تروسو الحنة لعرايسنا [الأرشيف] - منتديات الجلفة لكل الجزائريين و العرب

مشاهدة النسخة كاملة : تروسو الحنة لعرايسنا

fifiarch

2013-01-16, 14:51

http://im13.gulfup.com/dpwG6.png

http://up99.com/upfiles/png_files/4lW89232.png

مساء الخير لبنات
نتمنى تكونو كامل بخير
هذا الموضوع حبيت ننزلو لاميرتي وكل العرايس الحلوات
حبيت نعاونكم في بعض الافكار لي نتمنى تفيدكم في تروسو الحنة
للاسف انا ماعنديش لا المواد الاولية ولا سبب في الوقت الحالي باه نخدم التروسو
لذا اذا حبيتو ورشة انا نساعدكم ونكون معكن فيها لكن مانقدرش نحطلكم عملي لانو كيما قلتلكم السبب من قبل
المهم كما هو معروف انو التروسو يتكون من عدة قطع
الصراحة احنا في جهتنا ماعندناش الكاسات في التروسو لكن زيادة الخير خيرين
نزيدو الكاسات للتروسو

http://up99.com/upfiles/png_files/qME88374.png

المهم نبداو بعناصر التروسو وهذه الافكار والصور
اعتبرها تكملة لما قدمته سندوسة في الموضوع من افكار لتزيين الصينيات والكاسات وتانا ما قدمته اختي كيا من افكار لتزيين الشموع
مالا انا جبتلكم البقية لي مازال ماتطرقولهاش البنات

http://up99.com/upfiles/png_files/qME88374.png

نبداو اولا بالصينيات
انا ننصح جميع العرايس باستعمال القماش يكون لامع ودبلة ودونتال يكونو لامعين بويسك مناسبة كيما هاذي لازم يكون كلش براق
العروس ولوازمها
ننصحكن بالساتان كقاعدة وقماش الاراجونزا او عش النحل اللامع فوقو دونتال ودبلة لامعين
طبعا الصينية قاعدتها تزين بهاذ الاقمشة والدونتال ندوروها بيه والدبلة نعملو ازهار وبابيونات نزينو بيها انصح هنا بلونين الابيض طبعا ولون اخر يكون متناغم مع لباس العروس
الابيض يرمز للفرح واللون الاخر يكون لكسر الابيض و اضفاء لمسة تجعل التروسو يتماشى مع لباس العروس تسمى كانو كلش طقم مع بعض
ممكن فكرة اخرى انك تزيني الصينية ببعض الورود المعمولة من الكروشي بخيط لامي اللامع والله تجي روعة وكلها من تحت يديك
وهنا بعض الصينيات واكيد الكثير من الافكار حطتهم سندوسة ارجعولهم

http://im36.gulfup.com/0yRb1.jpg

http://im36.gulfup.com/mFwr2.jpg

http://im36.gulfup.com/JG7b3.jpg

http://im36.gulfup.com/RIlD4.jpg

http://im36.gulfup.com/NSDa5.jpg

http://up99.com/upfiles/png_files/qME88374.png

الان ننتقل للكؤوس هو احنا في جهتنا ماعندنا مانديرو بيهم الكؤوس مانعرف اذا في منطقتكم تحتاجوهم
المهم الكؤوس لازم تكون متماشية مع زينة الصينية نستعملو فيها الدونتال ورود وبابيونات دبلة او حتى ورود من الكروشي وممكن تانا نحطو بعض الاحجار للتزين

http://im36.gulfup.com/bMyg6.jpg

http://im36.gulfup.com/E9Bu7.jpg

http://im36.gulfup.com/zKOk8.jpg

http://im36.gulfup.com/DA0m9.jpg

http://im36.gulfup.com/Rw7j10.jpg

http://im16.gulfup.com/NXxh1.jpg

http://im16.gulfup.com/CP9O2.jpg

http://im16.gulfup.com/XKh03.jpg

http://im16.gulfup.com/AGSh4.jpg

http://im16.gulfup.com/6zIE5.jpg

http://up99.com/upfiles/png_files/qME88374.png

بعد الكؤوس تجي المخدة لي تحط فوقها العروس يديها هاذي تبانلي تخدمها من قماش الساتان وتزين اطرافها بالدبلة واحدة عريضة لماعة فضية واخرى رقيقة فوقها من نفس اللون الثانوي لي قلنا عليه قبل
صراحة انا عجبني هذا التزيين ولكن الحكم
تجي سامبل وزاد حلوة

