أكلة بسكرية 100/100 ** البردانين و الجوعانين و الزعفانين يدخلو** [الأرشيف]

~ حراير ~

2013-01-17, 10:54

السلام عليكم و رحمة الله تعالى و بركاته

صباحكم بالخير و الهناء حراير المنتدى

هاد اول مشاركة ليا في قسم الطبخ
ان شاء الله تتقبلوني اخت ليكم و تعجبكم طياباتي
و ياله كثرولي المشاركات باش نكثرلكم من الحطات:1::1:

اليوم مع البرد القارص جبتلكم اكلة مش مكلفة خلاص و ساهلة و سريعة التحضير و اهم حاجة بنيييييييينة بنة عظيمة

تشيشة مرمز

http://im16.gulfup.com/GOcd7.jpg (http://www.gulfup.com/?B3WsNE)

حق نسيت نقولكم راهي تمسح القلب من الدمار و مشاغل الحياة :1:هيهيهيهيهيهيه
و شوفو وين سقيتهالكم في قصعة الجدود

هادو كل مستلزماتها
الرقاق و المرقة "التشيشة" و الزينة انتاعها

http://im16.gulfup.com/ktDO1.jpg (http://www.gulfup.com/?G1TS4G)

هاد الرقاق طبعا هو دقيق و ملح و يتعجن مليح او بتيه "يعني بليه و خليه يرتاح" راح يجيك سهل في عجينتو و بعدين تلوحيه رقيق على الطاوة "طاجين الحديد"
انا فتتو كبير شوية راني مزروبة باش ناكل ;)

http://im16.gulfup.com/yoqI2.jpg (http://www.gulfup.com/?7DvPYO)

و هادي المرقة
من اسهل ما يكون تلوحي في برمة او كوكوت اللفت "الخردل" و الفول الأخضر يغلو في الماء لما يعودو نص طياب لوحيلهو التشيشة مرمز المغسولة لما تعود على نص طياب تلوحي الدوزينة الي تكوني وجدتيها بـ
طماطم حب مقطعين و معصورين باليد، راس ثوم مهرس، شوية شحمة، ملح، فلفل اخضر حار مهرس بالمهراس طبعا
اما طماطم لباطة فهي اختيارية
تخليهم يغلو مليح و يدخل فيهم الدواء تاعهم و تطفي

http://im16.gulfup.com/UzbX3.jpg (http://www.gulfup.com/?7eERrm)

على ما طفي ياله سقي و زينيها

http://im16.gulfup.com/SywK5.jpg (http://www.gulfup.com/?v13h7C)

و كولي

http://im16.gulfup.com/QOy66.jpg (http://www.gulfup.com/?h8NG2Q)

http://im16.gulfup.com/7nWQ8.jpg (http://www.gulfup.com/?rIj7gE)

هاه وش رايكم عجبتكم
ياو غير شجعوني و ردو عليا

it's me

2013-01-17, 11:09

ya hanounaaaaaa koun ghir jiti godami hhhhh nakolha kamla wahdi
ya3tik saha

سمراء الدنيا

2013-01-17, 11:10

واش هاذ الشي يا اريج دخلتي علينا دخلة مجهدة و الله غير يعطيك الصحة
قصعة و عليها لكلام زدتي كملتي عليا بالجوع ..ههههه
الله يسلم هاذوك ليدين

نافلة

2013-01-17, 11:27

هاذي مدة و انا نستنا فهذ اللحظة و اخيرا ....
يعطيك الصحة يااريج و الله غير شهيتينا في هذ البرد حرام عليك
قصعة كاملة و مكمولة وزيد هذيك الحطة ماخليتيلي ما تقول
اصدق لي قال الجديد حبو و القديم ما تفرطش فيه
تاكلوها بالصحة و الراحة

oum rahma

2013-01-17, 11:35

~ حراير ~

2013-01-17, 11:36

تعيشو حباباتي تعيشو
منى و صليحة و طيمة
و ربي يدوم لمتنا و جمعتنا بالخير و الفرح و السرور
يعطيكم الصحة ردودكم فرحتنييييييييييي ياسر ياسر

