي لابرة من فوق عموديا و تكون يدك الاخرى تحت باش تشدي بيها الابرة ك تخرج من تحت ومبعد اجبدي مليح الخيط و ما تتطلقيهش ابقاي مزيرة باش تجيك الخياطة مفشفشة ومبعد من نفس الغرزة لي تحت دخلي الابرة وميلها داخل الصوف و خرجيها من فوق وعاودي نفس الغرزة الاولى ودايما زيري و اجبدي الخيط مليح
ملاحظة الغرزة الاولى اعقدي عقدة ودخليها داخل راكي تسمعي طرطقة تاعها وادا مافهمتيش حاجة سقسيني
mouna1985
2013-06-26, 20:22
شكرا اختي ربي يحفظك راني فهمت واش قصدتي
فايزة1207
2013-06-26, 20:53
ديري كيما قلت مريومة بالضبط ربي يعاونك راهي صعيبة شوية الخدمة بصح تخرجي تحف