http://im16.gulfup.com/ILSG6.jpg

http://im16.gulfup.com/qPhw7.jpg

http://im16.gulfup.com/qkjT8.jpg

http://im16.gulfup.com/m9M39.jpg

http://im16.gulfup.com/X4Lr10.jpg

http://im17.gulfup.com/G6FG1.jpg

http://im17.gulfup.com/BL722.jpg

http://up99.com/upfiles/png_files/qME88374.png

بعدين ننتقل لاناء الحنة والشموع
هو الاناء لي يخلطو فيه حنة العروسة لازم يكون مزين هو تان
تبانلي تستعملي صحن صغير نتاع زجاج وتدوريه بالدونتال وكالعادة تزيني بورود دبلة او كروشي
اما الشموع نتاع كيا لي جابتهم طريقة تزيينهم هايلة شوفي منها

http://im17.gulfup.com/QYTd4.gif

http://im17.gulfup.com/mfbs3.gif

http://up99.com/upfiles/png_files/qME88374.png

ماننساوش طبعا القفازات لي يتحطو في يد العروس بعد لا يحنيولها
كاين القفازات الكاملين تقدري تزيني جانبهم من الاسفل بورود كيما قلنا من قبل
او تعملي دائرة ساتان وتحشيها بلاواط مبعد تزينيها من فوق بالورود وتركبي فيها من اسفل خيط دبلة باه تربطيها في يدك

http://im17.gulfup.com/4htu5.jpg

http://im17.gulfup.com/mDdg6.jpg

http://im17.gulfup.com/3Wa58.jpg

http://im17.gulfup.com/BVAp10.jpg

http://up99.com/upfiles/png_files/qME88374.png

كاين تان فراش الحنة يفرشوه للعروس في حجرها باه ماتتوسخس لبستها بالحنة تعرفو في العرس ناس كامل داخلة في بعضها والفوضى ممكن تطيحلك حاجة من الحنة على لبستك وتخسرها
لازمك فراش الحنة والتزيين يكون يتماشى مع الحوايج السابقين خاصة المخدة والقفازات

http://im17.gulfup.com/ejcF7.jpg

http://im17.gulfup.com/HTof9.jpg

http://up99.com/upfiles/png_files/qME88374.png

تان سلة الحنة لي راح تحطي فيها كل الحوايج السابقة تزين بنفس المواد لي حكينا عليهم من قبل وهاذم بعض الامثلة

http://im31.gulfup.com/HUNj1.jpg

http://im31.gulfup.com/1qce2.jpg

http://im31.gulfup.com/dxeF3.jpg

http://im31.gulfup.com/4z7s4.jpg

http://im31.gulfup.com/GHbJ5.jpg

http://up99.com/upfiles/png_files/qME88374.png

نتمنى نكون افدتكن ولو بالقليل لبنات
ويكون شرحي اعطاكم بعض الافكار
فقط هذه صور ماخوذة من الانترنت لكن فيها عدة افكار
وشطارتكم هنا انكم تهزو الافكار وتخدمو كلش بنفس المواد
حتى يكون التناسق والعمل الجميل
بالتوفيق للجميع
والف مبروك لكل عرايسنا وربي يهنيكم كاملين يا رب

http://up99.com/upfiles/png_files/Og788374.png

loudjeine2000

2013-01-16, 15:02

مشاء الله عليك يا اختي فيفي

biba.souma

2013-01-16, 15:06

chabiin ya3tik sa7a

fifiarch

2013-01-16, 15:14

مشكورين اخواتي على المرور الطيب

amira19

2013-01-16, 15:22

يا عمري درتي الورشة و انا لا خبر ربي يجازيك كل خير و كل الاخوات لي قدموا افكار رائعة