~ حراير ~

2013-01-17, 11:38

هاني جيت ، بردانة وجيعانة وزعفانة خلي نبرد قلبي :1:

واش نقلك لا تقاوم مممممممم وقصعة الجدود تهبل كون تبعثيهالي بللي فيها

يم يم يم يمييييي يعطيك الصحة وبصحتكم

http://smiles.a7bk-a.com/smile_albums/islamic/11882685814943.gif

اهلا اهلا ام رحمة مرحبا بيك و ينجيك
جوزي قربي
هاديك القصعة راها عمرها من عمري بالسيف ما سرقتها لأمي ربي يخليهالي
و على قد ما شريت قصع مودارن نحب ناكل غير فيها هيهيهيهيهيهيه

مقدسية

2013-01-17, 11:47

الزعاف كل راح والبرد نودعوه بعد ما نهجمو على قصعة كيما هاذيك اممممممممممممممممممممم:1::1::1::1:
حرة بنت حرة اريييييييييييييج يعطيك الف صحة وعافية وربي يبارك ويسلم هاذوك اليدين:19::19::19::19::19:
مرحبا بيك عندنا حبيبتي
ارجو ان لاتحرمينا مشاركاتك المميزة والراااااااااااااااااااائعة
مادامك دخلت هنا بطبق كيما هذا ماعاتش تخرجي سجي روحك لجلسات طويلة امام الميكرو:mh92:

oum rahma

2013-01-17, 12:25

اهلا اهلا ام رحمة مرحبا بيك و ينجيك
جوزي قربي
هاديك القصعة راها عمرها من عمري بالسيف ما سرقتها لأمي ربي يخليهالي
و على قد ما شريت قصع مودارن نحب ناكل غير فيها هيهيهيهيهيهيه

الله يسلمك حبيبتي وربي يحفظلك الوالدة

امالا نعمل كيفك لازم نسرق تاع دارنا بصح هي كبيرة تاع كسرة واش راح يهزهالي

:1:

ماكانش كيما حاجة بكري

وكيما قاتلك مقدسية ضرك تلصقي هنا وجدي الاطباق على قد ماتقدري

مرة اخرى يعطيك الصحة

وصال7

2013-01-17, 12:51

يعطيك الصحة بارك حبيت نسالك على الفتات او الشواط ماهو سر البساكرة فىه يجى روعة ممكن تحطينا طريقة صنع اناكليت شخشوخةالبساكرة

فراشات العمر

2013-01-17, 13:12

واشي هذا يا ليلى كنت نظن بلي غير سمرا لي دير الطياب ههههههههههههههههههه
الله يسلم ويحفظ هذوك اليدين كل صبع بصنعة
ليلى واش هو المرمز احنا لي نقولولو المرمز الشعير نفوروه قداه مرة ونرحيوه ونصفوه بصح احنا نديروه شربة
تحيا ليلى زيديلنا من هذه الاكلات

فراشات العمر

2013-01-17, 13:18

ليلى حبيت نسقسيك هذيك القدرة تاع الطين يعني كاين منها ماكلتها بنتها غير؟

tong2

2013-01-17, 13:49

دخلــــــــــــــــت زعفــانـــــــــــة
شفــــــــــــــت الرقـاق واااااااااااااو

يعـــــــطيك الصــــــــحة

وفاء سعاد

2013-01-17, 13:55

ليلى اختي راكي دخلتي للقسم دخلة تقيلة من جميع النواحى من طريقة التقديم للاواني كلشي تقليدي نعطيك 10على 10

fati 17

2013-01-17, 14:08

تسلم الايادي شهيتينا نموت على البوتشيش وخاصة

oum anas 69

2013-01-17, 14:34

mmmmmmmmmmm nta3 bard w jou3 w z3af ana hiya hhhhhhhhh ani 3and babak hali 3liyahhhhhhhhhhhhh
ya3tik asaha okhti

