المساعد الشخصي الرقمي

مشاهدة النسخة كاملة : مساعدة في الشوربة البيضاء

zaklam
2012-12-28, 22:50
ارجو ان تساعدوني في الشربة البيضاء
من اللي تتقنها على اصول اصولها
فانا لا اتقنها جيدا
بالتفصيل الممل أرجوكم
مشكورين مسبقا
و الله لا يضيع أجر المحسنين
yousra2011
2012-12-29, 04:05
السلام عليكم أختي اولا تقلي حبة بصل مع حبة بطاطا صغيرة و حبة
قرعة صغيرة طبعا مقطعين رقاق ومعاهم الجاج ,معاهم المعدنوس,ملح ,
فلفل اكحل ,قرفة و سكنجبير ,كي يتقلاو مليح مرقيهم بالماء كي تشوفيهم طابو ارميلهم الفداوش--vermicelle-و كي يطيب ارميلها العقدة و لي هي عبارة عن بياض بيضة مخلط مع شوية قارص و معدنوس.
هذه هي الطريقة اللي نعرفها و نديرها بزاف . إنشاء الله نكون نفعتك
ام سامي15
2012-12-29, 08:38
والله انا تاني حبيت نتعلمها

شكككرا على الموضوع و نتمنى الاخوات ما يبخلوش علينا
zaklam
2013-01-06, 23:53
مازالني نستنا فيكم
متبخلوش علينا
ياك ناس منتدى الجلفة معروفين بالكرم و العطاء
وييييييييييييييييييين راكم؟؟؟؟؟؟؟؟؟
ريحان الجزائر
2013-01-08, 22:42
السلام عليكم و رحمة الله تعالى و بركاته أنا طريقتي في الشربة البيضاء ندير شوية ماء يغلي في القدر مع الدجاج ويلا حبيتي اللحم ثم نقطع البصل و سنينات ثوم و شوية كرافس و نعناع و معدنوس و لحشيش و جريوات و بطاطا حبات صغار برك في الروبو نرحيهم مليح و نفرغ في القدر بعدما يكون غلا و نضيف الملح و الفلفل الأسود و نخلي المكونات تطبخ عادي ثم تضيفي الماء المغلى و لما يطيب الدجاج أو اللحم أرمي فلفلة حارة و أرمي الفارميسال و قطعي فيها خليط من المعدنوس و لحشيش و النعناع و عصريلها شوية قارص و بالصحة و الهناء
ملاحظة فقط علابالي الكثير من الناس يقليو قبل بصح أنا في الشربة و الكسكس نحب نستعمل هاذه الطريقة حتى تبقى الفائدة تاع اللحم في القدر و البنة تاني جربيها و إن شاء الله تعجبك
ali-81s
2013-01-10, 09:32
فى القدر 1بصل غابى مع اطرف الدجاج ومعدنس مقطع ملح وفلفل والحمص وتقلى كلش ودرى الماء الدفى ولم يطب الحمص الدجاج درى فغمسل ولم يطب فغمسل عقديها بسفر البيض ومعدنوس وعصرالقرس غلية وحدة اطفي النار

هذى شربة بيضاء على اصلها
zineb_saib
2013-01-10, 11:43
شوفي الشوربة البيضاء يا أختي سرها في أنك تكثري الثوم أنا ساعات منديرش البصل خلاااص
المهم ندير ثوم مرابي ونزيد حبات كاملين ماشي مقشرين وندير غير حوالي فنجان بصل مقطع رقييييييييييق او مرابي
والسر الثاني في نوعية التوابل لازم تكون جديدة أولا.انا نستعمل الزعفران اممم مع زنجبيل وكاري وفلفل اسود ومنكثرش الكمون وشوي قصبر
ديري شوي زيت وحطي الدجاج والخضر لي تبغيها تكون مقطعة نفس الحجم
أو اذا درتي الجزر قطعيه صغير وحطيه قبل باقي الخضر باش يزرب يطيب
ونقصي النار على آخر درجة واقعدي ساعة على ساعة قلبي الخضر لي حطيتيهم مع الدجاج والثوم
حتى تشوفي الدجاج طاب والخضر ذبلت
هنا ديري نصف ملعقة صغيرة من كل التوابل المذكورة و 2 ملاعق صغار زعفران
حركي باش تتحمص التوابل وتطلق ريحتها وبنتها
ومن بعد تكوني رابيتي حبة طماطم متوسطة وزيديها فوقهم
خليها تزيد تطيب شوي وزيدي حوالي 3 كؤوس ماء ساااخن لازم ومن بعد زيدي للنار شوي برك وخليها تطيب على راحتها
وكي تغلي زيدي الحمص المنقوع واوراق الرند
وكي تطيب طفي عليها وزيديلها كمشة معدنوش مقطع يعطيها بنة
وقدميها مزينة بالمعدنوس
هاذي طريقتي لي يحبوها في الدار ان شاء الله نكون افدتك
اهم حاجة تكوني منقصة للنار على اخر درجة باش ميتحرقوش ويطيبو مليح