انا عن نفسي غدا لا كنا من الحيين نشري اللوازم و نبدا في العمل لاني متحمسة جدا

و ارجو ان تكبروا بالكم معايا لاني نسقسي بزاف ماعليش ساعفوني برك

amira19

2013-01-16, 15:23

بسم الله اني بديت الاسئلة نتوم في عوايدكم هاد السلة و مستلزماتها يجيبوها الحناية من اهل العريس او توجدهم العروس ؟؟؟؟؟؟

امان امين

2013-01-16, 15:24

الله يبارك عليك يا اختي

fifiarch

2013-01-16, 15:32

اهلين اميرتي
انت اشري الللوازم وانا معاك
كيما قلتلك انا ماعندي لواه نعملها
ههههه
نورمالمو احنا في عوايدنا اهل العريس هوما لي يجيبوها للعروس

amira19

2013-01-16, 15:37

justement راني خايفة نعملهم و من بعد يجيبولي وحد اخرين هههههههههههههههههههه

شوفي انا نعمل غير الصينيه تاع لي يشربو منها العريس و العروس كيما يشربها و هي تشربو هههههههههههههههه

ننعمل الصينية و الكاسات و الشموع و لي نغطي بيها يدي كي يحنيولي و الطباسا تاع لاتارت و خلاص

و هوما راهم يجيبو السلة لي فيها حوايج حنتهم ربي يسهل فيهم ههههههههههههههه

amira19

2013-01-16, 15:40

فيفي شوري عليا وش نشري و الميتراج راني ما نعرفش شوي

نحوس نشري االاورغونزا و نحوس نديرها في الروج لانو رايحة ندير لاغوب دو فيانساي في الروج كيما قلتي انت روج و بلون

قداه نشري ميترة تكفيني ؟؟؟؟؟؟؟ و الدبله عندي رولو احمر عريض

وش نحتاج تاني؟؟؟؟؟؟؟؟

mihra

2013-01-16, 16:00

اني جيت اميرة
واوووووووووووو
جو هايل

amira19

2013-01-16, 16:35

اهلا بميهرا اهلا

مرحبا بيك تفضلي لاتاي و القشقشة و شمري على درعيك باه نبدااو بسم الله

حمدا لله كثير

2013-01-16, 16:39

الله يبارك

fifiarch

2013-01-16, 18:02

اااا اميرتي المهبولة
انت تغلطي فيا
انا حسبتك قلتي صينية الحنة

ماشي صينية الفيونساي

الفيونساي وين يدخل راجلك يلبسك الخاتم وتقصو لاطارت مع بعض تشربيه ويشربك يا ستوتة
هاذي لازم العروس لي تخدمها

انا حسبتك قصدت حنة العرس
وهاذيك اهل العريس هوما لي يجيبو اللوازم

هاذي يالالة انت لي تخدميها

fifiarch

2013-01-16, 18:09

شمري على يديك وبداي

اولا اهل شيء اشري صينية وثلاث صحون زجاج وكؤوس طوال كيما نتاع لي يشربو فيهم في الافلام
ههههه

زوج سكاكين وزوج فراشط

اما الشموع اشري وحايد نتاع العرايس تلقايهم مزينين شوي واحنا نزيدوهم

هاذو الحوايج لازم هوما الاوائل

باه نشوفو شكلهم ومبعد نعرفو احسن شيء يصلح لتزيينهم

امونة الشاوية

2013-01-16, 22:20

الله يبارك خدمة تهبل نوصي حباباتي العرايس يخبيو حوايجهم تاع الحنة كيما راهم كي يفوتو العوام و يتفرجو فيهم ليلة الحنة تفوت قدام عينيهم انا عندي 8 سنوات كي نجبد حوايجي تاع الحنة حتى تسيح الدمعة من عيني ليلة الحنة ما تنساش ربي يهنيكم