أم ماجد

2013-01-17, 14:59

هاذي دخلة غير هاك يعطيك الصحة اعجبتني طريقة التقديم

ام امجد14

2013-01-17, 15:45

الله الله عليك يا ليلوشة عشرة على عشرة

zahra rose

2013-01-17, 15:56

اعطيك الصحة اختي شهيتينا حنا عدنا نفس الطبق ما يكونش بالفول واللفت يكون غير تشيشة نفس المكونات

samia76

2013-01-17, 16:00

الله يسلم هاذوك ليدين

فراشات العمر

2013-01-17, 16:03

ليلى ركي سيحتي لعابهم راهم اكل سخفو

نبض الفؤاد

2013-01-17, 16:05

ليلى يعطيك الصحة ويبارك في بنياتك جات قصعة العود في وقتها سخونة وحارة الله الله عليها
ما شاء الله

~ حراير ~

2013-01-17, 16:09

الزعاف كل راح والبرد نودعوه بعد ما نهجمو على قصعة كيما هاذيك اممممممممممممممممممممم:1::1::1::1:

اهلا اهلا اختي لعزيزة مقدسية
مرحبا بيك والله غير فرحت بيك فوق ما تتخيلي و تتصوري

حرة بنت حرة اريييييييييييييج يعطيك الف صحة وعافية وربي يبارك ويسلم هاذوك اليدين:19::19::19::19::19:

الله يسلمك و فيك بارك الله حبوبة
حشمتيني حتان حمارو خدودي :1::1:

مرحبا بيك عندنا حبيبتي

بيك و ينجيك و يعليك و في الجنة ربي يفرح بيك

ارجو ان لاتحرمينا مشاركاتك المميزة والراااااااااااااااااااائعة
مادامك دخلت هنا بطبق كيما هذا ماعاتش تخرجي سجي روحك لجلسات طويلة امام الميكرو

هاداك من واش كنت خايفة رانا احنا البساكرة كي نحبو نحلو القعدة نبداو نهدرو على الماكلة
يتسما نحبو ناكلو و نحبو نهدرو على الماكلة هيهيهيههيهيهيهيهيه حتان نعودو كيما هك

http://im17.gulfup.com/2eKz1.jpg (http://www.gulfup.com/?7zHnop)

:mh92:

http://im16.gulfup.com/wJac1.jpg (http://www.gulfup.com/?bmYLqN)

~ حراير ~

2013-01-17, 16:19

يعطيك الصحة بارك حبيت نسالك على الفتات او الشواط ماهو سر البساكرة فىه يجى روعة ممكن تحطينا طريقة صنع اناكليت شخشوخةالبساكرة

والله ماكان حتى سر اختي وشي هو يليق تكون مدلوكة و معجونة مليح باش تتنجمي تحليها
و لكن نقولك حاجة كان ماتعرفيش مليح ما تحشميش و كيما تقول والدتي ياك راح تفتيها مش راح تحطيها مدورة في المعرض هيهيهيهيهيهيهيهيه
قوليلي برك وش من شكل تجيك مستطيل مربع مثلث
و شحال من مرة حكمتي الشكل الدائري هيههيهيهيهيهيهيه
نورمال كامل فتنا على هادي الفترة تاع يجيك كل الأشكال غير الدائري:1::1:

واشي هذا يا ليلى كنت نظن بلي غير سمرا لي دير الطياب ههههههههههههههههههه
الله يسلم ويحفظ هذوك اليدين كل صبع بصنعة
ليلى واش هو المرمز احنا لي نقولولو المرمز الشعير نفوروه قداه مرة ونرحيوه ونصفوه بصح احنا نديروه شربة
تحيا ليلى زيديلنا من هذه الاكلات

شكرا شكرا اختي بنت خليل
فرحت بردك بزاف ان شاء الله نهار الي نفرحو بزيادتك بخير و بسلام و لا عمودي لا افقي هيهيهيهيهيهيه
بالنسبة للقدرة فعلا طيابها رووووووووووعة و زيد كي طفي عليها تشد السخانة و تقعد ويييييين و هي تبقبق تقولشي مازالت فوق النار

دخلــــــــــــــــت زعفــانـــــــــــة
شفــــــــــــــت الرقـاق واااااااااااااو

يعـــــــطيك الصــــــــحة

الله يسلمك حبوبة
شكرا لمرورك و يعطيك الصحة على ردك
شفتي شفتي كيفاش فتتو خشين تقولشي راح نشربو بيه القهوة هيهيهيهيهيهيهيه

ام ملاك.