kiya

2013-01-17, 09:59

صباح الخير اميرة الحلوة وصباح الخير فيفي يعطيك الصحة
عندي اقتراح بسيط اميرة في بالاصة الاورغنزا اشري التيل لي فية لمعة راه يجيك هايل واشري الورد لي يجي في المزهريات لكبار راه يجي طويل ويتباع بالعرف راه يدير 7الاف للوحدة راكي شايفتية
انا كيما قاتلك فيفي ماعنديش الدوزان وماعنديش وعلاش نعمل تروسو الحنة لاني مزال ماتخطبتش بصح نحاول نعاونك بلي نقدر علية

fifiarch

2013-01-17, 14:01

ايه كيا عندك الحق الاراجونزا تظل تزلط
ههههه
التيل اللامع هذاك ولا احسنهم نتاع عش النحلة اللامع
هذاك روعة

soha1987

2013-01-17, 16:04

حبيت نخدم واحد قولولي واش نشري
فيفي مانعرفش التيل اللامع هادا حطي صورة باش نعرفو ؟ راني زيرو مانعرف والو فانواع لقماش فارغة هههههههههه

kiya

2013-01-17, 16:36

مساء الخير اختي
هاوليك التيل
http://im18.gulfup.com/AK1n1.jpg (http://www.gulfup.com/?BjLgvJ)
http://im18.gulfup.com/HXsv2.jpg (http://www.gulfup.com/?0eQJcT)
http://im18.gulfup.com/UO9g3.jpg (http://www.gulfup.com/?B47P1P)

fifiarch

2013-01-17, 20:54

مشكورة كيا
هذاك هو التيل لبنات
اما نتاع عش النحلة كيما لي مزينة بيه الصينية الاولى

randoucha

2013-01-17, 22:24

الله يبارك هايلين

محــــــ النقاب بــــة

2013-01-18, 14:14

للرفع ...
بوركتِ اختي

amira19

2013-01-18, 18:58

هليوووووووووووووووووووووووووووو حبيباتي

ما تخافوش راني ما هربتش مي راكم تعرفو شغالات الويكند ما قدرتش نضرب طله

هاني جيت

فيفي ياو ختك ما تعرف والو في العفايس هادو الجهاز و الملاك و الفيانساي هادا وين بديت نسلك راسي ههههههههههههههه

المهم انقذتيني في اخر لحظه قريب خدمت كلش و من بعد نروح نديهم واجدين لدار بيت راجلي نقوليهم هاني هنيتكم من هادو ههههههههههههههههههههههههههه

المهم شوفي انا رانني عندي سينيه صغيرة و الشموع و لي يتحطو فيهم الشموع و الصباسا ساهلين نسرق لماما برك ههههههههههههههه

ضرك نصورهملك و نحطهم باه تقوليلي قداه نشري تيل و لعفايس لخرا لي قالت عليها كيا ربي يجازيها

و ميرسي لكل لي زارونا في الورشة سبيسيالمون امونة لانها ديما تعاونا بنصائحها و روحها الايجابيه ربيق يخليها لينا

ساعود بعد قليل

amira19

2013-01-18, 19:03

لبنات لي مازالو ما تخطبوش نورمال اخدموها و الله تتهناو من حاجة لانو من بعد يعود ماكانش الوقت باه تخدمو هاد العفايس و كيما يقولو فال مليح ان شاء الله لعقوبة ليكم الزوج الصالح لي يستاهلكم حبيباتي

fifiarch

2013-01-18, 22:36

ايه اميرتي ربي يسهل لكل البنات

انت صوري ادواتك وان شاء الله نقولولك واش تشري

حمدا لله كثير

2013-01-18, 22:45

crono

2013-01-19, 04:47

ربي يسهل لكل البنات

faffa83

2013-01-19, 07:34

افكار جميله
يعطيك الصحه

it's me

2013-01-19, 16:15

merciiiiiiiiiiii foufa 3ajbouni w nchalah ndir kima houma

fifiarch

2013-01-19, 20:24

العفووو منكن لبنات وبالتوفيق للجميع

أم أمين2007

2013-01-20, 15:07

ما شاء الله
ربي ينوركم

sali-sali

2013-01-20, 15:15

الله الله عليك

شكرا لك على الموضوع و الافكار الرائعة

kiya

2013-01-20, 15:22

مساء الخير عرايسنا الحلوين
اميرة شوفي وانا نتجول في النت ليقت طريقة خدمةتاع الحنة لي تجي في اليد
http://im31.gulfup.com/A6DJ1.png (http://www.gulfup.com/?F4e13H)
http://im19.gulfup.com/sPMo1.png (http://www.gulfup.com/?8UtAR8)
http://im36.gulfup.com/frx71.png (http://www.gulfup.com/?m90WII)
http://im18.gulfup.com/Hf7B1.png (http://www.gulfup.com/?dOvOER)
http://im31.gulfup.com/zZxY1.png (http://www.gulfup.com/?ptsM4P)
http://im33.gulfup.com/WQTr1.png (http://www.gulfup.com/?j4W6iI)
http://im18.gulfup.com/GDpF1.png (http://www.gulfup.com/?istsgA)
http://im33.gulfup.com/PFZp1.png (http://www.gulfup.com/?D58Ua2)
http://im33.gulfup.com/PFZp1.png (http://www.gulfup.com/?D58Ua2)
http://im35.gulfup.com/lH921.png (http://www.gulfup.com/?PsWJXO)
http://im31.gulfup.com/xKTV1.png (http://www.gulfup.com/?9tQxWP)
http://im33.gulfup.com/ZhXd1.png (http://www.gulfup.com/?JCfvBi)
http://im18.gulfup.com/eLBp1.png (http://www.gulfup.com/?jxs1rg)
اميرة راني كملتلك الصور نتمني يكونو فادوك ولو بالقليل

amira19

2013-01-20, 15:27

ان شاء الله كيا ربي يجازيك

kiya

2013-01-20, 15:34

اميرة ظهرولك الصور

amira19

2013-01-21, 15:45

نعم كيا و الله فكرة ممتازة بارك الله فيك

amira19

2013-01-21, 15:47

انا بورتابلي فازد غير نخدمو نصورلكم وش عندي باه نبداو

fafi05

2013-01-21, 20:29

افكار رائعة تشكرين عليها

ام عبود

2013-01-23, 16:42

الله يبارك

love zawji

2013-01-23, 18:36

machkora haylin
barak Allahou fik

manalvilla

2013-01-23, 18:44

واو ما شاء الله روعة

amira19

2013-01-24, 12:38

فيفي راني عندي بلاطو فيه وحد نص ميترة و 2 كيسان كيما تاع الافلام و الشموع مازال ماشريتش

قوليلي الميتراج تاع التيل اللامع و ش نزيد نشري تاني

kiya

2013-01-25, 09:04

صباح الخير اميرة
وش راكي وش خبارك
انا على مااعتقد تشري 2متر هذا اذا كنتي رايحة ادير الشموع كيما الطريقة لي قتلك
وزيدي شوفي مع روحكواذا حبيتي قوليلي المدال ليخيرتيه باش نقدر نقلك وش تشري

amira19

2013-01-29, 10:37

http://im36.gulfup.com/mFwr2.jpg

كيا الحبيبه هادا هو المودال لي عجبني و حابه ندير كيفو بالبذات و نزيدلو لفراشط تاع الباتيسري و خلاص

و حابه نديرو ابيض و الورد احمر ايا قوليلي قداه نشري بالتفصيل

صليحة الجزائرية

2013-01-29, 17:12

يعطيكي الصحة المودلات روعه وهيلين جزاكي الله خيرا

rim-25

2013-01-30, 11:12

http://t2.gstatic.com/images?q=tbn:ANd9GcS34ei77CCUt-HqmP71bS8_cAEthCvTYM2nxqi0jmn-dUjSwENE