2013-01-17, 16:23

اممممممممممممممممممممممم يشهي يعطيك الصحة

~ حراير ~

2013-01-17, 16:26

ليلى اختي راكي دخلتي للقسم دخلة تقيلة من جميع النواحى من طريقة التقديم للاواني كلشي تقليدي نعطيك 10على 10

اولالا 10 من 10 من عند لقسمطينية الحرة خلاص الغرور تاعي راهو واصل للطوب :1::1::1:
هادي راهي اكثر اكلة بسكرية و نقولك الصح نطيبوها في البرد و السخانة و نهار الي نطيبوها في رمضان هاداك وين نقولو بلي فطرنا :1::1::1:
و هي كيما المرقريتا تاع الطاليان يعني اكلة للفقراء و الأغنياء يحبوها على حد سواء

تسلم الايادي شهيتينا نموت على البوتشيش وخاصة

الله يسلمك يا فاتي هاه تنجمي انت طيبي وحدة كيفها لخويا البسكري؟ :1: :1:

~ حراير ~

2013-01-17, 16:32

mmmmmmmmmmm nta3 bard w jou3 w z3af ana hiya hhhhhhhhh ani 3and babak hali 3liyahhhhhhhhhhhhh
ya3tik asaha okhti

الله يسلمك و يهنيك و يحفظلك انس يا ام انس
ياله راني رايحة نحل الباب :dj_17: و الا نقولك سر
احنا في بسكرة معظم الوقت مانفرموش بابنا نحطو ريدو برك هيهيهيهيهيهيه
و الي يحب يدخل يدخل غير ينحنح:1::1:

هاذي دخلة غير هاك يعطيك الصحة اعجبتني طريقة التقديم

شفتي شفتي ام ماجد
راني قلت نعمرلكم كروشكم ماتلقاوش منين تخرجو من عندي:1:
تقعدو غير في بسكرة لحلوة حلاوة الدقلة البيضا

الله الله عليك يا ليلوشة عشرة على عشرة

الله يسلمك ام امجد اختي راني عارفة بلي ماعندكمش الماكلة الثقيلة كيما هك راكي تقولي في قلبك واشي هدا
بصح نوعدك المرة الجاية تكون مفاجئة خفيفة و بنينة
غير اقعدو معايا

~ حراير ~

2013-01-17, 16:36

اعطيك الصحة اختي شهيتينا حنا عدنا نفس الطبق ما يكونش بالفول واللفت يكون غير تشيشة نفس المكونات

الله يسلمك حبوبة
عندك الحق زهرة حتى احنا ساعات نديروه غير فول و كرشة
و راهي انواع كثيرة يتسمى هادي درتها تاع زربة برك

الله يسلم هاذوك ليدين

يسلمك و يعيشك و يحفظك ربي يا سليمة
شكرا ليك على ردك الي فرحني و دخل السرور لقلبي

ليلى يعطيك الصحة ويبارك في بنياتك جات قصعة العود في وقتها سخونة وحارة الله الله عليها
ما شاء الله

تعيشي اختي لعزيزة و لحبيبة و ربي يدوم محبتنا و لمتنا بالخير و الهناء و الفرح و السرور
و ربي يلاقينا في الجنة كيما لاقنا في لمة لحبابات آمين

~ حراير ~

2013-01-17, 16:40

اممممممممممممممممممممممم يشهي يعطيك الصحة

الله يسلمك مونية

http://im33.gulfup.com/oQlD1.jpg (http://www.gulfup.com/?FSfrot)