حمدا لله كثير

2013-01-30, 11:38

soha1987

2013-01-30, 14:47

فيفي راني حابة نخدم تروسو هادا للفيونصاي نتاعي في عطلة الربيع قوليلي الكؤؤس والصينية كيفاه نزينهم راني حابة ندير المودال الابيض كيما اميرة ونزيد ندير الفراش عاونيني

amira19

2013-01-30, 16:48

نداء الى كيا او فيفي هل تسمعان ؟؟؟؟؟؟؟؟؟؟؟؟

اميرة و سهى راهم مدايرين لاروشارش عليكم و ما لقاوكمش

هيا قولونا شحال الميتراج ؟؟؟؟؟؟؟؟؟؟؟؟؟؟؟لا نبركاو ما نديروش خلاص

fifiarch

2013-01-30, 22:35

اميرتي اسفة والله ماشفت انك حضرتي نفسك

انا نقول القماش هذاك ما اسموش التيل
التيل الثقب نتاعو اصغر
هذاك وقيل اسمو عش النحلة
المهم اشري متر وقيل يدير 15 الف
ونص متر ساتان ابيض

اما الدونتال انا عجبني هذاك كون تجيبي كيفو تمام
حوالي اربع امتار

وزيدي دبلة حمراء نتاع واحد سنتيم
لانك راح تلبسي روبة حمراء ياك
اشري اربع امتار تانا

ودبلة بيضاء نتاع زوج سنتيم تانا اربع امتار

واذا حبيتيها بيضاء تلمع يكون احسن

اما الحمراء جيبيها سامبل

والورد احمر كيما قلت

جيبيهم وصوريلي واش عندك وان شاء الله نبداو على بركة الله

وانت تان سها اذا خيرت نفس المودال جيبي هاذو الادوات
فقط بدل الاحمر اعملي لون يخرج مع لبستك
اميرة اختارت الاحمر لانها راح تلبس الاحمر

وربي يهنيكم يا رب

ولعقوبة ليا انا وكيا
ههههه

kiya

2013-01-31, 09:19

صباح الخير
اميرتي هذا وين شفت نداءك بصح فيفي راهي دارت المهمة واجابت على النداء
راهي قاتلك واش اديري وواش تشري
اشري المستلزمات ومن بعد نشوفو هم وندمجو افكاري وافكار فيفي ونديرولك ان شاء الله حاجة فور
وكيما قالت فيفي ربي يهنيك
ولعقوبة ليا انا وفيفي
ههههههههههه

zahra30

2013-01-31, 13:51

ما شاء الله ..... تحف ....... يعطيييك الصحة على المجهود .....

http://www.newhawa.com/vb/images/smilies/bow_down_2u.gif

soha1987

2013-01-31, 17:57

سلام فيفي راني راح نشري الاسبوع القادم السلعة بصح مافهمتش الورد لي يتباع وين نلقاه وزيد انا لدرك مازال ماخيرتش لاغوب لانو قلت خلي قبل 15 يوم ونروح نخيرها مي التروسو حابة نخدمو درك ايا كيفاه ندير

amira19

2013-01-31, 21:51

ya rabi nzewjek ya fifi enty w kiya w nethena menkoum hhhhhhhhhhhhhh nedhak m3akoum bark rabi yaatikoum rajel li yestahelkoum allah ghaleb khouya sghir koun rani jit nokhtob hhhhhhhh nechri bark w nebdew nchallah