فراشات العمر

2013-01-17, 16:46

ليلى راكي هنا

dahbia2009

2013-01-17, 17:36

ربي يبارك ويسلم هاذوك اليدين بسكرية حرة

يعطيك الصحة

faizarbh

2013-01-17, 17:39

ما شااااااااء الله روووووعة هذا واش نحب بصح علاه هكدا علاه الواحد راه صايم و تشهي فينا ههههههه مزية راه قريب يأذن سي نو كنت رايحة نهبل يم يم يم

mıryam

2013-01-17, 17:49

امممممممممم نموووت عليها والله بنينة صح
يعطيك الصحة جاتك روعة

مسعودي مفيدة

2013-01-17, 18:53

يعطيك الصحة اختي و بارك الله فيك راهو يشهي نتمني تزيدي تحطي الأطباق البسكرية الأخرى راهي كامل بنينة خاصة في الشتاء راني متزوجة في بسكرة و هذي مدة و انا نحوس على وصفات هذي الأطباق من ذشيشة مرمز و دشيشة فريك و بومهراس و بطوط و الشخشوخة البسكرية وغيرها ربي عمر دارك مشكووووووووووورة

~ حراير ~

2013-01-17, 19:57

ما شااااااااء الله روووووعة هذا واش نحب بصح علاه هكدا علاه الواحد راه صايم و تشهي فينا ههههههه مزية راه قريب يأذن سي نو كنت رايحة نهبل يم يم يم

اولالالالالا
الخبيرة جات زارتني في صفحتي والله انك اخجلتي تواضعي
نشكرك كثير كثير على ردك الي فرحني كثير كثير حتان تعمر قلبي :mh31:
و ياريت كنتي قريبة مني كنت بعثتلك لقمة
احنا في بسكرة نحبو نذوقو لحباب بزاف
ربي يتقبل منك حبوبة و سهمك في الجنة

~ حراير ~

2013-01-17, 20:07

ربي يبارك ويسلم هاذوك اليدين بسكرية حرة

يعطيك الصحة

يبارك فيك و ربي يهنيك
اختي ذهبية على قد مانكون حرة نقولك الصح مش راح نوصل لشطارة السطايفية لحرار
شكرا عزيزتي على ردك الجميل

امممممممممم نموووت عليها والله بنينة صح
يعطيك الصحة جاتك روعة

الله يسلمك مريومة شفتي شحاال المسقية بنينة و زينة تقولشي عليها جنان :1:

يعطيك الصحة اختي و بارك الله فيك راهو يشهي نتمني تزيدي تحطي الأطباق البسكرية الأخرى راهي كامل بنينة خاصة في الشتاء راني متزوجة في بسكرة و هذي مدة و انا نحوس على وصفات هذي الأطباق من ذشيشة مرمز و دشيشة فريك و بومهراس و بطوط و الشخشوخة البسكرية وغيرها ربي عمر دارك مشكووووووووووورة

الله يسلمك يا مفيدة و ربي يهنيك في دارك و مع مول بيتك
نوعدك ان شاء الله كل ما نطيب حاجة تقليدية نحطها مع وصفتها وشي هو طبقي برك و عمري كريشة مول الدار
راهو اقرب طريق لقلب الرجل معدته و خاصة احنا لبساكرة نحبو الماكلة ياسر:1:

أم عائشة

2013-01-17, 20:10

يعطيك الصحة بنت ولايتى على هذا القصعة حنا البساكرة نحبوا غير الرقاق وماكلة العجائن فى البرد وما تنساوش الحااااار

دعاءياسين

2013-01-17, 20:21

امممممممممممممممم راهم يشهوا ربي يحفظك

~ حراير ~

2013-01-17, 21:34

يعطيك الصحة بنت ولايتى على هذا القصعة حنا البساكرة نحبوا غير الرقاق وماكلة العجائن فى البرد وما تنساوش الحااااار

اهلا اهلا بالدقلة البيضاء اهلا اهلا بعسل الرُب اهلا اهلا ببنت عروس الزيبان و فرحة الجزائر بنت السكرة بسكرة
ام عيشوشة ربي يعيشك و يصحح دينك و ايمانك
ياله المرة الجاية نعرضكم على محجوبة بالقنطس و بر عبيد حتان يعود الفم يسيل و النيف يسيل هيهيهيهيهيهيهيه