صمت القمر

2013-02-01, 10:09

http://store.a7lashe.com/upfile/images/8dd4c5406cc.gif

ورود الجزائرية

2013-02-01, 15:04

الله يبارك عليك يا اختي

salma s

2013-02-01, 23:32

مشكورة اختي
بارك الله فيك

barbe de bouc

2013-02-10, 16:42

رائعة ومتميزة ما شاء الله

غربة أهل السنّة

2013-02-10, 16:56

ما شاء الله ,,الله يبارك
أعمال ممتازة جعلها الله في ميزان حسناتكم

oum chourouk

2013-02-16, 11:49

ربي يحفظكم ويزوجكم كامل

soha1987

2013-02-20, 14:57

فيف مازال مابداش الدرس راني مستعجلة حطيلنا الطريقة باش نبداو تعيشي حنونة واميرة وين رااااااااااااااااااااااهي

sousou hz

2013-02-20, 15:10

http://im31.gulfup.com/dxeF3.jpg
مشكوووووووووووووووووووووة

حياة نور الدين

2013-02-20, 15:26

بارك الله فيك

ريم الفلى

2013-02-20, 15:51

ما شاء الله

bibadz12

2013-02-21, 11:47

موضوع روووعة يطيك الصحة فيفي

d-madiha

2013-02-24, 17:35

تروسو يهبل

maramsabi

2013-02-25, 10:42

:dj_17::dj_17:
بارك الله فيك

nasiha200

2013-06-12, 15:02

رووووووووووووووووووووووووووووووووووووووووووووووووو وووووووووعة4444444444444444444444444

ayasirin

2013-06-12, 15:18

بارك الله فيك

خوالي

2013-08-27, 16:03

[روووووووووووووووووووعة

chaz

2013-08-27, 16:17

شابين بزاااااااااااااااااااااااف

عواطف24

2013-08-27, 22:39

عجبني الحال كي لقيت اعمالي ضمن مختاراتك
هادوك لي بورود الساتان خدمة يدي انا كنت حطيتهم من قبل في المنتدى :1:

الوردة الحسناء

2013-08-28, 07:27

مشاء الله عليك

mayam

2013-08-29, 10:37

شكرا لك على الموضوع الثري

http://im31.gulfup.com/HUNj1.jpg

kinai

2013-10-24, 15:07

الله يبارك شابين بزاف وبالاخص هادو http://im17.gulfup.com/4htu5.jpg

زهرة كل يوم

2013-10-25, 13:08

روووووووووووووووووعة هايلين يعطيك الصحة

مرام وجدان

2013-12-26, 11:10

مشكورة اختي تهبببببببببببل

sarra5

2013-12-27, 12:53

http://img.rjeem.com/imgcache/2013/07/237545.gif

hamida labani

2014-01-03, 10:55

مشاء الله عليك يا اختي فيفي
الله يبارك

ملكةزوجي

2014-01-04, 15:38

ما شاء الله يهبلوا يعطيك الصحة

khadidja50

2014-02-10, 13:33

الله يبارك عليك يا اختي

nawal_02

2014-08-13, 14:35

حبيبتي ممكن تساعدينا وتفيدينا بخبرتك هنا
http://www.djelfa.info/vb/showthread.php?t=1650715

salma zayna

2015-01-15, 21:36

مشاء الله عليكي تحفة

BTHINA BKRI

2015-01-16, 16:30

مشكورة وربي ايهني كل العرسان .وربي ايدوم الافراح على الكل .قولو امييييييييين

اميرة الياسمين

2015-01-17, 15:51

رااااااااااااااااااااااااااااااائع

soussou_saida

2015-01-20, 18:16

merciiiiiiiiiiiiiiiiiiiiii

ezo meryoouma

2015-01-20, 18:57

بارك الله فيك على الموضوع القيم

ام سوهيل

2015-01-21, 18:52

يعطيك الصحة و الهناء ان شاء الله

العلم طريقي

2015-08-01, 11:09

صباح الخير يا لبنات لعندها موديلات تاع بنيقة الحنة
الي كيما عاداتنا يلبسو كيمينو الحنة
ربي يجتزيكم

ايمان نور الجزائر

2015-12-28, 14:19

بارك الله فييييييييييييييييييييييييييييك

dhekra

2015-12-28, 15:56

MérCi Chabiine beZzaf

hizia_h

2016-05-02, 20:40

الله يبارك اختي

سارة2000

2016-05-04, 20:01

الصور غير وضحة

fardoussa

2016-07-07, 16:09

ma kharjoch les photos