امممممممممممممممم راهم يشهوا ربي يحفظك

تعيشي دعاء و ربي يحفظك انت بما يحفظ به عباده الصالحين الطاهرين آمين

zhor1970

2013-01-18, 08:59

الله الله علي قصعة الجدود المتعة انتاعها فالقصعة شهيتيناحبيبتي الله يعطيك الصحة

miri_27

2013-01-18, 13:23

بارك الله فيك أختي

fafou12

2013-01-18, 17:11

الله الله ولله غير فحلة و عليك لكلام يعطيك الف صحة و عافية

ريحان الجزائر

2013-01-18, 17:56

السلام عليكم و رحمة الله و بركاته قاسني العنوان تاعك لوكان تشوفي شحال نحب هاد الأكلة بعد شحشوخة الكابويا و الباطاطا مممممممممممممممممم بصح راكي نسيتي لفليو و البوفجوخ يا الفحلة وين راهم , شكرا على الوصفة

salam algeria

2013-01-19, 03:19

بارك الله فيك
تشهي تاكلوها بالصحة

oummalak

2013-01-19, 09:37

علامتي 100 ب100 تشيشة وواش من تشيشة تهبل راكي مفاجءة في كل مرة يعطيك الصحة

~أمة الله~

2013-01-19, 17:55

وعليكم السلام ورحمةُ الله وبركاته
رآآآآآآآائعة ، أمي طيبتهانا الأسبوع المنصرم ، وصراحةً أفضِّلها كثيييييييييييرا على الشخشوخة بزاف خفيفة وهايلة اللهم بارك
وطريقتك نفس طريقتها أيضا.
سلمت يداكِ أخيتي.

فراشات العمر

2013-01-20, 07:16

http://www.djelfa.info/vb/showthread.php?p=12767322#post12767322

ام اروى 2

2013-01-20, 09:19

اللهم اغفر لها ..اللهم أحسن خاتمتها.. وأدخلها الجنه
اللهم اغفر لوالديها وارحمهما وادخلهما جناتك برحمتك يا أرحم الراحمين
اللهم أصلح ذريتها

كريمة جزائرية

2013-01-20, 10:29

اكلة روعة نعشق نكهة التشيشة ونموت في الرقائق كل جميل شهيتينا

أنا أمهم

2013-01-20, 16:19

~ حراير ~

2013-01-20, 21:30

يا ليلى (عرفت إسمك من ردود البنات ههههههه) باش تهبليني بالأكلة و بكلامك العسل, بصراحة بقيت مركزة مع كلامك في الموضوع و في الردود أكثر من تركيزي مع الوصفة بحد ذاتها ههههههههه

كلامك يهبل محلااااااااااااه , يظهر فيها القعدة معاك لا تمل هههههه

و الوصفة ظاهرة تشهي خسارة الكلام فيها صعيب عليا شوية :( ههههههههههههه

(على فكرة عملتك موضوع على كسكسي الحوت :) )

اهلا اهلا بالحبيبة و لعزيزة ميمة لوليدات

سامحوني ياسر خواتاتي نبدا بالرد على انا امهم راني على ما شفت كلامها منور صفحتي راح نطير بالفرحة و حكمتني واحد الدهشة مازال ما فقتش منها :d

ايه حبوبة انا وخيتك ليلى و على قد ما يكون كلامي حلو ما يجيش نقطة من بحر الشهد الي تسمعيهولنا والله و دون مبالغة على قد ما نحكيلك و نهدرلك ما يكفيش وشحال نكنلك من محبة و و ود و تقدير
عجبتيني بزاف لحبك لفعل الخير و سياستك و رزانتك في التعامل مع الأعضاء و هاد الشيئ ما نستغربوش انه يجي من خيتنا التونسية

نشكرك كثير كثير على ردك الي نور صفحتي و الي شرفني و طلعلي المورال تاعي في العلالي :19:

و راني رايحة نضرب طلة على الكسكسي و كي نطبقو و نحطو في التطبيقات نقولك على واحد السر امبصح بيني و بينك آه:1:

~ حراير ~

2013-01-20, 21:41

الله الله علي قصعة الجدود المتعة انتاعها فالقصعة شهيتيناحبيبتي الله يعطيك الصحة

الله يسلمك و ينجيك يا زهور
راهم ناس بكري يقولو كل حاجة مدلها كارها يعني حاجة التقليدية لازم نخلولها كلشي تقليدي و احنا في الدزاير الحمد لله مازلنا متمسكين بعاداتنا و تقاليدنا
والله لا يقطع علينا عادة

بارك الله فيك أختي

و فيك بارك الله اختي
شكرا على مرورك الجميل

الله الله ولله غير فحلة و عليك لكلام يعطيك الف صحة و عافية

اهلا اهلا فافو وش راكي وش حالك
و ربي يسلمك و يعافيك و ينجيك دنيا و آخرة آمين

السلام عليكم و رحمة الله و بركاته قاسني العنوان تاعك لوكان تشوفي شحال نحب هاد الأكلة بعد شحشوخة الكابويا و الباطاطا مممممممممممممممممم بصح راكي نسيتي لفليو و البوفجوخ يا الفحلة وين راهم , شكرا على الوصفة

اممممممممممممم و انا نقول وش هاد الريحة الزينة و وش هاد الأريج و الشذى و انت يا ريحانة اهنا عندنا تنعشي في صفحتي بروايح كلامك الطيب امممممممممم
سلامت قلبك حبوبتي
المرة الجاية نوعدك بقعدة بسكرية حرة ما ننسى فيها والو

~ حراير ~

2013-01-20, 21:49

بارك الله فيك
تشهي تاكلوها بالصحة

و فيك بارك الله سلام و ربي يجعل كل حياتك سلام
الله يسلمك و يهنيك

علامتي 100 ب100 تشيشة وواش من تشيشة تهبل راكي مفاجءة في كل مرة يعطيك الصحة

اووووووووووووووووه بزاف عليا وخيتي او ملاك
ربي يخليك و يحفظك و ربي يفرحك بوليداتك و ينجح مقاصدهم أمين

وعليكم السلام ورحمةُ الله وبركاته
رآآآآآآآائعة ، أمي طيبتهانا الأسبوع المنصرم ، وصراحةً أفضِّلها كثيييييييييييرا على الشخشوخة بزاف خفيفة وهايلة اللهم بارك
وطريقتك نفس طريقتها أيضا.
سلمت يداكِ أخيتي.

اهلا اهلا اميمة
تسلمي حبيبتي من كل سوء و بصحتكم التشيشة الي كليتوها احنا في بسكرة اسبوعيا ناكلوها و خاصة في البرد لأنها مشبعة و في الصيف ناكلوها لأنها بنينة و ساهلة في طيابها و ماعنها مش بزاف :1:
و عندك الحق تشيشة المرمز خفيفة على باقي السقيات خاصة كي تكون تشيشة سيدي عقبة بدون طماطم مصبرة

~ حراير ~

2013-01-20, 21:55

اللهم اغفر لها ..اللهم أحسن خاتمتها.. وأدخلها الجنه
اللهم اغفر لوالديها وارحمهما وادخلهما جناتك برحمتك يا أرحم الراحمين
اللهم أصلح ذريتها

اللهم آمين اللهم آمين لينا و لكل امة محمد
يا اختي لعزيزة ام اروى نبشرك انه بجنبك ملك يقولك و لك مثل ذلك فهنيئا لك بدعاء الملائكة عزيزتي
نشكرك كثير كثير على الدعاء و على كلاماتك الطيبة الي فرحت قلبي

اكلة روعة نعشق نكهة التشيشة ونموت في الرقائق كل جميل شهيتينا

سامحيني يا كريمة وسهمك في الجنة ان شاء الله خسارة كون جيتي بحداية راني بعثتلك راني كي نطيب نزرد "يعني نكثر فوق القيمة" كيما يقولك هاداك المثل "كل مراقة مرزاقة" :d